影視娛樂 今日: 11 | 主題: 16161

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

2101^#

發表於 21-12-28 23:58 |只看該作者

JoanC 發表於 21-12-28 22:14
咁黃一直都係覺得自己好紅好掂，佢都唔係針對肖戰，之前都爆過佢爭番位，佢套套都堅持一番。咁佢都係多產 ...

事實黃景瑜嘅形像喺內娛冇咩撞型，硬漢軍人呢d佢有優勢，扛劇能力唔係太差，佢另一套同王麗坤剛上嘅劇三生有幸收視比王牌仲高，王牌唔掂係劇嘅問題多d, 睇下後續如何。之前黃景瑜同李沁果套愛上特種兵原本都好多人睇好，點知播出後發現好多雷點，不過收視又唔太差，只係唔算爆劇。

花旗太太生活在花旗國，留意時差，你問我未必即時答到。

私人傳訊回覆引用

積分: 53129

2102^#

發表於 21-12-29 09:59 |只看該作者

rose-mag 發表於 21-12-28 23:58
事實黃景瑜嘅形像喺內娛冇咩撞型，硬漢軍人呢d佢有優勢，扛劇能力唔係太差，佢另一套同王麗坤剛上嘅劇三生 ...

我唔係話佢嘅劇唔得，只係無一套係爆，令人記住佢。劇上緊就有人提，播完就無，演員係要有一啲令人記住佢嘅作品先有用。

不過確實我本身唔太 like，因為不在我審美線上，但都諗住佢做開軍劇，應該無問題，真係估唔到佢今次係王牌個角色差到咁，確實邊個做都難搞。

私人傳訊回覆引用

whywhite22

翡翠宮

積分: 77085

2025勳章蛇年勳章

2103^#

發表於 21-12-29 12:31 |只看該作者

本帖最後由 whywhite22 於 21-12-29 12:36 編輯

rose-mag 發表於 21-12-28 23:53
套劇係黃簽先，講咗佢一番，原本男二唔係肖戰，果陣佢因為227事件影響，冇劇組敢搵佢，肖降片酬接，唔可能 ...

原來係有段古, 我覺得真正有實力既人, 唔需要靠排位證明自己實力地位, 觀眾自然有自己評價,唔爭勝於爭, 顯得自己有量度(包括黃+肖).

私人傳訊回覆引用

積分: 174325

2104^#

發表於 21-12-29 13:08 |只看該作者

JoanC 發表於 21-12-29 09:59
我唔係話佢嘅劇唔得，只係無一套係爆，令人記住佢。劇上緊就有人提，播完就無，演員係要有一啲令人記住佢 ...

係可能我同你都冇點睇黃景瑜嘅劇，所以唔覺，佢出道作係現代校園耽改劇「上癮」，聽講都幾露骨，同劇仲有許魏洲，之後佢拍電影「紅海行動」，幫佢樹立硬漢形像，電視劇「破冰行動」「愛上特種兵」都係類似角色背景。

我唔多鍾意黃景瑜，係因為佢家暴嘅負面新聞，佢演技台辭其實都算ok, 佢人脈幾好，加上冇咩同齡同形嘅男演員，所以資源不斷

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2105^#

發表於 21-12-29 13:10 |只看該作者

whywhite22 發表於 21-12-29 12:31
原來係有段古, 我覺得真正有實力既人, 唔需要靠排位證明自己實力地位, 觀眾自然有自己評價,唔爭勝於爭, 顯 ...

有時係粉絲開撕，有時係藝人工作室引導粉絲開撕，不過有d藝人好鍾意撕番，其實俾你撕咗個一番又如何，如果套劇唔掂收視撲水的話，一番死得仲快。

花旗太太生活在花旗國，留意時差，你問我未必即時答到。

私人傳訊回覆引用

bbbusy

積分: 55720

2106^#

發表於 21-12-29 20:10 |只看該作者

rose-mag 發表於 21-12-28 23:58
事實黃景瑜嘅形像喺內娛冇咩撞型，硬漢軍人呢d佢有優勢，扛劇能力唔係太差，佢另一套同王麗坤剛上嘅劇三生 ...

三生有幸遇上你，全劇共40集，而家去到11集。睇咗幾集覺得唔錯，應該會追晒全劇。依套係上游後，唯一有動力去追嘅劇。

私人傳訊回覆引用

ddkaka

翡翠宮

積分: 81661

2107^#

發表於 21-12-29 21:03 |只看該作者

bbbusy 發表於 21-12-29 20:10
三生有幸遇上你，全劇共40集，而家去到11集。睇咗幾集覺得唔錯，應該會追晒全劇。依套係上游後，唯一有動 ...

