其他親子社群 今日: 0 | 主題: 1218

積分: 8369

2001^#

發表於 06-3-21 09:41 |只看該作者

Re: 有無做傳媒工作的媽咪

綽芝媽咪:
加油啊！

你HB有無去尖沙咀槍擊案做採訪？

私人傳訊

積分: 9256

2002^#

發表於 06-3-21 09:54 |只看該作者

Re: 有無做傳媒工作的媽咪

綽芝媽,
係咪好唔捨得d舊同事呢? 唔緊要喎, 得閒約佢地出唻食下飯, 吹下水都得啫, 好似我咁, 今日就約左d舊同事食飯, 仲要係其中一個同事請食添呀, 因為佢可以甩左個junior title, 正式升做producer喇!

各位,
婷婷食唔到菠蘿, 我同佬好大機會決定畀佢讀蘇淅, 你地點睇呀, 我手頭上淨係留左位畀蘇淅同埋啟思小學附屬幼稚園, 如果我想個女打好語文方面既基礎, 同埋我諗好大機會將來都係會揀番傳統小學既話, 我係咪真係應該揀蘇淅呀? 畀d意見我丫!

私人傳訊

sunmoon

積分: 1205

2003^#

發表於 06-3-21 11:02 |只看該作者

Re: 有無做傳媒工作的媽咪

十月,

一於蘇浙啦!佢嘅普通話教學喺香港冇幾多間ja!如果簡啟思不如當初都in吓浸幼，如果收都讀浸幼啦!其實你潛意識已經有答案，不過搵啲支持啫!活動教學要好有決心先唔會後悔架

綽芝媽,

天下無不散之延席!又唔係移民，應該心情興奮先係

私人傳訊

積分: 9256

2004^#

發表於 06-3-21 11:08 |只看該作者

Re: 有無做傳媒工作的媽咪

sunmoon,
咁又係, 我都真係好驚自己後悔架, 其實心中真係有答案架喇, 不過都真係想搵多d支持唻support下, 無可否認, 啟思可以建立到小朋友既自信, 友愛等等各方面既德育培養, 但我地對活動教學始終唔係太有信心, 加上隻佬成日都話自小應該要有適當既壓力, 唉...都啱既, 咁樣好似切合d而家呢個殘酷既社會!
但一諗到唔可以親自湊佢返學放學, 我又唔係幾開心呀, 因為我真係好enjoy每日帶佢返學放學架, 不過坐校車又真係方便好多, 所以...魚與熊掌, 無計啦!
多謝你畀意見我呀!

私人傳訊

積分: 4710

2005^#

發表於 06-3-22 19:06 |只看該作者

Re: 有無做傳媒工作的媽咪

yy,
你見到的是咩款褸呀?你俾人話呀?

唔好唔開心，有我同你cheer up呀!

私人傳訊

積分: 4710

2006^#

發表於 06-3-22 19:08 |只看該作者

Re: 有無做傳媒工作的媽咪

十月,
係呀!我都覺得要俾小朋友由細開始適應社會上的rules呀!

綽芝媽,
唔洗唔開心喎!去到新公司可能仲開心呢!

私人傳訊

積分: 9256

2007^#

發表於 06-3-23 15:59 |只看該作者

Re: 有無做傳媒工作的媽咪

恩禧媽,
係呀, 所以而家都決定99.9%係蘇淅架喇!

星期二果日阿女放學, 我問佢: 劉老師(普通話老師)教左你乜野呀今日?
阿女話: 皮球(普通話)
我話: 皮球? 波波呀?
女: 係呀, 波波囉!
我: 咁你讀多次皮球我聽下?
女: 皮球!
嘩, d發音, 撞鬼咯, 準過我呀, 我真係要好好咁檢討下先得咯!

私人傳訊

積分: 4710

2008^#

發表於 06-3-23 20:38 |只看該作者

Re: 有無做傳媒工作的媽咪

十月,
你咪咁啦，佢地一日學一個名詞咁大把，點同我地呢!不過~~我諗遲d恩恩同禧禧的普通話課，我都係會

呀! :mrgreen:

私人傳訊

積分: 9256

2009^#

發表於 06-3-23 21:46 |只看該作者

Re: 有無做傳媒工作的媽咪

恩禧媽,
你都咪話, 我而家都驚緊, 如果第時老師用普通話同我講番阿女響學校既情況, 呵呵...真係...唔知點算? 上次去面試, 門口有個老師用普通話同我地兩公婆傾偈, 莫講話回應佢呀, 我連聽都至多聽得到四成咋, 好彩當時我佬響度, 咪真係...

