吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 預產期０４年11月的準媽媽入來傾下!

大仔大女媽媽會今日: 0|主題: 177861

收藏本版

發帖

返回列表

跳至頁

樓主: sin

[2004年或之前] 預產期０４年11月的準媽媽入來傾下! [複製鏈接]

99 100101102 103...126

奀豬mami~~

伯爵府

積分: 18746

2001^#

發表於 04-6-29 14:39 |只看該作者

Re: 預產期０４年11月的準媽媽入來傾下!

Pekkle女,
其實開刀之後仲辛苦呀,個傷口有排痛,我係順產,生完已經可以落地行,但我見其他開刀生o個d媽咪,落唔倒床,仲成日不停話個傷口好痛呀....
而且唔係個個BB都要吸出黎架,我都係咁生啦,而且我冇剪呀,個傷口3日已經冇痛啦.......
所以除非有特別原因生唔到,如果唔係個個醫生都話順產好呀....老公又可以陪產喎!!!!!!

講開尿片,我個仔都係用2隻囉,出街就用Pampers棉柔，屋企用PetPet,因為成日都要換，如果用哂Pampers棉柔真係好貴囉，而亞仔成一歲我就幫佢轉左Pampers超薄啦，因為平d嘛，而且大左，唔駛成日換片，化算d呀！！！！

仲有，宜家好少人用爽身粉呀，因為醫生唔suggest,用左仲衰呀，如何BB真係紅petpet,就同佢揸藥膏就得啦．．．．

私人傳訊

奀豬mami~~

伯爵府

積分: 18746

2002^#

發表於 04-6-29 14:41 |只看該作者

Re: 預產期０４年11月的準媽媽入來傾下!

MaMaJOE,
你唔好咁擔心啦，老人家教如果有時避唔到，就講"百無禁忌"，不知者不罪呀！！！！

我自己覺得養一個BB唔係用太多錢囉，貴有貴養，平有平養呀，讀書前唔係用好多錢，而你話到讀書啦，我就唔會同亞仔讀名校，一個月學費要成萬o個D學費囉，而playgroup就唔會揀幾百元一堂o個d囉！！！都係睇吓你點揀囉，．．．．

私人傳訊

奀豬mami~~

伯爵府

積分: 18746

2003^#

發表於 04-6-29 14:56 |只看該作者

Re: 預產期０４年11月的準媽媽入來傾下!

TingWai,
你就好啦，唔駛揍，我諗到都煩啦，我宜家都plan比亞仔讀幼兒園囉，如果唔係，我驚
攪唔店兩個呀，而我又驚我要生得時，亞仔我擺去邊呀？！
屋企得我一個人呀！！！

私人傳訊

CarMan

珍珠宮

積分: 33190

2004^#

發表於 04-6-29 15:08 |只看該作者

Re: 預產期０４年11月的準媽媽入來傾下!

TingWai,
真係估唔到喎, 個dr有無say sorry之類呀咁.

開刀都要剃毛架咩, 真係唔知喎.

奀豬mami,
我都知順產既好處好多, 但係我成日驚我自己會痛到失晒控, 又唔夠力生喎. 之前仲有會諗住擇時辰開刀,後尾放棄先考慮順產, 加上要快減肥嘛,宜家睇住自己一日一日咁肥落去, 都頂唔順呀.

私人傳訊

ymc2727

伯爵府

積分: 17558

2005^#

發表於 04-6-29 15:09 |只看該作者

Re: 預產期０４年11月的準媽媽入來傾下!

d人話政府醫院會"柄"您一邊唔多理, 要到您開到10度至比您入產房, 我個friend就係咁痛咗18個鐘至開刀, 生之前18個鐘痛, 生之後又痛一個月, 好慘呀! 一個唔好彩, 搵個見習同您聯針就真係睇您好唔好命水喇! 近排另一個friend 個friend0係北區醫院開刀, 聯得唔好, 之後子宮觀濃, 要再開刀洗傷口再聯過, 痛咗兩個月呀! 政府醫院生都係要睇下好唔好彩數。有d好有d唔好。
我諗住0係私家醫院順產架, 主要係近屋企, 方便返去攞嘢, 家姐話順產好得快d, 生個時痛, 但生之後就唔痛架喇! 諗住都係生一個0者, 比多少少算啦, 唔好辛苦自己。私家醫院意外冇咁多麻。

私人傳訊

wendycychan

複式洋房

積分: 177

2006^#

發表於 04-6-29 15:12 |只看該作者

Re: 預產期０４年11月的準媽媽入來傾下!

Pekkle女, Thanks! List 己收到!!

另外想問吓各位姊妹, 知唔知邊到有產前運動做? 或者孕婦Yoga? 因近排有d腰酸背痛, 但又唔可以做 gym, 都唔知點算好!

wendycychan 寫道:
Hi Pekkle女,
我預產期係 12月3日, 第一胎! 我都唔知有咩要準備, 可否send個 bb list 比我呀? Thanks!!!
My email: [email protected]

私人傳訊

hkcindy

大宅

積分: 3899

2007^#

發表於 04-6-29 15:13 |只看該作者

Re: 預產期０４年11月的準媽媽入來傾下!

mamajoe... 已經諗到讀書啦, 我地都未計

playgroup都要$90一堂啦. 同埋奀豬mami同埋大家11月bb到時一齊返playgroup, 好正.

