懷孕前後 今日: 0 | 主題: 330459

http://i143.photobucket.com/albums/r148/szeki112/yanhei.gif

積分: 1815

182^#

發表於 06-9-21 00:18 |只看該作者

Re: 有無73年出世既準媽咪呀? PART II

各位媽媽:

我終於係19/9 12:00pm 出左院啦.但因為BB 有小小黃，而家要照燈，所以仲要過多兩至三日BB先可以出院．
等我趁住唔駛揍BB 呢段時間同大家分享下我既生產過程．

14/9
04:30am - 如常覺得尿急，所以起身去厠所，但好似痾極都痾唔完咁．但不出半小時後，個肚三角位開始有小小痛（大概15分鐘痛一次左右）跟住下　　　　　　身又再有水出，去厠所一睇除左出水水仲見埋紅添．咁我當然第一時間叫醒老公啦．點知再唸唸，原來我個走佬袋只執得八八九九．所以我用左十分鐘Double Check 個走佬袋同即時去厠所洗埋頭同沖涼就塔的士入廣華．

06:20am - 入院登記完後，醫生用左個鴨咀鉗幫我Check當時佢話我無穿水．只係見紅同有陣痛．但都安排我在臨時待產室觀察．

08:00am - 再有醫生巡房，帶左我去十一樓一間獨立房再Check時又話我其實已經穿左水．仲問番我幾時開始穿水添．後來醫生就當我係屋企時就穿水，咁即係04:30am.

11:00pm - 由6:20am - 11:00pm 平均陣痛次數係15-20mins 一次，訓床時就更加係30mins 先得一次，完全痛既程度係好輕微．普通M痛Feel.
醫生見我咁既情況就建議，如果在24hrs 內如再無跡象就會安排摧生，唔可以再等．眼見有幾個摧生既媽媽開到兩度之後都唔開，最終又要安排開刀，真係好驚囉．

11:30 pm - 醫生同姑娘都建議我如果陣痛唔係太痛不如唔好訓床，起身行多ｄ有助產程時間快ｄ．所以我就在九樓外面圍繞大堂不停地行，慢慢開始　　　　　　感覺痛得密左，大概10mins 痛一次，每次痛15秒左右.

15/9
01:00am - 行左一個半鐘左右都係10mins 痛一次.而每次痛多右小小，大概痛10秒一次．（行到好累，終於忍唔住要上床休息吓先．

02:00am - 上左床訓左一陣，發覺開始嚟料啦5 mins 痛一次，而每次都係痛15秒．（原來行多ｄ真係好有用，如果仲係待產既媽媽真係要行多ｄ呀）（我見訓我對面個媽媽叫到心力交瘁）我心都寒埋．

03:00am -而家已經痛到 2mins 痛一次，而每次都持續15-20秒，真係好痛好痛........................姑娘教我深呼吸，但係呢個情況下已經無乜用
　　　　　
04:00am - 痛到真係忍唔住唔大叫，我而家就好似之前個媽媽咁叫唔停，都未回氣，又要再痛過啦．跟住我再問姑娘開到幾多度時，佢話已經開到兩　　　　　　度，所以亦都唔需要打摧生藥，等佢自然開，原來痛到ｃｃ下都係得兩度咋，我忍唔住都要求要聞笑氣，姑娘就話會同我安排下．

04:30am -眼見有嬸嬸推左支笑氣入來，但就比左第二個媽媽用左，我再問姑娘佢話另外個媽媽開到三度，而呢支亦係最後一支，暫時未有住．又叫我深呼吸，但當時真係痛到想死．姑娘成日建議我地要留番ｄ氣生仔時用，但我就真係痛到有理無理都好似個顛婆咁叫．如果唔係都唔知點樣舒緩我既痛楚，原本都無唸住做無痛分娩，但痛左咁耐，又無得聞笑氣又無得打止痛．所以就同姑娘講叫佢幫我安排做無痛分娩，姑娘就比左份野我睇（我都痛到睇唔真ｄ字，仲要人睇咁多野）跟住姑娘再解釋我知個時間係要在九點至五點其間先有得做，呢樣我一早就知啦．

