Baby Kingdom - 親子王國 香港 討論區 › 首頁 › 想生BB› 今日好down.....

想生BB

收藏本版
發帖
返回列表
跳至頁
今日好down..... [複製鏈接]

首頁
12345...29

尾頁
   0
小寶貝兒


珍珠宮

積分: 30295


1#
發表於 07-1-30 03:53 |只看該作者

今日好down.....

呢幾個月m小姐好奇怪, 一係就2個月唔黎, 一係就一黎黎成個月!!!

食左西藥, 上個月尾暫停左dm(因為再咁流血落去, 我會失血過多!!), 到3星期後, 我食晒d藥, 一停藥, d m又黎, 醫生講過係正常, 我都冇咁驚, 不過佢叫我再返去攞排卵藥, 就咪搞我啦!! 上次就係食左排卵藥, 搞到我2個月唔黎m!!!

本來一路心情都ok, 但今日先係老公個姑姐打黎, 一打黎就問我有冇去睇中醫, 我話冇, 佢就一輪咀問, 咁我咪講返呢幾個月既事比佢聽囉, 其實已經有d唔係咁開心, 晨早流流就打電話黎, 我趕住聽電話, 著得好單薄, 真係凍到我死!!

下午, 老公個弟婦打電話黎, 又係問我有冇去睇中醫, 我話冇, 佢又吹我去睇!!

晚上, 99又叫我過去, 然後又同我講叫我快d去睇老公個弟婦介紹果個中醫, 話佢家姐都係睇左果個中醫就有左, 今日生左添!!! 佢尋晚先叫我唔好睇中醫, 專心睇西醫, 又叫我地去排不育科!!

我知, 我知大家都係關心我地點解咁耐都冇bb, 但係我真係好辛苦啦!! 未有bb我都唔想, 唔係我唔想生, 係老公唔合作, 一個月都唔掂我一次, 如果咁都有左, 即係根本勾佬既機會好大啦!!!!
我真係唔鐘意佢地成日問長問短, 我直頭同老公講, 叫佢同佢地所有人宣佈, 我頂唔順, 唔好再問, 再問我就唔生啦!!!!!!!!!!!!!!!!

我喊得好西利, 我唔知係咩事, 只係知道我好大壓力, 生bb呢d野, 唔係我地可以決定, 唔係中醫話事, 係個天話事, 個天覺得唔係時侯, 我點努力都冇用, 更何況老公唔努力??

我剩係想, 同老公2個人安安靜靜咁過我地既日子, 我直頭想cut左電話, 冇人可以搵到我地, 我真係覺得佢地好煩!!! 煩到我冇晒耐性!!

[size=x-large]
我就黎癲啦!!!!!!!!!!
唔該, 比條生路我行下啦!!!!!!
求下你地, 唔好再逼我, 我真係就黎癲啦!!!!!!!!!!!


呻完!!
大家有冇呢d壓力呢???
我老公係長子的孫, 都未講要生"仔"的壓力, 剩係個個吹生bb, 就已經逼到我透不過氣來!!!
莫非, 真係要搬走先可以有bb???
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

maggiechan


大宅

積分: 1311


2#
發表於 07-1-30 08:48 |只看該作者

Re: 今日好down.....

Get someone you can talk to. It seems that you are under a lot of stress. Live in your own way. Don't bother how the other people say.

Leave it to God.
私人傳訊

過路人A


複式洋房

積分: 154


3#
發表於 07-1-30 09:08 |只看該作者

Re: 今日好down.....

1) 我諗你要同你老公講掂數先
2) 你要一個假期, 比你去relax
就算你老公努力, 但你咁緊張, 都好難有BB啦
你地兩公婆平心靜氣傾下, 問下佢究竟要唔要BB ? 定係因為成家人既期望先諗住要個 bb？
另外，　我諗你屋企人可能係因為知（或者諗住)你地想要ｂｂ，　所以好積極幫你．　唔好介意，　無人關心咪仲衰．係唔係?
提議你地去個旅行，　唔好諗住BB 既野，　just relax .我諗對你地兩個都會好ｄ
祝大家 順利生產 :party: :wave:
私人傳訊

ccmssm


大宅

積分: 1511


4#
發表於 07-1-30 09:24 |只看該作者

Re: 今日好down.....

