社署社工A負責我們case，但佢俾我感覺係0醫學知識，成日同我地「咬」，例如話唔好用醫生開既藥避免做成依賴，又話長者應該由佢跌下，跌多幾次就識行………………..一時又話驚我用電話偷影佢同錄音，要拎我手機拆電，交俾佢放入office保管。佢又鍾意「吞pop」，成日作故仔話我唔合作，一時又話我唔想申請要終止個案，攪左好耐先入到紙去房署，等左一排打去問下情況，點知佢叫我地以後唔好搵佢，已close file。唯有搵主任幫我地轉社工B繼續跟。
申請體恤安置佢代我地同醫院拎推薦信，佢同我講醫生寫左婆婆係臥床或坐輪椅，到時單位會大d的。我地想取一份做copy (係正當咁俾錢申請)，佢竟然要我地同法庭申請命令先得，後尾我向d部門查詢完就梗係唔係啦！幾經辛苦先取到呢份野。註：我自已都有病，所以都有埋醫生信的。
審查時已同房署再確認左婆婆係坐輪椅(計多1人)。到舊年12月配左2-3人單位。我已問社工B係咪計左輪椅？單位咁細輪椅好難生活，加上我地仲有d醫療儀器。社工B仲答2-3人單位計埋坐輪椅都岩架，再等下次配屋都唔會再大d，強烈建議要左先，之後攪調遷，最後我地係簽約前再問屋村辦係咪計左坐輪椅？佢地都話睇到d醫生信有寫坐輪椅呀。點知簽約後無幾耐就收到房署「密函」話其實無計婆婆坐輪椅架，因為有社工話佢行得走得喎！唔係呀麻簽完約先講！！！
搵番社工B就話唔關佢事。呢位社工A,B 上師話因婆婆無取傷殘津貼係唔計坐輪椅架，簽左租約責任係我地到喎。 :;pppp:
搵屋村辦先知原來社工A連我地醫生信有寫既病歷同需要都無同房署講。仲話我地D醫生信社工全數推番失效唔計！單位加斜台扶手都唔得！叫去樂富查詢原因。
我地唯有再睇醫生俾新醫生紙，又交埋加戶表(加媽媽名，合資格的，之前社工A叫咁做)，再去到樂富就話你地唯有申請擠迫戶調大屋啦，因為我們已簽約體恤close file，要調遷就找屋村辦。
點知屋村辦話我地入住情況未正常，又無裝修唔肯加戶，又叫我地退回間屋從新輪過，但總之唔理任何原因都要一個月內搬入，否則就會收回單位。擾讓一排屋村辦黎做家訪、叫搬好傢俬先有證明輸椅不夠位生活就可以調大單位，收埋我地加戶表、擠迫戶表，又叫我寫番婆婆係坐輪椅，仲以為一切進展良好。
夠一個月我地被迫搬入去，廚廁同大門已經有個門檻！屋入面又坐唔到輪椅唯有用扶抱，已經好危險，之後我地又發現窗外馬路日頭好多重型經過，婆婆個肺唔掂係咁喘氣(已交埋因氣管急性惡化入院證明信。) 我又敏感到面腫，唯有去醫院又轉介社工C跟。C叫番社工B跟。
好啦，到社工B黎家訪知道我地已入住啦！但佢話程序要屋村辨先發信轉介才可以幫我地出推薦信調遷。佢就搵屋村辨攪，點知屋村辦係都堅持我地無入住乜都唔肯做野！
之後到我覆診醫生睇到我情況又轉介醫務社工D跟，社工D出信叫搵屋村辦攪，但對方一味話等處理，已經過左2個月都無結果，社工D話房署拒絕聯絡都無辦法。
跟著我地唯有搵議員出信申請調遷，屋村辦回覆處理中，2日後屋署黎家訪我地仲俾入屋影相，點知個日親戚接走左婆婆出去吃團年飯，房署見唔到全家人，又質疑我地無裝修整廚廁櫃，無安裝煤氣 (用電煮食有問題咩？)，約2個鐘後管理員拿信上來，信上說拒絕所有申請，仲警告我地要一個月內搬入，否則就會收回單位。問過議員都無乎。
我地再去信俾特首及勞工及福利局局長，點知又彈回俾社工B處理。最後社工B唔等屋村辦就出信推薦我地調遷，點知仲未有下文。
唯有反轉咁搵屋村辦啦，直接出信先搵到個經理面見。上午推埋婆婆去，我地已經表明宜家住得好辛苦。點知經理問婆婆住邊、地址係乜呀等問題，佢老人痴呆又答唔到。之後經理更話呢到D看更話無見過你地出入，從申一個月內無搬入即就會收回單位。我地之後把幾火走去問D看更你地唔認得我地咩？看更又話跟本無人問過佢，佢認得我地喎。
下午話口未完婆婆係屋裡面跌倒，CALL 十字車去醫院，救護員黎即刻要俾氧氣、同佢止血，固定好成個人就送院，係成身傷晒。我報完警打俾屋村辦，點知佢地話唔會上黎睇下情況 (個外判的管理公司有派人上黎)！急症室醫生轉介見醫務社工E，社工E又叫我搵社工F。 受傷第2日朝早未夠7:30屋村辦又黎家訪，我都同意佢影相，跟著我問佢地點解仲未調遷到，擴迫戶又話我地無搬入去取消我地申請，佢又話要約見經理，原來我地之前見個位係副經理。 我地同經理講3次家訪我地都有人係到，係邊次家訪無人先？(佢唔答！)
幾時先確認用輪椅可以攪調遷？我地交晒電費單都證明唔到入住，佢竟然話婆婆整親係佢單一日入住攪成咁，唔關房署事，係我地照顧佢得唔好，負責係我地唔關個單位細。我地想交新既醫生紙就唔收，係都堅持我地無入住，話要再觀察一個合理既時間先得，合理時間係幾耐就唔知！我要整扶手就研究下先。(以我所知係要等通過評估樓宇結構審批確認，申請撥款後先安排施工。)
發表於 
。
從新跟進
返回列表