07:00am-覺得BB 個頭好低，好想沖出來，仍然持續每1- 2分鐘痛一次但每次痛都Feel 都個頭好低，但又要死忍唔可以痾出來住．我叫姑娘快ｄ幫我安排　　　　　無痛，點知有另一個姑娘又話無幫我登記過要做無痛，（都唔知有無攪錯，我都無氣同佢地爭辯醫生到左一睇原來已經開到7.5 - 8度，姑娘就立即安排推我入產房等生，仲問我老公住係邊，會Call 佢來陪產．但就已經無得再做無痛分娩，
因為已經開到成8度．
　　　　　
07:10am- 入到產房，老公都到埋，原來我老公一早就到左醫院等入產房，幾驚生左佢都未到呀，入到產房終於有笑氣聞下，可以叫做緊張左又痛左咁耐終　　　　　於踏入最後產程，但都仲要痛多兩個鐘先開到十度．

09:00am - 終於開到十度啦，姑娘開始教我點樣用氣同姿態，但都已經去到肋疲力盡，聞氣又聞到傻下傻下咁．幾個動作都試過哂，都係唔得．都係用番最基本個動作再試，終於見到BB小小頭髮，姑娘就叫我忍住因為要幫我剪會陰，　　　剪會陰前打左支止痛針，所以都無乜感覺，開始無再聞笑氣，個人又清醒返ｄ，又再來過，之後Push 左12-15次．

09:58am - 我既寶貝女終於肯面世啦．真係好開心．但痛苦既產程仲未完結呀．姑娘再用多約20mins 幫我聯好個傷口，每一針都有感覺好痛............................

10:30am - 全個生產過程已經完滿結束

BB 重量: 2.96 kg，
出生日期：15/9/2006
出生時間：09:58am

P.S. 我總共住左五日醫院，因為生完ｂ女後失血過多，血色素太抵，只得七度(正常人係有十二至十三度)所以要輸兩大包300ml 血後先起到床．但BB 因為要照燈所以都仲未出院．

私人傳訊

http://i143.photobucket.com/albums/r148/szeki112/yanhei.gif

積分: 1815

183^#

發表於 06-9-21 00:22 |只看該作者

Re: 有無73年出世既準媽咪呀? PART II

Waikiki,

估唔到我囡囡同你囡囡同一日出世，
你幾點鐘開刀架??
我囡囡就大概10:00am 面世．

私人傳訊

http://i143.photobucket.com/albums/r148/szeki112/yanhei.gif

積分: 1815

184^#

發表於 06-9-21 00:28 |只看該作者

Re: 有無73年出世既準媽咪呀? PART II

ma.ma.me

好羨慕你咁快就生到仔仔出來．如果係第一胎都真係超快．
我都有哂心理準備要痛成十個鐘頭先生得出．
但真係痛過先知有幾痛．

私人傳訊

積分: 6836

185^#

發表於 06-9-21 09:58 |只看該作者

Re: 有無73年出世既準媽咪呀? PART II

KIKI--MAMI ,ma.ma.me
恭喜！恭喜！好開心！有咁多媽咪相繼生左！

KIKI--MAMI ,bb少少黃唔緊要,你襯宜家好好休息啦！你血色素咁低,真係要好好調理！

私人傳訊

積分: 6836

186^#

發表於 06-9-21 10:11 |只看該作者

Re: 有無73年出世既準媽咪呀? PART II

叮噹bbb
其實當唔餵人奶,就慢慢唔上奶架啦！and可飲/食d收奶的食物！
上奶但唔理佢既話只係有機會導致乳腺閉塞,未必一定！

若你買左avent既奶樽, 係要買番avent既電動奶泵先至得,因avent 的size唔同！我用nuk電動奶泵就好多奶樽都fit!

