吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 佢又郁手郁腳...

夫婦情感今日: 6|主題: 42762

收藏本版

發帖

返回列表

跳至頁

查看: 11322 | 回覆: 110

佢又郁手郁腳... [複製鏈接]

12 3 4 5...6

angelmak

大宅

積分: 2974

1^#

發表於 05-10-19 09:18 |只看該作者

佢又郁手郁腳...

件事係咁嘅, 我樓上個鄰居擺結婚酒, 係咁嗌我去, 但係我老
公因之前有嘢同佢哋唔啱, 所以係都唔比我去! 之後我哋
dinner嗰陣嗌交... then直到瞓覺都冇講過嘢啦!
我氹咗個女瞓之後, 去上咗一陣網, 見我隔離個鄰居喺喥放
狗, 咁咪同佢講2句囉! 之後傾咗幾句, 我老公就醒咗喺喥發
顛啦! 佢話"講咩呀! 嘈嘈嘈... ", 之後我見佢醒咗發脾氣, 咁
咪話"冇嘢呀! 你返入去瞓啦! "~ 我開始close個花園門, 點
知, 佢一個啤酒罐就車埋嚟啦! "dup"到我隻腳, 之後就係咁
鬧, 問我同邊個傾計等等... then嘈醒咗個女佢都仲係咁鬧,
佢開燈又向我"dup"過第2罐啤酒(好彩閃到!), 咁我見佢痴
咗咁, 咪諗住佢入房嗰陣換衫走人囉~ 佢一見我想走, 即時
整爛我件衫推我落地再鬧! 唉... 我又唔敢嗌, 又唔敢報警, 驚
嚇親個女呀~
我都唔知點... 佢鬧我嗰陣, 問我係咪宜家搵到工做巴巴閉囉!
我都冇講過, 我仲話唔想番le份, 佢仲係咁叫我番住先tim...
我都唔知我可以再講啲咩啦! 不過我次次都衰心軟原諒佢! 宜
家我又唔敢話比我啲fd知, 佢哋實鬧c我! 因為佢哋都關心
我... 我知我應該走, 但係... 我都唔知點啦! :-( :-( :-(

2個寶貝~雅詠&灝泯

私人傳訊

bandband

子爵府

積分: 11510

2^#

發表於 05-10-19 09:27 |只看該作者

Re: 佢又郁手郁腳...

吓?你隻佬不嬲都對你咁粗魯又向你亂發脾氣架???定只係近期既事???兩公婆有無好好坐低傾過呢個問題???我認為,如果佢自己控制唔到情緒,持續失控,你真係要報警呀!唔係罰個衰佬,而係保障你人身安全之餘,查實都要幫吓佢去clam down自己啲情緒,如果一直都無人正視呢個問題又無人幫佢,後果真係好嚴重架!始終唔係話離開就得,仲有好多事你要處理得妥當,所以,呢件事上你真係要好小心處理,唔報警都至少搵個社工幫吓你地啦,好過兩公婆既關係再惡化落去嘛!

老公VOICEMAIL 1 2 3

私人傳訊

哈哈笑

大宅

積分: 3773

3^#

發表於 05-10-19 09:36 |只看該作者

Re: 佢又郁手郁腳...

唔好意思....我睇你個樣都唔係咁"淋"過喎

, 你唔好咁啦, 我覺得男人去到咁既地步, 同正式打老婆有咩分別??你再原諒佢, 你係咪想佢真係打到你斷骨為止呀, :-x :-x 一係你就同佢講清楚, 今次係最後一次, 下次再係咁就冇得講 :tongue: :tongue: 不過真係要企硬喎, 如果唔係, 呢d人係唔識驚ka............

私人傳訊

angelmak

大宅

積分: 2974

4^#

發表於 05-10-19 09:37 |只看該作者

Re: 佢又郁手郁腳...

