嬰兒用品 今日: 0 | 主題: 93256

積分: 7149

1^#

發表於 09-9-28 14:30 |只看該作者 |倒序瀏覽 |打印

請問有冇媽媽係廣華開刀生孖B呀, 人地話廣華開刀好好呀, 有冇人知道呀? 我同醫生講我想開刀, 因怕唔夠氣, 但醫生話順產好喎, 佢好似唔想我開刀咁既, 我好怕唔夠氣生第2個會焗親佢呀, 可唔可以俾D意見我呀?

[ 本帖最後由 Mickeywaiwa 於 09-9-28 23:02 編輯 ]

0 0 0

私人傳訊

chit

別墅

積分: 709

2^#

發表於 09-10-1 17:07 |只看該作者

廣華生孖b, 順產定開刀好?

本人於二00一年在廣華生孖仔時,那醫生都叫我可以自己生,當時我以為自己後生都試吓啦,便答應自己生,点知當生完大B後已無晒氣力, 而且下面出口的度數又縮短 ,再加上細B在我肚中個頭昂起了,要開刀取細B出來,到最後他兩個出世的時間是相隔了一小時零四分鐘, 辛苦得死去活來,這是非常慘痛的經歷!

私人傳訊

積分: 7149

3^#

發表於 09-10-7 09:51 |只看該作者

但醫生而家都唔俾我開刀, 都唔知點好!!

私人傳訊

逍遙派

別墅

積分: 923

4^#

發表於 09-10-7 10:32 |只看該作者

我之前見過有孖b mami係lee度講過, kwh唔比自己揀開刀, 佢最後臨急去左c+生. 我都係馱緊孖b, 我堅持要開刀, 所以會去c+生, 都有去pwh睇, 多個保障, pwh應該唔比自己揀開刀.

私人傳訊

積分: 7149

5^#

發表於 09-10-7 14:09 |只看該作者

原帖由 逍遙派 於 09-10-7 10:32 發表
我之前見過有孖b mami係lee度講過, kwh唔比自己揀開刀, 佢最後臨急去左c+生. 我都係馱緊孖b, 我堅持要開刀, 所以會去c+生, 都有去pwh睇, 多個保障, pwh應該唔比自己揀開刀. ...

但私家太貴喇, 而且2個既話, 費用更加高, 所以都係去政府算喇, 冇得揀都冇辦法喇, 睇下到時醫生點講喇,

私人傳訊

gigamindbb

積分: 3134

6^#

發表於 09-10-19 00:17 |只看該作者

嘩！！好驚呀，聽到你嘅經歷，又有下面傷口同時又有開刀傷口。。。。。

原帖由 chit 於 09-10-1 17:07 發表
本人於二00一年在廣華生孖仔時,那醫生都叫我可以自己生,當時我以為自己後生都試吓啦,便答應自己生,点知當生完大B後已無晒氣力, 而且下面出口的度數又縮短 ,再加上細B在我肚中個頭昂起了,要開刀取細B出來,到最後他兩 ...

私人傳訊

suetying2003

複式洋房

積分: 377

7^#

發表於 09-10-19 17:49 |只看該作者

吓, 廣華唔俾開刀? 死啦, 我下年响佢果度生, 聽到咁樣我有d頭暈囉....生一個都驚唔夠力, 仲要靠自己生兩個....暈喇!!!

原帖由 逍遙派 於 09-10-7 10:32 發表
我之前見過有孖b mami係lee度講過, kwh唔比自己揀開刀, 佢最後臨急去左c+生. 我都係馱緊孖b, 我堅持要開刀, 所以會去c+生, 都有去pwh睇, 多個保障, pwh應該唔比自己揀開刀. ...

私人傳訊

sandycheung3b

民房

積分: 25

8^#

發表於 09-10-23 13:13 |只看該作者

原帖由 chit 於 09-10-1 17:07 發表
本人於二00一年在廣華生孖仔時,那醫生都叫我可以自己生,當時我以為自己後生都試吓啦,便答應自己生,点知當生完大B後已無晒氣力, 而且下面出口的度數又縮短 ,再加上細B在我肚中個頭昂起了,要開刀取細B出來,到最後他兩 ...

Hi chit,
嘩....你既經歷真係好慘喎,真係辛苦你了,聽到你咁講,我都好驚呀,因為我依家都係懷孖仔呀,又係在廣華生,我依家36週啦,昨日先去廣華覆診,孖b兩個頭都轉左下面啦,個醫生都係話我可以有本錢自己生,兩個磅數都約5.5磅,好夠重喎,佢話比開刀好d,身體復完都好d喎,不過我老公就想我開刀,怕我唔夠力生,因為我都38歲了,你當時生孖b時係幾多歲呀?

私人傳訊

積分: 7149

9^#

發表於 09-10-23 21:06 |只看該作者

原帖由 sandycheung3b 於 09-10-23 13:13 發表

Hi chit,
嘩....你既經歷真係好慘喎,真係辛苦你了,聽到你咁講,我都好驚呀,因為我依家都係懷孖仔呀,又係在廣華生,我依家36週啦,昨日先去廣華覆診,孖b兩個頭都轉左下面啦,個醫生都係話我可以有本錢自己生,兩個磅數都 ...