即刻去睇下先

私人傳訊回覆引用

積分: 53129

2108^#

發表於 21-12-29 21:25 |只看該作者

rose-mag 發表於 21-12-28 23:53
套劇係黃簽先，講咗佢一番，原本男二唔係肖戰，果陣佢因為227事件影響，冇劇組敢搵佢，肖降片酬接，唔可能 ...

我唔知消息堅唔堅，不過據我一路跟返嚟消息唔係肖戰爭一番，係拍緊時劇組放料出嚟話係平番，跟住平台出嘅待播資料、搵廣告嘅節目滙禮資料全部都係排肖戰係黃景瑜之前，就算咁，肖戰粉絲都係一直用雙男主平番去做墊。係突然有一日爆有人要爭一番，跟住無耐全部海報資料換哂黃排頭位。

肖戰粉絲嬲唔係因為肖唔係一番，係接受唔到宣傳時掛肖做頭排，跟住被踢出做男二。咁究竟係邊個唔厚道呢？

而且定位男一係同戲份掛鈎，當時爭番言論出嘅時間，有人 post 過兩男角拍攝戲份日數，明顯係肖日數較多。如果黃一直係一番，戲份同角色人設就唔會咁。

私人傳訊回覆引用

積分: 174325

2109^#

發表於 21-12-29 22:04 |只看該作者

JoanC 發表於 21-12-29 21:25
我唔知消息堅唔堅，不過據我一路跟返嚟消息唔係肖戰爭一番，係拍緊時劇組放料出嚟話係平番，跟住平台出嘅 ...

是但啦，粉絲一定幫自已偶像，一番二番唔一定係計戲份多少，而且劇組搵演員時傾好，呢套肖戰個角色原本唔係搵佢，當時根本冇人敢搵佢。

有業內博主早兩日出帖爆料肖爭番同做假收視，出完帖即俾粉絲攻擊，剛剛我見到該博主已將個帖删咗，呢個博主出名堅料，佢以前都話過某d藝人團隊/粉絲麻煩同惡，未見過佢删帖，好明顯係有人投訴舉報。。。黃景瑜有份投資王牌，而家劇組寫排名以姓名筆劃先後排已經係讓步，肖粉再嘈，一陣肖又俾官方請去傾計。

花旗太太生活在花旗國，留意時差，你問我未必即時答到。

私人傳訊回覆引用

積分: 53129

2110^#

發表於 21-12-29 22:24 |只看該作者

rose-mag 發表於 21-12-29 22:04
是但啦，粉絲一定幫自已偶像，一番二番唔一定係計戲份多少，而且劇組搵演員時傾好，呢套肖戰個角色原本唔 ...

其實爆肖戰黑料由佢出道到依家都未停過，根本唔驚奇。你覺得係佢爭就係佢爭囉，反正佢嘅成績係真定假，市場自然會見到。好多人都會話哩個明星做假，果個明星做假，條數係真定假，業內人會知，知假慢慢啲廣告節目就唔會再搵佢，會接二連三搵嘅，唔通真係做假大家照受照俾錢。

私人傳訊回覆引用

積分: 174325

2111^#

發表於 21-12-29 22:25 |只看該作者

JoanC 發表於 21-12-29 21:25
我唔知消息堅唔堅，不過據我一路跟返嚟消息唔係肖戰爭一番，係拍緊時劇組放料出嚟話係平番，跟住平台出嘅 ...

繼續。。。我去王牌嘅官微搵官方出嘅微博，今年5月出嘅帖同海報都係黃排名先(圖一至三), 去到今個月開播前，海報同微博帖文就出現"按姓氏首字母排名"呢排字，咁你覺得肖粉嬲得有道理嗎？google又好，微博熱搜又好，youtube出名都好，搜尋王牌部隊幾乎全部都係肖，粉絲可以話因為肖紅扛戲，希望套戲收視好嗎，否則就算一番都冇幫助，套劇撲水的話，死多兩錢。要支持偶像就睇佢嘅戲，唔好太過在意番位爭拗，開撕得越激烈對偶像影響越差，好似我呢d路人只會對佢有負面印象。

花旗太太生活在花旗國，留意時差，你問我未必即時答到。

私人傳訊回覆引用

積分: 53129

2112^#

發表於 21-12-29 22:30 |只看該作者

rose-mag 發表於 21-12-29 22:25
繼續。。。我去王牌嘅官微搵官方出嘅微博，今年5月出嘅帖同海報都係黃排名先(圖一至三), 去到今個月開播前 ...

佢之前果啲因為爭番已經刪咗，所以你依家上去係見唔到。

私人傳訊回覆引用

積分: 174325

2113^#

發表於 21-12-29 22:33 |只看該作者

JoanC 發表於 21-12-29 22:24
其實爆肖戰黑料由佢出道到依家都未停過，根本唔驚奇。你覺得係佢爭就係佢爭囉，反正佢嘅成績係真定假，市 ...