佢啲脾氣真係好差o家! 本嚟我哋要做婚姻輔導o家! 但係我只係見過個社工一次之後, 佢都冇再打過電話嚟啦! 咁我可以
點呢?
其實佢都唔係第一次o家啦! 不過佢又知我心軟, 次次都原諒
佢! 社工都話我再咁情況我要去報警, 但係我根本都做唔到任
何嘢...
我係咪好冇用呀? :-(

2個寶貝~雅詠&灝泯

私人傳訊

rubyl928

大宅

積分: 3325

5^#

發表於 05-10-19 09:43 |只看該作者

Re: 佢又郁手郁腳...

燥狂症?? 你唔好再心軟
我知好難... 但係一定要堅持
d 衰佬就係睇死女人心軟
先會越黎越過份

我諗你要好好同佢講再郁手郁腳就唔會原諒佢
如果佢係唔反醒既... 咪搬返外家再見步行步囉

My 狗仔衫

私人傳訊

大眼肥妹

禁止訪問

積分: 8013

6^#

發表於 05-10-19 09:48 |只看該作者

Re: 佢又郁手郁腳...

提示: 作者被禁止或刪除內容自動屏蔽

私人傳訊

子峰mama

侯爵府

積分: 23818

好媽媽勳章

7^#

發表於 05-10-19 09:50 |只看該作者

Re: 佢又郁手郁腳...

angelmak:
我諗你真係要離家出走幾日嚇o下隻c佬先得喇!

私人傳訊

angelmak

大宅

積分: 2974

8^#

發表於 05-10-19 09:56 |只看該作者

Re: 佢又郁手郁腳...

Dear all,
走係冇用o家! 我都走過啦! 如果返我媽咪喥, 咁仲衰, 我隻佬
實上去嘈! 我老豆仲要係好幫佢嗰隻囉...
嚇都嚇到佢唔驚啦! 我上個月至搵到屋搬, 佢至氹番我, 宜家
又係咁... :-(

2個寶貝~雅詠&灝泯

私人傳訊

yuenwa

男爵府

積分: 5774

9^#

發表於 05-10-19 09:59 |只看該作者

Re: 佢又郁手郁腳...

angelmak,

你老公的行為, 都不似是正常人所做的, 他自己也不能自制, 你一個女人又怎可以抵擋, 怎可以保護小朋友呢。若你不知怎樣好, 你應該報警, 等警察安排你見社工, 或回娘家, 我知你不只是心軟, 而且是希望他會改過, 但你是有心無力的, 因為你沒有令他改過的技巧, 就把這事交給社工吧。

保重啊!

私人傳訊

sasa4u

洋房

積分: 408

10^#

發表於 05-10-19 10:01 |只看該作者

Re: 佢又郁手郁腳...

angelmak

你老公而家係咪失業架, 睇來佢都好大男人喎....我估佢都係自悲心作祟呀. 佢咁樣對你, 你真係要好好諗下計比佢知道你個心諗咩呀, 佢就係諗住你會心軟唔會離開佢咪大安旨意囉. 如你不表態只是啞忍, 佢就只會得吋進尺架咋, 最後仲會傷害埋你地既小朋友. 而家真係只有你先幫到自已, 幫到佢架.....加油呀, 要保護自已呀.

私人傳訊

ringoivy

翡翠宮

積分: 76971

11^#

發表於 05-10-19 10:02 |只看該作者

Re: 佢又郁手郁腳...

sorry我都覺得人不可以貎相係啱架, 因為睇你張相又真係唔似咁 "林姐姐", 你個樣似d幾硬頸同惡死既人黎先啱, 不過唔好嬲, 相由心生, 竟然你個相係咁無理由會心軟既, 試下企硬d, 試過一次就有第二次, 我亦相信你隻死佬咁樣先會有改進.

