佩服...佩服...
C6 一直都冇同返佢地講我嘅決定, 直至到母親節, C6 就好似 99 咁唸走嚟同我講 : "聽晚食飯喎" 簡直完完全全當我之前講嘅嘢係死嘅, 仲要好似只係知會我一聲咁嘅態度, 所以我答佢 : "我唔想講兩次, 唔該唔好再問我里 D 問題喇!"
其實我嬲到仲想答佢 "你不如帶阿 XX (佢意中人) 去啦, 反正 99 不嬲都唔介意買大送細架啦!" 而佢亦唔知點同佢地講嘅情況底下, 惟有去到現場俾佢地問起先至話我唔肯去........
之前提過果位我同 C6 都好尊敬嘅女長輩, 我就晌里道稱呼佢做 CT, 其實 CT 係識得晒 C6 嫲嫲至到 C6 里三代嘅人, 所以佢係睇住 C6+KN+KL 嘅成長, 亦非常清楚 plus 了解佢地成個家庭嘅問題所在, CT 甚至曾經同我講過 : "佢 (C6) 等到家下有妳要咗佢已經好好架啦!" 而我同 C6 所有嘅問題; CT 亦一清二楚嘅...好喇, 講返轉頭先, KN 同 99 竟然走去揾 CT 投訴我唔俾佢地見我囝囝, 好似人地 D 家長走去學校道投訴 D 咩嘢咁
但, 好在 CT 果然係個名不虛傳+公正嚴明嘅長輩, 佢數返晒 C6 所有 hurt 過我嘅嘢俾佢地聽之外, 仲問返 99 轉頭 : "大家都係女人, 咁妳覺得人地可以點做呀?" 以 CT 講返俾我聽, 佢地兩個嘅反應係---->呆晒
佢地完全冇唸過我忍咗佢個囝/大佬咁多年同咁多嘢囉, 跟住佢地求返 CT 轉頭叫佢勸下 C6, 因為所有人都知 C6 由細到大, 都幾聽 CT 話嘅.......
好多謝妳地嘅支持, 里一年裡面, 真係過得唔容易.....又加上我上司要求我用一 D 唔合法嘅手段嚟加快完成某 D 工作, 我開始發現自己又有失眠嘅情況出現, 所以我決定辭職休息一下.......一來可以自己跟返下個囝 (囝囝有肌肉發展遲緩問題, 十一個月都仲未坐得穩), 二來我都真係想俾媽子休息下, 佢星期一至五就幫我手湊囝囝, 星期六日及公眾假期就幫我哥哥手湊我姪仔, 佢真係好勞累.....三來回顧返我過去嘅二十年工作生涯, 連續性嘅休息只係試過半年, 仲要係因為身體上嘅問題而需要休息半年, 所以明知經濟上唔會有人 support 自己, 都真係想真正咁休息一下.........
發表於 
返回列表