收視造假未必關晒演員事，平台更大問題，年尾個個衝業績，廣告商有部份係以播出收視結尾款，收視唔到，平台收唔足錢。另外，收視亦都係吸引新廣告商或現有廣告商加碼嘅籌碼，收視好自然有廣告商蜂湧而至，觀眾亦會因為好奇而睇，以前仲有超前收費可以賺多一筆，所以一向平台都注水。不過因為清朗，有脱水數據公佈，廣告商亦唔係個個都咁蠢，會等脱水收視數據公佈。

劇組/平台/廣告商/大品牌都會搵明星拍劇或代言，睇中嘅係明星嘅號召力，最終係觀眾/粉絲嘅購買力，所以支持自已偶像就買佢代言嘅產品，呢樣就最幫到手。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2114^#

發表於 21-12-29 22:37 |只看該作者

JoanC 發表於 21-12-29 22:30
佢之前果啲因為爭番已經刪咗，所以你依家上去係見唔到。

呢套劇講開播好耐，雖然唔係我杯茶，新劇嘅消息我好留意，一直都係黃排名先，不過我唔會再花時間去搵資料。

花旗太太生活在花旗國，留意時差，你問我未必即時答到。

私人傳訊回覆引用

積分: 53129

2115^#

發表於 21-12-29 22:55 |只看該作者

rose-mag 發表於 21-12-29 22:37
呢套劇講開播好耐，雖然唔係我杯茶，新劇嘅消息我好留意，一直都係黃排名先，不過我唔會再花時間去搵資料 ...

我由佢哋開拍時已跟，所以一路睇住排位變化，依家先去搵當然唔會搵到，因為已傾掂而且中央出咗以後跟名字排，所以刪得都刪哂，不過我就算 post 當時儲低嘅記錄出嚟都無意思，都無法証明我唔係 P，睇最終成績就會知邊個係做得好。雖然肖戰係我其中一個好鍾意嘅演員，但唔係唯一一個，我亦唔會無端端踩同劇演員而抬高自己偶像。我一路都有睇，做得好唔好係真係睇劇時嘅感覺。而你之前話係我無睇黃嘅戲所以唔覺佢有幾好，其實你講過幾套我都知，但一兩集我就放棄咗，因為真係唔吸引。我都好鍾意迪麗熱巴，但我都無法睇哂觸手可及。

私人傳訊回覆引用

積分: 174325

2116^#

發表於 21-12-30 03:23 |只看該作者

本帖最後由 rose-mag 於 21-12-29 11:37 編輯

JoanC 發表於 21-12-29 06:55
我由佢哋開拍時已跟，所以一路睇住排位變化，依家先去搵當然唔會搵到，因為已傾掂而且中央出咗以後跟名字 ...

我唔會覺得你需要P圖去幫肖戰，只不過有時我地普通人睇到嘅資料有幾真，放圖/資料出嚟嘅又是否背後有咩用意，普通人可以知道嘅有限，不同資料來源都會有選擇性地將唔同嘅資料作出特定安排，除非係做狗仔隊，否則正常都唔會一早CAP定圖，我相信李靚蕾都唔係由第一日同王力宏拍拖就留低所有渣男嘅缺德証據。

好多劇組未簽演員就開始所謂炒作，之前趙麗穎俾人請去傾計，原因就係粉絲過份干預，只係有消息話某人會同佢二搭，粉絲就開撕，仲撕埋工作室同劇組，又話抵制，＠埋好多人，已經去到霸凌嘅層面。我睇業內幾個博主嘅微博/微信分析，仲有朋友親戚係業內人嘅八卦，冇一個偶像係冇控屏能力，不少粉絲覺得自己偶像被逼接戲，俾人蝦，招黑等等，其實有冇工作室背後攪局？大粉或後援會有冇同工作室有關？有D工作室人員就係大粉或者後援會委員，就係方便"鼓動"粉絲，之前黑幕爆出嚟，工作室/大粉/後援會都唔係乾淨，散粉單純睇戲就好，而家咁多偶像人設塌房，死忠真係搵自己笨。偶像可以去到所謂頂流，或者流量明星可以去到一呼百應，佢地自己本身都有無比堅強意志同能力，無需要我呢D小薯仔去幫佢，我睇戲就夠，當然都留意下有關劇組同演員消息啦。

我相信德藝相馨，路會可以行得長久，粉絲太難搞會害到偶像，好似趙麗穎咁，佢都出名比較圓滑同忍得，拍我和你的傾城時光俾人洽到出面都冇出聲，點知就係今次套劇溜男主就搞到幾乎被封號。

