夫婦情感 今日: 2 | 主題: 42737

積分: 385

1^#

發表於 05-12-31 14:22 |只看該作者

我心已死, 係咪一定要分開?

大家好, 我實在好唔開心, 又無乜朋友, 所以唯有喺度問下大家意見.

我同老公結婚已10年, 有個仔, 就黎3歲. 我老公唔煙, 唔酒, 唔賭, 唔叫雞 (我估), 無乜嗜好. 人人都話我有個好老公, 因佢響其他人面前好好笑容, 好客氣, 好好禮貌. 但事實係除咗拍拖, 佢無拖過我, 連我大肚都要我蹺住佢先. 我開到聲叫佢拖, 佢話我點解唔好似人地d女人咗蹺住個男人 :tongue:

其實這10年間, 我老公心情一唔好, 返到屋企就會黑面, 唔好彩蹅到佢條尾就會發皮4, 有時連我99都閙 (我同62/99一起住). 再唔係無生意 (part time taxi driver) 返到屋企又會閙人. 總之每2-3日就會為雞毛算皮就閙 (我/99). 以前我會唔出聲由佢閙, 起初我會選擇性地駁番佢, 所以佢話我以前唔係咁, 我就駁番佢 "我梗係唔同咗以前, 因為我以前任你閙, 依家唔會". 初初我62會同佢傾, 但依家連我62都頂佢唔順, 因佢一唔啱聽, 就會登眉凸眼, 面目x獰. 有時明明好地地傾緊計, 總之一唔認同佢d意見/說話, 都會反面.

雖然依家我未至於想離婚, 但我連閙番佢都唔想, 因我已經唔想再同佢有任何對話 (除咗關於個仔), 因為唔想唔知幾時講咗一d佢唔啱d說話, 我又要比佢閙/睇佢面色.

我都唔知自己想點, 但就唔想見到我公老, 點算好

私人傳訊

LeeLing

積分: 1582

2^#

發表於 05-12-31 14:55 |只看該作者

Re: 我心已死, 係咪一定要分開?

同你一樣，我個心都死著八九成。我個case系甘架！我同個賤人識著好耐，由細玩到大，離離合合數十次了，最終註著冊，生埋個女了，我曾經走過一次，未結婚前了，都成年了，系大陸撞返，系佢挨返我架！我掙扎著好耐至同佢系返埋一起，果時佢做兩份工，都有萬幾一個月，到我有著阿女時，佢無拉拉無做夜晚果份，又吾去搵第二份，仲要日日系屋企瞓覺，因有著佢父母叫我搬來哩度同佢哋住，我咪搬了，但住落好惡頂，我都忍，依家我申請緊公屋，下個月去見主任了，我女出年要返學了，那賤佬依然日瞓夜瞓，返四個鐘工，去足兩日一夜，甚至偷偷返大陸都夠膽死，錢又吾見佢有賺到返來喔！我迫住系我女兩歲時出去搵嘢做，我搵到嘢做佢另加變本加利，連出現金d錢都吾過我手，隔晚就吾返來瞓，根本吾當哩度系屋企，仲話我點解要日日發顛。我99開始都會問佢去邊架！依家都懶得理了。

私人傳訊

小香香

禁止訪問

積分: 12931

3^#

發表於 05-12-31 15:11 |只看該作者

Re: 我心已死, 係咪一定要分開?

提示: 作者被禁止或刪除內容自動屏蔽

私人傳訊

WING86

積分: 4234

4^#

發表於 05-12-31 15:29 |只看該作者

Re: 我心已死, 係咪一定要分開?

男人真係好賤~唔會理下D女人既感受~~
就算做野有咩壓力都好啦~都唔應該黑口黑面咁對住D屋企人呀~(因為我老公有時都會咁~我話左佢幾次先冇咁)
但一定唔可以唔返屋企, 我一定同佢反面~

其實你們不如平心靜氣同佢傾下~問下佢仲有冇緊張頭家?
講哂所有感受比佢知~問題終有一日會解決~加油!!
大家唔好唔開心啦~新一年要活得好過D賤人~

子軒仔仔BLOG~

私人傳訊

積分: 385

5^#

發表於 05-12-31 15:40 |只看該作者

Re: 我心已死, 係咪一定要分開?

wing86

我老公係唔止唔理我feeling, 而係唔理你係邊個, 總之佢認為唔順眼, 唔啱聽既就會黑口黑面. 對住我62會好d, 佢只會登眉凸眼, 面目x獰d. 但如果99同我, 就肯定比佢閙.

