Baby Kingdom - 親子王國 香港 討論區 › 首頁 › 在職全職› 為何需要上playgroup?

在職全職

收藏本版
發帖
返回列表
跳至頁

首頁
12

尾頁
   0
ooi


別墅

積分: 739


1#
發表於 11-11-4 01:29 |只看該作者
如題

我們是全職媽媽, 應該也是孩子最好的啟蒙老師, 最好的心靈工程師, 為何不在家教導孩子, 而送他們上playgroup呢? 難道真的越早上學越好嗎?
私人傳訊

咖央


珍珠宮

積分: 41839


2#
發表於 11-11-4 01:35 |只看該作者

回覆：ooi 的帖子

上playgroup,可以學下聽導師指示去做野，playgroup場所有d屋企無既玩具同大型設備，有d又有外籍導師。不過返playgroup的確用好多時間，返一個鍾，來回又一個鍾，對於我呢d要做家務又要煮飯既ftm,都好趕下
私人傳訊

咖央


珍珠宮

積分: 41839


3#
發表於 11-11-4 01:41 |只看該作者

回覆：咖央 的帖子

Playgroup細過2歲一定要有家長或親人或自己個工人陪，導師指示做乜野，家長從旁協助，返到屋企可繼續自己用playgroup學到既再同小朋友重温，我諗都唔算將教導既責任交左比playgroup.
私人傳訊

quinyou


男爵府

積分: 8797

畀面勳章


4#
發表於 11-11-4 11:19 |只看該作者

回覆：為何需要上playgroup?

其實會唔好諗小朋友返playgroup,係將佢地交比人教！

因為佢地只係返得嗰一陣！仲要係你陪佢！所以其實返playgroup,唔同返學！佢地學到既係面對多d人...聽吓指令...學吓點同其他小朋友相處...等佢冇咁怕陌生人等等...教佢既責任點都仲係喺你身上bor!

而且佢出去同其他小朋友玩吓都好！佢都冇咁悶啦！

私人傳訊

vnghk0001


大宅

積分: 2264

畀面勳章


5#
發表於 11-11-4 11:47 |只看該作者
其實playgroup 唔係必要，只要你認為你可以提供倒同類似嘅遊戲或找到其他小朋友同佢玩，其實都差唔多。
個人認為playgroup 可以幫助家長學習帶動氣氛、點樣同小朋友玩、引導小朋友自己玩，只係輔助形式，並唔係比個bb上堂學英文，所以可選擇bb常用語言嘅playgroup 令佢可以明白老師講乜，又覺得自己參與緊。
我都有比阿女上，起碼我自己學董點唱歌跳舞丶講故事，得益比阿女多呢。
私人傳訊

kitbebe


瑪瑙宮

積分: 149932

2018復活節勳章 畀面勳章 環保接龍勳章 親子達人勳章 BK Milk勳章 15週年勳章 親子王國15週年勳章 親子王國15週年勳章


6#
發表於 11-11-4 12:21 |只看該作者

回覆：為何需要上playgroup?

習慣下群體相處，第時返kg易適應

點評

黑白豬  same here  發表於 11-11-8 20:11
私人傳訊

ooi


別墅

積分: 739


7#
發表於 11-11-4 14:02 |只看該作者
本帖最後由 ooi 於 11-11-4 14:03 編輯

多謝大家的回應, 但是恕本人未必認同....

第一, 我認為小孩那麼小, 只需要聽從父母的指示, 若太多人給予指示而他又必須學習去聽從, 小孩反而無所是從. 何況, playgroup 裡的導師的教導或身教未必是與自己身為父母的一致. 若是這樣, 孩子只會覺得混淆, 難以有明確的學習.

第二, 孩子的確需要群體生活, 但是我認為不需要從那麼小的孩子開始. 他們需要的反而是與父母的聯繫. 有時, 我反而認為孩子在playgroup 裡容易學到一些不良的行為模式, 因為孩子喜歡模仿阿... 父母應該是孩子最佳的模仿對象.

第三, 如果因為擔心他們覺得悶而給他們上playgroup也是治標不治本. 因為我們應該讓他們從小學習發揮創意和自己解決能夠處理的事, 孩子往往在'無'時可以發揮自己的創意找出娛樂自己的出口. 何況, 難道我們事事都要為他們解決所有的事?

第四, 若想他們沒有那麼害怕陌生人, 父母可以帶他們一起做做義工等等, 我相信有父母一起, 孩子反而更自在, 並看到和感受到原來父母很願意對不認識的人付出愛心等, 不是一舉數得嗎?