佢用啤酒罐掉到你, 呢樣野我真係氣難下, 我老公以前試過在停車場掉爛個火機爆左, 佢c好命無整親我, 不過我當時大住個肚半夜四圍行唔返屋企, 又唔聽佢電話嚇到佢cc下, 所以我覺得你應該要嚴懲佢, 你亞媽個到有無地方住呀? 否則帶埋亞女搬番去亞媽到暫住, 唔使同佢單聲, 又唔好聽佢電話節磨佢一排自己條氣下左先考慮聽佢電話, 但電話內容唔係願諒佢, 係談判

傾掂數先搬番去, 否則叫佢等收律師信啦

不過有件事我想你理解一下先, 你老公同樓上唔啱瓦, 不過我唔清楚件事有幾嚴重, 你係佢老婆當然想息事靈人, 唔想大家面阻阻, 但個人擺明態度在你老公面前請你去飲好明顯佢都有d示威, 我同你唔妥我係唔請你, 只係請你老婆吹咩咁, 所以難怪你老公無名火起的

有時你咪避忌下囉老公在家少d同佢地傾, 當比面老公麻, 到老公不在家時先同佢地傾餐飽都未遲, 反正人家係明事理既都會識點做的, 唔會為難你,

其實佢在你老公面前請你飲, 你好應該馬上搵藉口拒絶話咁啱亞媽生日又好, 親戚又係結婚都好, 咁你老公覺得你企佢個邊先啦, 但你無答應人地去定唔去, 老公就係怕你一個唔覺意去左咁佢顏面何存呀

所以佢先發制人發老脾等你知道佢唔老黎你同樓上d人咁好傾等...., 哎一句到尾男人都係小氣既動物黎, 又愛面子唔肯認衰親口同你講佢唔鍾意d咩..., 以為做人老婆既就一定要明白老公, 係老公肚裡一條蟲

私人傳訊

bandband

子爵府

積分: 11510

12^#

發表於 05-10-19 10:04 |只看該作者

Re: 佢又郁手郁腳...

你真係要好好同佢傾番呢個問題,既然佢氹得你番嚟,咁佢都有個心去對你好,但好明顯佢係自制唔到,如果大家傾落都認為改變唔到,你真係要勸服你老公去見吓社工甚至心理醫生,後者聽落好似嚴重咗少少,但查實心理醫生既作用都係教你點去舒緩同處理自己啲情緒,家吓啲社工真係唔係個個都咁專業架,佢地又唔係你地,又點知得全部?如果再係咁落去,你一定要報警,至少俾隻佬有個警號,要佢知道家吓佢既行為既嚴重性.

angelmak 寫道:
Dear all,
走係冇用o家! 我都走過啦! 如果返我媽咪喥, 咁仲衰, 我隻佬
實上去嘈! 我老豆仲要係好幫佢嗰隻囉...
嚇都嚇到佢唔驚啦! 我上個月至搵到屋搬, 佢至氹番我, 宜家
又係咁... :-(

老公VOICEMAIL 1 2 3

私人傳訊

Alanhoky

大宅

積分: 1507

13^#

發表於 05-10-19 10:06 |只看該作者

Re: 佢又郁手郁腳...

angelmak 寫道:
佢啲脾氣真係好差o家! 本嚟我哋要做婚姻輔導o家! 但係我只係見過個社工一次之後, 佢都冇再打過電話嚟啦! 咁我可以
點呢?
其實佢都唔係第一次o家啦! 不過佢又知我心軟, 次次都原諒
佢! 社工都話我再咁情況我要去報警, 但係我根本都做唔到任
何嘢...
我係咪好冇用呀? :-(

睇妳嘅input, 應該接受councellin嘅係佢, 而吾係妳.

鼓勵妳老公打电話去'防止家庭暴力'嘅'男仕熱線'.

間題應該吾係好大, 佢需要學習控制情绪.

如果佢吾去揾支援, 第二次去報警都啱架, D policemen 而家都受过trainning 點处理呢D事件.

不要放棄.

