回覆：昨天收到安信追數信,原來 ...
呢個post 完全係我而家個處境，我都有個下年一月就做左6年嘅印姐，由大仔3個月做到而家，見證二仔同老三出世，亦在我家中發生重大事故時緊守崗位，好讓我專心工作渡過難關。
當年到埗時已經清楚講明無論有任何形式借貸一定會炒，無論做得幾好都冇得留低。
佢做嘢好好，錫小朋友，家裏的要妥妥當當，仲可以好似朋友時傾計，個個都羨慕我個工人咁好，雖然也有缺點，但我嘗試將佢優點放大，所以包容左佢。頭兩個約都間中有要求提早出糧，但係都冇借錢。
第三個約續之前佢都冇異樣，但續左之後就好多嘢，加上生左第二個，工作量多左，我已經好體諒，盡量簡化，因為我知道佢辛苦。佢成日話自己做得來，但陪月日日見佢機不離手，只係我響房出來同有親人來我家先做嘢，成日同我家姐工人呻自己被監視，乜都話冇時間做，得一對手。之後我請多個工人幫手，佢又唔like, 成日同新工人鬧交，新工人本身都唔好，所以還完錢現形，最後炒埋。到得返佢一個時佢就按章工作，即使我大仔返全日佢都話乜都冇時間做，但是一日玩電話玩到黑，對我家人及訪客黑哂面。炒左個工人後來寄信俾我話佢爭落好多錢，仲有一張欠單每月還3千幾。但我冇拆穿佢，因不排除佢報復所以屈佢。之後有數個朋友都同我講我工人借左佢地工人錢，我問佢吔要不要我插手佢哋又話唔使。但礙於我第三個bb又快出世，所以我唯有忍。而家佢個個月借糧，有時一次仲出聲借一萬五千，理由牽強，當我白痴，想提早拿long service。 我老公話佢而家過左五年點都會搏炒，始終又係要俾，我話唔借佢又話自己叫朋友幫手，所以最後借在俾左佢。當用呢筆錢睇清楚佢會不會知錯，肯改過。工作表現上返去以前好果陣嘅7成，但最近又再開口借，我話唔借佢又話自己叫朋友幫手我，之後又話我都係問下。據悉佢而家所有朋友借雲，而家放假都唔出街避債。終於上個禮拜有人來按門鐘，係個姐姐look， 說話內容我唔知，全程印尼文，佢聲稱係朋友揾佢欏嘢，但是我估係追債，但我們無法核實。我同老公都傾左好耐，好唔好篤爆佢，但是我又坐緊月，唔想呢個時候咁多嘢攪。
而家都唔知佢爭落有幾多，冇証據我哋又冇得斷正，留佢又擔心，炒佢又可惜，因為下個可能仲衰，小朋友又好痴佢，再加上我三個小朋友好難請人，海外都晤想做。
而且我好心痛一個本來好嘅工人因為借錢變成咁。真係好為難！請各位jm 俾下意見！
http://bf.lilypie.com/RsG2p8.png
http://b1.lilypie.com/YKFNp8.png
發表於 
返回列表
