吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 好憎我99

心聲留言今日: 0|主題: 17565

收藏本版

發帖

返回列表

跳至頁

查看: 2597 | 回覆: 34

好憎我99 [複製鏈接]

square72

侯爵府

積分: 20711

1^#

發表於 06-6-18 18:59 |只看該作者

好憎我99

我唔係同我99住既... 係亞b 出咗世佢過哩同我地住一個月... 我足足食咗幾樣餸(蒸肉餅, 蒸雞, 蒸排骨), 一日兩餐, 食足兩個禮拜呀... 仲要日日都係得節瓜湯喎... 我又唔係餵人奶喎.... 未夠12朝佢就係咁問我食唔食薑醋啦... 我話唔食佢又話我咩都唔食喎... 咁未夠12朝點食呀... 已經好多人同佢講過... 話要12朝先食得咖... 佢係人面前就扮哂野話係呀... 但轉下頭就一日問我幾廿次喎... 我話唔食得... 佢就不停咁哦我... 佢仲試過一日迫我食4 隻蛋呀... 最黑人憎都係佢... 有人哩探我... (係我啲親戚) 佢係咁係人面前話我咩都唔食喎... 又話哩樣唔食嗰樣唔食喎... 自己煮啲嘢又難食喎... 勁多油呀... 住啲雞酒甜到爆... 仲好意思係人面前話我唔飲埋啲酒喎.... 講到咩都係我唔啱咁喎...
我個b 係食奶粉咖... 有時亞b 佢食完奶半個鐘... 訓醒左... 要人抱佢訓... 佢一聽到就話係咪唔飽呀... 開奶比佢啦...總之喊就實話開奶.... 亞b一喊佢就係隔離房仆過哩... 話等佢抱... 但佢今日然係人面前, 話我成日抱亞b 喎... 我都費鬼事理佢呀....

私人傳訊

ms99

大宅

積分: 1430

2^#

發表於 06-6-18 20:08 |只看該作者

Re: 好憎我99

square72,

家和萬事興。
唔係自己亞媽，總有野覺得爭啲。如果99唔係成日係度住就忍吓啦，費事令老公難做。一係畀啲野去做打發時間啦，如洗奶樽，開水畀孫沖涼，落街買野，大家分開吓會好小小啩。再唔係請自己親朋戚友嚟探吓自己開心吓囉。

私人傳訊

大宅

積分: 1455

3^#

發表於 06-6-18 23:54 |只看該作者

Re: 好憎我99

我覺得你99又唔係咁差喎，最少佢都會服侍你同幫你湊BB，你食唔慣佢煮o既野o者，但坐月係應該食呢d蒸送架，又唔駛長期食，咪忍o下o羅，慘得過有好多媽咪生完BB冇人幫手，要睇住BB，想

都唔得，你算好彩架喇！

私人傳訊

vicky

伯爵府

積分: 17273

熱血金章好媽媽勳章畀面勳章

4^#

發表於 06-6-19 00:19 |只看該作者

Re: 好憎我99

以我所知,坐月如果做足真係冇啖好食...當日我99都係煮嗰啲?!不過煮咗一兩日就冇再煮,交比我老公煮lu.
口味唔啱食亦唔其啦,我去親屋企99食都食唔飽

私人傳訊

onon1022

子爵府

積分: 12600

好媽媽勳章

5^#

發表於 06-6-19 13:04 |只看該作者

Re: 好憎我99

其實你奶奶可能有好多地方你唔鍾意...唔滿意...但係佢都陪你坐月...起碼佢係到...你有得休息...佢煮野唔好味...唔好食...咁你咪食少少囉...人地一番心機煮出黎...你做煮雞酒唔駛時間咩...如果你真係唔食...咪叫你老公叫奶奶唔駛再煮囉...費事煮左出黎無人食...浪費食物...

[url=http://lilypie.com][img]

私人傳訊

racrac

禁止發言

積分: 4796

6^#

發表於 06-6-19 13:14 |只看該作者

Re: 好憎我99

提示: 作者被禁止或刪除內容自動屏蔽

私人傳訊

TYMYL

民房

積分: 9

7^#

發表於 06-6-19 14:21 |只看該作者

Re: 好憎我99

其實妳好好彩，我99好早就死左，我和媽媽的關係又差(我坐月其間媽媽沒有出現)，工人又什麼都不懂，只有我一個人，雖然有老公支持，但仍然很辛苦，情緒又差，又無得休息......無人幫好慘.......妳其實很幸福 :-P

:-P\ :lol:

私人傳訊

複式洋房

積分: 429

8^#

發表於 06-6-19 15:19 |只看該作者

Re: 好憎我99

恕我直言，你係身在福中不知福。你99煮埋你食，想你食多
D，BB喊又即刻反應，咁都係衰人？就算佢係人前話你都係食得少，都係出自關心，唔係害你。坐月係食個D野架啦，都係為左保養你身體。至於好唔好食係口味問題，唔代表佢唔好，再講你話本來唔係一齊住，咁佢一時點知你口味？佢整咁多野都好辛苦架，都係為左你好，多欣賞別人的付出，多D溝通就會開心D。

...irrevocably, unconditionally, irractionally in love with Edward...