我無用過用黎吸住個乳頭的護乳墊,冇乜用,因若bb食得好,係唔會俾bb整損架！不過d膠咪=奶咀d膠,俾bb咬無問題!

如果全麻就要插氣管喉,半麻就只需插尿喉！痛唔痛...就因人而異啦！

私人傳訊

Waikiki

積分: 2426

187^#

發表於 06-9-22 21:26 |只看該作者

Re: 有無73年出世既準媽咪呀? PART II

Hello! 我生jor 喇(9月15號開刀)，bb出世有3.11kg，今日去健康院有3.2kg (7日大)。湊bb真係好忙，得閒再上黎chat!

KIKI-MAMI:
我地真係好有緣，73媽媽加女女係915出世，我係around 11：30開刀的。

私人傳訊

積分: 6836

188^#

發表於 06-9-22 22:46 |只看該作者

Re: 有無73年出世既準媽咪呀? PART II

Waikiki

恭喜！恭喜！

私人傳訊

Geemama

積分: 5140

189^#

發表於 06-9-22 22:47 |只看該作者

Re: 有無73年出世既準媽咪呀? PART II

KIKI--MAMI & Waikiki

恭喜哂呀

就到我喇!!!!!!!!!!!!!!

私人傳訊

積分: 6836

190^#

發表於 06-9-23 23:04 |只看該作者

Re: 有無73年出世既準媽咪呀? PART II

Gee
你幾時開刀？

私人傳訊

http://i143.photobucket.com/albums/r148/szeki112/yanhei.gif

積分: 1815

191^#

發表於 06-9-23 23:48 |只看該作者

Re: 有無73年出世既準媽咪呀? PART II

Cheukwing 媽媽，
我囡囡已經出左院三日啦．
返健康院Check 過都無再黃，
安樂哂．而家每餐都係人奶同奶粉一齊比ｂｂ食．
我想試下全人奶，但阿ｂ就一個鐘左右又肚餓．
攪到我都唔知點餵佢好．係咪因為我仲未夠奶比ｂｂ呢 ??

Waikiki,

你囡囡都好有份量喎.
我囡囡出世時2.96kg.
唔係太重，而家只有3.08kg．

Geemama,

你約左幾時開刀呀？？
祝你一切順順利利．

叮噹ｂｂｂ，

我都係買左Avent 手動奶泵，都幾好用．
每次都泵倒2oz 奶出來．當然電動就無咁手軟仲快ｄ添．

私人傳訊

叮噹bbb

別墅

積分: 502

192^#

發表於 06-9-24 09:04 |只看該作者

Re: 有無73年出世既準媽咪呀? PART II

Waikiki & KIKI-MAMI:

恭喜晒呀... 估唔到無上黎一排, 已有兩個跑出了...

我前兩日去做產檢, dr 話要同bb讀心跳, 頭一次都滿意, 但第二次唔合格, dr話再做多十分鐘, 如果佢都唔係點郁就要入院 (真係嚇餐死), 好彩亞b喺最後十分鐘裡面突然起身係咁郁, 如果唔係突然入院都唔知點算...

KIKI-MAMI,cheukwing媽咪,

我本來都有諗過用avent手動, 但我見好多媽媽既意見都係手動泵到手軟, 同埋電動可以自己調較力度, 因為我連開汔水蓋都無力, 我怕我會無力泵, 所以最後都係買左電動, (不過avent電動原來真係好難買, 我喺吉之島 & 荷花都買唔到, 最後買左六甲村果隻, sales話呢隻唔會令到乳房扯住痛喎...而且其他牌子會比較嘈, 呢隻會比較靜d... (你知啦... 俾人聽到自己泵奶好鬼尷尬...

)
佢教我泵完之後倒番落avent個奶樽到餵...
另外, 佢送左個冷凍杯俾我, 你地知道冷凍杯應該點樣消毒嗎? 可以同奶樽一齊烚嗎?

