大仔大女媽媽會 今日: 0 | 主題: 177861

積分: 1675

1^#

發表於 11-1-26 14:59 |只看該作者 |倒序瀏覽 |打印

今日我約了9:15am做產前檢查,我9:00am就去到仁愛健康院,仲買了個早餐去嘆

食埋個早餐,準時9:15去登記喇

--- 2號窗登記,比了一個綠籌我,上面印住產前檢查11號,咁早都咁多人登記了.

--- 姑娘叫no.入去房到驗小便,度高,磅重,量血壓,第一次量,比較高,再量多次,又係高,呢個姑娘勁好人,叫我出去住一陣,見埋另一個姑娘再量過

---等了約20分鐘,有另一位姑娘叫名入去房,入到佢,叫佢早晨,呢個老姑娘都唔應你,我坐底之後,又唔出聲,只係寫寫寫d野,好啦,知佢都唔好老脾架喇,我就等佢出聲,首先,佢叫我對d資料啦,一齊ok,問病歷啦,問幾次有bb,大仔出世時d野,本來無野架喇,當佢問到大仔出世時幾多磅,我話8磅,佢即發火鬧我,話而家唔興講幾多磅,而家係十進制架喇,下下都講幾多磅,跟手仲掟筆tim,佢都痴架,之後佢態度超差,次次用完d野都掟,有問題

,好啦,問曬d野後,佢問我會唔會餵人奶,我話會,佢即擺出好唔like既表情,因為佢要同我講解餵人奶既好處同點餵,大約都係講了5分鐘,咁我就同佢講,唔該曬,同88啦,佢都係無應我,無禮貌的姑娘..........:;pppp::;pppp:

---再入反磅重房再量血壓,今次又係量了兩次,第一次量唔到,第二次ok,呢位姑娘好好人,又有禮貌,同頭先個個差天共地.

---等見醫生,等了20分鐘,入到去,徐褲,徐胸圍檢查,而醫生亦都問反之前既野,我就同佢講,私家同屯門醫院都話我胎盤低,佢就話,咁唔會同我做陰道檢查,因為低盤低係唔好申任何野入陰道入面,仲唔可以有同老公行埋,
之後佢就check條頸,按乳房,按肚,聽bb心跳(都好求其)聽到有心跳就算,約30秒...醫生叫著反褲啦,出到去,佢就叫我,會安排血糖測試比我同埋一陣抽多一支血,要幫我驗埋甲狀腺,因頭先聽到我聽心跳時,我心跳比較快,而我又有呼吸唔到,同突然個心跳得好快既情況出現,所以要check,我即時問佢,甲狀腺會唔會影響bb,佢話會架,不過唔洗擔心,如果有問題,會用藥物控制

,一出門口,即上網搵有關資料,睇完,勁擔心

---出去坐了25分鐘到,叫名抽血,一入到去,姑娘就同我講,今次要抽5支血,因為醫生話要驗埋甲狀腺,所以要抽多一支,之後我就問姑娘,可唔可以抽左手,因為我上次抽了右手,而家瘀曬,佢話ok,不過要睇下左手既血管夠唔夠粗先,佢又問我有無抽過升同捐血,我話有,咁佢就話,咁ok喇,多數ok架喇,睇完,佢就抽啦,我見到個5支裝升既樽仔,都唔細支,一路抽,隻手開始有d麻痺,好在都頂得住,又要出去等見姑娘

---呢次好快5分鐘,入去見個高級d既姑娘,佢幫我約驗糖尿,約了2月2日上午8:45am,佢話前一晚12點後開始唔可以飲食,到去到健院,抽一支血,之後就飲一大杯糖水,飲完後兩個鐘要留反係健康院,期間都不可飲食,兩個鐘後再抽多一支血............

---再去約期下次檢查,下一次3月7日呀......

報告完畢

檢查小貼士:

1)可以早d去,咁就可以早d走

2)一定要帶小便呀,我見有d mami咩都唔帶,阻住d姑娘做野,同埋留個D小便係要起床後第二次既小便,同埋去完第一次既小便時,想要快D有第二次,一定要飲水,唔好飲其實有糖份同有味既,唔係會影響驗出黎既結果架,最重要就係,留小便時,要清潔陰部,同埋頭尾既小便都唔好要,要中間個D,咁做,係怕有D分泌會影響TEST 結果.

3)一定要食早餐,因為第一之都要等幾耐,我最後要11點9先走得,同埋抽完血,會易暈D架,

4)著D輕鬆D既衫,易穿易除既鞋,因除衫同除鞋既次數比較多.

5)反工既MAMA,見姑娘時一定要問話要假紙,因有兩種,假紙同到診紙,有唔同架,假紙係全日既SL,到診既,只係證明你有去過架咋,同埋要即日拎,如要後補,要比$160手續費.