小寶貝兒，

你好 ! 我同你是差不多吧 ! 首先，我也是剛食完藥先可停M ~ 今次都是第二次了 !!!!
之前是因為壓力過大，成二個月沒來，一來又來了成個月，因此睇婦科，什麼都照了。最後，連續食了四個月藥來教 M仔應該點來 >.< .... 因此第二次時，我死不去睇西醫，先睇中醫，又睇了一個月啦，都是沒有停。在十分無奈的情況下，我又睇了西醫。M是停了，但我的心裡壓力仍在，個個月怕它又不正常...我好希望可以生個老鼠仔啊 !!!
我不可再食藥延誤我的計畫 (當然，都唔知順唔順利)

另一方面，我老公又是家中長子中唯一的孫兒，因此我們都肩負上生個男丁寫在族譜上的重任。而我老公都說一定要是男孩....我都好大壓力，都未有，仲要男，是女是男不是我可決定啊 !!!

不過，我現在日日叫自己放鬆 D ，先要有好情緒，先會有好身體也一定會有 BB 啊 ~

P.S. 我都是跟 99 同住。 :-(

私人傳訊

yst424


大宅

積分: 1420


5#
發表於 07-1-30 09:27 |只看該作者

Re: 今日好down.....

生唔生bb關佢地鬼事咩, 咁鍾意咪叫佢地自己生到夠囉
私人傳訊

lai88


大宅

積分: 4835

好媽媽勳章 環保接龍勳章 大廚勳章


6#
發表於 07-1-30 09:51 |只看該作者

Re: 今日好down.....

小寶貝兒 & ccmssm,
我都好明白你地, 我老公都係長子的孫, 而且仲係唯一一個結左婚的男孫添, 其他男孫都仲讀緊中學或剛出來做事, 莫講話生仔, 連婚都未結添啦! 不過 99 係前幾年先有 d 壓力o者, 佢以為我唔肯生, 所呢兩年都無再提生 bb, 只係講老公 d 表弟呀表妹呀生左 d bb 好可愛咁囉

明白架, 但係真係要放鬆, 逃避唔見佢地又唔得, 何不去面對佢地呢
我要努力
私人傳訊

babyling


大宅

積分: 1345


7#
發表於 07-1-30 10:01 |只看該作者

Re: 今日好down.....

小寶貝兒,

我十分同情你的遭遇....如果要因為"生BB"而攪到自天己咁大壓力, 我覺得你應該暫時唔好諗住, 做d的自己喜歡做的事, 兩公婆去旅行散心浪漫下.....或者到時"唔覺意"有
私人傳訊

lai88


大宅

積分: 4835

好媽媽勳章 環保接龍勳章 大廚勳章


8#
發表於 07-1-30 10:10 |只看該作者

Re: 今日好down.....

babyling,
我 c6 初初又係唔合作架, 再加上開工不足, 真係勁難有 bb 囉, 但比 d 時間佢啦, 同佢傾多 d 心事, 我都係咁, 慢慢同佢講囉, 如果佢唔出聲, 即係諗緊你講 d 野, 如果佢有反應回應你, 咁你要有耐性聽晒佢 d 說話, 唔好打斷佢, 聽下佢有咩諗法都好丫麻, 加油, 兩公婆無咩唔講得o既, 唔洗羨慕其他人架, 你地都可以做兩公婆一條心一齊努力架! 支持你


路過的 c9 lai88 上 :mrgreen:
我要努力
私人傳訊

miffymiffy


瑪瑙宮

積分: 131816

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


9#
發表於 07-1-30 10:16 |只看該作者

Re: 今日好down.....

我唸你或者搵下99向你老公施壓. 話老公成日好累, 唔係成日開工. 又或者同你老公講多D, 合作D. 其實你有無認真問下老公點解可以一個月只一次? 有時真係要搞下D情趣. :mrgreen:
私人傳訊

babyling


大宅

積分: 1345


10#
發表於 07-1-30 11:14 |只看該作者

Re: 今日好down.....

lai88,

好多謝你的鼓勵同支持...我會俾心機!希望大家既願望快d實現

lai88 寫道:
babyling,
我 c6 初初又係唔合作架, 再加上開工不足, 真係勁難有 bb 囉, 但比 d 時間佢啦, 同佢傾多 d 心事, 我都係咁, 慢慢同佢講囉, 如果佢唔出聲, 即係諗緊你講 d 野, 如果佢有反應回應你, 咁你要有耐性聽晒佢 d 說話, 唔好打斷佢, 聽下佢有咩諗法都好丫麻, 加油, 兩公婆無咩唔講得o既, 唔洗羨慕其他人架, 你地都可以做兩公婆一條心一齊努力架! 支持你


