我係好理性咁認為，樓主係可以理直氣壯咁同個女人談判，係上學時間去找佢(唔好放學啦唔該，上學前講，佢D同事先有時間議論佢比壓力比難堪佢)，公開地建議佢為佢自己將來著想，搵一個男人同你結婚，照顧你，唔係期望一個人地老公只可以比一半照顧你，你MAYBE可以接受到只有一半照顧，但我唔得，我仔女唔得，我一個女人仔唔似得你有份咁體面既教書工作可以做，我只係得一個家，我成世人花盡心力建立一個家，等我老公無後顧之憂咁發展事業，幫佢留下後代，我的貢獻唔係用薪金可以去計算，而且我DONE MY JOB WELL，所以我老公先對你咁有吸引力同對其他女人都仲咁有吸引力，佢亦有時間去安撫你同安撫其他女人，你想佢離婚﹖你想佢炒我﹖我無過無錯只有功，點FIRE我離開妻子呢個寶座呢﹖但作為一個小三，你成日嘈嘈閉閉，搞到我老公返來成日同我呻你點點點，作為我老公背後的女人，我都不勝其煩，我睇左你幾年，見你一直都幾乖，來來去去都係扭離婚呢D不可能得到既野，唔似之前個D咁煩，本來都想隻眼開隻眼閉，要知道我老公有錢，你唔做佢性伴侶佢都出面會再搵第二第三個，外面個D易有病，你做教小學點都唔會同D學生搞D咩污糟病惹到比我老公，你都算乾淨我先由得你存在，但你近來太失職，都唔好好服侍我老公，搞到我老公返黎成日要，我真係唔得，一係，你繼續好好地做一個二奶，你有你我有我，我唔洗你過年過節送禮比我，我唔興呢D，你地次次都送埋D無品野，我對你地D小三品味信唔過，得架啦，你做好你床上份內事，我老公自然會有賞，我會由你做你的小生，如果你做得唔開心，你唔該QUIT左你小三呢份工，開心就笑住做，唔好嘈嘈閉，因為呢條路由一開始係你自己選擇，唔好怪人。BTW，我做大婆呢份工一直好開心，來找你，唔係想侮辱你，係想你做好份內事，唔想做就唔做，想做就做好D，講到真係咁愛我老公，唔要名份唔緊要架應該，唔係咩﹖你唔係同我老公講過愛我老公愛得好深呀，咩都唔介意架咩﹖我唔係架，我愛自己多D，所以我愛個名份。
發表於 
返回列表