除左買bb野, 仲要買自己野(如腰fung, 補身食品), 萬一瘦唔番, 仲要買過d衫褲裙, 又要買少少傢俬 (放bb用品同埋比工人).

szeyuen...我未結婚已經諗生兩個架啦, 最好係兩個女or一仔一女啦, 因為我見我d家姐得一個, 真係好悶架, 成日自己同自己講野同玩.

pekkle女...係囉, 我都係諗緊去c家定政府, 話晒c家會舒服d同埋至少生完有得訓番3 日, 出院先揍bb.

奀豬mami~~ ...我身體一向唔好, 成日睇e生, 自己又唔識坐月點補, 媽咪奶奶都唔識, 所以都係請陪月穩陣, $8000一個月, 我一年都唔只睇$8000e生, 如果補得好, 可以身體好d, 就好快回本架啦. 工人係用黎揍bb, 陪月係用黎揍我架. 妳用tingwai都係生兩個, 真係開心, 開支米仲多囉

私人傳訊

ck1656

男爵府

積分: 5167

2008^#

發表於 04-6-29 15:26 |只看該作者

Re: 預產期０４年11月的準媽媽入來傾下!

哈哈, 咁快諗定要用針"吉"袋袋先有機會生多個. 到時記住約埋我做第二任媽媽喎, 嘻嘻........(我都有提老公唔好放電話在褲袋裡呀.)

你隻狗囡囡同陪月亞姐咁夾呀, 咁你更加放心啦. 我本身就怕狗狗

係呀, 我的恥骨仲有痛呀, 真慘, 唔通真係要痛到生呀, 而家先至五個月咋, 點捱呀..........我晚上間中都做一些運動架喇, 希望會幫助啦.

hkcindy 寫道:
ck.... 仲痛緊呀... 噤妳有冇飲多d奶, 可能多d鈣有幫助. 我interview左個陪月啦, 佢係一個好in嘅c9, 有2年陪月經驗, 最緊要係佢黎到我屋企唔怕我隻囡囡, 仲摸佢同佢玩, 噤囡囡就唔會"凶"佢, 都幾好. 跟住我地就會去睇工人, 而家決定bun bun同印印都睇下. 我老公見開始洗$$, 呢排成日同人講生一個收工又問我有冇計清楚條數, 生完一個仲有冇$$ save, 都可能唔夠洗啦, 仲邊有$$生第二個喎 :-x 尋日新聞話手機影響男人精子, 我叫佢唔好再放入褲袋, 佢話都收左工, 唔怕啦..... :-x :-x :-x ...... 到時我可能要用針"吉"袋袋先有機會生多個囉

我的曳豬囡囡在浸會順產出世架 ! 3.05kg-Oct 04; 4.9kg-Nov 04; 6.1kg-Dec 04; 6.8kg-Jan 05; 10.3kg-Dec 05; 12.0kg-Jul 06; 14.0kg-Jan 07; 14.6kg-Jun 07; 16.2kg-Jan 08; 17.6kg-Jun 08; 19.0kg-Jan 09; 19.8kg-Jun 09; 22.4kg-Jan 10; 22.6kg-Jun 10

私人傳訊

SZEYUEN

琥珀宮

積分: 165355

2009^#

發表於 04-6-29 15:41 |只看該作者

Re: 預產期０４年11月的準媽媽入來傾下!

wendycychan,

好多私家醫院都有產前運動開班,
妳可以試下打電話去查詢,
另街外都可以買到關於產前運動之CD,
因為我剛剛有時去大陸買了兩張,
有人試範, 試下搵下!!

私人傳訊

CarMan

珍珠宮

積分: 33190

2010^#

發表於 04-6-29 16:19 |只看該作者

Re: 預產期０４年11月的準媽媽入來傾下!

ymc2727, hkcindy,

我都聽左/睇左好多bad experience 係政府生,但亦有好多好好, 真係睇彩數. 我又好亞Q呢,仲未聽過any bad experience from 瑪麗醫院.
我身邊突然多左好多人都叫我係政府生,留返d錢比bb和自己補身, 攪到我15/16咁囉.
學szeyuen話齋, 我地有交稅架嘛,都要用下政府資源既.
其實我仲考慮緊架, 真係頭都痛.