不如你地同我分享多d餵人奶既經驗丫... 我果陣聽講座話如果人奶同奶粉同時餵bb既話, bb會唔肯食人奶架喎... 係未真既呢? 另外你餵之前係未用清水清潔乳房就可以ga la...

唔知你有無用護乳墊呢? 我之前喺吉之島買左個護乳墊, 唔知有無效架呢? 用左乳頭係未真係唔痛呢?

另外, 我都係開刀架, 你開完刀傷口痛唔痛呀? 小便係未都會因插過尿喉既關係, 變得赤痛而有困難架?

插左尿喉幾耐先至同你拔喉呢?

我前日收到惠氏既promotion call, 佢話 $83 買一罐s26 送多一罐, 另外再送多一條淡黃色既包被, 唔知你地餵邊隻奶粉呢?

sorry, so much questions...

thanks...

叮噹bbb

私人傳訊

ma.ma.me

民房

積分: 32

193^#

發表於 06-9-24 14:15 |只看該作者

Re: 有無73年出世既準媽咪呀? PART II

恭喜恭喜!
雖然你痛左好多個鍾,但當你見到bb后,便忘記所有苦.
我bb亦係黃,所以照左2日燈先出院.但剛去

私人傳訊

積分: 6836

194^#

發表於 06-9-24 15:25 |只看該作者

Re: 有無73年出世既準媽咪呀? PART II

KIKI--MAMI
bb出左院就安樂哂!

阿ｂ一個鐘左右又肚餓...可能你真係仲未夠奶比ｂｂ...飲多d湯水啦！每次泵倒2oz 奶都係未上得好好！
不過,你點人奶同奶粉一齊比ｂｂ食?餵完人奶立刻再補奶粉？

私人傳訊

http://i143.photobucket.com/albums/r148/szeki112/yanhei.gif

積分: 1815

195^#

發表於 06-9-25 01:01 |只看該作者

Re: 有無73年出世既準媽咪呀? PART II

叮噹bbb,

因為我係醫院足足住左五日先走得，我係順產生囡囡，所以關於開刀插尿喉我真係無經驗，不過我見對面床個媽媽開完刀自己去唔到尿尿，都有姑娘幫佢插尿喉，亦因為要同BB隔離兩日所以無即時餵人奶，而家攪到每一餐都要食人奶半小時（埋身啜）再+奶粉2oz. 每餐可隔三小時再餵一次．
我囡囡暫時未有唔啜人奶既情況出現，我都係兩樣一齊比佢食，因為佢肚餓時我就餵左人奶先，我仲用唔同既奶樽餵佢（奶粉），佢都無抗拒．不過每個BB都唔同，好難講架．
至於護乳墊，我無用到，因為BB 啜得幾好，我無覺得痛．所以我都唔需要，啜得啱就唔會痛架啦．你要慢慢試下個位，如果覺得痛就要再試，試到啱為止．一般我餵奶前都會用Nuk既清潔乳房既濕棉抺一次．抺乾淨再比BB 啜．
你要努力加油呀！！

cheukwing媽咪，
唔知係咪用手動奶泵關係，泵到2oz 都已經好倦啦．
不過我都覺得自己唔係成日谷奶，每日都係一次半次．
真係要再飲多ｄ湯水先得啦．
我通常都係先餵人奶（埋身啜），囡囡通常食半小時就唔食會訓著教，但一用奶樽餵(補奶粉2oz)佢又會繼續食，咁即係人奶佢唔夠飽啦，但佢又唔繼續啜喎，真係激氣．
如果我咁餵發會唔會越來越小奶架??????

ma.ma.me
會唔會奶粉唔啱BB呀，又無便便又出粒粒，你係咪食緊廣華個隻奶粉，雅培心美力???

有好多BB 都會黃，唔好太擔心，照完燈應該會好ｄ，我囡囡都要照一日燈先出得院．

私人傳訊