想生BB 今日: 0 | 主題: 109568

積分: 442

181^#

發表於 07-3-3 12:19 |只看該作者

Re: 今日好down.....

小寶貝兒,

咁我同你差唔多, 不過我都唔太清楚ivf 同iui 的做法, 只係同佢講要做手術, 我又怕打針又怕做手術喎.

好開心, 我同你地大家都可以明白到大家的心情, 因為一來這些太私人同埋我d 朋友係唔會明白同有咁遭遇, 可以同你地傾真係好好, 唔知係咪而家d 男人太大工作壓力, 以前我friend d 爸爸都可以生成5-8個仔女, d 阿伯都仲有精力去咩la, 點解C6咁後生, 會搞到咁..... 如果比錢同BB, 我一定要BB, 因為錢幾時都有機會, 但bb係有限期架....本來c6前晚應承我, 話昨晚搽定蜜糖等我, 唉, 點知佢要返早, 仲要成4:00起床添..

雲南我仲意呀~ 不過一定要去最少6-8, 因為係行唔晒, 我看飲食男女有介紹, so 我都好想去..... 但真係都幾貴下

我個friend最近去咗英國同法國玩, 自由行, 8日都係用咗11000, 超抵, 不過二個人去又係大數...... 唉... 我同c6去旅行都無咩架... 除咗上年結婚周年日去咗macau 有一次外, 連去日本honey moon都無, 因為跟團太早起身, 太late 先訓, 好累,. 所以ccmssm同寶貝兒你地, 如果要旅行時成事, 最好都係自由行或者去短線那些la.....

私人傳訊

積分: 30295

182^#

發表於 07-3-6 01:05 |只看該作者

Re: 今日好down.....

timlc,
我唔係好怕打針, 只要唔好望就ok, 但我好幾次打完針或見到血我就見暈, 有2次仲暈底埋, 個底唔好呀~~ 而且我好易過敏, 食野已經多避忌, 成差唔多十幾廿年冇食過芒果, 家陣妳問我芒果咩味我都唔記得啦!! 見到人人食到"習習"聲, 周街都係芒果甜品, 都幾痛苦下架!!

我都覺得可以上黎傾下真係好, 同老公講, 講黎講去佢只會叫妳"唔好諗咁多!!"
唉~ 可以做到唔諗咁多既, 梗係好啦, 但6299, 親戚朋友, 見一次問一次, 肥左就問係咪有左, 我話唔係, 佢地仲要話, "岩既岩既, 未夠3個月唔講得丫麻!! 唔怕喎, 自己一家人, 怕咩講呀!!" 真係頂!!!!!

唉~ 我就咁睇, 以前d人雖然要動力勞動, 但係佢地一星期都係返5日之麻, 而且冇ot呢樣野, 更加冇話做十幾粒鐘都仲未收得工, 又冇話返半夜4點, 又或者通頂架麻, 身體梗係好d啦, 而且果時物價冇而家咁天價, 剩係一層樓, 我細個媽咪買樓果時都係廿零30萬, 而家? 同樣既單位已經賣緊百幾粒啦!!! 點比丫..... 以前我爸媽供一層樓, 可以9年就供完, 而家, 供到退休都未供完呀!!! 仲點敢諗生仔丫.... 剩係諗下咁多壓力, 真係佢肯同意生已經好好架啦..... 最多咪又儲多d錢, 做返幾次iui囉....
(我真係諗定睇埋家計會, 比半年佢同埋中醫師, 冇料到就睇董醫生或者dr.tay架啦!! 原來我既夢想係同我媽子一樣, 21歲嫁人, 23歲生第一個, 咁到左43歲既時候就已經可以甩難, 日日去飲茶同shopping, 而家已經遲左4年架啦~~

)

雲南真係唔錯架, 不過最衰我上次遇到間衰公司姐.....
其實唔會要好多錢架, 機票我當2千蚊先啦, 住宿2百/晚=1400/7晚2個人, 即係700/人, 食就100蚊日(超豪架啦, 我地去左8日, 唔計搭車時間有6日可以洗錢, 都洗唔到500蚊, 2個人喎!!)=800, 再join下d 1day tour, join返4個呢, 當佢200蚊/日, 即係800蚊啦, 咁計下計下, 基本開支都係4300蚊咋~~

我同老公咪又係, 次次去旅行雖然已經係自由行, 已經好free, 但真係會係酒店咩咩既次數真係一隻手都數得晒!!! 所以我諗住下次去d更relax既地方, 冇乜野玩既, 純粹休息, 我諗會好d掛~~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

Naiyauso

積分: 452

183^#

發表於 07-3-6 09:54 |只看該作者

Re: 今日好down.....

