其他親子社群 今日: 0 | 主題: 1218

積分: 9256

2101^#

發表於 06-5-12 14:42 |只看該作者

Re: 有無做傳媒工作的媽咪

yy,
你家小姐又會咁怕浸個頭落水既? 不如響屋企開盆水畀佢試下先啦!
我都有諗住畀阿女學跳舞架, 婷婷而家日日放學都會經過羅逸雅呢個跳舞學校, 每次見到d姐姐著住條跳舞裙, 佢就會好似支膠水咁, 成個人黐住塊玻璃, 望住d姐姐跳舞, 然後又會同我講: 婷婷都要學姐姐跳舞呀! 所以我同佬都打算畀佢學下呀!

私人傳訊

積分: 8369

2102^#

發表於 06-5-14 23:27 |只看該作者

Re: 有無做傳媒工作的媽咪

十月：
兩年幾前有次我帶芝芝去參觀expo，剛巧見到jane wong的學生表演，芝芝睇到眼定定，對腳好似黐左膠水，企足十幾二十分鐘，等姐姐表演完才走。之後又係跟我說要學跳舞，結果一學就年幾。 :lol: 我諗對女孩子來說，跳舞真係有股魔力。

我用花灑幫小姐洗頭，她都鬼殺咁嘈。 :-x 少少水流過對眼都發皮4。 :-x

私人傳訊

錢綽芝媽咪

別墅

積分: 631

2103^#

發表於 06-5-16 13:47 |只看該作者

Re: 有無做傳媒工作的媽咪

十月
你send俾我第二個mailbox [email protected]
唔好意思,呢排趕書未能上來,托賴這份工很好,同事之問也不錯我只抱住做野心情去面對,綽芝也是氣管敏感,,我給她游水,都有些改善我問過救生員,他們對我說游水是對氣管最有幫助

[img align=right]DSCN0160[/img]

私人傳訊

積分: 9256

2104^#

發表於 06-5-16 19:14 |只看該作者

Re: 有無做傳媒工作的媽咪

YY,
JANE WONG係咪即係王仁曼呀? 我見佢地2.5歲就可以開始參加, 但唔知好唔好, 同埋唔知會唔會好商業化, 如果你有多D資料, 可唔可以講多少少我聽下呢?
你家小姐洗頭既情況, 好似我家姪女瑤瑤咁, 又係少少水入左眼都嘈到拆天, 喊到CC下的! 同佢去游水, 佢只會坐響個好似船咁既水泡上面, C都唔肯畀個上身掂到水呀, 笑到我CC下!
但我家小姐呢, 就鍾意到不得了, 就算成面濕晒, 佢都仲笑笑口同我講: 嘩...濕晒呀!

綽芝媽,
份工雖然忙, 但做得開心, 同事之間相處又好的話, 咁已經好好架喇! 當然最緊要都係可以準時放工返屋企陪綽芝啦! 呵呵!
好呀, 我SEND張我好鍾意既相去你EMAIL ACCOUNT丫, 駛唔駛留D咩個人資料之類呀?

私人傳訊

sunmoon

大宅

積分: 1205

2105^#

發表於 06-5-17 10:38 |只看該作者

Re: 有無做傳媒工作的媽咪

我阿女都想學芭蕾舞，我都想知呀!

私人傳訊

積分: 8369

2106^#

發表於 06-5-17 10:44 |只看該作者

Re: 有無做傳媒工作的媽咪

十月:
jane wong好似收3.5歲以上.......因為芝芝剛足3歲時（正值暑假），因為她好想學跳舞，所以我就幫她報了好多個跳舞班的試堂（幾乎全個暑假，個個星期六、日就去試堂 :-P ）。在jane wong試堂後，miss話芝芝表現幾好，準以破例取錄她，但學費太貴啦.....而且一班有好多小朋友，結果無報讀。

芝芝去游水，最多俾水掂到下巴，再上少少就發老皮。 :-x

綽芝媽咪：
同事相處好是好事呀！起碼無咁多是是非非。

私人傳訊

錢綽芝媽咪

別墅

積分: 631

2107^#

發表於 06-5-17 11:45 |只看該作者

Re: 有無做傳媒工作的媽咪

yy&十月
我好開心可以搵到呢份工感謝妳們的支持!我發覺連皮膚都好了真係開心死

[img align=right]DSCN0160[/img]

私人傳訊

積分: 9256

2108^#

發表於 06-5-17 12:09 |只看該作者

Re: 有無做傳媒工作的媽咪

綽芝媽,
當然啦, 女人最緊要有足夠既休息, 咁d皮膚先靚靚架嘛! 如果唔係, 好傷架, 真係多多都補唔番呀!
我email左張相畀你呀, 你睇下收唔收到? 唔該晒!

