c.vieri 發表於 22-1-19 09:15 
近期d短劇反而好睇好多
短短地又唔拖拉，劇情濃縮
唔好話劇，我呢排連睇書都揀短篇中篇，實在太多寫寫下崩劇，當然短篇中篇都有爛尾，但冇咁傷囉，唔係追咗幾百章後發現睇唔落去。
最近睇《輸贏》，最初好緊湊，熟男熟女職場老鬼嘅愛情冇一般甜寵咁戀愛至上，我睇到未夠一半停咗，因為實在太忙冇咁多時間追，有朋友一直追睇，話後面人設崩，不過成套劇有驚喜係辛梓蕾，佢做得好好，外剛內柔職場女強人，女主營銷出身，男主技術出身，兩個人競爭時嘅著重點好有睇頭，我以前都算係沾邊做差不多嘅工作，都成日要寫計劃書要諗策略要做pitch又要帶team，個別情節都幾有共鳴，睇下幾時有時間再煲埋落去。
剛剛《淘金》開播，可惜對住《開端》，加上話大導個仔拍果陣唔多上心，一心以為佢套耽改上就會爆，點鬼知而家耽改變成404，唯有寄望其他劇，佢套《打火機與公主裙》上年9月開機，應該就快拍完，小說原作者Twentine好多本書都好睇，故事幾寫實，有好多人物都係身心有缺憾，小說內容亦多有遺憾，唔知呢套又會改成點。
《鏡雙城》一開就俾人嘲笑李易峰發福，男女主冇CP感，原本呢套劇係楊紫做女主，後來楊紫去演《餘生，請多指教》，換咗原本演餘生嘅陳鈺琪，但李陳兩個不和，片場少交流，仲改劇本減少親密鏡頭，古偶甜寵冇親密鏡頭邊個有CP感，而家營銷都係李易峰一個人嘅熱搜。
花旗太太生活在花旗國，留意時差，你問我未必即時答到。
發表於 
返回列表