你好呀, 想問下醫生有冇話你幾時要生呀, 之前醫生同我講38週就一定要生, 就算唔係開刀都要催生, 想知道你係咪一樣呀

私人傳訊

sandycheung3b

民房

積分: 25

10^#

發表於 09-10-27 10:40 |只看該作者

原帖由 Mickeywaiwa 於 09-10-23 21:06 發表

你好呀, 想問下醫生有冇話你幾時要生呀, 之前醫生同我講38週就一定要生, 就算唔係開刀都要催生, 想知道你係咪一樣呀

Mickeywaiwa,
係呀,10月30日再回廣華約時間,我決定開刀啦,好像安全d,唔知可唔可以選全身麻醉呢?大約11月6日就係38週了

私人傳訊

積分: 7149

11^#

發表於 09-10-27 12:38 |只看該作者

原帖由 sandycheung3b 於 09-10-27 10:40 發表

Mickeywaiwa,
係呀,10月30日再回廣華約時間,我決定開刀啦,好像安全d,唔知可唔可以選全身麻醉呢?大約11月6日就係38週了

o下, 而家仲未知幾時生咩, 係你決定開刀?咁醫生俾咩？我仲未決定度呀，　因為我都３５ｙｒ，　好怕順產唔夠氣，　但一日未決定點樣生都唔知幾時開始放假好．．．

私人傳訊

gigamindbb

積分: 3134

12^#

發表於 09-10-30 11:43 |只看該作者

Hi sandycheung3b,
你今日覆診完番嚟報下料睇下係咪可能選擇開刀？

原帖由 sandycheung3b 於 09-10-27 10:40 發表

Mickeywaiwa,
係呀,10月30日再回廣華約時間,我決定開刀啦,好像安全d,唔知可唔可以選全身麻醉呢?大約11月6日就係38週了

私人傳訊

sandycheung3b

民房

積分: 25

13^#

發表於 09-11-4 01:51 |只看該作者

原帖由 gigamindbb 於 09-10-30 11:43 發表
Hi sandycheung3b,
你今日覆診完番嚟報下料睇下係咪可能選擇開刀？

唔好意思呀,咁多位姊妹,要你地等我咁耐先上黎報料,10月30日用好期待既心情去覆診,不過真係有D失望羅,去到等左好耐先到我,入到去醫生問我係咪選順產呀?我話唔係,想開刀,醫生問點解?我同佢講,我擔心自己年紀大,怕唔夠力生兩個,佢就話點會呀,你上一胎4.2KG都生得出,我話都5年前囉, 後來叫我訓上床,話要摸下個盤骨夠唔夠位生,佢話夠,又叫我選順產,我答佢都係想開刀,佢竟然話,唔係你想開刀就俾你開刀架,因為上次話俾我選既唔係這個醫生,佢又話開刀好多風險,你知唔知架,總之講左好耐,終於俾我開刀,係HALF麻醉,則係可以睇到晒成個過程,睇住佢地每一個動作,其實係好定唔好呢?唔係全身麻醉,會唔會FEEL到痛架,有冇姊妹知呢?

私人傳訊

積分: 7149

14^#

發表於 09-12-11 12:32 |只看該作者

原帖由 sandycheung3b 於 09-11-4 01:51 發表
唔好意思呀,咁多位姊妹,要你地等我咁耐先上黎報料,10月30日用好期待既心情去覆診,不過真係有D失望羅,去到等左好耐先到我,入到去醫生問我係咪選順產呀?我話唔係,想開刀,醫生問點解?我同佢講,我擔心自己年紀大,怕唔夠 ...

你睇邊個醫生呀, 我尋日睇粱永昌,佢都話我好夠條件順產, 暫時就咁決定, 24/12再番去覆診, 其實我都怕唔夠氣生嫁, 不過醫生話順產對BBS好D, 咁咪聽醫生講LAW

私人傳訊

mmbbb555

積分: 1501

15^#

發表於 09-12-21 12:20 |只看該作者

原帖由 Mickeywaiwa 於 09-12-11 12:32 發表

你睇邊個醫生呀, 我尋日睇粱永昌,佢都話我好夠條件順產, 暫時就咁決定, 24/12再番去覆診, 其實我都怕唔夠氣生嫁, 不過醫生話順產對BBS好D, 咁咪聽醫生講LAW ...

Mickeywaiwa, 我都係10號梁永昌醫生喎,佢話我可以順產架,不過佢都俾我揀開刀喎,而家約咗week 38 開刀,佢話開刀對bb個肺冇咁好,所以要足38週先可以開刀... 我24號都會再返去檢查呀...

私人傳訊

katieyam

積分: 3496

16^#

發表於 09-12-21 23:22 |只看該作者

半麻正常係唔痛既, 不過我係例外...我之前都POST過俾大家睇我既經歷, 我而家貼多次...