YY,
咁即係點呀? 即係FINAL都係無報到王仁曼呀? 咁而家報左邊樹呀? 好唔好呀? 我考慮緊報羅逸雅呀, 唔知好唔好呢?

sunmoon,
你HOLLY又學呀? 好呀好呀, 佢地成日話我個女氣管弱, 如果驚落水會冷親佢, 最好就搵番D陸上活動, 咁我諗跳舞都應該可以鍛鍊下條氣管啩!?

私人傳訊

sunmoon

大宅

積分: 1205

2109^#

發表於 06-5-17 18:10 |只看該作者

Re: 有無做傳媒工作的媽咪

綽芝媽,

睇見你脫離苦海，真的好鄧你開心，女人一定有夠瞓，如果唔係點辦都唔掂，好似我阿妹，就連自己親友都成日以為佢係我家姐，成日搞出啲笑話真係笑爆咀，好似有姨媽以為我係細，新年時塞利是俾我，啲表哥又認錯哂，佢啲friend又以為我係佢阿妹，查實因為佢經常夜瞓又打通宵牌，對黑眼圈真的很嚇人，皮膚變得差，所以你而家靚咗，又多時間陪女，真係乜都抵番

十月,

holly都好鍾意swimming,唔知係咪胎教，嗰陣我游足9個月，一個禮拜游幾次，所以佢歲幾已經著住水袖周圍游，水深大海都照游，佢就真係中氣十足，只不過都容易怕冷同氣管敏感，swimming係summer一定唔會走雞，因為屋企望住泳池，不過可能同街坊組班學，至於跳舞係佢每次行過見到都唔肯走話要學，佢仲想學溜冰添，學芭蕾舞要買衫買鞋，如果冇興趣真係浪費金錢，我阿女試過黃仁曼，佢都好鍾意，只係真係驚commercial啫，不過有試堂，唔駛錢嘅所以你即管同婷婷試吓先囖，學舞對身體好又優雅，我嗰次見到jane wong嘅老師，真係好"正"，身段優美舉止又斯文大方

yy,

家陣芝芝學成點呀?

私人傳訊

積分: 9256

2110^#

發表於 06-5-18 09:17 |只看該作者

Re: 有無做傳媒工作的媽咪

sunmoon,
婷婷每次經過樓下會所游池, 都話要落去游水架喇, 可惜佢d鼻水, 到而家都仲係間歇性咁流, 搞到我同佬都唔太敢帶佢落去游水住, 我地驚佢游完之後, 返到屋企變成勁流呀! 呢個星期日我諗都應該會好天既, 希望可以同佢行呢個下水禮啦!

話時話, 我都想問, 其實同佢地游水, 用水袖好吖? 抑或用救生衣果種款好呢? 水袖係咪真係足夠承托佢地既重量, 令佢地唔會沉呢? 我成日都驚唔太穩陣, 所以一直都唔敢買水袖呀! 上年買左個水泡, 但佢用水泡呢, 成日都嫌個身唔可以掂晒水, 用兩用就唔用, 要我托住佢個胸同對腳, 佢就隻手可以游下游下, 隻腳吔下吔下咁佢先滿足, 所以今年我買左件救生衣款既畀佢, 唔知滿唔滿足到佢既需求呢?

我都知jane wong果度可以試堂, 唔知今個星期六日定下個星期六日可以去九龍灣新舖度開放日添, 我同佬都諗住帶阿女去參觀下, 睇下佢有冇興趣!
我見真係好多人去jane wong度學既, 但學費就好似真係唔平! 我又考慮過去柏斯琴行度畀阿女學, 但琴行好似專教音樂既多, 唔知教跳舞掂唔掂, anyway, 我會去參觀左jane wong個開放日先再算!