各位妳地好嗎? 我終於得閒上嚟啦, 咁多留言既睇怕都要一陣先睇得哂啦!

私人傳訊

積分: 442

184^#

發表於 07-3-6 10:16 |只看該作者

Re: 今日好down.....

Naiyauso, 好耐無見你LA, 記得你話3月頭係Period 日子, 希望你真係無period 至十個月後la, 如果有喜, 記得上來報喜呀!

小寶貝兒, ccmssm,
我昨日又去覆診la, 這幾日個人好火, c6 又激我, 塊面成日紅, 又熱氣, 又無胃口, 個人又緊張, 都唔知做咩, 又訓唔著覺喎, 杜ec話我肝火好勁, 仲加重咗藥量, 本來我m小姐應該2月尾3月頭就來, 但到而家都無動靜, 我當然好想係bingo la, 但杜ec又無講, 佢只係話我個人太熱, 要遲d 先可以計劃架, 經期遲可能係因為而家調理緊, 氣血未夠呀, 但又聽聞話中ec無咁早可以把到脈..... 而家有好多疑惑??

ccmssm, 我問左杜ec可唔可以吃花旗參so + 蛋煲來飲, 佢話可以無問題喎. 不過如果我未bingo, 就快d 來m la, 到時如果來咗m我再問下可唔可以吃酸野先

私人傳訊

ccmssm

積分: 1511

185^#

發表於 07-3-6 13:03 |只看該作者

Re: 今日好down.....

小寶貝兒, timlc,Naiyauso ~

我希望大家都可以用自然的方法有 BB，大家都要放鬆 D 啊 ! 我近來都小在上來，因為公司又好忙啊 ! 而我身體又時來 M 時停一下。心情又由開始好擔心，唔開心，怕影響我生鼠BB大計到現在都平靜了。
身體真不是我可控制到，我現在唔想睇中E住啦，因為工作太忙，那個中E又遠，我C6同99成日話我"睇中E有咩用呀?"
好像做左 D 事沒人支持，煲藥又要等99不在先煲...覺得好煩呀 !
個同事叫我去做個 BOBY CHECK...我又唔知去唔去好 ! 又唔知點去，因為我有買保險，我又想CLAIM 番錢。因為之前睇中E及西醫已經用左好多錢。

真係好唔開心，都唔知點好 ! :-( :-(

私人傳訊

積分: 442

186^#

發表於 07-3-6 13:15 |只看該作者

Re: 今日好down.....

ccmssm,

同意我地身體真係唔可以控制到, 我地控制唔到幾時排EGG 幾時bingo, 只可以盡力架咋, 不過你m 都仲未regular 返, 我覺得你都係要看下中醫或者醫生, 或者你去d 近你公司既, 或者用藥粉或者真空包裝既, 咁會方便d 同好d. 你C6同99都未必明白你的苦心架, 講真, d 藥咁苦, 又有邊個想成日飲呀, 我99都唔知我點解成日飲中藥, 因為我之前都係話佢知, 我感冒咋, 無同佢講想生bb所以調理身體, 佢都話咁貴, 看咁耐d 感冒仲未好, 不如去看仁愛堂la, 幾十元一劑, 不過佢唔知我係410, 6日藥. 18劑, 計落差唔多啫...

有時我都覺得生仔的路, 都幾孤單, 尤其人地又幫你唔到, 你老公又唔肯出一dddd 力, 咁無計, 我只有祈禱求神憐憫我, 賜我產業啫, 我都要對祂有信心, 因為在祂凡事都能架, 我有時都順便幫你地祈埋架,,,

add oil, 唔好灰心呀

私人傳訊

積分: 30295

187^#

發表於 07-3-7 01:20 |只看該作者

Re: 今日好down.....

