吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 2019投資學堂（一）

家庭理財今日: 30|主題: 46906

收藏本版

發帖

返回列表

跳至頁

樓主: 平平無奇2

7 8 91011

積分: 360

181^#

發表於 19-5-7 00:51 |只看該作者

多謝樓主無私分享，學到好多嘢！

私人傳訊

平平無奇2

珍珠宮

積分: 35737

2024年龍年勳章

182^#

發表於 19-5-7 09:28 |只看該作者

2019投資學堂進階班（十三）

一個portfolio, 絶大多數時間不會持有大量現金，因為閒置的現金會拉低整體的收益。我們的穩健投資組合成立之初亦只有0.7%cash。如果我們想做steepener的時候，要sell一球十年，為了保持duration不變，便要買四球兩年。除了sell 左long end有一球cash番泥外，尚需額外三球現金才夠錢買front end。點算？

除了調節交易的金額外，我們還可以利用其他工具，例如bond futures去完成此flattener。照舊sell十年cash bond，兩年短債便long番啲 2年債期貨，那只需要小量現金作margin。不過要留意，這樣做便會有leverage 。我們曾在初班時極強烈反對投資初學者使用槓桿，雖說大家現在是進階班，且一般2/10 curve play 風險較少，但也要小心處理，萬一個市突然炒recession，成條curve inverted咗，咁都會輸得幾金。

講到呢度，醒目嘅同學會問，可否將steepener同flattener併在一起呢？你個broker一定開心，大讚你聰明了。是可以的，一般叫butterfly ，sell 頭尾買中間或者long 中間 short 兩邊。筆者一般不建議做呢啲「複雜」的trade，你又要𥄫實個市，交易成本又高，辛辛苦苦賺雞碎咁多，專心睇吓中美貿易戰好過啦。

點評

dannyj 發表於 19-5-7 11:13

私人傳訊

kittykwok385

子爵府

積分: 11422

183^#

發表於 19-5-8 16:34 |只看該作者

回覆平平無奇2 的帖子

平平兄你D steepener同flattener 好深澳
玩呢D係米要一球球甘玩的,成本都好似幾高下

私人傳訊

平平無奇2

珍珠宮

積分: 35737

2024年龍年勳章

184^#

發表於 19-5-8 18:26 |只看該作者

Kittykwok385君，

呢度講嘅未必適合非專業的投資者。係介紹債券基金經理管理個portfolio時候用嘅策略，包括大家嘅MPF入邊可供選擇啲bond fund。明白他們怎樣去manage你嘅強積金也很重要。當然一般小投資者較多時只會買兩三隻債券，大家應當會關注債券發行者的credit，債券嘅yield等等，的確較難做到這裡講的投資策略。但一如內文提及，一個善於處理風險的較成熟的投資者，可以利用債券期貨去implement呢啲策略，或者去hedge現有positions。入門成本也不會特別高。

私人傳訊

平平無奇2

珍珠宮

積分: 35737

2024年龍年勳章

185^#

發表於 19-5-9 22:31 |只看該作者

2019投資學堂進階班（番外篇之四）

受中美貿易談判可能破裂之影響，全球股市慘跌。趁機update吓我們的穩健投資組合。

由今年一月十八日到今天收市為止，本組合在不足四個月內共錄得4.95%之回報。如果包括account receivable，即煤氣公司已公布之派息及紅股，回報超過9%。Benchmark同期之回報不足3%。

所以一個投資初哥，毋須搞太多花款，簡簡單單也可以有不錯之回報。仲唔洗擔心阿侵亂咁tweet!

私人傳訊

平平無奇2

珍珠宮

積分: 35737

2024年龍年勳章

186^#

發表於 19-5-10 11:39 |只看該作者

2019投資學堂進階班（十四）

除了duration 和curve 之外，我們還有一招去提升portfolio之回報。假如美國國債是benchmark，但你實際上可以去買非國債的票據，例如一些所謂supernational, EIB，EU...又或者一些政府機構 KFW，CADES 發的債券。它們都會有各國政府支持或者implicit 的擔保，也是一些相當穩健的投資。由於它們的yield會畧高於美國國債，有時候它們表現會較Treasuries表現更好。(公司債，尤其high yield都不是本學堂所cover, 風險較大）

其實，甚至同是美國國債，不同的issue也會有不同的表現。一般最新出的兩年，五年，十年同卅年債，我地叫佢地做current issues, 好似current two, current ten。由於夠liquid （多人参與買賣）一般都較受歡迎，啲yield 會比舊issues稍低。但亦不排除一隻舊issue，可能被某大投資者大手買入而炒得比其他issue貴。通常會係repo market炒到飛起你就知道邊一隻搶手了。

