婆媳關係

跳至

首頁

尾頁
   133


男爵府

積分: 5056


181#
發表於 12-5-13 00:08 |只看該作者
唔知今日有冇六國大封相呢?


大宅

積分: 3719


182#
發表於 12-5-13 07:28 |只看該作者
回覆 Erised 的帖子

真係衷心感激您的關心,好好彩有您哋一路陪住,唔係我唔知可以同邊個講
事實證明奶奶她癲咗,直頭痴咗缐,冇人㩒得她住,我爸爸被人話打人,連架公司車都被撞凹咗,奶奶司機喺公安度,𠵱家到底點我都唔知,好混亂,我係俾我爸連拖帶挾咁"隊"上車,我驚到一D情緒思維都冇,番到屋企俾我爸推咗入房交帶工人睇住叫我唔洗打俾C6他會主動聯繫,他自己就出咗去又唔講去邊,媽咪又唔喺屋企,成晚冇人番過嚟,我好混亂冇瞓過成晚網又唔敢上喺房度搵自己細個的漫畫書睇平伏下心情,連工人都一路喺廳打"dun" ,她明明今日放假,我唔知發生咩事,電話一路冇響過


我都好想分享事情的經過但所有事發生得好快好突然,我組織唔倒,我有聽番録音,初段的對話都聽到後期就得番D"服服聲"同車聲,班三姑六婆講嘢的聲


事源奶奶唔止串,句句有骨仲搵咗班三姑六婆去飲茶我已經覺得好奇怪,成間房一班女人,諗唔起幾個,唔計奶奶大約6-8個,得我爸一個男的。



子爵府

積分: 13658


183#
發表於 12-5-13 07:38 |只看該作者

回覆:真係唔知點算好-深層矛盾(唔好意思好長...)

慢慢打,等你!好彩你Daddy 同你一齊去咋…




男爵府

積分: 5056


184#
發表於 12-5-13 09:49 |只看該作者
A.Yin 發表於 12-5-13 07:28
回覆 Erised 的帖子

真係衷心感激您的關心,好好彩有您哋一路陪住,唔係我唔知可以同邊個講
天呀,乜搞到咁大鑊????而家真係有仇咩,使唔使玩到咁絕呀???好恐怖呀!!!

你爸爸無俾人告嘛?


大宅

積分: 4665


185#
發表於 12-5-13 10:37 |只看該作者

回覆:真係唔知點算好-深層矛盾(唔好意思好長...)

你daddy同你都在港嗎?希望一切安好啦。我一路睇你個post都心驚膽顫。




大宅

積分: 3719


186#
發表於 12-5-13 10:45 |只看該作者
我先啱啱接到daddy電話他話同媽咪喺酒店等緊62,重叫我等老公電話,有機位的話他今晚機番,我真係好想知到底發生咩事,我問他他又一路話等埋你老公先,他們現在喺香港定SZ的酒店我都唔知

但是我daddy係百份之一百冇打人嘅,他有兩次用手格開班三姑六婆,當中有冇奶奶我睇唔清楚因為daddy用個身擋住我。

成件事我都唔知由邊度講起,架車排緊隊過關的時候,個師傅就打俾奶奶司機,個師傅係揸通行證的,咁我估係大陸人,他同奶奶司機講講下廣東話就轉channel講鄉下話,我同daddy都無為意,他車咗我哋去一間獨立式的餐廳唔係喺巿區,附近都係別墅型住宅區,一落車就見到奶奶司機,我嗌咗一聲王哥(我見過他幾次,我見老公咁嗌咁我都咁嗌),王哥叫咗我爸一聲X生就帶我們去三樓,全部都係獨立房。

一開門見到奶奶坐正喺圓枱對面,咁我下意識叫聲奶奶,同時間發現有一咋人,咁都本能講聲大家好(隱約中好似認得有一兩個係奶奶親戚),見到有空位就坐。奶奶由始至終坐喺度就講

99:親家老爺辛苦嘛
我爸:唔塞車啦
99:所以我話叫XX(我)上嚟,她又話舟車勞頓,查實依家咁方便,過關又唔洗落車,有乜咁辛苦啫,根本SZ冇香港咁迫地方又大,邊樹嚟菌吖
我爸:自己個女番唔想她走來走去就梗架啦,無咩問題吖
99:唓,親家老爺你唔係當時喺日本咩,我好關心你個女架,我呀特登撘夜機又拎補品諗住"dun"俾她食架,又好心叫她上嚟住呀老爺都係咁講格,不過呀X唔滿意又唔領情吖,我都幾柦心血冇咗囉,唉~不過做人奶奶冇地位架嘞,做乜D細嘅都唔順意架啦,連個仔都無埋呀,呀親家老爺你係男嘅又點會明吖


男爵府

積分: 5564


187#
發表於 12-5-13 11:27 |只看該作者

真係唔知點算好-深層矛盾(唔好意思好長...)