本人只是與大家分享自己的愚見, 並不是想否定playgroup 的意義. 只是不想人云亦云, 人有我有...
私人傳訊

vnghk0001


大宅

積分: 2264

畀面勳章


8#
發表於 11-11-4 14:42 |只看該作者
第一，playgroup 係有好多唔同類型，唔係只要學習聽從，至於教導一致問題，你可以選擇你認同的，因為唔洗考，其實到k1時都冇可能搵到一致嘅學校，梗何況係老師？你話就話可以揀，你都要幼稚園收先得架。

第二，群體生活只要係父母親身帶去公園嘅，其實都可以，不良行為係公園都學倒，因為好多小朋友係工人帶去，一啲都唔會理個小朋友做乜。

第三，發揮創意都會有簡單嘅概念基礎先可以呢，就比如你要求小朋友講一句句子，你都要之前有教佢詞彙先啦。

第四，做義工要幾歲人仔先有得做呢。何況唔係區區都有相關組織而又係你可以做到嘅比你揀。

樓主開呢個topic 都係因為有太多人上playgroup，而你反對但又想睇下有幾多人一樣？

好多時父母唔係想跟風，而係大環境下個個去，自己唔去就反而變成比較特別，我記得早幾個月前，一間小學嘅名校校長話揀學生唔係一定要上興趣班嘅，仲話[我去年都有收到＂一＂個係乜都冇上嘅小朋友。]
冇錯，係一個咁多，做左多年校長只係收左一個。

個人覺得自己點選擇都得，唔好比較咁多。
私人傳訊

Chocobean


男爵府

積分: 6527

畀面勳章 貢獻勳章 環保接龍勳章


9#
發表於 11-11-5 02:17 |只看該作者
樓主，我係一個playgroup做咗一年義工，咁我俾啲啲意見啦。

你話『小孩那麼小, 只需要聽從父母的指示』。都啱嘅。我會搵個唔係『返學』咁嘅playgroup，而係由得啲細路自己玩嘅playgroup。我做義工嘅playgroup，大人唔會『教』，會好少出聲，例如話某啲嘢危險（企上枱面），或建議share玩具等。呢啲全世界都啱用嘅指示，由多方面聽返嚟，應該冇乜問題。

你話『父母應該是孩子最佳的模仿對象』，我完全認同。咁你可以咁諗：屋企係一個完美嘅環境，個個都有禮貌，會share，有愛心，有手尾，會承擔....等等。而playgroup就係一個『亂』啲嘅環境：BB每個禮拜有幾個鐘可以『微服出遊』，睇下『第啲人』係點樣相處嘅。你BB第日都要返學，一定會接觸到『唔好』嘅人，而playgroup有嘅好處就係你仲係度睇住，做旁述。

我見過有啲好乖嘅小朋友，俾人攞咗佢玩緊嘅玩具，就好慘咁另過嚟搵媽咪，媽咪就話，佢唔啱，係你啱，試下問佢攞返，不過唔好出手攞。咁小朋友就話，我玩緊架，你應該玩第啲。有時得架，個小朋友會俾返佢。有時唔會。咁就可以訓練下EQ：俾佢知道係佢啱，不過算數啦，唔好打人，咁。

你可以將呢個『同啲野蠻人一齊玩』嘅階段推遲，但我唔建議推遲到第一次慣常性接觸就係返學，得佢一個人嚟應付，咁好慘。

你話『擔心他們覺得悶而給他們上playgroup也是治標不治本』，都啱。playgroup 唔應該代替其他節目，而只係多一種玩法。

其實我都覺得細路應該接觸多啲大人嘅世界：大人會客氣啲，起碼唔會冇啦啦出手打人，會禮讓，唔會冇啦啦講埋啲衰嘢。playgroup唔應該係BB唯一嘅社交，但如果可以加入其他你提過嘅活動，成為眾多data point裡面嘅一個，對BB嚟講都係有益咯。
私人傳訊

manpang


別墅

積分: 701


10#
發表於 11-11-5 03:40 |只看該作者

回覆：Chocobean 的帖子

我的小朋友就快2歲啦, 一直未上過playgroup, 就連試堂的機會都冇, 更冇打算俾佢返N班, 係因為我選擇同佢一齊成長, 呢個過程中我都要學習點樣陪伴同埋教育佢...

其實playgroup有好多唔同種類, 各有所需, 我都好讚同其他媽媽的意見, 要家長一齊上的playgroup其實唔單止俾小朋友學習, 家長都可以返屋企應用...

仲有其他的意見我都認同, 其實最終目的都係為小朋友好, 本人認為只要小朋友可以快樂成長, 已經係我最大的功勞

各位媽媽加油呀!