私人傳訊

MaMaJOE

男爵府

積分: 6152

2011^#

發表於 04-6-29 18:14 |只看該作者

Re: 預產期０４年11月的準媽媽入來傾下!

pekkle女,,,,,,政府同私家都有好同吾好架啦,睇彩數囉,無所謂啦,得個幾日,不過開刀又真係好容易傷口吾靚咪好慘囉,

奀豬mami,,,,,,你咁好彩呢,吾洗剪,其實我都驚比佢剪,吾係怕痛呀,我皮膚好差架,d傷口好難好,又好容易發炎架,始終有個傷口係度,打理得吾好咪好嘛煩囉,

hkcindy,,,,,,,hehe,,,,我聽人講bb用吾到好多錢,係開始返學先要洗好多錢,我都有諗過,結婚無耐,屋企裝修,加埋加埋,都差吾多用哂d錢,又無做野,會吾會快左d,開頭諗住計劃都要二年啦,點知一q中o者, :-P ,買左d傢私都無計埋bb份,而家煩呀,,,呀,你如果工人早黎,陪月吾洗做家務既話,其實吾洗咁貴架,8000蚊公價係8個鐘頭做埋家務,照顧bb架啦,如果正係煮飯,四個鐘3-4000差吾多啦,差成半架,佢整二餐吾洗咁多時間架,

私人傳訊

klaff

民房

積分: 6

2012^#

發表於 04-6-29 19:25 |只看該作者

Re: 預產期０４年11月的準媽媽入來傾下!

尋日有左羊水報告, 個bb好正常，好開心吵．
佢係男仔黎，尋日做埋長細超聲波，佢個頭好圓呀＾＿＾

私人傳訊

car_pretty

大宅

積分: 4607

2013^#

發表於 04-6-29 23:05 |只看該作者

Re: 預產期０４年11月的準媽媽入來傾下!

丫, 係呢, 而家5個月, 去聽 concert, 唔知怕唔怕嘈親個 b 呢?

hkcindy
我約左曾醫生星期五去 check, thanks.

mamajoe
因為我有子宮肌瘤, 同埋早係o係3個幾月時已覺得腰酸背痛, 所以咪用托腹帶, 用左真係好似好 d... 仲有我好早已經開始買左張 chair for 沖涼同洗頭用 (我係淋浴), 唔駛個企o係度墜住個子宮同條腰都唔駛咁受力...

pekkle女
我都o係度煩緊o係政府定私家生, 我有諗過如果順產, 政府我諗都 ok, 而家好似比以前冇咁多 bad expenience, 如果要開刀, 都係私家醫生會好 d, 我信唔過政府醫生 d 水準。不過最麻煩係如果係政府原先順產唔得, 就要開刀, 咁就局住上la....

私人傳訊

奀豬mami~~

伯爵府

積分: 18746

2014^#

發表於 04-6-30 01:16 |只看該作者

Re: 預產期０４年11月的準媽媽入來傾下!

pekkle女,ymc2727,
我都算好彩啦,因為我係qe生第一胎,都痛左17個鐘先開得4度,已經想喊,但個個姑娘都不停行過黎support我囉,而我差唔多痛到short short地,成日叫佢地,佢地都冇厭我煩仲不停check我開到幾多度囉,不過我真係冇嗌過囉,但就有流眼淚,佢地見我痛到咁,都肯推我去產房,但我只係開到6度喳,仲未有耐生得,但可以去聞氣,我已經好開心啦.......
但有樣野唔係太好,我住大房,而生左同未生嘅媽咪都一齊住,成日都會聽到d媽咪慘叫囉,唔係咁舒服呀,生完之後聽到我好驚架,最攪笑,我生完第二日,隔離個媽咪又要生,佢嗌足一晚,我地成間房d人冇得瞓,而且d BB都比佢嘈醒哂,都幾慘呀!!
係好影響人囉,,,,,,不過今胎我如果冇特別事我都過一晚夜就走人啦,唔會好似上一胎咁住足5日囉......

私人傳訊

奀豬mami~~

伯爵府

積分: 18746

2015^#

發表於 04-6-30 01:24 |只看該作者

Re: 預產期０４年11月的準媽媽入來傾下!

hkcindy,
你咁快諗定番playgroup啦不過真係好得意囉,如果我地可以傾咁耐,第時一定好friend好有密契囉......
其實我之前絕對冇諗過自己會生2個架,不過眼見個仔愈大,佢就愈悶,成日一個人玩,自己同自己笑,又對住鏡玩,我真係驚佢會太悶囉,先同老公plan生多一個呀,但點知就一次攪店左,竟然三年抱兩啦.....
不過我宜家陀呢胎真係冇咁緊張囉,而且我有好多野都唔駛買,所以暫時冇乜開支,而第時讀書,亞大讀完先到亞二讀,所以應該影響唔大囉....!!!!!!

私人傳訊

奀豬mami~~

伯爵府

積分: 18746

2016^#

發表於 04-6-30 01:29 |只看該作者

Re: 預產期０４年11月的準媽媽入來傾下!

car_pretty,
你幾時去聽concert呀?你要小心d樓梯級呀!!!
我上一胎就有去,不過當時已經陀左8個月啦,亞仔冇停過踢我呀!!!

我家姐都係開刀生,不過宜家佢個女已經10個月大啦,佢話個傷口仲有麻痺呀,到宜家都唔敢做運動收身喎!!!!!佢到宜家都仲係keep住生完嘅身形囉.....
:-( :-(