夫婦情感 今日: 3|主題: 42778

parker 寫道:
聽你形容唔似係同你老婆有野果種，因為你話佢係女人都痴．咁當然如果我係男人唔會鐘意老婆同男人痴得咁埋．雖然呢種男人應該似八婆多ｄ．

蘇菲姨姨 寫道:
esmond01,

如果你仍然愛你老婆, 就明確話佢知你唔鍾意佢同個男人咁friend 囉, 你係佢老公, 有乜就同你傾啦, 相反你有個紅顏知己佢會開心及接受到嗎? 希望你早日解開心結...

esmond01 寫道:
我想問各位BK fans，你地介唔介意自己老婆 / 女朋友時常同一位男性「好朋友」傾電話、出黎吹水 & e-mail ？佢地好傾既程度係就算你在場都好似無你既存在，唔會理你，而且傾親最少2~3粒鐘，你地信唔信有紅顏知己？個男人係我老婆以前公司度識，佢只會同我老婆d女性朋友friend，成日痴住d女人，而且如果一知我老婆有邊個女性朋友佢唔識就會開到聲想我老婆介紹比佢，你地又對佢有乜野評語呢？

Yuki1021 寫道:
esmond01,

是我就以牙還牙，你老婆實驚，到時可以同ｏ巨傾，還佔你老婆都吾聽你講，或者你盼野話有紅顏知己，睇ｏ巨點反應。

thymama 寫道:
我都有d傾得埋嘅男性朋友，但就絕對唔係紅顔知己，亦唔會相信有呢樣野。最紅顔嘅知己就梗係自己個老公啦，如果有人同我啱傾過我老公，我都應該嫁左俾佢啦，幾時輪到我老公？

雖然結婚頭幾年會有d野硬係唔順眼，但就算同另一個男人傾計都總要避忌下，無理由佢仲緊要過個老公。到同老公喺生活細節上磨合左之後，就更加同老公多左話題，仲邊處有時間搵紅顔知己喎?

你同老婆係咪生活圈子好唔同呀？否則佢無理由同人傾仲多過同你傾喎。男人同女人都一樣，有時會身痕，要睇到實架。

肥嘟媽 寫道:
防範於未燃

個男人擺明是要識女仔，現在對象未必是你老婆，但將來好難講

以我為例我老公同佢死黨個老婆都好friend，十多年朋友，年中兩家人見一兩次面，傾電話密唔密我就唔知，數年前我已開始表明比老公知我呷醋，我老公話：佢係xx個老婆黎架，仲話我痴線

結果，最後佢地去年年底咪展開了三個多月的婚外情

所以話，察覺有問題就要防範，千萬唔好鬆懈，不過，無耐地講一句，就算你點防，要發生都會發生，只是有做好過無做咁解

esmond01 寫道:
Alan & Yuki,

呢d野唔可以咁玩架，講下都唔得，依家我覺得佢有d地方唔o岩，我更加唔可以照辦煮碗咁對我老婆，己所不欲，忽施於人。

Alanhoky 寫道:

喂, 两公婆感情嘅嘢吾係講理由架!
如果咁泠靜講理由, 妳老婆应該嫁比佢, 几時輪到你?
人地咁啱倾!
你表現得緊張佢呢? 你老婆会聽.
你講理由, 女人吾會聽架!

Alan

esmond01 寫道:
我想問各位BK fans，你地介唔介意自己老婆 / 女朋友時常同一位男性「好朋友」傾電話、出黎吹水 & e-mail ？佢地好傾既程度係就算你在場都好似無你既存在，唔會理你，而且傾親最少2~3粒鐘，你地信唔信有紅顏知己？個男人係我老婆以前公司度識，佢只會同我老婆d女性朋友friend，成日痴住d女人，而且如果一知我老婆有邊個女性朋友佢唔識就會開到聲想我老婆介紹比佢，你地又對佢有乜野評語呢？