私人傳訊

ringoivy

翡翠宮

積分: 76971

14^#

發表於 05-10-19 10:13 |只看該作者

Re: 佢又郁手郁腳...

angelmak,

若果你已經試過離家出走的話, 咁我個人認為你都要下左啖氣先同佢傾, 你咪即管同亞女一齊瞓先囉, 尤得個c佬自己瞓等佢過下冷河先, 想傾先同佢傾囉. 老實講今次你都有唔著既地方就係無顧及過老公感受在先, 而佢掉野發脾氣呢d行為我都接受唔到, 但我估你老公既性格應該同我老公有d相似, 但我勝在夠硬正同佢鬥過, 所以佢亦知我唔係一個心軟既人黎, 唔敢郁我或做d咩黎傷害我, 因為我要企硬時真係天皇都幫佢唔到. 所以我覺得你應該作出適當既反應, 唔好喊, 唔使怕, 家陣避一避風頭先, 大家都唔好傾住, 到你真係覺得係適當時機時先傾, 但內容你大可以同佢講你無顧及佢感受係你唔啱在先, 但佢成日咁發脾氣你亦唔可以接受, 下次有咩就直接講唔好再係咁無情情發老脾, 一來無補於事, 二來嚇親個女, 亦真楚交帶再有下一次馬上帶埋個女走, 搵唔到地方咪住酒店先囉, 豈有此理

唔係唔比你大男人, 但大男人得黎要講下道理先得架麻

angelmak 寫道:
Dear all,
走係冇用o家! 我都走過啦! 如果返我媽咪喥, 咁仲衰, 我隻佬
實上去嘈! 我老豆仲要係好幫佢嗰隻囉...
嚇都嚇到佢唔驚啦! 我上個月至搵到屋搬, 佢至氹番我, 宜家
又係咁... :-(

私人傳訊

大眼肥妹

禁止訪問

積分: 8013

15^#

發表於 05-10-19 10:31 |只看該作者

Re: 佢又郁手郁腳...

提示: 作者被禁止或刪除內容自動屏蔽

私人傳訊

lauyau

別墅

積分: 535

16^#

發表於 05-10-19 10:48 |只看該作者

Re: 佢又郁手郁腳...

不要心軟回頭.男人是不應對女人郁手郁腳.
我奶奶被我老爺打了很多年,三個小朋友自小就看到如此情景.所以對住父親完全沒有feeling.如果有小朋友就更加不可忍讓.這個年代女人已經懂得自強.

私人傳訊

1928mickey

寶石宮

積分: 415537

2018父親節勳章 2018母親節勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章美好大世界2017勳章開心吸收勳章

17^#

發表於 05-10-19 11:02 |只看該作者

Re: 佢又郁手郁腳...

angelmak 你堅強d, 站起來
打女人既男人, 好極有限...

私人傳訊

Ivy124

公爵府

積分: 28065

18^#

發表於 05-10-19 12:19 |只看該作者

Re: 佢又郁手郁腳...

佢雖然無真係出手打你,但佢今日既行為已經係一個警號,日子越耐...佢個膽越來越大..到時真係出手點算呀,其實我認為兩公婆郁手郁腳真係唔可以忍架,你都係聽下其他人講搬番去娘家先啦,而且要同你daddy講清楚點解你要咁做,等佢唔好再幫住你老公.

私人傳訊

onon1022

子爵府

積分: 12596

好媽媽勳章

19^#

發表於 05-10-19 13:15 |只看該作者

Re: 佢又郁手郁腳...

雖然無郁手...但係唔代表下次唔會郁手打你...我都覺得你搬番你屋企先...講真...你唔走...唔通佢捉你返去咩...講番題外話...ringoivy...原來你都試過大住肚周圍走...嚇你老公...我都試過...個次佢激我...我咪走出街...又唔聽佢電話...佢又搵唔到我...跟住比佢搵到我...嚇到佢傻呀...睇住佢咁緊張...個心都涼左d...開心番d...