乜野係repo? 下一堂話你知。

私人傳訊

平平無奇2

珍珠宮

積分: 35737

2024年龍年勳章

187^#

發表於 19-5-11 12:51 |只看該作者

2019投資學堂進階班（十五）Repo 之一

Repo market 係債市入面重要的一環。當一般投資者都係buy and hold，機構性投資者往往盡量利用一切增加回報的機會。Repo market亦係搵錢的途徑之一。

當一個投資者睇淡債市，自然想沽貨。如果佢本身無貨又點算呀？最簡單可以利用期貨市場，sell 啲bond futures。但對於一些大戶而言，futures market 唔夠liquidity，反而係美國國債巿場可以十億甚至幾十億一個deal 搞掂，乾淨俐落。無貨咪去repo market 借貨。另一班揸住treasuries嘅投資者當然唔介意將手上的貨借出去，因為borrower會「俾」息去借貨。呢個借某一隻貨的利率就叫repo rate。每一隻Treasury都因應需求狀況有不同的repo rate。但好多時大家唔明白越多人想借，反而repo rate 會越低，甚至會negative添。

要明白呢個情況，先要搞清楚成個repo transaction 點運作。

私人傳訊

alisavolvo

大宅

積分: 2092

188^#

發表於 19-5-12 15:45 |只看該作者

平平無奇2 發表於 19-2-15 18:08
2019投資學堂（廿七）

其實不單止小投資者擔心被人魚肉，有時候大戶都會被人㩒住搶。

這一篇，真的完全看不明白

私人傳訊

平平無奇2

珍珠宮

積分: 35737

2024年龍年勳章

189^#

發表於 19-5-12 17:59 |只看該作者

alisavolvo 君，如果你指2019投資學堂（第廿七篇），其實想提一提大家，個market入面真係好多陷阱。

呢一篇舉的例子係外匯市場。同股市不一樣，絶大多數人唔會係交易所去trade FX（因為唔夠liquidity) 。所以currency最高最低成交價其實係無人知的。真實的成交價只有交易雙方和雙方的經紀才知道。若真的要查證每日之high / low，唯一比較可信的途徑就是一兩家大經紀公司同幾家大銀行（相當多的外匯交易都經過它們去進行）。至於金融數據資訊providers（如路透、彭博）都會有每日高低價提供，但它們全都依頼銀行丶經紀公司及各大金融機構提供每隻currency嘅「參考」價格。所以如果有啲不老實的dealer刻意將虛假的外匯價格擺上去（並非每家公司都有這權係路透機上update），咁大家就可能中招。講白啲，個客嘅止蝕柯打明明做唔到（因為未到價），但就俾人打D錯嘅價，話個止蝕價已經hit左。個盤當然俾人斬埋。個客可以點？其實真係無咩方法，因為你永遠無辦法去證明市場嘅high/ low。唔服氣最多只能夠line out間bank，以後唔同佢trade，餓死佢。

私人傳訊

alisavolvo

大宅

積分: 2092

190^#

發表於 19-5-13 00:22 |只看該作者

平平無奇2 發表於 19-4-23 22:16
多謝 Deepblue 君的留言，你們的支持實在是筆者繼續寫下去的動力。希望幫到大家明白市場的運作多一點，才可 ...

完完全全係初哥，好努力地吹收新知識

私人傳訊

平平無奇2

珍珠宮

積分: 35737

2024年龍年勳章

191^#

發表於 19-5-14 10:15 |只看該作者

2019投資學堂進階班（十六）Repo之二

開市急挫，如果你個組合同筆者一樣就毋須擔心，只是耐心等執平嘢。不如講埋repo先。

A有貨，B無但sell short左，settlement date 之前需借100球貨去交收。A同B傾掂左借幾耐（一個月）同repo rate (1%)之後，係value day (通常又係二日後），A就將面值100球的貨轉入B嘅戶口，同時B就將嗰100球貨嘅市值連應計利息嘅現金（當係132球）入落A戶口。一個月後，B就要還番100球貨俾A，而A就要還番132球本金同埋息（年息1%for 一個月）。咁成單repo就算完成。

如果（我話如果），債市係呢個月跌左，B就可以平平地係market買番貨，cover番個short盤賺錢。而A呢個月亦收多左1%息，仲可以將啲cash再投資係啲short term paper再賺多啲。一家便宜兩家着，咁樣先會有repo market出現。

留意repo rate其實係B借錢俾A（作為借貨嘅抵押）所收的利息，如果B好急於借貨，可能會願意收低啲息，甚至貼錢俾A去借貨（嗰repo rate 變零甚至負利率）。所以一隻債券如果係repo market 好搶手（叫做special) 佢嘅repo rate 會越低！