Naiyauso, timlc, ccmssm,
真係好耐冇見妳啦, Naiyauso, 最近忙緊d乜??

timlc, 點解會好火既??
係呀, 我個中醫師都話冇咁快把到脈架, 至少都要2個月先會把到架~~ 所以我都冇咁上心, 只係將自己有乜徵狀講晒比ec聽, 費事原來有機但我自己唔知唔講, 搞到冇左呀~~
而家ec都係幫我調理緊d氣血~~ 唔知幾時先會睇到有冇成效呢~~

ccmssm, 唉~~ 真係身邊既人唔支持自己都好慘架, 最慘就係果d掂下都生到幾件既, 佢地點會明白我地為左生bb(都唔好講話係仔定女, 有得生已經好好), 花左幾多精神時間同錢丫!!! 個個得把口, 叫妳去邊去邊度睇, 睇左2日就問有冇好d!! 大姐呀, 果個係中醫黎架, 即使西醫, 都冇可能感冒食2次藥就好返啦!! 更何況係調理身體? 呢d唔急得架麻!! 但佢地就成日問問問, 搞到我鬼死咁大壓力!!!

各位, 我同老公決定左去睇董曉方, 聽日打電話去book, 盡快睇同check, 如果身體ok既, 就拿拿聲做iui !! 不過今次我應該唔會同99佢地講..... 費事佢地日日提住問住, 好大壓力!!

唔知要book到幾時呢??

講起黎都幾warm, 我今日同老公講, 話我上網睇到董醫生既commant幾唔錯, 而且係不育科既, 去試下好唔好?! 估唔到佢一口就應承我!!!
因為以前問親佢, 佢都會話唔洗咁心急, 睇定d先, 乜乜物物咁, 但今次我一講完, 佢諗左秒就話好, 搞到我好驚訝, 仲問佢究竟有冇聽清楚我講乜!!!

之後佢就話, 既然呢d遲早既事, 我地又想要bb, 但之前睇既醫生又check唔到邊度出左問題, 倒不如早d睇專科, 早d知道係咩問題, 可以早d解決, 早d有bb!!!

聽完, 真係好warm, 因為我老公係一個超級保守理財既人, 連我生日想佢買個300蚊既袋送比我都要考慮3日!!! (唔係知道個特價檔做埋今日都唔會買!!!) 而今次佢竟然2秒就應承我去做iui / ivf, 佢心知道條數會好甘, 但都唔會推3阻4, 我真係好開心呀!!!

btw, 我決定唔等家計會啦!! 一黎睇過d bk媽咪既commant, 費用同係私家做差唔多, 咁我做乜要委屈自己呢? 而且我諗仁安點都會快過家計會掛?!

私人傳訊

積分: 442

188^#

發表於 07-3-7 10:32 |只看該作者

Re: 今日好down.....

小寶貝兒,

我都聽聞過董醫生幾好呀. 我本來都想book 佢, 但又怕貴喎, 不過算la, 星期一就去看家計la, 如果無用既, 我都會等身體調理好後先book.
我老公都怕我地去做ivf同iui , 因為都知幾貴, 而且仲唔一定一take ok, 佢仲口行行咁話一定會自然bingo. 真係..... 今個月只努力咗一次. 以咁既力度, 真係機會微Law.

Anyway, 我都有想過如果這幾日m小姐仲未來, 都會check 下,因為怕而家d 中藥太涼, 如果真係bingo 咗, 咁怕會影響, 但如果無bingo 既, d 棒棒一用就會來架la , so 我會去check下. 費事星期一個家計醫生話我, 做咩唔去check下呀. 你唔係想bingo 架咩,

記得book 咗董醫生, 話比我地知你book 到幾時呀!我都怕要等好耐, 如果等得耐, 我都Book 定先la

私人傳訊

積分: 30295

189^#

發表於 07-3-7 12:05 |只看該作者

Re: 今日好down.....

頂!! 打完一大輪之後冇左!!!!

timlc,
董醫生真係要早d book呀~~
佢係3個地方睇症, 仁安, 沙田診所同tst診所!
我book左仁安, 因為最早既, 都要4月25呀~~
其餘果2個, 要成6月同7月呀!!!