你99真係好有問題
但跟住係點呀?




別墅

積分: 639


188#
發表於 12-5-13 11:29 |只看該作者
哇,你奶奶甘瘋咯,我睇她有精神病。你的依家點了。


大宅

積分: 4575


189#
發表於 12-5-13 12:30 |只看該作者

回覆:真係唔知點算好-深層矛盾(唔好意思好長...)

佢attention seeking 到咁,仲要以為自己係太陽。run on grandma power呀!完全冇為個孫著想!




大宅

積分: 3719


190#
發表於 12-5-13 12:31 |只看該作者
頭先C6打泥話搭唔到晏縐機但可以搭夜機凌晨番,我問他咩事他又話唔知,係daddy同62都叫他番,話屋企有事,他倒轉問我,我唔想再添亂,淨係話同你媽有關,我媽咪都打過俾我問我點,情緒有冇問題,我話ok,但他們始終唔肯講喺邊,我真係好擔心

講番件事

我爸:親家咁你又唔好咁講,做父母的愛錫還愛錫始終他們係獨立個體有自我選擇權,不過凡事必有因啦

我見勢色唔對就講

我:我琴日做咗產檢confirmed咗係女呀,BB一切安好
99:咁咪好囉唔洗做99受氣

三姑六婆,有香港人,有講唔正廣東話又有直頭講普通話(簡稱36)就話
36a:睇你個樣都係生女架啦
36b:生多幾個囉
36c(普通話):龍子比龍女好,咱們中國人嘛
36d:有得生都好啦,不過你們唔係啱啱結婚之咩
我話(黑面):係吖,咁又點
36c:呀吖呀姨問問而已嘛,做媳婦的怎麼好頂嘴呢


別墅

積分: 639


191#
發表於 12-5-13 12:47 |只看該作者
跟住呢?


大宅

積分: 3719


192#
發表於 12-5-13 12:58 |只看該作者
唔好意思我思緒有D混亂,我先講番99有介紹班三姑六婆但唔係逐個介紹,主要有X集團Y總老婆,A部處長老婆,B公司老總,等等,然後講句我呀親家喺C公司打工的,唔好睇他打工呀,高層嚟架,福利好好,又可以假日洗公司假日都有車送他上嚟,呀親家99都唔差架@:#%-+.....,我爸爸講一句:係吖都係事實,香港人靠實力打拼,係冇喺大陸靠咁D花招賺大錢架嘞,不過對得人對得神,又有時間同老婆拍拖去下旅行咁啦(唔知我老豆係唔係知道咗個深層矛盾,所以咁講),班三姑六婆就冇再講嘢

講番前面

99(普通話):唉,老張,現在的年青人不都這樣,你看不開你自己找碴自己,我兒不都是這樣嗎,前幾天為了老婆還跟我頂嘴,別說99連做媽的都沒地位,還說生孩子

我:99其實YY(C6).....
36x:99講嘢你反省下啦,做人新抱要識孝順,唔好駁嘴駁舌,諗下自己有冇錯,你佗住BB,呢D叫身教


別墅

積分: 639


193#
發表於 12-5-13 13:15 |只看該作者
其實你奶奶叫你落大陸而且又叫班三姑六婆來。無非都系叫班36教訓你同系班36面前拿彩。好彩你daddy同你一齊。如果吾系你同肚入面個都唔知幾危險。
你依家最緊要系放松,小心自己身體啊。有咩等你阿爸阿媽同老公搞了。


大宅

積分: 4575


194#
發表於 12-5-13 13:18 |只看該作者

回覆:真係唔知點算好-深層矛盾(唔好意思好長...)

嘩!罷明叫你上去教育你!b6到咁!唔好理佢地拉!你daddy好型,好在有佢保護你。你e+咩都唔好理,專心安胎,萬大事由你daddy mammy 同c6處理,你當睇故仔咁置身事外會好d。

得閒就update下我地啦!