私人傳訊

積分: 8369

2111^#

發表於 06-5-18 10:15 |只看該作者

Re: 有無做傳媒工作的媽咪

十月 & sunmoon:
芝芝現時在沙田大會堂學中國舞，由於有區議會贊助，所以學費好平，$400/8堂。

跳舞衫、裙、襪和鞋經老師買，全套包埋都係二百多元，而且一年至少有一次大型表演（參加表演要額外買衫，去年三百幾，今年二百元），去年和今年都會在沙田大會堂舉行，阿媽要自掏腰包買飛入去捧場。

綽芝媽咪：
我估因為你現在不用捱夜，晚上可以早點睡覺，所以皮膚靚左！

哈哈！皮膚靚靚，心情靚靚！

私人傳訊

積分: 9256

2112^#

發表於 06-5-18 10:29 |只看該作者

Re: 有無做傳媒工作的媽咪

YY,
原來芝芝FINAL無學芭蕾舞, 而係學左中國舞, 中國舞好似一定要三歲OR四歲以上先可以學呀! 同埋最老土係, 將軍澳係無呢D大會堂, 但私營既舞蹈學校就有, 最平都起碼要100蚊一堂呀!

私人傳訊

積分: 8369

2113^#

發表於 06-5-18 11:15 |只看該作者

Re: 有無做傳媒工作的媽咪

十月：
馬鞍山體育館都有中國舞學！與沙田大會堂那個是同一機構舉辦，印象中學費再平少少添！不過場地無沙田咁大。

私人傳訊

積分: 9256

2114^#

發表於 06-5-18 13:56 |只看該作者

Re: 有無做傳媒工作的媽咪

YY,
係? 咦, 咁可以搵埋瑤瑤一齊學喎! 嗯...等我呢幾日返開阿媽度, 去馬鞍山體育館昅昅先! 但中國舞, 唔夠三歲, 收唔收架? 可能要等多一年先可以參加呀!

私人傳訊

錢綽芝媽咪

別墅

積分: 631

2115^#

發表於 06-5-18 14:28 |只看該作者

Re: 有無做傳媒工作的媽咪

dear all
你地講得對捱夜真係好傷,雖然依家肥了少少,但個樣真係比係以前靚,莫過話靚啦!精神都好了許多!
現在食緊百鳳丸,希望調理番身體啦!

[img align=right]DSCN0160[/img]

私人傳訊

積分: 8369

2116^#

發表於 06-5-18 17:41 |只看該作者

Re: 有無做傳媒工作的媽咪

十月：
中國舞都要3.5歲才收，但芝芝當時都係試堂後，老師覺得她跟得上才「破例」收。 :-P

你可以先試下玩體操，一般3歲都收。做下跑跑跳跳、行平衡木、彈床、翻筋斗等遊戲，日後對跳舞、溜冰、跳水都有好處。

綽芝媽咪:
做幾多facial都假，晚晚夠瞓又瞓得好，乜都抵返！

私人傳訊

積分: 9256

2117^#

發表於 06-5-19 13:51 |只看該作者

Re: 有無做傳媒工作的媽咪

YY,
嗯...體操呀? 我真係無諗過畀佢學喎, 我總覺得呢樣係一種非常危險既運動, 睇人地做呢, 的確幾優美既, 不過自己個女咯喎, 唔好喇, 我真係唔多想!
跳水???? 唔係啩? 我諗佢做深水炸彈就得! 哈哈哈!

綽芝媽,
皮膚靚, 心情靚, 人又自然更加靚! YEAH!

私人傳訊

積分: 8369

2118^#

發表於 06-5-19 15:57 |只看該作者

Re: 有無做傳媒工作的媽咪

十月：
芝芝上體操堂時，除左行平衡木時較有難度，其他都好安全喎∼

私人傳訊

積分: 9256

2119^#

發表於 06-5-19 20:05 |只看該作者

Re: 有無做傳媒工作的媽咪

YY,
真係? 我成日都好驚玩體操會好似中國一個冠軍選手咁, 叫咩...桑...咩? 唔鬼記得左個名, 跌一跌...一世咯! 所以我從來都無諗過畀佢玩體操架, 乜真係咁安全架? 話時話, 除左跳中國舞同體操之外, 你仲畀芝芝學D咩呀? 幾多歲可以開始學? 響邊樹學呀?
唻緊暑假喇, 個女唔駛返學, 我又唔想佢日日響屋企發霉, 我眼望佢眼, 嘩...諗下都唔掂呀! 一日對足咁多個鐘, 都唔知同佢玩乜好, 所以我一定要搵D野畀佢參加下, 佢無咁悶時, 我都唔駛咁傷腦筋嘛! 所以, 唔該同我分享下你既經驗吖!

私人傳訊