黃景瑜套觸手我都棄劇，主要係套劇唔好睇，佢同熱巴其實都OK，但熱巴個媽真係超級趕客，故事又拖又悶，無謂勉強自己。黃個樣比較粗糙，唔啱演精緻角色，紅海同破冰會啱佢多D，最好唔好再演呢類掛住軍旅羊頭賣言情愛情狗血嘅劇，邊個演祝邊個好運，擔一番仲大鑊。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2117^#

發表於 21-12-30 04:00 |只看該作者

《勇敢的心2》12月29日開播，共45集，每周三至周六更新2集，已更新6集，主演：楊志剛、張子健、倪虹潔、寇世勛、張開泰。

1937年，熱河人佟家儒背井離鄉在上海聂中丞中學教國文，養女囡囡成了殘疾，本想再次南逃的他被逼留下。目睹侵略者殘害同胞，他忍氣吞聲只求保住性命。學生歐陽為國效力，急需助手，佟家儒硬着頭皮帮忙。歐陽犧牲，佟家儒暴露被日本特務東村盯上，他巧妙周旋完成任務，同時擺脱了嫌疑。歐陽上司楊逍被抓，佟家儒把他救出。妻子梔子剛生下兒子希望，卻因保護楊逍被殺。半年中四個參與殺害梔子的凶手均被佟家儒無聲無息下殺死。東村苦於没有証據，試圖用殘酷的刑具逼佟家儒認罪。共產黨人組織教師、學生遊行，營救了佟家儒。三年後，佟家儒拿自己當誘餌，幫助國共兩黨的同志們聯合除了日本特務基地。日寇投降，東村不甘失敗绑架希望，逼佟家儒與其決鬥，戰友們制服東村，營救了希望。東村大罵佟是懦夫，佟家儒告訴他：“對待侵略者，中國人都有一顆勇敢的心。”

** 又係兄弟檔郭靖宇和楊志剛合作的作品，多年來，楊志剛演主角嘅劇都係由哥哥郭靖宇做編導或監製，曾俾爾冬陞當面話佢係關係戶，演技嚟講，楊真係好一般，多得哥哥幫佢度身訂造角色。楊志剛呢套嘅造型不得不說算係幾到位，一個書卷味儒氣滿滿嘅中學教師，一堆人之中唔多特出，甚至有少少蠢，反而更適合當臥底特務。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2118^#

發表於 21-12-30 06:55 |只看該作者

《一念時光》12月30日開播，共42集，主演：佟夢實、王鶴潤、劉潮、何美璇、榮蓉。

處在人生低谷的漫畫家時小念結織了NE集團總裁宮歐。宮歐意在調查自己失踪哥哥宮域的下落，認定時小念就是宮域失踪前與他合照的女人。時小念一頭霧水，宮歐篤定偏執，強逼她給出答案。時小念為証清白，在半脅逼半妥协之下開始了跟宮歐同一屋檐下的生活。朝夕相處中，兩人逐漸走進對方的内心，就在雙方逐漸釋懷過去的傷痛，靠近彼此時，二人的戀情卻遭到多方阻力，同時也面臨當年宮域失踪真相、NE集團權利爭奪、宮歐常年的偏執症等考驗。時小念知道，為了宮歐，最好的選擇就是暫時分開。不管最後結局如何，與宮歐相處的螢光裡，她收獲了最美好的回憶，她懷著期待有一天會再次相遇。

** 呢套劇2018年拍完，壓咗差不多4年，佟夢實因為慶餘年飾演五竹為人熟悉，但之後嘅古裝劇時裝劇都反應麻麻，王鶴潤生得幾靚，演技又唔係差，《扶摇》《如懿傳》《知否知否應是綠肥紅瘦》《長安十二时辰》《平凡的榮耀》《劉墉追案》《我的砍價女王》都有佢，但一直都紅唔起。

https://tv.gboku.com/vodplay/2517-1-1.html

花旗太太生活在花旗國，留意時差，你問我未必即時答到。

私人傳訊回覆引用

積分: 174325

2119^#

發表於 21-12-30 07:06 |只看該作者

《幸福二重奏》1月3日開播，共31集，每天更新，主演：殷桃、孫藝洲、袁弘、曾黎、姜妍、陳米麒、馬志威。

充滿狼性的職場女性面對家庭和職場的重重考驗，與佛系老公在起起伏伏的家庭關係中幾經換换位，最終相互理解、相互欣賞的故事。

https://tv.gboku.com/vodplay/2519-1-1.html

花旗太太生活在花旗國，留意時差，你問我未必即時答到。

私人傳訊回覆引用