私人傳訊

平平無奇2

珍珠宮

積分: 35737

2024年龍年勳章

192^#

發表於 19-5-14 16:21 |只看該作者

小心！

當大家望實中美貿易戰，可能忽畧左歐洲已經聞到燶味了。昨日四艘商船（包括油輪）被襲。美外長又馬上飛到布魯塞爾。是否藉此向伊朗動武，會否影響全球經濟同市場投資氣氛，金價一晚升左十蚊，大家應該留意。

伊朗不是伊拉克，美國如敢動手，怕有排打，仲會引起整個中東地區大亂。

私人傳訊

平平無奇2

珍珠宮

積分: 35737

2024年龍年勳章

193^#

發表於 19-5-17 14:39 |只看該作者

2019投資學堂進階班（十七）

講左債市入面嘅repo market，明顯地幫助到想要做淡倉或者要做curve trades嘅投資者。Repo 嘅存在實在令到市場的流通性大大提高。所以中央銀行亦十分關注repo market 嘅狀況。一旦repo market有事，佢都會出手干預。曾經美國國債repo market 突然出現大量failed trades，即係你repo out 一隻special，或者買左一隻special，到value date時你嘅counterparty 無貨交。一拖再拖都settle唔到。呢種情形你都無符，只能等到佢有貨先交俾你。最後美國財政部擔心市場交投萎縮，終於改例要無貨交者罰息。之後一樣有fails，做生意梗係計過，罰完都仲有錢賺，咪繼續fail 囉。

照理股票市場應該一樣有咁嘅需求啫。無錯，只要你係大戶一樣可以借貨，每日沽空金額咁多，咪一定要去借貨先至交收到。其實黃金都有得借。倫敦係交易中心，揸住實金的大戶都會借貨出去，有息收嘛。所以你聽人講：十年黃金變爛銅，因為揸金無息收，你依家知道只要你係大戶，呢句說話係錯嘅。

點評

jlht

發表於 19-5-17 22:15

私人傳訊

Sgbaby_05

洋房

積分: 53

194^#

發表於 19-5-18 01:03 |只看該作者

私人傳訊

平平無奇2

珍珠宮

積分: 35737

2024年龍年勳章

195^#

發表於 19-5-19 11:46 |只看該作者

2019投資學堂進階班（十八）

講完一個bond portfolio 點用duration, curve同埋spread products (泛指所有非benchmark 國債的其他債券）去提升回報，今天開始講下一個equity portfolio 又可以點做。啲股票基金經理人有乜板斧呢？

假設恒生指數就係我地嘅benchmark, 點先可以贏個指數呢？最基本就係控制portfolio嘅exposure，即係利用overweight 或者underweight 去outperform 個大市。簡單地説，當你個portfolio size係一百萬元。你揸足一百萬貨就係neutral。當你睇淡大市，揸得六十萬貨，咁就係underweight。如果個市真係跌，你會輸得比benchmark小。當你睇好個市，想overweight，可以點呢？買到盡都係neutral? 呢個時候就可以（1）long啲恒指期貨；或者（2）利用margin 戶口借錢買貨，咁個exposure就多過一百萬，你就overweight左。如果個市上升，你就beat 到個市，賺得多過benchmark 。

再次提醒大家，overweight 會牽涉到leverage，小心處理。當你已不再是一個初哥，懂得𧫴慎manage自己的風險，你先好行呢步。

私人傳訊

平平無奇2

珍珠宮

積分: 35737

2024年龍年勳章

196^#

發表於 19-5-21 15:58 |只看該作者

2019投資學堂進階班（十九）

另一個策略就是靠調整不同行業間之比重。

簡單地説，恒生指數都分四大類行業：金融，公用，地產和工商。假如你完全跟足四大分類的比重去投資，這樣的組合便是一個neutral 的position。恒指升你便升恒指跌你便跌，和指數的表現一樣。當然無法去outperform個大市。為了有更好回報，我們便需要overweight 某行業，同時要underweight 另一行業。好似呢兩日，你揸多啲公用股，揸少啲地產股，你嘅表現就可以beat 到個市。但你一定先要對個市有自己的睇法。

咁去管理個組合，當然屬於active management。相反，如果你只想跟著大市，唔想諗咁多，市面上亦有不少passive fund，大家熟知的2800 Tracker Fund，其它像SPY（跟蹤S&

）或 EWG（跟蹤MSCI德股）都屬於呢類。但筆者認為即使投資落passive fund, 你還是要知道入市的時機，換句話說，你也應該對大市有一定的分析，唔會盲中中摸頂。除非你仲係初哥，每個月想儲番幾千蚊，咁逐個月供啲2800都係一個選擇。