我62已經同佢傾過, 亦都話咗比佢知佢d態度好有問題, 令人好難受, 但我老公自己唔覺得之餘, 只覺得我地屈佢. 所以我地係無得傾

私人傳訊

WING86

積分: 4234

6^#

發表於 05-12-31 16:58 |只看該作者

Re: 我心已死, 係咪一定要分開?

你識佢之前係咪咁呀~~???
唉~有時一個人D性格好難話改就改~~
但佢係咁你會好辛苦架喎~~

子軒仔仔BLOG~

私人傳訊

積分: 385

7^#

發表於 05-12-31 17:23 |只看該作者

Re: 我心已死, 係咪一定要分開?

wing86

唉, 我地由識至結婚大約1年. 這1年, 佢都有試過喺街喺朋友面前黑口黑面對我, 但我62/99就話佢以前一d都唔係咁. 2老都話唔明 ?-(

我最頂唔順係佢喺其他人面前扮到同屋企人好good family咁, 好假, 假到我想嘔 :tongue: 但事實就......

我就係覺得好辛苦, 但又唔可以話比阿媽聽 (因之前試過話比阿媽知, 我阿媽又話比我細佬知. 我細佬一聽到就好慶話點解我要睇佢面口, 大不了搬番屋住). 我真係唔知點做好, 好唔開心, 好想喊, 但喺屋企又唔可以喊 :-( :-(

私人傳訊

PINKAVA

男爵府

積分: 7534

8^#

發表於 05-12-31 17:49 |只看該作者

Re: 我心已死, 係咪一定要分開?

唉~~~~

唔知係咪呢排睇bk d唔開心野太多, 攪到我對d男人都係抱住信唔過既態度, 呢排心情都好似個天咁----灰灰地?

不過唔知為乜?!

私人傳訊

昌少

洋房

積分: 58

9^#

發表於 05-12-31 20:04 |只看該作者

Re: 我心已死, 係咪一定要分開?

stephainewong 寫道:
wing86

唉, 我地由識至結婚大約1年. 這1年, 佢都有試過喺街喺朋友面前黑口黑面對我, 但我62/99就話佢以前一d都唔係咁. 2老都話唔明 ?-(

我最頂唔順係佢喺其他人面前扮到同屋企人好good family咁, 好假, 假到我想嘔 :tongue: 但事實就......

我就係覺得好辛苦, 但又唔可以話比阿媽聽 (因之前試過話比阿媽知, 我阿媽又話比我細佬知. 我細佬一聽到就好慶話點解我要睇佢面口, 大不了搬番屋住). 我真係唔知點做好, 好唔開心, 好想喊, 但喺屋企又唔可以喊 :-( :-(

放鬆d啦! 有屋企人幫, 好好呀, 起碼你細佬會出句聲幫你 ! 唔好認為比人知係唔好, 要比人知你現在情況, 你須要關心, 發洩.

如果去到, 唔想見佢既地步, 搬返屋企住下都好, 唔好為左一個"夫婦"名, 而留下.

我朋友既媽知女有事, 就講
"我間公屋除左你名, 你住返入黎比人知會比人告"
"你返黎住啦, 不過冇房比你訓"
"間左房先返, 不過間屋咁舊"
"等我有錢買左間公屋, 先成屋裝修"
......即係唔想佢返, d老人家其實驚個女霸左佢間屋.

私人傳訊

yoyoho

積分: 1054

10^#

發表於 05-12-31 20:24 |只看該作者

Re: 我心已死, 係咪一定要分開?

stephainewong,

我

私人傳訊

francojoan1219

積分: 1167

11^#

發表於 05-12-31 21:35 |只看該作者

Re: 我心已死, 係咪一定要分開?

[quote]
stephainewong 寫道:
大家好, 我實在好唔開心, 又無乜朋友, 所以唯有

私人傳訊

旦花湯

別墅

積分: 929

12^#

發表於 05-12-31 23:03 |只看該作者

Re: 我心已死, 係咪一定要分開?

