婆媳關係今日: 0|主題: 27780

收藏本版

發帖

返回列表

跳至頁

查看: 1621 | 回覆: 29

我個好62 vs麻煩99 [複製鏈接]

CandyBaby830

伯爵府

積分: 16293

BK Milk勳章

1^#

發表於 12-3-22 00:15 |只看該作者 |倒序瀏覽 |打印

今晚又返咗去食飯，食緊飯果陣！62就問我哋想BB出咗世後點擺百日宴？話已經攞咗資料返黎，係沙田XX酒店度擺！預6-8圍！咁我哋都無所謂，因為我對哩D嘢全部都唔識，話比62揸主意！咁62又問我哋到時連埋結婚酒都夾埋架啦！(因為我係有咗先嫁入去)阿X(我)你爸爸想點搞？係要全包宴，定洗唔洗過大禮！我話唔洗過大禮啦！但係全包宴係咩？62就話全包宴就係我封返封利是係禮金，搵個人送過去比你爸爸，至於禮金幾多，我會同你爸爸傾！我咪話好！哩個時候99就話，做咩要搵人送過去姐？自己拎去唔得咩？62就話，哩D係禮數黎架！我問過哂人啦！一係你拎過去囉！99就收咗聲！62又問99，媽咪呀！人哋個女嫁比你個仔，你有咩表示呀？99笑笑口咁話有咩表示呀？(99其實一直對我都好好，只係把口衰D同煩)62就話，人哋個女嫁比你個仔喎！哼…
點知99忽然間9唔搭八咁同62講，爸爸呀！我聽阿邊個講，禮金果D心意得架啦！阿x都就生囉，到時唔通係BB百日宴又著婚紗咩？62就話你，你都九唔搭八，人哋都唔講哩D！99就問我，你想禮金果度幾多？我咪答佢，唔知呀！我都唔知我爸爸點！62就話，到時我會同佢爸爸傾啦！多少唔係問題你就咪理！到時佢哋結咗婚係叫做組織家庭，獨立！你到時就唔好好似依家咁多事啦！禮金多少唔係問題，最重要係佢哋識尊重老人家，仲有你(99)都未答我有咩表示？99就話，可以有咩表示呀？都就黎生囉！係咪都嫁架啦！

(哩句我聽到有D嬲，好似我有咗就一定焗住嫁咁！幾多女性自己一個都可湊大D仔女呀！)
62就即刻話99，你都有兩個女架！第時你兩個女無禮金乜都無咁嫁比人又得唔得呀？阿X(我)！你唔洗理佢(99)講既嘢，哩D嘢我同你爸爸傾啦！你哋都早D走啦！夜得滯唔好呀，你聽日仲要去睇醫生！99立即問，阿X你又唔舒服咩？我咪答佢唔係，聽日產檢，99又問，你尋日唔係返咗去睇啦咩？又話17號先返去產檢！62就話99，你咩都問幾廿次，講到我都記得，佢3月20睇血科，3月22睇產檢，4月17係超聲波！成日D嘢都問幾廿次，答你果個唔煩，聽到果個都煩啦！
哩個時候我同c6怕發生大戰，因為99好鍾意叫人評吓理，問岩唔岩！所以就急急腳咁走咗！
原來62係最尊重我，唔似99咁覺得，有咗BB就焗住嫁比佢個仔！雖然平時係對我好好，但無諗過佢會咁諗！

幸好62撐住，因為62鍚我好似親生女咁，起碼62知道將心比己，唔想第時自己個女都係咁！