私人傳訊

平平無奇2

珍珠宮

積分: 35737

2024年龍年勳章

197^#

發表於 19-5-23 18:30 |只看該作者

2019投資學堂進階班（二十）

講左管理股票組合頭兩招，控制整體exposure 嘅weighting同調節不同行業間之比重, 今天就是第三招。一如bond portfolio 會去買 spread products, equity portfolio 都會買D benchmark 無但好吸引嘅股票。就用恒指作為例子，作為港股投資者，多數會以恒指作為benchmark, 但不排除我們會去買入一些不是恒指成份股的股票，例如778置富，十年內表現遠較恒指出色，如果在過去十年能持有此股，比買恒指成份股有更佳回報。當然如果你十年前買中 AMZN，GOOGL揸到今日或者係700騰訊（仲要識得係450樓上take profit)，筆者當然恭喜你眼光獨到，而且更加佩服你的耐性，真的做到let the profit run!

和之前两招不同，去控制整體exposure或者調整不同行業的 weighting 都是top down 的分析，但選擇個別股份，尤其在它還未擠身藍籌股之時，可真的要做足做好功課，而且還要對有關行業的發展和前景有相當深厚的認識才可以做得到。最後，一如 Hilda Ochoa 所說的，你還需要一點運氣的，你的投資組合才會年覆一年有出色的表現。

私人傳訊

平平無奇2

珍珠宮

積分: 35737

2024年龍年勳章

198^#

發表於 19-5-26 19:27 |只看該作者

2019投資學堂進階班（廿一）

分別講述債券和股票組合的基本投資策略，今天講下一個balanced fund, 像我們穩健投資組合（又有債又有股）的基本玩法。

繼續用初級班的模擬組合為例子, 它的benchmark是六成股票（恒指）而四成是3個月外匯基金票據。而實際上的投資組合六成以上是港股，其餘是美元定期。我會建議大家年輕人（45歲以下）持股接近7成！各位同學留意，一個平衡基金是比較什麼保本基金，money market fund, 債券基金等要進取，aggressive啲。但又比什麼growth fund 或者全股票的基金要保守。講到呢度, 大學應該可以估到要調節一下balanced fund 的風險，令佢更進取，自然係調高股票的exposure, 同時減少bond (我地組合嘅定期存款）。相反，要準備一個熊市來臨，就應該減持股票，而增加bond或者定期存款。極端情況下，如果你非常悲觀，認定下一次金融危機來臨，咁就可能要考慮大幅增持現金了。反之若然你非常bullish, 咁就可能要leverage, 將股票的exposure 加碼至100%或以上。

所以一個balances fund 係進可攻退可守的。但底線是：切記控制好風險在你可接受範圍內。還記得「財不入急門」嗎？穩穩陣陣，好好利用複利的power 才是王道。

私人傳訊

bopomofo2405

侯爵府

積分: 22806

2025勳章 2025勳章蛇年勳章

199^#

發表於 19-5-26 20:29 |只看該作者

平平無奇2 發表於 19-5-26 19:27
2019投資學堂進階班（廿一）

分別講述債券和股票組合的基本投資策略，今天講下一個balanced fund, 像我們 ...

平平師父，謝謝你的分享。為咗問你意見，開咗個户口

請問如果五十歲以上，組合是否以稳健為主？我成日覺得自己太稳陣。
股票10%
直債50%
基金14%
其餘26%持現金，美金及港元定期。
請問是否加重股票比例會好一些？
先謝謝！

私人傳訊

平平無奇2

珍珠宮

積分: 35737

2024年龍年勳章

200^#

發表於 19-5-26 23:39 |只看該作者

bopomofo2405君，下面意見僅供參考。

就你提供的有限資料，我絶對同意你個組合相當保守。就算你啲基金都投資落股市，再加10%持有的股票，總共只有24%股票，幾乎等同積金局建議的退休人士的組合一樣。在完全不考慮其他因素的情況下（包括物業、負債、未來一段時間的入息，支出及其它負擔等），一位五十歲的投資者實在可以較進取一些。現時MPF之預設投資A65F在僱員65歲時把風險較高的資產比率降至20%，筆者認為偏低，並不適合當前環境（全球息口，尤其港息仍屬嚴重偏低；港人壽命越來越長⋯⋯）。

不過，向好的方面看實在要恭喜你現在仍有充足的彈藥去適當調高股票的比重。慢慢去挑選一些穩健的而且派息不錯的藍籌作長期持有，這樣才會在你退休後提供到更好的保障。當然，如果你認為現時的組合已有足夠的回報，那你完全沒有需要去增加額外風險的。