我朋友個老公又係咁架，成日黑口黑面，發老皮，成堆阿太仲以為因為佢老公係大狀，所以先咁無品。

後來我朋友都離咗婚，雖然無咗律師太的地位，仲要自己照顧兩個女，但反而成個人開心哂。

你自己考慮吓啦！

私人傳訊

WING86

積分: 4234

13^#

發表於 06-1-1 20:47 |只看該作者

Re: 我心已死, 係咪一定要分開?

如果真係忍唔到就返去你亞媽到住下先~~
唔好搞到自己咁唔開心啦~
你咪比大家冷靜下~睇下佢會點??

子軒仔仔BLOG~

私人傳訊

cacarol

別墅

積分: 775

14^#

發表於 06-1-1 21:32 |只看該作者

Re: 我心已死, 係咪一定要分開?

可能係超級大大男人.不如你坦白同佢講你的感受 :cry:

私人傳訊

LeeLing

積分: 1582

15^#

發表於 06-1-3 20:34 |只看該作者

Re: 我心已死, 係咪一定要分開?

小香香寫道:
leeling

個賤人係咪去左........

may be la......

私人傳訊

ringoivy

翡翠宮

積分: 76971

16^#

發表於 06-1-4 10:21 |只看該作者

Re: 我心已死, 係咪一定要分開?

我相信你老公係因為做野壓力太大而導致呢個情況出現, 唔好駁咀, 比d心機慢慢開解下佢, 我都好明白你會覺得辛苦, 但你都要為佢設想下, 一個男人揹起成頭家, 有老有嫩時真係不得不發下脾四黎宣洩, 唔想自己再受苦倒不如的起心肝按住自己脾氣慢慢誘導佢開解佢, 講多d為佢設想既說話. 例如: 老公我都知你揹起成頭家好辛苦, 好大壓力, 你想點不妨開聲, 若果你出黎做野幫輕下佢, 佢會唔會同意..., 你唔想見到佢成日愁眉苦臉唔開心, 同發62 99脾氣等....

私人傳訊

哈哈笑

積分: 3773

17^#

發表於 06-1-4 11:08 |只看該作者

Re: 我心已死, 係咪一定要分開?

心病還需心藥醫, 你一定要知道佢點解會成日發脾氣, 因為d咩野, 對正下藥, 有時可能因為環境, 而佢又會覺得"你知咩呀, 同你傾計鬼用咩!!"一係就同佢睇下心理醫生, 逃避係冇用喎

私人傳訊

ringoivy

翡翠宮

積分: 76971

18^#

發表於 06-1-4 11:12 |只看該作者

Re: 我心已死, 係咪一定要分開?

睇 e 生[img align=right]http://forum.bjcg.com/images/upload/2005/10/06/122102.gif[/img]快d帶佢去睇 e 生呀

私人傳訊

fatping

伯爵府

積分: 16990

19^#

發表於 06-1-4 11:55 |只看該作者

Re: 我心已死, 係咪一定要分開?

我諗你老公情緒上有問題, 真係快d叫佢睇醫生, 我有朋友老公都係咁, 有物唔順睇唔o岩聽即鬧我朋友, 差不多日日都鬧只係小鬧定大吵, 結婚巳4,5年, 但佢老公又唔係唔啺我個朋友(因佢老公都好care佢,出門做野一定買手信比我朋友), 直至有次佢老公出手打佢我朋友先話唔忍要帶埋d小朋友走, 佢老公求佢話有時佢都忍唔到d脾氣, 最後走去睇醫生先知原來情緒有病, 醫生話係大腦缺乏一種物質令佢控制唔到自己情緒, 算係精神病一種要食藥, 個醫生重話香港有好多人情緒都有問題只不過唔會去睇醫生(因無表面病症, 唔似傷風咳咁), 我個朋友話比我聽佢老公食藥後EQ真係高左, 佢地依家相處不知幾愉快, 佢老公重問佢老婆點解忍佢咁耐唔一早叫佢睇醫生,重同我朋支講笑話"老婆你終於苦盡甘來".

私人傳訊