我都諗呢個Topics遲早會變成咁，真係一覺瞓醒又一日開始。
作為自傾兒家長，我地冇得對住外人唔標籤自己個仔，
我自己個仔係點我都會愛錫，但我控制唔到外人點睇，
而事實上好多人只會觀表面去批判，口誅筆伐加埋拍片上網，
已經變成而家嘅大勢。有時做人好難，言者無心，聽者有意，
日日都見唔少，網上討論大家只集中某一點，有時以偏概全，
無限上鋼上線，引伸出好多可能性，當中有幾多「以為」、「我估」、「應該」？
我地覺得理所當然，人家覺得十惡不赦，根本就係觀點與角度問題；
而且每個人有不同決擇，你唔介意講唔代表人家唔介意，
正如我之前都講覺得叫人去殘廁好礙耳，其他人講咁係殘障就應該去殘廁啦，
冇錯，但正如有人講自閉兒家長自己標籤自己個小朋友，
咁我唔覺得我個小朋友係殘障，點解又一定要去殘廁？
當然我唔係話個媽帶個10歲仔去女廁仲要鬧人好啱，
樓主見到個神高神大男仔入女廁會驚係人之常情，
個媽鬧人就真係冇禮貌，但我地只可以就呢一件事去討論，
唔好拉埋去講身教、有病唔係大晒呢D問題度，當大家咁講嘢時，
我覺得同果個阿媽真係分別不大，我舉腳贊成講道理，但以惡對惡，
從來都唔係一個好嘅方法。
打個比喻：如果個媽講「對唔住，我兒自閉，我唔放心佢自己一個去廁所，
又冇其他人可以帶佢去男廁，騷擾晒」，我想呢個post都未必會出現。
又或者樓主俾人鬧完之後同個媽講：「啊，咁又真係要小心D啦，
照顧自閉兒真係好辛苦，我係人媽媽，我都明白，唔駛介意。」
咁我估個阿媽個保護罩會即時脫下，或者會講番對唔住都唔定。
不過一切都發生咗，亦已成過去，冇嘢改變到，
或者以後當中主人翁都唔會在茫茫人海中再相遇，
與其再纏繞喺呢個問題上都冇意義，大家不如努力今天，
move on，明天會更好嘛。
花旗太太生活在花旗國，留意時差，你問我未必即時答到。
發表於 
比我可能會問佢有無野要幫手添。但何解佢要鬧人呢?
人地當面鬧妳，好過妳上bk唱人，都唔見得好好多....講完！
大家起碼都知樓主net name同少少私人事，同是BK姐妹，為咗個無品港媽/特殊兒童而口誅筆伐樓主，好有正義咁話啦係嘛？
(p.s我係男人)
返回列表