其實iui應該唔算好貴, 因為我見bk媽咪去做, 都係由4千~8千不等, 視乎用左幾多針藥, 但呢個價錢已經係包晒成個療程, 即係見醫生, 照u/s, 針藥, iui, 塞藥等等都包晒~ 都幾ok~

ivf呢, 我見仁安個網度有個套餐, 5萬一包晒, 希望唔洗做呢個都可以有bb啦~~

董醫生(仁安)tel:26047080

希望4月尾睇完董醫生之後會知道究竟有咩問題啦~~
不過如果佢第一次都係叫我食排卵藥叫我自己試下先, 咁我好唔好同佢講想快d, 或者試下iui呢??? 會唔會太心急啊?!

私人傳訊

ccmssm

積分: 1511

190^#

發表於 07-3-7 13:16 |只看該作者

Re: 今日好down.....

timlc, 小寶貝兒 ~

多謝你們明白及支持。
就是囉中藥依家野，飲一兩次又點知好唔好呀 ! 次次問我好左未，真係比佢吹起

跟住佢又話"係要比錢人呀 ! 自己小心d 身體，唔好食咩多零食，做 d 運動 " ，真是講就容易做就有心沒力啦 !
不過，佢都算係咁啦，都成差不多兩個月沒do do 都沒說什麼 (因為我一直都處於來 m 中)。我都明白要先有 bb 要先整好 d m期 :cry:
不過，我上次睇那個醫師都幾好︿只是太遠。因為，她在銅鑼灣而我又在火炭番工，放工過去又好晚。ec 又沒得一次來一個星期藥，一次只可取兩日，又一定要煲。真是麻 q 煩。我又唔比得我 99 知，我咩事成日睇中e。(因為99成日話沒病唔好睇中e，平時不用條理，中e好衰，會用中藥引你 d病出來)﹏

我而家都唔知點好，去睇定唔睇呢 ???? 定睇西醫check 下 d 血，是不是黃體銅素有問題呢 ??? 定等一等，等自己好番呢 ???

小寶貝兒,
好替你開心，你老公真是好好 ! 佢係"超級保守理財既人"又不是你的福氣 ! 因為，只是佢一個出去工作，家庭壓力都唔小，車次品當然要考慮考慮啦 ! 但佢對你真是十分好的 ~
那你要比心機啦 ! 支持你呀 !

timlc,
請問杜 ec 是不是有藥份呀 ? 你又睇成點呀 ? 可以分享下嗎 ?

Naiyauso,

真是好耐沒見你啦 ! 你快 d 講下近況呀 !

私人傳訊

積分: 442

191^#

發表於 07-3-7 13:55 |只看該作者

Re: 今日好down.....

ccmssm,

原來你係火炭返工, 不如你試下去看杜EC, 佢係大埔有診所, 不過就細D,又未必有護士, 係大埔安慈路昌運中心1/F 39舖, 佢最遲8:00收工. 你照打去油麻地book 佢la
2667 6509
我而家看佢, 佢差唔多醫好我D 感冒, 又令我D 皮膚好番, 不過Period 到而家都仲未來, 我問佢, 佢話因為幫我調理緊, Period有機會Late d 先來, 連平時谷胸都無, 佢又無話我bingo, 我而家又無唔妥, 都唔知點, 人地話中醫無咁快把到架, 所以我而家可能會買d 棒棒試下. 因為而家都係看咗1個月, 身體係改善咗, 你可以試下看, 你知有時中醫係講夾, 但你d m咁情況, 我鼓勵你快d 看好去, 日日用m巾都辛苦la, 又貴, 我仲係對M巾敏感, 搞到唔舒服好痕添, 所以明白你真係好辛苦呀

私人傳訊

Naiyauso

積分: 452

192^#

發表於 07-3-7 23:00 |只看該作者

Re: 今日好down.....

大家好呀! 我到今日仲未有嚟呀! 希望佢下年先嚟啦!

私人傳訊

Naiyauso

積分: 452

193^#

發表於 07-3-7 23:06 |只看該作者

Re: 今日好down.....

係呢我想問好耐啦, 其實咩係iui呀?
我近來係公司好忙呀有得睇都回唔到妳地呀! 我阿head去咗美國呀我原本以為可以好free呀! 但係都唔係既! d人都係咁叫我做咩佢既野呀! 好慘呀!
但係我係公司搵到一個同我一樣好想生bb既同事呀! 所以依家忙都同佢傾得好開心呀! 咁都無咁慘呀!

私人傳訊

積分: 30295

194^#

發表於 07-3-8 00:20 |只看該作者

Re: 今日好down.....

