本帖最後由 oguh 於 12-8-6 15:23 編輯
剃你呀耶穌
Bruce好注重自己外表，可能「天生麗質難自棄」平時打扮裝身已經好講究，而佢亦都會唔比佢自己發福，多年來，佢努力做運動，去抵消佢成日食既垃圾。屋企有佢自己私人gym room，其實只係有架跑步機，加張sit-up椅同一D啞鈴。受我感染下佢鍾意左打網球，又好鍾意游水、潛水，同埋滑雪，某程度上，佢都算係一個好鍾意運動既人。
有次佢想轉變下型像，學人留長頭髮，留埋鬍鬚，平時返工紮起D頭髮懶有型；放假時同埋成班朋友一齊出海，有得玩wakebaord，披頭散髮咁係度玩，成個耶穌水上飄緊咁！佢上返船知我地話佢，佢好得戚話：「係呀，有我就有神蹟喇。」同佢出街，我懇請佢紮好D頭髮，我唔想人地以為我同耶穌一齊行街。
雖然佢大部份時間好難頂，有時候，我都會欺負佢。
果排佢一直以長髮鬍鬚自豪，有一日佢感冒，食左藥係屋企瞓到豬咁，我叫佢都無反應。之後我用剃刀細細力，刮左佢右邊臉既鬍子。到佢醒左一段時間，佢完全唔知，走出客廳同我睇電視，一路睇我一路笑，佢以為我笑緊電視劇。之後佢去廁所「落水」，我期待緊廁所傳來一聲尖叫。
點知等極都無，過左一陣，佢拎住佢個電鬚刨出來，扮恐佈片「恐懼鬥室」既變態殺手話：「Hello, Selina. I want to play a game，你有三秒時間逃走，三秒之後我會衝過來剃晒你D頭髮。」我九秒九彈起身，佢即刻追住我，係間屋裡面上演左一場追殺戰。當然最後佢無剃我頭啦，但我叫到拆天。佢之後其實暗暗嬲左我一星期，成日有意無意話：「今日有人話我無左D鬍鬚，無咁好睇。」或「今日有人話掛住我有鬍鬚個樣」或「唔知點解，依家睇落無咁英俊。」煩左好耐，但我都無後悔剃佢半邊鬚，實在太好玩了。
聽到都覺得個情景好好笑
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