私人傳訊

積分: 4710

2010^#

發表於 06-3-23 22:18 |只看該作者

Re: 有無做傳媒工作的媽咪

十月,
你都好呀，仲有個老公幫到手，我~~我老公的普通話仲衰過我呀!陰公~~

我諗蘇浙的中文應該會好好，話晒都係用普通話教中文呀!我自己都好buy用普通話教中文呀!

私人傳訊

積分: 9256

2011^#

發表於 06-3-24 09:26 |只看該作者

Re: 有無做傳媒工作的媽咪

恩禧媽,
普通話教中文真係幾好的, 起碼作文果陣, 唔駛諗左廣東話再轉做書面語, 直頭可以係直接我手寫我想, 寫出唻既文章應該流暢好多!
不過噚日刨晒蘇幼個topic, 發覺真係好傳統, 同我既理念唔多唔少都有出入, 反而我佬就無乜所謂, 畢竟佢一直都唔太buy活動教學, 只係我自己會擔心個女而家返學咁開心, 到返蘇幼果陣, 會唔會抗拒啫! 不過都唔諗得咁多喇, 都決定左, 返左先算啦!

私人傳訊

錢綽芝媽咪

別墅

積分: 631

2012^#

發表於 06-3-24 10:39 |只看該作者

Re: 有無做傳媒工作的媽咪

yy
我佬唔使出去家,佢安排人手去做囉!
唉!十分擔心綽芝佢要重新適應學校(佢暫轉返全日班)
今朝仲哭呀!今日打了給入境處仲未出到visa mumber
有排先有工人到! :cry: :cry: :cry:
昨日無野做,有些同事我講林生好衰喎!但佢昨日請我食飯時我感覺佢無乜野喎!發覺同事個個都唔出聲有些擔心融入唔到,不過我會全力以赴的

[img align=right]DSCN0160[/img]

私人傳訊

sunmoon

積分: 1205

2013^#

發表於 06-3-24 11:40 |只看該作者

Re: 有無做傳媒工作的媽咪

十月,

我真係覺得普通話教學對學習中文非常有用，又可以識多一種語言，其實活動教學同傳統教學不嬲都各有支持，佢傳統成點呀?真係全部死記爛背同好多功課測驗 ?自己教婷婷時可以全面同活潑一啲去平衡吓嗎?以我女為例，佢返咗學識嘅嘢真係多咗好多，同分析力強了睇嘢開始立體了，她真的很有主見，好多時一些活動由佢促成同發掘，例如呢期學校學交通工具佢就成日問呢啲嘢，又話耍去搭呢樣嗰樣，終於放假佢要我哋同佢搭天星小輪、電車、西鐵等等，佢對於學習真的好有興趣同堅持，但讀幼稚園當然問題不大，到升小學時我真的擔心佢只顧自己學習嘅喜好而脫離現實環境，不過我都覺得外國啲小朋友讀書唔駛好似香港咁辛苦都可以讀大學，點解我哋啲小朋友咁慘自小就咁大壓力！其實你不用猶豫，如果你簡咗活動教學一樣有其他擔心，所以一於照去，總之自己培育方面全面啲啦！　　　　　　　　　　　　　　　　　　　　　　　　　　　
綽芝媽，

新的工作環境需要時間適應，慢慢嚟啦！工人的事真的很煩，無計啦！慢慢向綽芝解釋，佢一定明白你嘅難處而接受你嘅安排　　　　　　　　　　　　　　　　　　

私人傳訊

錢綽芝媽咪

別墅

積分: 631

2014^#

發表於 06-3-24 16:39 |只看該作者

Re: 有無做傳媒工作的媽咪

sunmoon 十月
我也認為普通話教學很有用,雖然綽芝英文比普通話叻,但她偶然講普通話的,加上現在普通話也十分普遍,所以我也鼓勵學多些普通話
我會努力的!

[img align=right]DSCN0160[/img]

私人傳訊

積分: 4710

2015^#

發表於 06-3-24 21:50 |只看該作者

Re: 有無做傳媒工作的媽咪

十月媽咪寫道:
恩禧媽,
普通話教中文真係幾好的, 起碼作文果陣, 唔駛諗左廣東話再轉做書面語, 直頭可以係直接我手寫我想, 寫出唻既文章應該流暢好多!

十月,
好同意以上的分享呀!

綽芝媽,
比心機啦，任何環境都難不到你呀!

