吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 噚日我仔覆診(過度活躍症),轉咗葯,個仔變咗另一個人... ...

自由講場今日: 2705|主題: 1349772

收藏本版

發帖

返回列表

跳至頁

樓主: ~仔仔媽咪~

噚日我仔覆診(過度活躍症),轉咗葯,個仔變咗另一個人... [複製鏈接]

8 91011 12...23

~仔仔媽咪~

水晶宮

積分: 51912

181^#

發表於 10-1-6 18:37 |只看該作者

原帖由 heichunmum 於 10-1-6 15:50 發表
我都想問各位媽咪，你地小朋友同其他小朋友社交有無咩問題？例如會唔會其他小朋友都唔想同佢玩？我仔因為是非常想引人注意，成日都做ｄ古怪野引同學笑，好鍾意扮野，老師都係咁同我講，佢俾我感覺好似詹瑞文，好鬼浮誇，怕ｄ同學都已經被佢 ...

似我仔隻款囉!我仔都係諧星黎架!但佢真係做得太多,同學都會覺得煩同埋覺得我仔低低地,D同學一笑我仔係:"傻仔",我仔又會好介意,會唔開心甚至發脾氣打人囉.

私人傳訊

~仔仔媽咪~

水晶宮

積分: 51912

182^#

發表於 10-1-6 18:38 |只看該作者

原帖由 mercy_mama 於 10-1-6 15:57 發表
哩D仔大部份社交都會有問題!
我個仔都係,D同學都話佢係"低低地".

我仔由細到大一直都俾同學同出面D小朋友咁話佢架!直頭叫我仔做'傻仔白痴仔'添啦.

私人傳訊

~仔仔媽咪~

水晶宮

積分: 51912

183^#

發表於 10-1-6 18:56 |只看該作者

原帖由 heichunmum 於 10-1-6 16:09 發表
我仔都係好似傻傻地，不過佢學校個社工都有ｄ堂俾佢上，係一ｄ遊戲中了解社交技巧，同同輩相處的活動，希望佢上左之後會好ｄ啦

其實知唔知呢個症係大左會好ｄ，定係大左都係會咁，定愈來愈嚴重？ ...

查實呢,ADHD仔响佢童年(尤其小學至初中呢段時期)真係好似玩過山車咁時好時壞架!呢刻佢可以好有進步有改善,但當你仲開心緊佢有咁好進步時,佢又會突然間好似俾C亞媽食咁衰到貼地,然後又無啦啦好一年半載俾你睇.嗰時聽治療師咁形容佢地呢班友仔既'童年生涯'

,不過,治療師都話一般都會去到五六年級至初中左右會有明顯同穩定既改善,唔知係咪呢...

不過我有個做政府精神科醫生既教友,佢同我講過,ADHD大個咗係會好番,不過我諗佢好番既意思唔係真係會完全消失咗嗰隻好番,而係真係好似我仔以前個治療師講,只係到佢地成年後,無咁好energy去過度活躍,所以至活躍唔起囉,我覺得個症唔多唔少都有D特徵係會跟足佢地一世,好似我咁,咪成日大頭蝦,做極都只能做到六七十分,唔會一百分囉.我都覺得自己都係AA地同ADHD架!

mouth:

私人傳訊

i_love_miffy

子爵府

積分: 10073

184^#

發表於 10-1-6 20:20 |只看該作者

我都好想"呻"吓，我就快頂唔住了！

我昨天晚上同個仔做功課做到淩晨3點幾，人都顛。。。

阿仔星期一發燒，無返學。我個工人姐姐係剛剛新來的，唔知道點去阿仔間學校，所以無攞到功課返來。

星期二，學校話剛退燒唔可以返學，要休息多一天。昨天我幫他攞曬d功課回來，他居然成個下午都無做過，一直拖拖拖，等到補習時間(5-7pm)在補習社做。因爲做得實在太慢了，老師9點才放他離開。但是都還有很多未做的。。。

回家吃過飯後，就要阿仔馬上開工。整個過程包括踢一踢郁一郁，要下下叫他"寫啦..."、"做啦..."，叫少咗一次他做就坐o係度發夢，寫寫下字又在玩筆，"花款"多到講唔曬，我真係非常非常非常勞氣+激動+唔知可以點+想死 ...

最後搞到淩晨3點幾，都無得"訓"，又要一早起身返工...

對住阿仔，我覺得很辛苦，尤其是精神上。我越來越覺得這種生活很難受，很討厭，我越來越怕回家，我越來越唔想見到他，好辛苦！！！！！！！！！！！！！！！

私人傳訊

Connielai

伯爵府

積分: 19418

2023年兔年勳章畀面勳章 BK Milk勳章

185^#

發表於 10-1-6 20:27 |只看該作者

我個仔又係由ritalin轉食concerta,而家食左4個月,初時1星期瘦2磅,後來適應左就肥番。因為ritalin的份量太輕,而且吾想1日食咁多次,同埋佢既行為,情緒開始愈來愈差。而家轉左藥好好多。

私人傳訊

死笨媽

洋房

積分: 87

186^#

發表於 10-1-6 20:37 |只看該作者

我仔轉食 concerta 的原因係之前個隻佢成日下午都唔肯食,
老師問佢, 佢又話食左, 到出左事學校打俾我, 我叫老師幫我睇下佢藥盒剩低幾粒藥, 先知佢講大話無食度.

故同醫生反影先轉 concerta 27mg

私人傳訊

死笨媽

洋房

積分: 87

187^#

發表於 10-1-6 20:53 |只看該作者

我仔都試過俾同學話佢傻架, 痴線架,唔好同佢玩呀,
跟住亞仔就發皮氣打人, 還留下很深的5指印,
最後要社工帶佢地去驗傷, 順勢同醫生講我仔幾嚴重,
要求佢地加快見精神科醫生, 好彩醫生又真係幫我搞排快期, 如果唔係現在都未輪到佢睇. 及後同學校反應, 佢地幫我個仔升二年班時, 轉過全新的一班, 個d同學仔唔太佢過去的情況, 所以肯同佢玩.

而學校因唔想有太大風險,
除左開學個個月(一年班)有小息外,
之後成年都無小息, 小息要去教員室企.
直至二年班食藥才改善dd.

mouth:

原帖由 ~仔仔媽咪~ 於 10-1-6 18:37 發表

似我仔隻款囉!我仔都係諧星黎架!但佢真係做得太多,同學都會覺得煩同埋覺得我仔低低地,D同學一笑我仔係:"傻仔",我仔又會好介意,會唔開心甚至發脾氣打人囉. ...

私人傳訊

VKwan

珍珠宮

積分: 38391

188^#

發表於 10-1-6 21:17 |只看該作者

原帖由 ~仔仔媽咪~ 於 10-1-6 12:32 發表

個人覺得,如果佢D行為無明顯影响到其他人同日常生活,又讀書無問題,我覺得又未必一定要去check既,因為ADHD斷症因素,都好睇嗰個小朋友所住既社會係能夠接受小朋友去到點既活躍程度,即係我仔响香港評估咗係ADHD,但我 ...

咁唔怪得之香港好似咁多case咁啦，其中一個原因我地地少人多，細路百厭d都已經攪到人，細路又冇足夠空間活動發洩，咪攪到好似有問題咁囉。

其實我亞仔都超恐怖，真係跳上跳落冇停架，成日打爛野，不過佢有度好，佢唔會打人。

私人傳訊

VKwan

珍珠宮

積分: 38391

189^#

發表於 10-1-6 21:20 |只看該作者

原帖由 死笨媽 於 10-1-6 20:53 發表
我仔都試過俾同學話佢傻架, 痴線架,唔好同佢玩呀,
跟住亞仔就發皮氣打人, 還留下很深的5指印,
最後要社工帶佢地去驗傷, 順勢同醫生講我仔幾嚴重,
要求佢地加快見精神科醫生, 好彩醫生又真係幫我搞排快期, 如果唔係 ...

真係無奈！小息又死唔小息又死，冇小息，好似好不人道呀！

私人傳訊

Connielai

伯爵府

積分: 19418

2023年兔年勳章畀面勳章 BK Milk勳章

190^#

發表於 10-1-6 21:24 |只看該作者

我個仔未食藥之前又係無小息嫁,但佢係比老師罰,小息要去教員室睇書。

私人傳訊

~仔仔媽咪~

水晶宮

積分: 51912

191^#

發表於 10-1-6 21:26 |只看該作者

原帖由 i_love_miffy 於 10-1-6 20:20 發表
我都好想"呻"吓，我就快頂唔住了！

我昨天晚上同個仔做功課做到淩晨3點幾，人都顛。。。

阿仔星期一發燒，無返學。我個工人姐姐係剛剛新來的，唔知道點去阿仔間學校，所以無攞到功課返來。

星期二，學校話剛退燒唔可以返學，要休 ...

我都明白您....之前我都有一段時間好似你咁既感受,又係俾個仔D問題(我仔成日响學校打人)搞到我好唔想見到個仔,一到咗差唔多放工要去湊仔放學既時間,我就自自然然變得歇斯底里,好想喊出黎,然後嬲住咁既情緒行去學校接仔放學,直頭未去到學校門口,我已經勁唔想見到間學校,亦唔想再踏入間學校門口半步,番屋企我直頭連晚飯都唔食,一早呢入房喊同埋迫自己早D瞓,因為我就係想快D瞓着,瞓醒就番工,唔駛見到個仔.

不過查實對住我地班仔既問題真係要見招拆招架!好似做功課咁,我仔又係會有您囝囝嗰D情況,所以我會全程坐响佢隔離度睇佢做功課,咁佢至無再發夢同拎支筆周圍LIU囉.依家我開始唔駛咁牛咁眼坐佢隔離睇實佢,可以坐遠D,我有我用電腦,佢有佢做功課,佢每做完一本就要拎俾我檢查,

同埋啱啱呢個星期我又開始要求佢計時形式咁完成功課,或者你又可以試下:

我自己整咗一本功課記錄表俾佢,個表大致上同手冊一樣,
只係多咗兩個column,
一行係寫我expect佢做嗰本功課用幾多時間完成,要求佢响我寫既時間內完成嗰本功課,
另一行就係要黎tick番佢完成咗既功課,做完一本,我响隔離tick黎做記錄,然後再响隔離mark番佢實際用咗幾多分鐘去做呢本功課.
之後我响呢本自制既功課記錄表既最後一頁,又整咗個'完成功課時間記錄',呢個係mark佢每日總共用咗幾多時間做功課,同埋有個column我係俾分佢儲,佢只要嗰日做功課快靚正又有進步,我就响嗰行俾tick佢,當係分數,佢儲得快又多,就有奬,等佢有個target.

暫時呢三日我仔都好在意有無分儲,噚日就麻麻地,今日佢見噚日無分,佢頭先都可以做到我要求,一小時內完成所有功課(四本,每本十五分鐘),依家食完飯,仲有時間俾佢休息同埋溫書.

你試下諗多D方法去引佢做好D囉,始終我地班仔好似細年紀既小朋友咁,要半迫半氹,同埋真係要不斷提點佢地,呢樣亦係我地呢班亞媽既持久戰黎,唔好灰心啦,只要我地堅持,實會有成果.我地一齊加油.

私人傳訊

~仔仔媽咪~

水晶宮

積分: 51912

192^#

發表於 10-1-6 21:29 |只看該作者

原帖由 Connielai 於 10-1-6 20:27 發表
我個仔又係由ritalin轉食concerta,而家食左4個月,初時1星期瘦2磅,後來適應左就肥番。因為ritalin的份量太輕,而且吾想1日食咁多次,同埋佢既行為,情緒開始愈來愈差。而家轉左藥好好多。 ...

係啦,我都覺得食ritalin,我囝D情緒行為係越黎越差架!一唔食或者葯力稍為過咗,我仔真係明顯仲衰過未食葯之前,依家我仔食咗三日concerta,就算佢打回原形,都明顯無之前咁失控,至少無再拆屋,唔會bing bing boom boom咁撞野同走去跳梳化跳我地張床,就算玩玩具都無咁亂黎,至少佢可以坐定定咁玩,而唔係之前咁仙女撒花,搞到一地一屋周圍都係.

私人傳訊

~仔仔媽咪~

水晶宮

積分: 51912

193^#

發表於 10-1-6 21:32 |只看該作者

原帖由 死笨媽 於 10-1-6 20:37 發表
我仔轉食 concerta 的原因係之前個隻佢成日下午都唔肯食,
老師問佢, 佢又話食左, 到出左事學校打俾我, 我叫老師幫我睇下佢藥盒剩低幾粒藥, 先知佢講大話無食度.

故同醫生反影先轉 concerta 27mg ...

點解同我仔D情況咁一樣架!我仔之前又係咁!响學校食中午嗰劑又係唔知有無食,個仔日日都話有食,但睇開佢嗰D老師又好睇得出佢隻款似係無食(不停自己傻笑尖叫).

我仔都係開咗呢個劑量既concerta呀.

我囝同您囝可以做Twins!!!

私人傳訊

~仔仔媽咪~

水晶宮

積分: 51912

194^#

發表於 10-1-6 21:41 |只看該作者

原帖由 死笨媽 於 10-1-6 20:53 發表
我仔都試過俾同學話佢傻架, 痴線架,唔好同佢玩呀,
跟住亞仔就發皮氣打人, 還留下很深的5指印,
最後要社工帶佢地去驗傷, 順勢同醫生講我仔幾嚴重,
要求佢地加快見精神科醫生, 好彩醫生又真係幫我搞排快期, 如果唔係 ...

又係同我仔一模一樣.你囝呢單野正是我仔多年來既寫照.有時都唔係好明點解D同學明知咁樣講野話我仔,我仔實會打人,都照樣繼續講講講,我試過有次湊個仔番學途中,遇到佢其中一個同班同學,佢當住我面前跳下跳下一邊大大聲唱:"XXX(我仔全名)係傻仔~~~XXX係白痴仔~~~(repeat N次咁唱)"跟住我仔即刻好無助咁望住我,跟住我示意叫個仔唔駛在意個同學仔,個同學仔得意忘形唱唱下自己响街度PK~!

跟住我同個仔即刻笑咗出黎.事後放學我仔走黎同我講番呢件事,我仔話:"好彩有媽咪响度咋,如果唔係我都唔知點算."

反而我仔又無話無得放小息噃...反而係我囝個ADHD老友同學之前成日都係咁,結果有幾次我仔話小息無佢老友陪佢玩,佢走黎失常除褲俾高年班姐姐睇又揭女同學裙底囉!之後訓導主任同我講,我真係無面又嬲到喊,嚇親個訓導主任.反而我仔早輪小息就有得入社工房,社工安排咗個高年班哥哥教我仔同我仔老友同學玩摺紙,一齊學,我仔同佢老友都勁開心架!查實我地班仔真係成個亞B咁,有好多時真係可以好易氹得掂佢地.

私人傳訊

~仔仔媽咪~

水晶宮

積分: 51912

195^#

發表於 10-1-6 21:43 |只看該作者

原帖由 VKwan 於 10-1-6 21:17 發表
咁唔怪得之香港好似咁多case咁啦，其中一個原因我地地少人多，細路百厭d都已經攪到人，細路又冇足夠空間活動發洩，咪攪到好似有問題咁囉。

其實我亞仔都超恐怖，真係跳上跳落冇停架，成日打爛野，不過佢有度好，佢唔會打人。 ...

查實我仔無打人,好大機會都無人會覺得佢係ADHD.當年我帶佢去做評估,都皆因佢成日打人,今年開學到依家佢無再打人,我已經好感恩.