路過的 c9 lai88 上 :mrgreen:
私人傳訊

hk430


男爵府

積分: 7289


11#
發表於 07-1-30 11:16 |只看該作者

Re: 今日好down.....

miffymiffy 寫道:
我唸你或者搵下99向你老公施壓. 話老公成日好累, 唔係成日開工. 又或者同你老公講多D, 合作D. 其實你有無認真問下老公點解可以一個月只一次? 有時真係要搞下D情趣. :mrgreen:


係囉~
點解你老公一個月先掂你一次咁奇怪既?~
咁落去真係好難中架喎。。。
私人傳訊

tabo911


大宅

積分: 1739


12#
發表於 07-1-30 12:07 |只看該作者

Re: 今日好down.....

babyling
最重要夫妻要有共同想法! 做事オ事半公倍! 努力加油

私人傳訊

ccmssm


大宅

積分: 1511


13#
發表於 07-1-30 13:10 |只看該作者

Re: 今日好down.....

lai88,

多謝你分享 !!! 我99就未說什麼，只是三五不時問要不是耍煲什麼比你食，又說什麼什麼唔好食。不過，我當沒聽過就算，因為我都明白是她的關心。

不過，老爺一家(已有另外一頭住家)就麻煩啦，成日問又成日講...又不是他們幫私湊及養，真係比你們激死。
最大問題是我老公，他都是勁 like 男孩，若生了個女又要再努力。死啦 ! 都未有已經要想那麼多，都是有左先算啦 !!!
私人傳訊

shanmmami


別墅

積分: 689


14#
發表於 07-1-30 13:44 |只看該作者

Re: 今日好down.....

小寶貝兒& other sisters

好明白你地嘅感受,佢地真係好鬼煩,不過佢地都係關心我地,因為佢地係我地嘅父母同好錫我地嘅人,在此提醒大家,新年就到,又係講lee d 嘢嘅時候,又恭喜你'早生貴子'之類.之後又再借題發揮,非常之煩,大家要有心理準備,之吾以對就算,當佢地唱歌啦.
私人傳訊

timlc


複式洋房

積分: 442


15#
發表於 07-1-30 13:52 |只看該作者

Re: 今日好down.....

小寶貝兒, babyling, ccmssm,

我都好明白你地感受呀, 其實好多時壓力都係來自自己, 我好記得我結婚無耐想生B時, c6好唔合作, 一個月得1次, 有時仲無添, 為咗咁, 我同佢吵過好多次(有時搞到我好似要求過份咁), 後來, 理性d 想, 兩夫妻不是為了生兒育女才需要dodo, 這些是愛的表現, 也不想在這事上比壓力佢, 知道佢都係因為太累(有時雖然口說累, 但又打機打到半夜), so 一定要有耐性, 我仲特登比朋友個b 佢抱, 引發佢的父性, 令佢積極咗, 因為佢都想要bb, so 一定要有耐性, 希望大家都守得雲開見月明, 有一點很好的是, 我99都和我同住, 但佢從不比壓力我, 因為佢都有孫la, 而且佢不愛照顧bb, 再加上佢都怕我有壓力.

記住生BB唔係一個人的責任, 兩夫妻應該互相體諒和多商量, 找到方法解決, 這樣才會恩愛, 愛情結晶品就會出來的.加油呀
私人傳訊

小寶貝兒


珍珠宮

積分: 30295


16#
發表於 07-1-30 14:55 |只看該作者

Re: 今日好down.....

babyling, ccmssm, & other sister,

多謝大家~~ 估唔到我尋晚半夜po, 今日下午就見到咁多回覆~ 真係好感動~~~ :-( :-( :-(

其實我d壓力全部都係來自老公屋企果邊, 因為老公係長子的孫, 老爺都係長子, 所以佢地好緊張想我快d生, 其實一開始講結婚, 99已經講明, 話咁早比我地結婚, 都係想我生多幾個...... 生左個囡都好, 都要追個囝!!!