6)有咩家族病,一定要講,好以我爸爸有糖尿,媽媽有血壓高,都要講,所以醫生安排我飲糖水,唔好暪醫生同姑娘
暫時咁多喇~~,希望各位都順順利利

[ 本帖最後由 rainbow*~ 於 11-1-26 15:06 編輯 ]

0 0 0

私人傳訊

PLady

複式洋房

積分: 266

2^#

發表於 11-1-26 19:36 |只看該作者

個報告好詳細呀, 謝謝!
唔好咁擔心, 小b會冇事嘅!

原帖由 rainbow*~ 於 11-1-26 14:59 發表
今日我約了9:15am做產前檢查,我9:00am就去到仁愛健康院,仲買了個早餐去嘆食埋個早餐,準時9:15去登記喇

--- 2號窗登記,比了一個綠籌我,上面印住產前檢查11號,咁早都咁多人登記了.

--- 姑娘叫no.入去房到驗 ...

私人傳訊

積分: 1675

3^#

發表於 11-1-26 21:31 |只看該作者

原帖由 PLady 於 11-1-26 19:36 發表
個報告好詳細呀, 謝謝!
唔好咁擔心, 小b會冇事嘅!

下星期你見到我要叫我呀

私人傳訊

積分: 1675

4^#

發表於 11-1-26 21:31 |只看該作者

仲有樣野要提提大家
如要老公陪產,記得拎埋張陪產申請表呀

私人傳訊

積分: 1972

5^#

發表於 11-1-26 21:53 |只看該作者

原帖由 rainbow*~ 於 2011-1-26 21:31 發表
仲有樣野要提提大家
如要老公陪產,記得拎埋張陪產申請表呀

嗚~ 聽日晨咁早08:45到我去健康院喇......謝謝你..真係好詳細，我開始有 d 驚添...因為我未捐過血！又唔慣咁早食早餐，唉~

希望我果邊 d 姑娘會好 d 啦！你話要徐褲,徐胸圍檢查係咪即係要脫晒架? 陰道檢查即係照 BB ? 我都唔想比人攪....點算！

係咪個個都會約多一日驗糖尿 ?
哈...我 c6 怕見血暈...唔陪產喎..:;pppp:

[ 本帖最後由 oo_kinki 於 11-1-26 22:16 編輯 ]

私人傳訊

積分: 1972

6^#

發表於 11-1-26 22:10 |只看該作者

回覆 1# oo_kinki 的文章

想問多樣，我未有醫生証明比公司，係咪健康院會比返女張呢類野你架 ?

私人傳訊

積分: 1675

7^#

發表於 11-1-26 22:39 |只看該作者

原帖由 oo_kinki 於 11-1-26 22:10 發表
想問多樣，我未有醫生証明比公司，係咪健康院會比返女張呢類野你架 ?

你一定要問先比

私人傳訊

積分: 1972

8^#

發表於 11-1-26 22:40 |只看該作者

原帖由 rainbow*~ 於 2011-1-26 22:39 發表

你一定要問先比

一登記就問 ?

私人傳訊

tataji09

複式洋房

積分: 156

9^#

發表於 11-1-26 22:42 |只看該作者

HI HI Rainbow, 你好呀..我係今個月14號去仁愛檢查呀!! 不過你要記住第二次小便後先可以食野呀!! 我流程跟你差唔多,

不過去醫生到檢查就慘D啦!! 那日好凍好凍,仲要除左褲整起晒D衫,佢間房個窗係鐵窗不段有冷風吹入來...

凍到我震,仲有佢用那個鉗幫我檢查又係凍冰冰,

我好緊張,又凍又痛仲要整左一次話我太緊張睇唔清楚,又放多入去一次,

再用手放入去檢查多次...

,之後著番晒衫褲..一直要回家先暖番..

,好慘呀!! 其他就沒什麼問題啦..!!

原帖由 rainbow*~ 於 11-1-26 14:59 發表
今日我約了9:15am做產前檢查,我9:00am就去到仁愛健康院,仲買了個早餐去嘆食埋個早餐,準時9:15去登記喇

--- 2號窗登記,比了一個綠籌我,上面印住產前檢查11號,咁早都咁多人登記了.

--- 姑娘叫no.入去房到驗 ...

私人傳訊

tataji09

複式洋房

積分: 156

10^#

發表於 11-1-26 22:47 |只看該作者

係wor..大家一定要裝定小便,如果未去到第二次打算去健康院先去,一定要帶定野裝小便,因為佢唔會有得比你架!!

私人傳訊

積分: 1972

11^#

發表於 11-1-26 22:49 |只看該作者

原帖由 tataji09 於 2011-1-26 22:47 發表
係wor..大家一定要裝定小便,如果未去到第二次打算去健康院先去,一定要帶定野裝小便,因為佢唔會有得比你架!!

我已經準備好一切..開始緊張添..

私人傳訊

積分: 1675

12^#

發表於 11-1-26 22:55 |只看該作者

原帖由 oo_kinki 於 11-1-26 22:40 發表

一登記就問 ?

見姑娘時問.

其實見醫生時,佢會用鴨咀放入陰道檢查law,之後再用手......

私人傳訊