私人傳訊

Connielai

伯爵府

積分: 19418

2023年兔年勳章畀面勳章 BK Milk勳章

196^#

發表於 10-1-6 21:50 |只看該作者

暑假時我個仔仲食緊ritalin,但脾氣差到不得了,又鬧我又鬧細佬,除左吾敢鬧爸爸。但爸爸鬧佢,佢就走左去,初時只係走去會所,後來就躲起來,打佢手提又吾聽,令到我同老公周圍搵佢,如是者試過3-4次,總之一鬧佢就走。我吾知佢係反叛定係乜,因為佢已經12歲,同醫生講, 醫生就話要轉藥,而家真係好左好多,轉左藥後都未出走過,發脾氣也只是躲在自己房。

私人傳訊

~仔仔媽咪~

水晶宮

積分: 51912

197^#

發表於 10-1-6 21:52 |只看該作者

原帖由 Connielai 於 10-1-6 21:24 發表
我個仔未食藥之前又係無小息嫁,但佢係比老師罰,小息要去教員室睇書。

我仔嗰時就係上唔到功課支援班囉,日日都俾老師安排佢去圖書館睇書,呢樣我都覺得幾好,至少佢可以靜靜地睇書,但小二嗰年,學校係反轉豬肚咁打個電話黎要求我'提早接仔放學',我話我本身要番工,同埋就係無人代我接個仔放學,我至迫住要佢上埋功課支援至放學,學校係答我:"你無辦法都要有辦法,,,我地學校唔係淨係睇你仔一個囉!總之你係咪都要有辦法去提早接個仔放學!"結果我就係呢一番說話,我嗰期有抑鬱,個手提電話一响,一見到係學校電話,我已經喊定先唔聽走去cut佢線,之後講之前嗰番我覺得好受傷既說話嗰位訓導主任知自己LAI野,又見我真係唔再接佢電話,佢至打電話俾我老公,好聲好氣咁妥協話見我仔呢幾日似乎好番咗D,就俾佢繼續留到五點(上埋功課支援班)至放學啦.

有時唔係我地唔體諒老師難處,但老師何解唔去體諒番家長既難處,又唔願同家長傾去溝通去一齊合作配合,反而走黎自保,講埋D咁傷害性既說話.到依家,呢個訓導主任係擺明唔望我好不滿我咁囉.次次我响學校遇到佢,佢即刻板起塊面擰開唔望我.所以我都一樣當番佢透明.講真間學校唔係淨係得佢一個訓導主任囉.

私人傳訊

~仔仔媽咪~

水晶宮

積分: 51912

198^#

發表於 10-1-6 21:56 |只看該作者

原帖由 Connielai 於 10-1-6 21:50 發表
暑假時我個仔仲食緊ritalin,但脾氣差到不得了,又鬧我又鬧細佬,除左吾敢鬧爸爸。但爸爸鬧佢,佢就走左去,初時只係走去會所,後來就躲起來,打佢手提又吾聽,令到我同老公周圍搵佢,如是者試過3-4次,總之一鬧佢就走。我吾知 ...

雖則我仔唔會夠膽走咗去,但係確實食咗ritalin呢兩年真係脾氣差咗好多!少少唔如意佢都話沮喪擺哂無心機樣,再唔係突然佢好似'姨媽到'咁,無啦啦搞埋搞埋好多野黎迫自己喊咁,有時搞到我同老公好煩囉!之後我同老公直頭'順佢意',佢一開始黎料要搞喊自己時,我地响佢未喊得出之前係咁大大聲'鼓勵'佢快D喊,叫佢唔好忍唔好等,我老公甚至即席扮哂我仔平時發脾氣D樣同動作出黎,講哂佢平時發脾氣講開嗰三篤屁,我仔就會反而唔再繼續癲落去,但次次都係咁,我覺得好無奈囉!暫時呢幾日就唔多見佢有呢家野囉.