私人傳訊

YY（芝芝媽咪）

積分: 8369

2016^#

發表於 06-3-25 10:07 |只看該作者

Re: 有無做傳媒工作的媽咪

綽芝媽：
新舊工交替之間，你唔放多幾日假俾自己抖下？
或者有無part time家務助理可以幫下手？價錢可能貴d，但至少可以幫你湊到綽芝放學，煮埋晚飯。你自己無咁辛苦。

新工是否可以準時6點放工？是不是從未試過咁早放工呢？

我睇cable和報紙，見到殉職的警員家屬，其中一個九成似係我個中學同學，但我已多年沒有和她聯絡。如果真係她，我想慰問下她，睇下有咩可以幫到她。唔知你hb可否幫忙問問呢？

私人傳訊

積分: 4710

2017^#

發表於 06-3-25 18:28 |只看該作者

Re: 有無做傳媒工作的媽咪

各位,
今日的天氣真係

私人傳訊

積分: 9256

2018^#

發表於 06-3-26 20:20 |只看該作者

Re: 有無做傳媒工作的媽咪

各位靚媽,
既然大家都咁支持呢個普通話教學, 咁我就一心一意, 畀我小可愛響蘇幼學習呢個煲冬瓜啦!

sunmoon,
你都講得好啱, 傳統既我又擔心太傳統, 活動既我又擔心太活動, 其實總無話邊樣最好! 至於蘇幼呢, 佢地既傳統係咪死記硬背我都仲未知, 但見d家長話, 老師真係會罰d唔聽話既學生無得食茶點啦, 罰企啦之類, even K1都係會咁罰! 另外, K2開始已經要測驗考試喇喎! 感覺上好似好大壓力咁! 有個K1家長話, 老師同佢講, 叫佢得閒同小朋友溫習下D生字, 我諗可能老師響堂上會考番小朋友! 唔知好彩定唔好彩既係, 佢地K1而家教緊既野, 婷婷響而家呢間幼兒園都幾乎學晒咁滯喇! 例如佢地話上學期會學A-Z, 天空的天, 水果的水, 土地的土, 衣服的衣之類, 呢D字婷婷都已經認得晒架喇, 不過我就諗, 唔同既...而家係學廣東話, 到K1果陣係學普通話, 於佢唻講, 應該都仲好有新意既!
同埋你都講得啱, 我諗如果將來真係好傳統, 咁唯有我響屋企同佢溫習果陣, 就盡量用番D活動D既方法, 響搵課外活動果陣, 都搵番D唔好咁死板既活動畀佢參加, 希望可以平衡番下佢既心靈!
而家問親阿女, 你遲D去邊度返學呀? 佢都會話: 婷婷去蘇淅返學, 媽媽隻腳好痛, 婷婷唔好要媽媽抱返學, 要自己行去蘇淅返學呀! (我心諗, 蘇淅咁遠你都行到去返學, 我諗人地放學你都未行到返學校呀, 嘥鬼氣!)
另外, 我問過我地屋苑有小朋友讀蘇幼既媽咪, 佢地話姆褓車可以畀家長跟車, 唔駛另加費, 所以我諗我開頭幾個月, 都會自己跟埋車同阿女齊齊返學呀!

私人傳訊

sunmoon

積分: 1205

2019^#

發表於 06-3-27 09:54 |只看該作者

Re: 有無做傳媒工作的媽咪

十月,

婷婷咁乖，應該唔會咁易受罰嘅!乜姆褓車可以畀家長跟車, 唔駛另加費呀，咁咪好囉!我想跟都冇得跟，我女話"謝叔叔(我女架姆褓街車)架車好大浪呀"，每次返嚟都瞓哂，不過佢又話好鍾意咁大浪，真係好鬼好笑

學校俾咗普通話功課阿女做，有隻cd做listening，佢好多都聽得懂，不過開頭就好積極去做，做到好重複嘅部分就唔想做，佢話好悶，死啦第時啲功課可能都會悶，都唔知點算，但佢鍾意嘅時候佢就要我陪佢做好重複嘅嘢，做好多好多次，到我覺得好悶

各位,

昨日去全校大旅行好彩冇乜落雨，4月7日學校又有k1教學旅行，不過地點你馬鞍山公園，真係啱哂心水

綽芝媽,

返工返成點呀?我原本都有job offer，不過都推咗，因為驚會忙死，我諗都要遲啲先諗同埋想做啲冇咁忙同辛苦，相信而家多啲時間陪kelly,佢一定開心咗

私人傳訊