Re: 未婚的,入黎傾傾呀!!!
han@happyforever ,
其實我知道我媽媽好愛我,佢個時叫我唔好要bb,都係因為驚我比唔到好既生活比bb...我都知佢愛bb架 
我係大女,有一個妹一個細佬,佢地而家都係岩岩讀中學一年級同二年級,好細個...佢地到而家都會要我媽攬攬,錫錫我媽,其實我好羨慕,因為我做大,對住父母好獨立,而父母係比較拘謹嚴肅既人,唔會"i love u"咁講出口...我就更加唔會要媽媽攬~
我有心事從來唔會同父母講,到中學去做保健問卷,醫生話我有自殺傾向,轉介我去心理科,但我驚媽媽知...自己撕爛左張醫生紙,幾年後,我同返媽媽講有件咁既事,佢好內疚.... :cry:
佢話一直掛住理細佬妹冇理我,唔主動同我傾計....
其實我小學3,4年級都試過割脈,因為覺得唔開心...爸爸見我包左紗布,問咩事,我話唔小心整親佢就冇理...其實我係想有人關心但又怕佢地知我自殘身體,鬧我..~
媽媽生我之前係打政府工,18年前人工差唔多2萬蚊真係好好,佢生左我冇辭職,但過左5,6年,生左妹妹細佬就冇做,仲請埋工人黎照顧一對弟妹...~佢話返工好開心,好自由,自己又搵到錢洗,唔洗睇我老豆面色,我知佢好偉大,一世真係為左我地3個仔女~我都好愛我媽媽 :exclaim:
個時我大住肚返去同有同我媽媽道歉,我實在太傷佢心喇..
佢原本諗住我唔要bb,就送我去英國讀書...過幾年弟妹都讀埋中三,佢就同細佬妹過黎讀書陪我~到時就變返一頭家,好幸福.....但而家.... :cry:
過去的留不住,
未來的難預測,
守住現在,當下即是~
發表於 
返回列表