私人傳訊

kittypo

子爵府

積分: 11900

9^#

發表於 06-6-19 15:36 |只看該作者

Re: 好憎我99

本人覺得其實好多奶奶都好似你果個咁...(平心D睇佢係為你好,但相見好同住難,大家都唔習慣...,而且你心情唔靚,佢做物都會令你討厭,因我都試過,但冷靜回頭唸,快D滿月佢就走...都時唔駛煩)...其實比起好多人佢已叫OK LA

我有點覺得令你咁反感係產後你的情緒唔好..(因我果時都係咁,睇物都唔順眼,很想發脾氣)...睇開D啦,過左一排佢又唔係你面前你就會好D架啦...

私人傳訊

ypt

子爵府

積分: 12340

10^#

發表於 06-6-19 15:49 |只看該作者

Re: 好憎我99

yes, agree~

HH 寫道:
我覺得你99又唔係咁差喎，最少佢都會服侍你同幫你湊BB，你食唔慣佢煮o既野o者，但坐月係應該食呢d蒸送架，又唔駛長期食，咪忍o下o羅，慘得過有好多媽咪生完BB冇人幫手，要睇住BB，想都唔得，你算好彩架喇！

私人傳訊

CMMANDY

珍珠宮

積分: 31973

母親節2025勳章 2025勳章蛇年勳章牛年勳章

11^#

發表於 06-6-19 16:20 |只看該作者

Re: 好憎我99

我坐月只是叫奶奶蒸梅菜肉餅+菜心+薑飯, 煮到我奶奶問, 洗唔洗轉口味呀! 我話唔洗了, 老實講, 她日日去買送煮飯已經好辛苦, 加上我唔想食錯野, 真係食到滿月架 :mrgreen: :mrgreen: 諗番起都想食

私人傳訊

CMMANDY

珍珠宮

積分: 31973

母親節2025勳章 2025勳章蛇年勳章牛年勳章

12^#

發表於 06-6-19 16:23 |只看該作者

Re: 好憎我99

老人家唔記得, 妳話俾佢聽, 醫生話未乾淨唔食得, 放心喇! 我實食好多薑醋, 咁佢就應該明白了 :mrgreen:

私人傳訊

cyberphone

複式洋房

積分: 414

13^#

發表於 06-6-19 16:35 |只看該作者

Re: 好憎我99

YN 寫道:
恕我直言，你係身在福中不知福。你99煮埋你食，想你食多
D，BB喊又即刻反應，咁都係衰人？就算佢係人前話你都係食得少，都係出自關心，唔係害你。坐月係食個D野架啦，都係為左保養你身體。至於好唔好食係口味問題，唔代表佢唔好，再講你話本來唔係一齊住，咁佢一時點知你口味？佢整咁多野都好辛苦架，都係為左你好，多欣賞別人的付出，多D溝通就會開心D。

完全是客觀的分析，十分同意

。女性產後很多時都會看很多事物不順眼，這是內分泌失調所致，但99這樣為你，應該感恩才對。

私人傳訊

小詠

珍珠宮

積分: 48581

14^#

發表於 06-6-19 20:44 |只看該作者

Re: 好憎我99

square72,

妳奶奶係煩但唔賤格, 我個奶奶就賤到無人有, 如可以交換, 我寧跟妳交換奶奶。

我個奶奶當年收了我錢買材料坐月補品及薑醋材料, 點知佢厚顏無恥地收了錢就只放底一包十粒的紅棗及當歸碎(幾湯匙)及淮生碎幾湯匙, 就無再幫我任何野, 呢D都算, 我自己煲比自己食既補品, 佢又走去食鬼晒我, 有一天佢大發慈悲整了一小煲唔知咩野煲雞, 佢叫佢個女加孫女上埋來食, 仲要食先, 因個D先係佢既自己人我係外人所以無得食先, 到我有得食, 只剩下渣小小, 佢個孫女仲開口問好好味仲有無多煲喎....我一啖湯都無飲到, 即係原來佢係整了補品上來我家給她的女兒和孫女吃, 仲要是吃給我看吧。

坐月好重要, 我又唔太識, 所以結果坐月坐得唔好, 成日病, 我當初大住肚時老公問用不用請陪月, 係奶奶大聲話唔好洗咁多錢, 話佢會幫我架, 此婆娘之賤格行為比妳奶奶超標100倍...之後仲有好多事發生都係好過份。

講起薑醋, 佢老人家既薑醋整了都無分給我食, 好在老公問佢亞媽拿話要分比同事, 我先有"幸"食到小小, 奶奶既薑醋佢分比人仲識問人家收薑醋利是, 錢-------由佢袋晒喎。

