夫婦情感今日: 0|主題: 42807

收藏本版

發帖

返回列表

跳至頁

查看: 111910 | 回覆: 1160

12 3 4 5...59

oguh

積分: 11575

1^#

發表於 12-8-4 20:26 |只看該作者 |倒序瀏覽 |打印

本帖最後由 oguh 於 12-8-5 18:40 編輯

之前三個長post，講晒我同Bruce之間既歷史，有血有淚，如果無睇過既JM，可以睇返：

我與C6又名Bruce Wayne的崎嶇之路
http://www.baby-kingdom.com/forum.php?mod=viewthread&tid=5352122&extra=&page=1

我與Bruce Wayne的大鑊婚禮
http://www.baby-kingdom.com/forum.php?mod=viewthread&tid=5359373&extra=&page=1

我的Bruce Wayne，與他的Alfred
http://www.baby-kingdom.com/forum.php?mod=viewthread&tid=5371751&extra=&page=1

人物簡介：

我C6係英國人，年少得志，好後生就有自己事業，從前爛玩花心做盡所有衰野，「自大高傲，招招積積，嬉皮笑臉，認屎認屁，享樂專家，鍾意揸住架名貴跑車招搖過市，又鍾意炫耀自己做野點點點叻。對其他人有時把口又勁賤，成日以串人為樂，真係好乞人憎。」但其實「內心非常柔軟，非常脆弱，同埋佢脾氣雖臭，心地非常善良」。

佢不滿我係forum叫佢C6，要我係我地故事中強調佢係Batman Christian Bale咁靚仔，同埋再三叮囑我，叫我寫得佢「高大英俊，有型靚仔，有才華有智慧有品味」，所以我以下叫他作Bruce為藝名。記住，呢個係佢自己一箱情願，佢同人地大名星無一忽係似。

之前寫得太多Bruce爆喊場面，佢大為不滿，話我寫得佢唔夠MAN，唔有型，會令佢失去Fans支持，命令我之後再寫的話，要寫得佢「高大英俊，有才華有智慧有品味」之外，還要寫得佢夠tough，夠叻，要有男子氣慨。我想同佢講，根本無人care你係點，唔好旨意大家會整個銅像去崇拜你！

之前寫長篇，依家開post寫下短篇生活濕碎小趣事，希望唔好再整喊大家，輕輕鬆鬆同大家分享下我地兩公婆既瘋人生活。瘋人，係指Bruce Wayne。

無口福，又無好腸胃

之前都有大約提及，我家Bruce Wayne對「衣」、「住」、「行」都好講究，之後再細講佢要求高到點。但唯獨是對「食」，佢真係完全無譜可言。

當年係英國，佢「偏食」既情況直頭令我擔心。佢可以365日都係食炸野同罐頭食物，baked beans係佢既comfort food，幾乎每日都要食，唔食唔安樂。我話，你食咁多罐頭野，食晒D防腐劑落肚無益呀。佢好自豪咁話：「就係因為我食咁多防腐劑，今時今日我仲keep得咁好。」

普遍英國人都會去食下其他野，例如印度咖哩或中國菜都好普及啦，好多都已變左迎合佢地口味，都唔係咁exotic。但叫Bruce去食，要出盡九牛二虎之力。要佢試新菜式，佢可以食一啖就唔食，然後等你食晒，佢之後自己再去買返包薯片食。就連佢出去交際應酬，佢都可以好唔比面咁，食一啖，就唔食。

原因係，佢細個Batmom無好好照顧佢，好多時佢只係係學校食lunch，然後晚上有一餐無一餐，有時只係同哥哥Robin食一包薯片就算，或食塊麵包就算。佢都未真正享受過好食既食物，成長後都無咩要求可言。（又唔見其他方面係咁！）

亦都係因為呢個原因，佢細個腸胃已經唔係咁好，睇佢細個既相，係又細粒又瘦，真係陰公。好彩大果D之後情況好D，佢都長得高大，但比普通人難吸收，食極都唔係好肥，同埋好容易肚瀉。

同我一齊生活之後係有好轉，我會煮D「好野」比佢試下，等佢唔好食咁多防腐劑，等佢健康D啦。其實只係好普通既沙律或pasta之類，或好普通既中菜，白飯蒸水蛋炒菜咁，佢一D都唔欣賞。開頭我有反省過係咪自己煮得唔好食，但有其他朋友食過，根本無問題，只係唔口岩大爺Bruce口味。佢最愛始終都係薯片同罐頭。

依家年紀大喇，叫佢唔好飲咁多凍野，佢又唔聽，本身已腸胃差，依家更加易肚痛。

有次同佢過海去九龍食飯，司機行左紅隧，塞車塞到爆。佢上車無耐，已經面青，係跑馬地time spuare之間塞緊上天橋去紅隧前，佢面容扭曲同我講：「好肚痛呀。」

我：「忍多陣，一出隧道好快到。」

佢：「唔得喇，忍唔到喇。」

我：「你唔係想係我面前瀨屎呀？」

佢：「我都唔想，可以點算，好肚痛呀。」

我周圍望下邊度可以泊埋一邊落車，但我地剛剛上橋塞緊。我再望下Bruce個樣，佢已經標晒冷汗，我：「頂住呀，你諗下其他野分散下啦。」

佢咁肚痛，仲反串我話：「你覺得我諗D咩可以止肚痛呢？唔得喇！忍唔到喇。」

果一刻我真係好驚佢係車上面瀨屎，我第一時間諗，係諗係邊度可以幫佢買過一條新既褲換。然後佢突然唔理交通，打開左車門，自己衝左出去，一路衝一路話：「你唔洗理我，你去先啦！」然後調轉頭跑落橋，完全無視周圍既車，我大叫：「小心D呀！」

我慢慢關上門，菲律賓司機親切地問我Mr Wayne無事嗎？我抹一把冷汗，叫佢繼續去食飯地點。

Bruce之後再同我會合，話佢衝左落去鵝頸橋下面個油站廁所解決左，好好彩，唔洗換褲。

類似情況，例如佢可以係重要既宴會中，又無啦啦唔見人，又係衝去廁所。同佢去食自助餐，佢一口氣狂食幾round凍蟹（佢唯一喜愛既貝殼類海鮮），之後又唔見人，又係衝去廁所。成班朋友一齊去大球場睇ruby，天氣熱佢不停飲啤酒又係咁隊熱狗，球賽開始喇，佢又衝左去廁所。如果搭飛機，起飛前或降落前，佢會好不安，因為無得去廁所，長途車的話，佢會跳車。

我同佢講：「第時再老D你閉肛失敗，真係瀨屎的話，我唔會幫你抹。」

佢又得戚話：「到時請個18歲既少女看護，等佢幫我抹咪得囉，唔洗麻煩你。」

希望唔好有果一日，唉。