我媽重男輕女，尤其佢真心淨係崇拜我阿哥一個咋。我細佬我媽都錫，因為一直以嚟都係佢陪住阿媽，我媽响我6歲已經離婚，所以由細到大，我都係放假至自己去我媽屋企住兩晚咋。我細佬都話，我地阿媽係阿哥以外全部都係廢人，呢句我笑咗，但又真係好到肉又係事實，好似早兩年我湊埋我家兩位公子去加拿大探佢咁，佢借啲2同我細佬講不如媽咪响屋苑會所租間房俾家姐住，意指唔想我地嚟佢屋企住，呢吓我細佬極介意，話間屋有兩間客房，做咩唔俾家姐住，我媽至唔敢say no, 嚟到擺明極嫌棄我一家3口，有次我諗住响廳陪下佢啦，點知佢一見我成碌木企响度，佢即刻鬧走我「走啦！」，就咁叫咗我番入房。之後有晚我出嚟斟水飲，見佢同我細佬攬頭攬頸咁兩母子傾吓偈，果吓我好sad差啲喊，因為正正我冇咁既福分，所以之後我細佬都察覺我自從加拿大番嚟就好似有情緒問題，我唔想佢擔心，我都話冇。始終佢早廿年前兜口兜面又好叉正常咁講開又講話佢都認同我呢個女係佢生多咗，佢要仔就夠。所以我都tune好台，明白呢啲母子情係可遇不可求，冇就係冇，所以咁多年我係唔會做主動揾佢，係佢突然醒起仲有個女，自己打電話嚟，我至陪太后。平常心。
我囝一覺得煩就人講乜佢半隻字都聽唔到架，所以我講野點都要動聽啲，費時佢又覺得我又講呢啲覺得煩，我咁辛苦講完但佢原來唔係聽咪嘥心機囉！有時都記真鬥智鬥力，摸清阿囝條路先得。
發表於 
可能就係咁，我哥更加對佢嚴加管教，但有時真係over咗，冇咗尊重阿媽果條界。真係好似教女咁勞氣對我媽架！用手指篤我媽太陽穴邊鬧，我勁驚。
返回列表
