大仔大女媽媽會 今日: 0|主題: 177861

kenhurricane 寫道:
petpang:
因為係由12點開始食的,
我覺得最好11:15分又或者11:30分係某一處集合~
因為實會有人遲到的,話哂大家都帶埋bb一定會行得慢.
同埋等得黎再行去酒店都要一段時間...個個都陀手"lung"腳.
我覺得唔好係花月庭內等~
我諗到有2個地方~
一係就係火車站東海堂果個出口等~
一係就係酒店大堂等~
又或者有冇其他地方比較闊落d可以等人??

[quote]
petpang 寫道:
洛紫

其實我地係咪要早少少集合左先至入去呢?
定還是各自入去呀?
各位有咩意見，請提出

fiti 寫道:
洛紫

等我下次去西田行時睇下先~~~
如果去健康院佢再咁我唔會再應佢喇我諗~~~話佢又唔係咁好意思好似好衰咁~
話時話,每次同個仔出街我都去左洗手間先出去,,,o係街冇去過啵,,,,,,,,不過我諗要去都去到o既,不過要就住就住幾麻煩囉...
我仲係橫揹咋,,,不過佢開始有力喇,,,,但我想等佢完全有力先打直揹~
可能yanny初初唔鍾意,,,但你行耐dmaybe會like呢~~~登下登下嘛~
你有老公幫就唔洗煩+有啖好食喇到時,,,,,我估我冇啖好食多~~
[quote]
kenhurricane 寫道:
fiti:
我未有瑤瑤果時都成日行西田架...
但可能未有需要用到啦,根本完全留意唔到~
其實諗諗下都幾明顯架,一大間房~門口又有個牌寫住休息室.
都唔知點解以前會完全唔覺~
如果果個女人真係跟埋我入房我都唔知點算...
我諗我會推埋架車仔走,然後話"夠鐘返屋企啦,88"
健康院果d阿姐係好得閒架啦~見到佢地成日都好似冇野做既.
行行企企食飯幾味,佢搵著你黎煩就你唔好彩囉!
好在我去過幾次都仲未遇到~haha~
其實你揹住個囝係前面去廁所果時去唔去到架??
仲有你係打直揹??
條頸都仲未夠力,打直揹咪會側埋個頭囉,咁樣佢會唔會好辛苦架?!
我唔知我個女係唔慣定係點,曾經試過2次係屋企揹佢,都唔ok~
明明好地地的,一放佢上揹帶都未扣好就呱呱嘈,再揹埋上手仲惡添~
我諗或者大d會好d既~
我本應都諗住帶埋揹帶同車仔,但而家應該唔會帶了~
我老公放假,佢應該多數都會跟住黎,到時有佢幫下手會好好多~

fiti 寫道:
洛紫

我個b大個你個b,所以條頸可以維持到更耐呀,有次試過成分鍾,不過而家多數十幾至廿幾秒~ 我都想佢條頸快d有力呀~~~
乜西田休息室有地方餵bf?會唔會有男人入黎嫁!?
你係咪sure你老公一定去呀?我同左老公講喇,不過都係要睇下佢到時先知啊~ (當然搵食緊要過陪我la,唔係我都冇得食~~~)



[quote]
洛紫 寫道:
fiti:
係呀,你下次留意下啦.
唔知係咪因為好多人都留意唔到.
好似成日都冇人咁既,
但反而荷花入面果間換片房同埋地下女廁格離果個護理室就成日都有人.
同埋又細呢...次次餵奶都好似好迫咁~
你下次去西田餵奶同換片一定會舒服好多
瑤瑤條頸都叫做有小小力啦~
有時我突登放手睇下佢hold唔hold到自己個頭仔~
都可以維持到幾秒啦...
你果個可以維持到幾耐呀?
我諗幾秒算係短,但佢呢,塊面都幾好肉架,雙下巴又勁.
但條頸又唔係特別粗,可能會辛苦d~
我諗大家到時都預左冇啖好食架啦~
至在傾計唧,分分鐘食食下都要餵個細食
下次你去健康院一見到果個人即刻閃遠d囉.
佢應該唔會追住你黎講既

fiti 寫道:
洛紫

如果有簾我下次都去喇~冇咁迫嘛~~~thankyou曬你話我知啊!
我o岩o岩問左老公喇~如無意外佢應承左去,我都同左佢講話你老公都去嫁!!!佢同我同年嫁~不過多數d人都覺得佢大d成熟過呢個age~
到時我再sms話你知佢係咪必去丫!(雖然佢應承左~但我都怕有萬一)仲有你都可以打俾我嫁!

fiti 寫道:
洛紫

ok,我會睇清楚,如果係咁我都未必會餵lu,,,換片算喇~
我細你幾個月嫁~
其實我都係冇乜傾電話嫁~除左同老公,不過到時萬一我未send s俾你話你知而你又需要知就唔洗怕可以打俾我嫁!其實湊住個b都小左傾電話喇~因為佢成日呱呱嘈都聽唔到人地講乜