21號郭老太又打黎問長問短目的都係想攞人,已經好煩唔知點答佢,佢仲講埋出黎話我唔比二少佢喎.
而家放緊長假,唔洗幾耐又放新年假,推得一次推唔到2次,到時郭老太向郭大俠投訴我就更加唔知點算好.我好想堅持但好似對大家都唔係咁好.留個仔喺身邊係好煩但唔會有意外,就算有都係我自己付責.二少同我講話郭老太會掉低佢一個人在家自己去左街.一來唔想有意外發生,二來唔想我個仔無所適從(唔知聽呀媽果套定呀嫲果套),因為佢心志未成熟係需要有成人看管.我是她媽媽有必要對兒子付責,我唔想為左自己的屋企安寧而趕走個仔,我更加唔想做一個唔付責的媽媽,寧願佢地日日家嘈屋閉.唔鍾意都要忍受,因為佢是我的兒子.好煩都唔知點好
我家姐個仔仲話黎我屋企瞓,有仲比人入侵嘅感覺,所以都係拒絕左唔比佢黎.我哩個呀姨係咪好衰呢.

[ 本文章最後由 kwokwong 於 08-12-22 23:03 編輯 ]

私人傳訊

lkfkitty

大宅

積分: 3551

2129^#

發表於 08-12-23 12:35 |只看該作者

kwokwong~~

咁又係呀....放長假..佢實要二少架啦...
其實佢向郭大俠投訴..你會覺得點?
郭大俠有乜反應?係會幫佢阿媽定係點?
如果唔係..我覺得..你可以同郭大俠講你的睇法..
你係唔想個仔受傷..所以唔比佢過去..
你咪又講下你阿媽留低個仔一個人在家有幾危險..
再講番上次單野....你要跟的手尾有幾長..
又要去洗傷口等等...

又或者..我唔知郭大俠會唔會有假放..
最多咪比郭大俠帶個仔過去比佢見下...
見完帶個仔返屋企囉...
不過咁你就無左一日一家人去玩的機會..
總之唔比佢過夜...比佢見下就算...

另外..都唔係的...你屋企都有孖妹...再加個表哥..
你都好難睇得住佢地..所以..拒絶左都唔緊要...

私人傳訊

kwokwong

大宅

積分: 2966

2130^#

發表於 08-12-23 20:38 |只看該作者

郭老太投訴完,郭大俠會問我做咩唔比二少返去.佢地3個係同一陣線架.細嘅就話我唔比佢去玩,中間果個就怪我困住佢個仔,最老果個就埋怨點解我收埋晒佢d孫唔比人掂.有寶咩.

私人傳訊

kwokwong

大宅

積分: 2966

2131^#

發表於 08-12-23 21:13 |只看該作者

原文章由 lkfkitty 於 08-12-23 12:35 發表
kwokwong~~

咁又係呀....放長假..佢實要二少架啦...
其實佢向郭大俠投訴..你會覺得點?
郭大俠有乜反應?係會幫佢阿媽定係點?
如果唔係..我覺得..你可以同郭大俠講你的睇法..
你係唔想個仔受傷..所以唔比佢過去..
你 ...

郭大俠同我講,我多數唔會應佢,佢見我唔應會講到我應佢為至,我多數的答案係哦!哦完就算.同佢無用架佢會話佢呀媽一個人好寂寞.好妻娘.傷唔係次次有,我只係想同我個仔關係好d.都話二少同佢嫲嫲一齊要乜有乜想點就點習慣左之後反到黎屋企忍受唔到我哩樣唔準果樣唔準,搞到佢思想有點亂,心裡好討厭同憎恨我,我唔知點講比你聽,
總之我好明白佢,我而家困住佢都係為佢好,佢個心向住郭老太比著係你你都會揀留在果邊啦~對住呀媽樣樣都唔準,食又(零食)唔準,玩又唔準(自己出街玩).郭老太都係因為愛二少先咁想二少過去無錯架.
我可以乜都唔理有得佢地架問題就係二少大過左會同我的距離越走越遠,佢無行差踏錯就話,佢學壞左果時真係悔恨遲,佢可以係一個壞到極點仲要唔知自己係錯,永遠都淨係識埋怨人地對佢唔夠好.
我到而家都一宜同學校社工保持聯絡.目的都係唔想用錯方法去同二少相處.社工透過二少把口知道我做過d咩,佢地對我的方法有讚亦有彈,咁我都可以自我檢討.同人相處真係一門好深的學問.我每天都在學習中

[ 本文章最後由 kwokwong 於 08-12-24 19:23 編輯 ]