私人傳訊

ooi


別墅

積分: 739


11#
發表於 11-11-5 11:17 |只看該作者
多謝大家的分享, 讓我更多認識playgroup原來也可以有很多功能, 而不是我單方面的了解.... 而且, 它原來只是多一種教導或娛樂孩子的管道.... 媽媽們都是深思熟慮, 為孩子想到那麼深層而決定, 你們真的是好好媽媽!
私人傳訊

ooi


別墅

積分: 739


12#
發表於 11-11-5 11:19 |只看該作者
回覆 manpang 的帖子

我和你一樣, 打算讓小孩留在家的時間久一點... 不上N班, 幼稚園我都不打算讓他上三年呢....
私人傳訊

ooi


別墅

積分: 739


13#
發表於 11-11-5 11:26 |只看該作者
本帖最後由 ooi 於 11-11-5 11:29 編輯

回覆 vnghk0001 的帖子

其實本人並不是反對上playgroup, 只是很好奇為何playgroup 有如此吸引力.... 本人未有真正了解其功能和種類... 因為我覺得既然我已經是個全職媽媽, 那小孩的黃金時間由自己來教導和塑造會更恰當... 當然, 往後的日子孩子必然會接觸我們不想他接觸的人事物, 還是需要學習如何篩選何為適當效法的行為, 我只是想推遲孩子這方面的學習, 讓他在學前幾年在父母的教導之下有正確的人生觀和有分辨是非黑白的能力之後, 那麼有了這分分辨的能力, 小孩長大後就不容易盲目跟隨不良的行為, 也比較會有判斷能力.
私人傳訊

ooi


別墅

積分: 739


14#
發表於 11-11-5 11:28 |只看該作者
回覆 Chocobean 的帖子

謝謝你中肯的經驗分享
私人傳訊

manpang


別墅

積分: 701


15#
發表於 11-11-5 12:59 |只看該作者

引用：回覆+manpang+的帖子 我和你一樣,+打算讓

原帖由 ooi 於 11-11-05 發表
回覆 manpang 的帖子

我和你一樣, 打算讓小孩留在家的時間久一點... 不上N班, 幼稚園我都不打算讓他上三年 ...
其實我本來也曾想過讓小朋友上playgroup及N班, 好讓他學習與人相處, 但爸爸認為BB現在的發展不錯, 再加上身邊家人也支持, 所以才下這個決定

你都要加油呀~



私人傳訊

奀奀豬


大宅

積分: 4692


16#
發表於 11-11-6 17:42 |只看該作者

回覆：為何需要上playgroup?

我暫時都無俾bb返pg，覺得仲細，唔洗太急！不過應該至少俾佢試下，同埋我覺得返pg好似去到一個大型遊樂場玩咁，又安全，又有父母，其他小朋友一齊玩，bb應該好開心！

點評

edpo  agree  發表於 11-11-6 23:22
edpo    發表於 11-11-6 23:22
私人傳訊

奀奀豬


大宅

積分: 4692


17#
發表於 11-11-6 17:43 |只看該作者

引用：回覆+manpang+的帖子 我和你一樣,+打算讓

原帖由 ooi 於 11-11-05 發表
回覆 manpang 的帖子

我和你一樣, 打算讓小孩留在家的時間久一點... 不上N班, 幼稚園我都不打算讓他上三年 ...
幼稚園可以唔讀3年架咩
私人傳訊

szebaby555


男爵府

積分: 6048


18#
發表於 11-11-6 18:21 |只看該作者
超級贊成要番 playgroup
私人傳訊

咖央


珍珠宮

積分: 41839


19#
發表於 11-11-6 22:40 |只看該作者

回覆：奀奀豬 的帖子

唔讀都得添，k1唔讀，k2,k3都唔易有幼稚園收
私人傳訊

vnghk0001


大宅

積分: 2264

畀面勳章


20#
發表於 11-11-7 09:50 |只看該作者
係呀，而家香港就係，唔讀k1少左機會搵啲一二線嘅幼稚園收k2, 好似唔讀pn 又少機會上k1，而唔上playgroup 又少左機會上pn, 唔跟大隊又好難排除萬難係眾多嘅小朋友中脫穎而出，除非小朋友係interview 時特別出衆，唔怕羞又肯答問題，但又有幾多個呢？至少我個女已經唔係。

舊年報左4間幼兒園，4間都有問有冇返playgroup之類嘅問題，平時唔返又去邊？一個1歲人仔去得邊？都唔知點答，日日去公園？

今年報左6間k1，有4間撞時間，第一間in 又冇去，因為阿女係的士到嘔到一家三口成身都係，要原車返家，佢個日仲鬼死咁心情靚，諗住呢次都應該肯答下問題，點知

又少左一個機會啦。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy