兩個星期就2021年完結，點知呢兩日有個終極大瓜，仲要玩足兩日，以為只係12月15日被曝料已離婚，當晚王力宏自己於微博上承認，仲叫人留番私隱俾佢地，唔會再為此事發言，點知因為王力宏出面澄清跟BY2妹妹Yumi嘅緋聞，以挽回自己優質藝人人設，據說佢控評攻擊李靚蕾介入佢事業，又因為婆媳問題令家庭生活不和諧，17日李靚蕾最終出長文揭開王力宏另一個面孔。
未成年嘅李靚蕾遇成26歲嘅王力宏，以深情受傷形象令入世未深嘅少女相信自己係渣男嘅救贖，八年婚姻始於女方懷孕，並非如婚禮表現嘅情根深種。八年來，女方備受冷暴力霸凌，為男方生咗三個仔女，長期偽單親照顧仔女，而男方緋聞不斷，期間有召妓有約炮，更嘔心係有炮友竟然係有夫有子嘅已婚婦人，仲疑似係雙性戀。
長文發出後令整個圈子都震撼，王力宏即時失去多個代言，有佢嘅傳聞中炮友"朋友"出嚟澄清，又有話已報警備案，又有緋聞女友喊冤話自己被騙，優質男人形象一夜之間蕩然無存。呢班"朋友"講嘅說話、提供嘅細節同李靚蕾長文中嘅時間、細節全部對上，雖然有人質疑女方，但李靚蕾似乎已搜集了實錘証據，公然問人如何聯絡警方，佢可以提供証據。
然後王爸爸著急啦，12月18日房出手寫文章為45歲嘅仔申訴，攻擊李靚蕾處心積累懷孕逼婚，又話佢令個仔最近兩年都如活在地獄中，而家離婚要索取天價分手費，可惜此舉更令人覺得王力宏係爸寶，咁大個人要父親出聲，而且好多說話都對得上李靚蕾長文中嘅時間點同事實，有這樣的家公，李喺家中地位可想而知，王爸爸嘅言辭令人以為王家有皇位要繼承，個個女人都垂涎佢個仔，更好笑係王爸爸力証個仔冇出軌冇召妓，呢D作為父母真係會一清二楚嗎？真係一次二楚就更得人驚，王爸爸今次幫倒忙。
回應王爸爸嘅指責，李靚蕾12月19日再出長文，續樣反駁，更揚言如果王力宏今日（12月19日）3點前唔道歉，佢會尋求法律途徑對王及其父提告誹謗。同時間又有人傳出李靚蕾婚前有個拍拖幾年律師未婚夫，嗯，相信又係想抹黑李，話佢係心機女，為嫁王力宏而拋棄未婚夫。。。嗯，其實王力宏係咪隱世太子？嫁佢有咪咁巴閉？
呢單年末大瓜唔知會發展成點。
花旗太太生活在花旗國，留意時差，你問我未必即時答到。
發表於 
睇到中後就好d，不過戲份一樣好多
我長期慢半拍
返回列表
