第二日星期四，佢問我有無帶飯，我話無，佢又話想同我出去食，席間.....佢勁「想當年我......」「以前我.....」「我有好多野要跟你學」「請教你......」「感謝你.....」「你比我感覺好 nice」「你自己一個摸熟個 system 好犀利」blah blah blah.....，我同佢講，我係一個唔健談既人，佢叫我唔駛理佢，佢話「同朋友食飯都係咁，岩傾就傾，唔岩傾我眼訓就會同班朋友講『你唔駛理我架! 我會嘭一聲伏埋一邊訓』」，唉...... 我都 r 晒頭，仲有，食完 lunch，佢問我邊度有杯賣，我帶左佢去間鋪頭，佢拿起隻瓦杯，問個老細：「依隻杯載得水架可？」我同個老細當堂 O 咀......
點知今天，我又晌我去開果間茶餐廳撞到佢，但我同我媽講緊電話，問阿仔食奶食成點.....，於是我指指另一張卡位，示意我坐 e 度，點知佢拿埋佢d 筷子叉同杯茶過黎，同我一齊坐，我話：「下?!」佢話：「你唔介意丫嘛?」唉.....唔通我話介意咩，你連茶都放低咯，我只係照講電話，講完電話，我話我睇新聞(用手機)，又係全程都無乜野講......
其實係咪我愈大愈孤僻呢? 我唔係歧視佢年紀大，只不過同佢真係無乜話題，我前老頂也是5x 歲未婚的，但人地講野唔會咁無聊，佢d 禮貌直頭多到 over 左，令到我覺得幾煩厭，再者，我唔想同佢一齊食既意願，係咪做得唔夠明顯呢?! 我個人真係唔識得 say no 的......但，若果我係佢，我會 feel 到對方唔想同我一齊囉。
發表於 
返回列表