然後呢一年幾以黎, 每次見到都講, 每次都問有冇消息, 食左一次炸糊就成日話我好走去落仔!!! 話我因為當時未去度蜜月, 驚冇得去而落仔, 我真係好hurt!!!!!
我自己食左炸糊我都唔想, 唔須要佢安慰我, 但都唔好作d野黎屈我啦!!! 到個仔話佢佢先肯收聲唔再講!!!

我尋日真係覺得d壓力就黎爆啦, 我喊左好耐, 又想發脾氣, 個人有少少失控添......

我唔知係咪我既抗壓性太低? 定係其實佢地真係比左好多壓力我? 我唔知道.....

多謝各位sisters~
我今日好返好多, 訓完一覺, 又有力開始去睇中醫, 尋求bingo方法~~

至於我老公, 其實佢係好想要bb既, 都冇話一定要仔, 佢知我已經多壓力, 佢唔想再加多d比我, 我見佢同d姪仔姪女都玩得好開心, 成日話掛住佢地, 其實我都好鍚佢地架, 我剩係衫同玩具都買唔少比佢地, 我真係唔明點解99會講到我咁衰, 寧願要去玩都唔要bb, 佢都有眼見我幾鐘意小朋友架啦!!!

一個月一次, 我同老公都為左呢樣野嘈左好多次, 佢份人一工作就全情投入, 每日返14,5個鐘, 星期六又要幫學生補課, 星期日又補, 根本已經冇晒自己時間, 返到屋企食完飯就訓, 郁隻手指都懶, 斟杯水都要我做, 仲邊有力搞我丫......

有時我真係想發悔氣, 99再同我講叫我快d生既時候, 我真係好想同佢講, "99, 你個仔都唔掂我, 我點有呀?!"
但我真係唔想影響老公係佢地心目中既形象囉...... 我唔想令到老公冇面呀!!! 好影響2公婆感情架麻.....
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

fhmeimei


洋房

積分: 141


17#
發表於 07-1-30 16:06 |只看該作者

Re: 今日好down.....

小寶貝兒,
真的覺得你比自己太大壓力了,老公不合作,應坦白同99講,生仔不是話生就生,況且老公一個月才開工一次,有鬼用?比99知責任在個仔身上都好,影響他的什麼形象???不說,只會影響你在99心中形象,橫豎都係煩,一定要fair,生仔男人有責.
私人傳訊

野人好索子


伯爵府

積分: 17012


18#
發表於 07-1-30 16:21 |只看該作者

Re: 今日好down.....

To 小寶貝兒 :

係呢度想分享下我的經驗......

我同老公年齡都唔細架啦,結婚差不多第四年尾開始就唔用安全措施,一個月行埋都有4/5次左右,但大半年以來都唔成功(我地係諗住順其自然,有就有,無就無),老公講過佢工作壓力都幾大(一個人搵錢),可能因此就未有住啦,咁係上年的十月我地去左泰國旅行,係當地的5日我地都無行埋,不過真係好輕鬆,一個好好的旅遊經驗,返到黎就好似平時咁囉,結果依家我都有成13週囉(老公都話可能同去過旅行,心情放鬆好多有關),所以有時間的話就放幾日假去下短線遊,relax一下,話唔定有意想不到的效果架!!!!!

祝你心想事成!!放下壓力!!

(註:老公係細仔,而且6299都已經往生,其他阿哥都無比過要生細路的壓力佢)
私人傳訊

ccmssm


大宅

積分: 1511


19#
發表於 07-1-30 16:25 |只看該作者

Re: 今日好down.....

小寶貝兒，

個問題你肯定是出自你身上嗎 ?
抱歉我希這個問題，因為你老公那樣忙，自然身體有點虛(不要見怪)。而且，一個月一次，那一次又是不是一定要在排印那幾日，那你同你老公都好大壓力啦~

那好像有 bb 是有 d 難度啊 ! 你介唔介意講下你們 how old 呀 ???
私人傳訊

ccmssm


大宅

積分: 1511


20#
發表於 07-1-30 16:28 |只看該作者

Re: 今日好down.....

野人好索子，

yes yes yes ! 心情好重要，我之前有個朋友都是經醫生診定為難有 bb 啦。不過，她都是去完旅行回來後有了。
現在，已有個健康白白的肥 bb。

我都好想啊 !!! :tongue:
私人傳訊


首頁
12345...29

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy