肯食Ｍ記就要娶？
「肯捱麥記？娶得過」，網絡熱傳。
故事主旨：港女都唔肯同男人食平嘢，如果遇到一個肯食麥記的女人，娶得過。
這個測試，其實有無料到？
原來香港已經奢侈到，食Ｍ記要用「肯捱」來形容。一個餐動輒二十多元，一啲唔失禮。如果想終極測試，應該改為「肯捱波仔叮飯！娶得過！」一個波仔十幾蚊有交易；或者「肯去7仔食關東煮！娶得過！」
身邊女人說，關鍵不是Ｍ記還是Ｎ記，而是為甚麼要去食？譬如因為工作關係，無時間覓食，她們不介意食快餐。
但如果大把時間，並非無錢，但男人居然只肯去Ｍ記，女人便會拒絕，因為覺得男人無誠意。
這種測試，有「仇富」心態，似乎去Ｍ記才是好女人，去四季食飯的，便是壞女人。且慢，14巴港女可能經常喺Ｍ記出沒，你唔係想娶佢吧？
肯去Ｍ記食飯，只能表示，對食的要求不高；她可能咬住個包，但要求你去米蘭站買包包呢？
這種測試沒完沒了，「肯去公廁的女人娶得過」，「肯着剪牌衫的女人娶得過」，「肯陪你玩高達的女人娶得過」，「肯逼巴士嘅女人娶得過」、「肯唔結婚的女人娶得過」、「肯隆胸嘅女人娶得過」……
一句到尾，「肯蝕底的女人娶得過」。對，嫁給這種心態的男人，真係蝕底晒。
我諗無乜女人嘅擇偶條件係「佢肯同我捱公屋食大牌檔」，女人當然希望可以找一個令自己進步的男人。今天住公屋，明天住居屋，也是一種上升。
相反男人太無志氣，居然開到口，要搵一個肯同自己食Ｍ記的女人。
女性追求進步，男人反而想原地踏步。
理想的男人，係搵到一個肯同你捱嘅女人，但你有能力，令女人唔使再捱。
注意:本人所發佈的帖子大部份均為轉貼,如本人所發的貼子有任何問題及投訴,如本人所發的貼子有任何法律責任,本人恕不負責!
m記象徵不健康同肥胖
) 只係覺得而家網上d宅男(廢青)片... 成日0係度抵毀香港既女性... 下下都係踩... 跟住宣揚佢地無謂既幻想... 
發表於 
返回列表