大宅

積分: 3134


195#
發表於 12-5-13 13:53 |只看該作者


大宅

積分: 3719


196#
發表於 12-5-13 13:58 |只看該作者
我老豆啪一聲打落張枱度企喺身,(呢個時候D錄音已經唔係好清楚):

收聲啦你班X婆,關你哋咩事啫,我個女洗你班外人教?

99企喺身:呀親家老爺你咩事發咁大脾氣呀,講中你咩,我哋婦孺人家,你咁計較,叫外人幫你教下女有咩唔啱呀,我們講的都係你個女之前D行為,我廢事自己人教唔惦搵外人教下,以前做新抱要幫奶奶洗腳,幾時輪到99服待新抱呀,我都唔計較,你個女唔領情不特止仲唔聽我電話,全世界(意思62丶C6)圍住她轉。咩叫結婚咩叫入門呀,她唔係我們X家人呀?你咁樣縱壞她呀我以後點教呀

我爸超興:X太(99),我唔識你乜嘢歪理乜嘢思想,我好肯定我個女係有規有矩,有家有教,她粗身大細,正常人都唔會叫一個大肚的走來走去啦,你唔係女性咩你有BB的時候唔辛苦咩

36X(我已經唔知邊個打邊個):咁又唔係呀以前D人落田做嘢擔水擔泥啦

另一個36:X生(我爸)勸你咪教壞嗰女啦,老張(99)你自家新抱要教架,現在唔教等幾時

99:嫁出去的女潑出去的水呀,呀X(我)係我Y家人,你(我爸)無謂理咁多

我:99唔該你唔好咁過份,我事實係唔想去SZ走來走去,你無必要迫我,我唔慣被迫,但坦白講你亦迫唔到我。我屋企都照顧得我好好,多謝你曾經一番心意檔我對你唔住,我現在同我爸爸喺度,我相信你都要尊重你自己

99(發癲)指住我鬧:你咩新鮮蘿蔔皮,做人新抱邊得你咁多嘢講,牙尖嘴利,我係你邊個你知唔知

我爸(對住我):洗乜理呢班x婆,冇文化冇修養,思想迂腐,不知所謂,我哋行得正企得正,冇做錯事,喺呢班人欺人太甚

拖起我就走

其中一個36又係啪一聲:咩呀咩呀,你(我爸)話邊個八婆呀,你企喺度呀,你咩意思呀

衝去門口檔住度門,其他36跟住圍咗過嚟,係咁咩呀咩呀

唔好意思我要過一陣再繼續,我多過24小時冇瞓過,為咗BB要休息一下,好多謝各位,你們的回覆至少我覺得我冇做錯,好溫暖,多謝


子爵府

積分: 12676


197#
發表於 12-5-13 15:14 |只看該作者
首先想講你 daddy以一敵眾保護個囡,好 man呀
你99皇太后上身,當正你係罪人,呃你上sz公審。:
發展到以個地部,佢無哂理性,做既野已經唔可以用常理去解釋,就算佢到澳洲,都唔好見面唔好比佢入屋,要見等c6自己見。
件事始作俑者係62,唔係佢想洗開99就唔洗攪咁多事出黎,男人既事就交比男人應付,之後既事就交比daddy同c6啦。
你無做錯事,唔洗唔開心,以家最重要係安心養胎,知道係囡囡就可以買多d靚衫同bb扮靚靚,我都有個囡歲半,日日都同佢親過衫先出街 !!


大宅

積分: 1456


198#
發表於 12-5-13 15:41 |只看該作者
你daddy/mammy/公司司機返咗香港未?? 係上面危險喎.


別墅

積分: 639


199#
發表於 12-5-13 15:43 |只看該作者
回覆 A.Yin 的帖子

好在有你daddy系度。如果唔系真替你擔心啊。居然事情發展成甘就咪理了,等你老公返來再算了。你有冇吃嘢。你唔吃肚個個都要吃。吃完就快點休息先了。
休息完得閒先說了。我的期待你的故事。


大宅

積分: 3786


200#
發表於 12-5-13 16:33 |只看該作者
"連架公司車都被撞凹咗"?????
以後唔好再見/接觸你老公任何親戚, 連62都唔見
個女人(你老公阿媽)就算幾嬲, 都唔可以咁做, 唔好講你係佢個仔老婆, 單就一個理由"車上有大肚婆", 佢就唔應該搞你, 仲要"車都被撞凹"?? 知唔知大肚婆出車禍, 分分鐘大細都有事, 佢簡直想謀殺

首頁

尾頁

跳至
Presslogic Logo
Baby Kingdom Logo