我而家5個月身孕, 條死八婆上星期又問我拿錢整薑醋, 但講明唔會幫我坐月及整補品, 佢去死吧, 我真係唔會再信佢, 佢一講我就火都黎埋, 只講我自己整, 佢仲話整了佢要拿走, 我今次唔會咁好"虾", 事關今次由我亞媽整, 我亞媽又係好憎呢條八婆, 會幫我坐月及看實, 唔好比D衰人分到一塊薑皮。

所有遇見，皆有因果
要是每個人都懂你，那你得有多平凡

私人傳訊

ms99

大宅

積分: 1430

15^#

發表於 06-6-19 21:45 |只看該作者

Re: 好憎我99

小詠，
你奶奶真係好...極品喎。
我睇完都笑了出來，因為邊有人做得出嫁?!
如果有前科，今次真係要打醒十二分精神。好彩你有媽媽幫你，唔係顧得個細又要應戰，真係分手乏術了。
不過你老公會唔會畀錢你奶奶煲醋呢?
想當年都係我媽媽一個人照顧哂我起居飲食，所以我都好感謝我媽媽。奶奶? 自己煲自己食囉。都好，聽講好難食。我要餵人奶就無福消受了。

私人傳訊

小詠

珍珠宮

積分: 48581

16^#

發表於 06-6-19 22:03 |只看該作者

Re: 好憎我99

ms99 寫道:
小詠，
你奶奶真係好...極品喎。
我睇完都笑了出來，因為邊有人做得出嫁?!
如果有前科，今次真係要打醒十二分精神。好彩你有媽媽幫你，唔係顧得個細又要應戰，真係分手乏術了。
不過你老公會唔會畀錢你奶奶煲醋呢?
想當年都係我媽媽一個人照顧哂我起居飲食，所以我都好感謝我媽媽。奶奶? 自己煲自己食囉。都好，聽講好難食。我要餵人奶就無福消受了。

所以各位友好, 唔好再話自己奶奶唔好, 不知道世途險惡既各位, 如妳地見識過我既奶奶既為人, 就會發現原來自己既奶奶係幾咁可愛, 明白事理, 心地善良......總知我敢講我個惡99做得壞事多, 前排佢死了老公搬來我家住, 害到我雞毛鴨血, 其實佢老公都係比奶奶本人間接害死, 正一鬼見愁。

我只求上天比我一家繼續過平靜既日子, 唔好再受此婆娘既迫害。 :-(

所有遇見，皆有因果
要是每個人都懂你，那你得有多平凡

私人傳訊

square72

侯爵府

積分: 20711

17^#

發表於 06-6-20 17:08 |只看該作者

Re: 好憎我99

我99 唔單止我之前講嗰啲嘢呀...
佢可以拎個用過未清毒淨係用水喉水沖過既奶樽開奶比我個女食, 同我個女沖涼又唔試水溫... 凍得滯又試過, 熱得滯又試過... 攪到亞b 喊到拆天呀... 唔係開頭幾次係咁... 係到而家差唔多成個月都係咁呀... 我老公話佢煮哩煮去都係嗰幾樣餸... 佢就發皮四... 一手係我老公隻手都搶咗亞b 走喎... 我氹緊亞b 訓..佢係鐘意走埋哩整醒佢喎... 自從我同老公兩個出左去幫亞b 拎出世紙嗰日(亞b 留係屋企比佢湊咗幾個鐘)之後, 亞b 就成日訓訓下喊... 好似好驚咁呀... 一抱起就收聲唔喊... 冇事喎... 我屋企人拎咗啲當歸, 黑豆哩... 叫佢煲當歸粥比我食... 佢係有煲呀... 仲煲埋比自己食添... 連煮雞酒嗰啲酒都係我屋企人自己拎過哩咋... 佢"登"雞比我食, 係用雪藏雞翼... 蒸餸係對身體好... 但佢蒸嗰啲一定唔係囉... 係勁多油呀..我大肚嗰陣... 佢哩我屋企住過一個禮拜... 食佢煮啲嘢... 可以食到我高血壓呀... 佢一走... 唔食佢啲嘢... 我血壓即刻回落番呀... 而家有人哩探我... 人地話咗唔食蛋.. 唔知係佢聽唔到定咩啦... 仲夾硬要人食幾隻蛋呀... 攪到我都唔好意思呀... 我啲fd 仲話等佢走咗先上哩呀... 話費事呀... 我同我老公係有左bb 先結婚咖... 咁我99係住係大陸咖... 我有咗兩個月嗰陣佢已經知道咗... 但佢等到我個肚7個月佢先叫我地番上去擺酒喎... 淨係來回車程都要8個鐘有多呀.. 又要係閒日擺喎... 我已經冇假... 攪到我24個鐘搭8個幾鐘車呀... 普通人都散啦... 何況係有左7個月.... 又話要擺完酒一個月先可以買亞b 啲嘢喎... 但過多一個月我都8個幾月啦... 如果嗰陣早產都唔知點算呀... 咩都冇... 最激氣係佢自己走去買喎....