婆媳關係今日: 0|主題: 27775

收藏本版

發帖

返回列表

跳至頁

查看: 3978 | 回覆: 87

12 3 4 5

積分: 7839

1^#

發表於 12-11-23 09:05 |只看該作者 |倒序瀏覽 |打印

大家好, 我返黎喇!!! 上篇講到叔仔既女友A小姐終於都走左. 去左美國同佢媽媽一起生活. 唔好以為叔仔甘就會重新做人. 佢既女友都係車輪圈, 成日都有唔好既女仔上去99屋企. 又試過佢同個女仔訓覺, 不過叔仔條底褲係係地下. 99見個女仔走左後就剷到叔仔上天. 話佢甘賤日光日白都搞咩呢D野. 不過呢件事都不是今日要講既事.

由於叔仔係中四都未畢業, 真係搵工都有D難度. 甘做D咩好呢. 佢試過做酒店既BELL BOY, 又做過倉務啦. 不過呢D工對叔仔黎講係有D難. 因為佢唔停得. 一定要不停甘郁, 唔可以有一刻係停落黎. 所以份份工都唔得長. 最後叔仔跟左人地學做棚架工. 呢份係當時黎講最長既一份工. 不過都已經係畢左業後一年既事了. 係叔仔停工停學期間, 99就梗係要俾錢佢駛同食啦. 唔係叔仔邊有錢用呢. 就算唔出街都要俾佢食嫁, 唔同係屋企由佢咩. 不過大家都知做地盤人工係高, 不過都幾危險又唔係成日都有工開. 所以搵朝唔得晚嫁. 不過有追開我99故事既朋友都知, 我99睇錢好緊, 點會俾我叔仔白食白住先得嫁.

叔仔出左第一個月糧, 99冇出聲, 想睇下叔仔會唔會自動俾錢佢. 甘當然係冇啦.叔仔個陣都係16/7歲. 有錢梗係出食飯行街啦. 到左第2個月叔仔都冇俾喎. 甘99就問叔仔. 之前係屋企飲飲食食既錢幾時會俾返佢. 叔仔話佢係學徒, 人工都只係得個6/7千. 扣左自己車錢飯錢真係唔係好多剩. 甘99梗係聽唔入耳啦. 99死都要佢俾. 多多少少都好. 不過叔仔都好堅持唔俾. 99就悻悻然甘行左去. 係唔係以為甘就冇叔仔乎, 唔係噃. 99先唔煮飯, 叔仔見冇飯食咪煮米粉個D咩野囉. 點知99將行動一步一步甘升級. 唔煮飯, 仲要將D 米粉, 米, 雞蛋, 汽水, 紙包飲品放係自己床下低. 唔俾叔仔黎係煮食. 見到叔仔過左第3/4個月都仲唔俾錢. 99就連沖涼既沐浴露, 洗頭水都放埋係床下低. 唔俾叔仔用.

甘叔仔點呢. 初初都仲可以, 點知去到甘惡劣既地步, 叔仔忍唔住就問99咩事要甘做. 99話有借有還呢個道理叔仔未學識. 所以99而家由頭教過一次. 佢俾錢叔仔唔係應份既. 甘大個人有手有腳, 做工搵到錢就要還. 99仲拎左簿仔出黎話由細到大叔仔駛左佢幾多錢, 佢都有寫低. 唔單只係佢, 無賴哥同我C6用左佢幾多錢佢都清清楚楚. 唔係咩事要佢地俾家用. 叔仔就發癲啦同99講無賴哥只有問99拎錢, 從來冇還過錢. 次次出事99都幫佢. 叔仔問99點解要甘對佢. 點解要甘唔公平. 99話冇唔公平. 要怨既就怨自己唔係大仔. 大仔係一家既命脈. 唔通無賴哥衰左先開心咩. 叔仔又再講由細到大好既野都俾晒無賴哥. 無賴哥做錯幾多次. 99都唔會話佢. 仲會將怨氣發係我C6同叔仔身上. 甘叫公平咩. 99聽到之後真激起把火. 同叔仔講佢甘唔滿意呢度既可以走. 唔會有人留佢係呢個家度.

當時唔知點解叔仔甘大勇氣, 一拉開門就走左出去. 走左去邊叔仔咪走左黎我地屋企囉. 又喊晒甘同我地99點對佢. 唉....當時既我地都愛莫能助. 只可以叫佢係度訓囉. 唔係都唔知可以做D咩. 其實當時既我都唔係好明, 3個都係自己仔, 點解會甘對佢地嫁. 偏心一定有, 不過偏心成甘我都係第一次見.

如果想知道故事既發展, 請留個言支持下丫. THANKS!