Naiyauso,
我祝妳既m小姐十個月後先再黎~~~

iui其實即係人工受孕, 即係用針/藥谷多少少卵子出黎(例如3幾粒), 跟住一樣好似ivf咁照超聲波(即係u/s)追蹤住d旦旦, 到有17mm以上就打破卵針, 通常打左破卵針後12~24小時就要將老公d精子注入, 做法係老公先留精, 然後醫院既實驗室會洗一洗精(作用係將d不活躍既精子洗走), 然後將剩返落黎既精子用軟管注入子宮, 等精子自己遊埋去旦旦度!

呢個方法就係岩d經期唔準, 唔知有冇排卵, 男性精子ok(唔係太少or太唔活躍)既夫婦~ 而且比ivf次次幾皮野平好多!!

不過如果當做左3次iui之後都仲未成功, 就要考慮試下ivf 啦~

如果再有唔明, 可以上下養和ivf中心既網頁, 裡面更詳盡架~~ 而且上面果段有d係我記憶, 對比返ivf中心既資料會更好!!

嘩~ d人好衰喎, 妳阿head唔係香港就塞d野比妳做, 做死妳咩!!! 係d同級既同事定係d隔離既阿頭呀?? 拍膊頭幫忙做d就話姐, 做到妳都冇時間回我地, 即係真係好多野做啦!!!

妳同事有冇上bk啊~~ 叫埋佢一齊黎傾下啦~~

all,
係呢, 我今日找到有隻3角形既用口水黎驗排卵既野, 元朗都有賣呢d野既鋪頭(尚健), 我聽日會去及及, 睇下幾多錢同埋係咪真係work, 如果真係work同平, 再介紹比大家~~

私人傳訊

積分: 30295

195^#

發表於 07-3-8 00:41 |只看該作者

Re: 今日好down.....

比幾個有用網址大家

養和醫院ivf中心

仁安醫院ivf中心

美倩怡即知受孕期測試器 (3角形)

私人傳訊

ccmssm

積分: 1511

196^#

發表於 07-3-8 09:21 |只看該作者

Re: 今日好down.....

小寶貝兒,

你都未做，不過資料都幾詳盡啊 !

"3角形既用口水黎驗排卵既野"請問買左未呀 ? 幾錢呢 ?
我昨天足於同 c6 開"在" ~.~ 兩個月第一次啊 !!!

雖然，開完後有又有番 d 血出來(剛又停了先 do do)。
不過，我都是覺得值得。我打算開始做運動及小心飲食，先自己打理好自己身體先，若最後都是不停來，我就再睇中及西醫。

Naiyauso,
一日未來，一日有希望，那你由而家開始要小心飲食啦。

timlc,
謝謝你d資料，我都打算再睇時就睇杜 ec。你都是 m巾敏感，因此好痕又生暗瘡 ~

私人傳訊

積分: 442

197^#

發表於 07-3-8 10:33 |只看該作者

Re: 今日好down.....

Naiyauso,

希望您今次Bingo la!

M小姐唔好來la! 真係好羨慕你可以找到一個和你一樣目標又可以當面傾計的朋友, 你叫埋佢一齊上bk, 咁我地又可以多個人一齊分享!

小寶貝兒,
多謝您的資料, 個口水測試器好似幾好喎, 我昨晚用d仔去測下, 只係得上線無下線, d人話如果下線越來越深先至係bingo, 咁即係又bingo 無望la (唉, 做得一次, 邊有咁好彩). 而家希望m小姐快d 來, 唔好太遲. 今日已經係day 40. 不過杜ec話正常, 咁就正常la...
我發現用口水器比d仔有二樣好處, 就係唔使用尿, 掉時又方便, 唔使偷偷摸摸, 我唔想比99見到呀.如果好用, 你記得話我知呀.. 上次我係大陸買d仔時, 都唔敢問人, 我媽又唔識講英文, 咁我就寫係張紙度, 叫我媽入去問. 點知我爸又八卦, 入去看, 仲問我你幫人買架....

ccmssm,
如果你看杜ec, 你可以係見到佢時, 唔使講自已野, 等佢幫你把咗脈先, 佢會話你知你身體有咩問題.

