Re: 我究竟應該點做才好？希望各位俾些意見我
angie1231，
多謝你的分享。我老公係幾重感情及義氣之人。你要佢咁對個女仔，真係無乜可能。尤其佢深深內疚覺得欠左個女人。
老公雖然口口聲聲話最愛屋企，對佢己無feel，只有虧欠的感覺，我都感覺到佢的無奈。
正正因為咁，搞到我地本來都唔係太隱固的婚姻，更加及及可危。我都想挽救，但個女人亦係無辜，雖然佢無辜，唔代表佢可以任意傷害我，騷擾我，但我老公都買佢怕，我又唔想再同我老公有爭執，因為佢因為呢個事己經好煩。我唔想再俾壓力佢。
我唔會約佢出黎傾，試過三個人撞面，佢想郁手刮我，俾我老公阻止，佢己揚言要見鑊打鑊我，我唔想同佢正面衝突。
我真係唔知咁既情況，我要點處理好。唉，好無奈，好無助。
:-( :-( :-( :-(
angie1231 寫道:
你好呀!!等我同你分享下,其實我好感受到你有幾煩惱,首先講我先喇,我有個情形同你差唔多,我未同我老公結婚的時候,佢同之前個女朋友已經一齊7年,個女朋友一路叫結婚,我老公都唔,因為佢地離離合合了4,5次,每次都係個女仔要求我老公再一齊,我老公話其實一早無感覺,只不過又好似覺得佢好慘,好似欠了佢噤,自己又心軟,到我識我老公的時候,佢地分左手,但個女仔仲有日日不停send sms俾我老公,話好想見佢,佢好唔開心之類喇,仲有一次話自殺,我老公都好15/16,我都話我放手的,我老公話對佢無feel喇,一定唔會再同佢一齊,之後我叫我老公改電話,點知個女仔打去我老公家,仲要同我奶奶講話點點點,之後有一次個女仔打俾我老公,我忍唔住自己同個女仔講囉,佢唔解決咪我去解決囉!!其實你的情形(唔好怪我坦白),我覺得你老公無去解決過依件事,仲要出去安慰個女仔,噤咪俾個女仔覺得你老公仲緊佢囉,咪仲得寸進尺,同埋個女仔打電話來鬧你,你老公都無幫你,有無攪錯呀!!俾我鬧到個老公咩噤呀,我原諒佢仲要我忍個女人??姊妹,噤出面個女人咪仲好過你??如果你老公錫你,我相信佢唔會要你噤痛苦囉,你敢相信再一齊,你會忘記依件事,無陰影,唔會成日疑神疑鬼咩??日後生活會開心咩??你唔應該俾你老公去選擇囉!!如果佢話兩個都要呢.噤你又俾呀??你老公再唔解決你咪同佢講話離婚囉,再唔係你去解決(約個女仔出來),你係佢老婆你有權噤做咖!!不過一句到尾,俾我唔會原諒佢,而且個男人唔要得!!你點知你老公仲有無第3次姐,有1就有2,有2就有3呀,我知你可能為了個女,但係你係錫你個女,我相信你唔會想佢有個噤的爸爸!!
6W1D 0.436cm; 8W1D 1.74cm
佢覺得內疚嘛,佢同你講對個女仔無感情的話,唔駛再出去見佢啦,駛咩去安慰人地o者,咩叫做愈描愈黑,仲攪咁多事.
,好英雄咩!
發表於 
返回列表