我終於出院啦, 10月16日晚開刀生左孖女, 尋晚出院, 大孖5.8lbs, 細孖6lbs, 不過孖女要照燈.

我今次真係覺得好似去到生死邊緣咁, 真係好驚....等我講下我既經歷啦.

如果大家記得, 我最後係揀左順產既, 約左10月16日朝早入院催生(39WK). 一早入左去產前房, 好快醫生就安排我上產房人手穿水同埋吊藥催生. 大約個幾鐘之後我先開始痛, 兩個幾鐘之後醫生就話咩"two fingers passing thro(類似)", 之後助產士都同我講差唔多開左2度, 進展OK. 由於我係孖胎加上有妊娠毒血症(最後呢幾日先開始出現, 之前檢查一直都正常), 醫生想我做無痛, 因為佢話如果我太痛血壓不停升就會好危險.

做左無痛之後, 我以為會唔痛啦, 點知我仲係覺得愈黎愈痛, 係頂唔順個種痛, 我覺得好奇怪, 咪問個助產士點解做左無痛都仲係咁痛, 個助產士就串我"都唔知你係想唔痛呀, 定係想生仔架"........如是姐忍左差唔多五個鐘頭痛,到左夜晚七點幾, 醫生再檢查, 都仍然係2度, 醫生話由於無進展, 所以建議我開刀, 我答應左之後, 麻醉科醫生就黎同我講風險, 亦都係我開始好驚既時候...

醫生話會先試下用無痛個條管打半麻, 但如果半麻失敗就要用全麻, 由於我有妊娠毒血痛, 用全麻會大大增加媽咪同BB既風險, 可能會爆血管中風甚至有生命危險, 同埋開完刀之後唔會即刻俾我醒, 會轉去深切治療部繼續麻醉多兩三日. 由於我做左無痛都仲係咁痛, 所以大家對半麻既效果都唔係咁樂觀, 麻醉醫生都將全麻既風險重覆左兩次.....當時我老公都O係度陪產, 聽到晒D風險, 我地兩個心裡面都好驚, 但係大家都唔想對方擔心而無表現出黎(而家諗返起都想喊...).

醫生們極速安排晒D野, 好快就推左我落手術室, 我老公只可以O係門口等. 麻醉科醫生同婦產科醫生講大約四個字就會完成麻醉, 結果四個字之後我仲有三,四成既感覺, 麻醉醫生不停同我加藥, 我估已經係加得多過普通人, 但係我都仍然仲有感覺, 最後攪左成七個字, 我得返少於一成既感覺, 麻醉醫生就話半麻合格啦可以開始做手術.

點知一刀界落黎時, 我真係FEEL到有D痛, 好似平時俾好利既紙界到手O個種痛. 之後佢再界入去既時候, 我就FEEL到好痛啦, 比得上之前陣痛既痛, 我叫左幾聲, 婦科醫生問麻醉醫生我掂唔掂, 我唔出聲, 麻醉醫生就即刻再加藥俾我, 同埋叫婦科醫生輕手D. 佢一路切一路扯, 我就一路好痛...麻醉醫生見我咁辛苦就話如果我真係頂唔順就要轉全麻......我咬住個唇唔出聲O係度死忍, 佢見我死忍佢就拎定支嗎啡針, 同我講BB一出左黎佢就即刻幫我打止痛針. 手術大約十幾分鐘就完成, 雖然我只係痛左十幾分鐘, 但係個種感覺真係好難受, 畢生難忘....打左止痛針, 我就嘔左兩次, 睇晒兩個BB, 之後我就勁眼訓, 訓左大半個鐘先推返我出去.

本來諗住一出去見到我老公我就即刻喊, 點知出到去, 見到我父母同老爺奶奶都黎左, 我怕我喊會嚇親佢地, 所以我就忍住無喊, 淨係話一切順利叫佢地放心. 由於我有妊娠毒血, 醫生話我要繼續留O係產房最少吊多24小時藥, 結果由於血壓唔穩定, 一直吊左48小時先可以落返去產後房.

諗返當時我老公O係手術室出面, 一定好擔心....佢又唔可以同D老人家講怕佢地擔心, D老人家以為開刀好平常O係度吹水, 聽返我媽咪講, 佢話當時我老公O係度頭DUP DUP行黎行去又唔出聲, 無同佢地吹水, 一見到有姑娘出黎就即刻捉住問, 問到知道生左就問係半麻定全麻, 知道係半麻先安心.

成個過程就係咁啦, 雖然真正驚險既野就無, 只係忍下痛者, 但係我真係覺得好似死過返生, 萬一半麻真係一D效都無我都唔知會點......唔知個天係咪見我咁慘安慰下我, 我開刀之後訓O係產房O個兩日個傷口一D都唔痛, 姑娘問我幾多度痛我話零度, 佢地都覺得出奇. 只係落地之後先開始痛, 惡露而家第六日已經得返好少, 傷口亦都埋得好靚(可能因為開刀個個係後生女, 知道女仔好CARE呢D).

私人傳訊

ivysandymum