杜ec叫我要避3個月先好再plan, 我就一於話比個c6聽,叫佢3個月裏都唔好掂我, 可能佢會好開心. 真係好激氣, 我昨晚同佢講, 話佢有無發夢我改嫁, 嫁咗比一個肯同我生的男人, 得你一個好孤獨呀, 佢話無, 我話得la,. 你今晚一定夢到.點知佢答我話: 你要咩?嘩 , 好凍喎, 我話: 冬天又話凍, 夏天又話熱, 温暖的日子又話累... 多多借口. 佢話: 唉. 要la 麻, 好la, 黎la, 唉~

我即時轉身訓覺唔理佢,

私人傳訊

積分: 30295

198^#

發表於 07-3-8 14:14 |只看該作者

Re: 今日好down.....

ccmssm,
希~ 我呢挺c9仔得閒丫麻~~ 見人地話香港有得賣但唔知邊度, 咪上網search囉~~
話時話, 上網上得多, search既技巧都越黎越好呢~~

我未買呀, 岩岩至起身~ (鬼咩, 尋晚幫老公手整野整到5點先訓呀!!!)
陣間會去look look~~

咁岩既, 我又係對m巾敏感, 而家只係用最貴果隻護x寶, 用其他牌子唔洗半日就又紅又腫, 仲生左好多粒粒添!!!

尋日星期3喎~~ 又會忽然咁有興緻既? 都好丫, 至少都有, 我m之後到而家都未呀~~

timlc,
唔好咁唔開心啦~~ 我老公之前又係咁樣架, 平日問佢就話累, 星期六日問佢, 佢又話抖下先, 好啦, 到放長d假勒, 佢又要補課又要陪太后, 仲次次長假期都病到cc下, 然後天熱又話好"立", 天冷又話好凍, 春天又話好濕, 秋天又話好眼訓!!! 真係頂!!!!!

最後我同佢講, "咁多理由丫麻! 唔好怪我以後唔比你搞, 你自己攞黎既!!!! 仲有丫, 睇怕我地都冇乜可能自然有bb架啦, 儲定錢做人工受孕啦!!!"

點知講完之後, 又好d喎!!
妳話丫, 男人係咪真係犯賤架呢下? 係都要逼到我地d女人用埋d咁既招數先醒覺再係咁落去會連個老婆都冇埋, 先會主動少少既!!!

教妳個招數, 多d同老公講下今日係bk睇到d咩topic, 然後幾日後就講下關於"老公唔理個老婆, 唔同佢做, 結果離婚!!" 既topic, 叫佢講下有乜睇法, 等佢自己諗掂佢!!!
總之平常等閒就講d無關既, 例如教仔既topic呀, 想生bb既topic呀, 都問下佢意見, 然後就忽然彈個"因為冇dodo所以分開"既topic, 佢自然會識諗架啦!!!

有時唔可以成日剩係用軟功(誘惑佢果d), 都要用下d嚇下佢既橋, 咁佢可能會好d既~~

果個3角形口水測試器呢, 唔洗掉架, 因為係recycle架~~
其實我都係覺得佢方便先諗住買, 第一唔洗成日記住幾時要呵尿, 第二, 我一日鐘意整幾多次都得, 唔怕side左排卵條/miss左排卵~~

嘻嘻~~ 洗乜怕羞啊~~ 我上次去大陸買d仔, 都係直行直入個藥房, 然後問佢有冇d仔賣, 仲講價呢~~ 佢開價2百一盒(有100條), 我還價120, 佢再還180, 我仲係堅持120, 佢再講150, 我就掉頭走, 仲大大聲同老公講, "呢間唔賣咪去第2間囉, 你慌冇咩!!" 佢即刻叫返我轉頭, 百2就百2啦!! 之後我仲同佢講, 要多半盒驗孕條!!!

我老公都話我講價都幾叻喎~~ 我話其實未算最抵(因為我上網check過入貨價), 不過費事再壓價啦, 人地入貨同運輸都要錢既~~~
返到黎仲上黎bk講呢~~ 哈哈~~

私人傳訊

積分: 30295

199^#

發表於 07-3-8 17:52 |只看該作者

Re: 今日好down.....

all,
終於去左睇果個3角形既排卵測試器啦, 都幾大舊(個盒有手掌咁大), but~~~~~ 好貴啊~~~~ 670蚊呀!!!!!!!!!

(對我黎講)太貴啦~~~

都係搵返d平平地既啦~~~

私人傳訊

ChongChong28