hugoma2015 發表於 15-10-7 23:33 
夏江一直在進攻，以為自己搶到主動，其實一直比宗主牽住個鼻行！
佢既進攻，就好似一拳打落棉花度。但是 ...
38集訊息好多，加埋37集後段審問開始果部份，見到內容係層層推進，段段深入，夏江由初初意氣風發，以為可以為所欲為到最後已經完全俾人按住打，唯有老羞成怒逼宗主吞下毒藥，以為又一次可以隻手遮天，點知佢今次遇到敵手啦，估唔到咁多年作孽終於要還。
王永泉初初以為佔咗上風果陣我覺得氣場有少少輕咗D，但去到37集俾宗主牽著鼻子走後，開始急躁開始把持唔住果陣，佢嘅面部肌肉就開始做戲啦。佢同言侯果段逼力好D，係因為言侯同佢同輩，大家係故人，言侯知道晒夏江嘅死穴，地位上兩個係對等，夏江鬧言侯多管閒事同勸佢今次唔好選錯都係兩個固執老人家嘅肺腑言，嘲諷方式可以針鋒相對唔駛俾面。兩位王老師旗鼓相當下火花四濺。
王永泉後段面色同語氣變化可以話係交足功課，可能因為之前同言侯果幕太高分，反而同宗主呢一場有D跌watt，我期待佢喺朝堂上被審問果幕，睇下同宗主及梁帝會有咩火花。
胡歌呢幕由頭到尾都算係合格有突，最初懶係風趣又賴皮嘅表現，我見到林殊影子，挑皮幽默又機靈，對住一個大奸大惡嘅懸鏡司主持人，佢一路掌握住心理變化，當佢意識到可能會有生命危險時，佢嘅不忿表情、擔心表情同埋思考點樣可以脫身嘅心思都引領住觀眾入局。我睇完第三次第四次就覺得胡歌呢幕pass啦。同謝玉果場唔同發揮，呢場係喺佔下風情況下點樣可以扭轉局勢，謝玉果場係宗主一早已掌握全盤，佢有十足信心可以打敗謝玉，但呢一次係佔下風情況下要諗計全身而退。我睇到林殊嘅傲氣跳脫、梅長蘇嘅機智攻心。其實呢場我見到當夏江講到宗主入京嘅真正目的唔係為扶植靖王時，胡歌嘅表情係好到位，俾夏江講中，梅長蘇最大目的係翻案，為林家為祈王雪冤，扶靖王上位係必須嘅手段，亦都係佢實踐理想國理念所需要嘅，胡歌俾到我一個有私心嘅宗主，梅長蘇唔係神，佢係魔，呢個魔最深心處住著一個曾經喺金陵城意氣風發嘅年青人，梅長蘇運用權術計謀，利用不同人去實現佢想要嘅目的，不管佢個出發點係咩，過程中佢犧牲咗好多嘢，傷害咗不少人，佢承擔一切後果，亦都令所有人為佢惋惜。
花旗太太生活在花旗國，留意時差，你問我未必即時答到。
不過後面D評語又好似幾好咁。
發表於 
返回列表
