大仔大女媽媽會

收藏本版
發帖
返回列表
跳至頁

首頁
107108109110111...167

尾頁
   0
szesze.betty


大宅

積分: 2245


2161#
發表於 05-12-9 14:23 |只看該作者

Re: 1103媽咪會-Chat Chat Room(Part 12)

poonhui
你咁開心放半日假呀!咁又真係要去裝裝啦,可以睇到另一面的亨亨仔.

mandy
你講中曬我最擔心的野.

All
哈哈.....各位,童童今日係學校午覺的計劃失敗了.老師話本來今日童童一路都幾乖,但一到午覺時,她見學校的燈一排一排咁熄就開始驚,之後就一直好似樹熊咁攬實老師,於是就唯有1時半放學Lu.
私人傳訊

VVbaby


男爵府

積分: 5505


2162#
發表於 05-12-9 14:41 |只看該作者

Re: 1103媽咪會-Chat Chat Room(Part 12)

[size=medium]poonhui & mandymfl
其實希希豬間學校都有全日班, 有午飯供應, 所以如果你要求留低食埋飯先走都得架! 如果係, 到時就遲一個鐘先放學啦!
星期六表演有得睇架, 聽老師講又要扮雞, 又要唱歌, 今日老師都話佢呢幾日表現幾好, 希望聽日表演都係咁啦! 嘻嘻!

[size=medium]poonhui
希希豬間學校, 我係完全睇唔到佢地上堂係點, 好羨慕你地可以睇到佢地上堂呢! :cry: 我只可以聽老師講番佢上堂點樣咋, 但始終冇你地親眼睇見咁好呢!

[size=medium]mandymfl
點解你會話基教睇唔到上堂既, 係門口出面咪睇到囉!
係呀, 希希豬係學校都有唱jingle bell, 學校有派埋歌詞添, 我可以星期一fax俾你呀!

[size=medium]szeszebetty\
唔緊要啦, 都係第一次係學校瞓覺啫, 其實我覺得童童已經好叻, 佢適應得好好呀, 要佢係陌生環境瞓覺, 又真係幾難架!
私人傳訊

mandymfl


男爵府

積分: 7300


2163#
發表於 05-12-9 15:11 |只看該作者

Re: 1103媽咪會-Chat Chat Room(Part 12)

vvbaby,

明天記著拍video, post上黎俾我地睇睇呀!
唔可以隨時入學校睇佢地上堂架, 湊返學放學都係在門口交收架咋!
唔該晒你先, 如果szesze.betty post左歌詞上黎就唔洗麻煩你啦!

ivybibi,

摩鬼呀! 想問你post個網間shop係邊度呀? 我睇中左樣野呀!
私人傳訊

ivybibi


男爵府

積分: 5570


2164#
發表於 05-12-9 15:18 |只看該作者

Re: 1103媽咪會-Chat Chat Room(Part 12)

mandymfl,
hahahaha~~ :evil:
我只係只道係官塘apm商場同CBW 利園商場2期2/F有，你可以打去apm果邊問下佢地仲有邊度有分店。﹝Tel. : 31481151﹞hahahahaha~~~魔鬼行動又成功!

私人傳訊

sandylam


大宅

積分: 2640


2165#
發表於 05-12-9 15:22 |只看該作者

Re: 1103媽咪會-Chat Chat Room(Part 12)

poonhui, ivybibi, mandymfl, szesze.betty,

無錯喇, 就係你地形容果d...我表達能力比較差 . 好似ivybibi講 : "尤其係佢地唔講野仲c，諗到我地頭都爆都諗唔到!

老師呢兩日都有打比我, 講湋圖既情況, 同埋手冊會有mark低佢地一個星期做過d乜, 同埋一個星期有一份親子工課. 本來我都有諗過去"裝"佢, 但我怕唔裝由自可...比湋圖發覺我仲大件事. 所以等佢可以好似盈盈咁, 頭也不回時, 我會間中同佢返學, 同老師傾下計

szesze.betty,
你講開童童鐘意chi男仔, 我講樣好笑野比你知, 湋圖返km頭幾, 我可以一齊上堂, 坐埋一邊.
當所有小朋友坐晒你地下聽故仔, 有個女同學, kiss隔離個男仔(咀), 個男仔好驚, 之後女仔按住個男仔係牆(佢地chi牆坐), 由額頸kiss到落手指尾. 老師起初睇唔到, 但睇到時叫個女仔唔好咁, 朋友仔唔一定要鍚, 叫佢地排排坐拖手仔就可以, 但個女仔唔聽, 繼續kiss, 結果要老師分開佢地坐

私人傳訊

mandymfl


男爵府

積分: 7300


2166#
發表於 05-12-9 15:28 |只看該作者

Re: 1103媽咪會-Chat Chat Room(Part 12)

ivybibi,

thanks! 問左ocean terminal 玩具反斗城果層都有分店!
私人傳訊

szesze.betty


大宅

積分: 2245


2167#
發表於 05-12-9 15:32 |只看該作者

Re: 1103媽咪會-Chat Chat Room(Part 12)

sandylam
好彩原來都有小女孩好似童童咁,佢地呢d行為係咪叫做過份熱情呢?
唉
私人傳訊

ivybibi


男爵府

積分: 5570


2168#
發表於 05-12-9 15:35 |只看該作者

Re: 1103媽咪會-Chat Chat Room(Part 12)

Sandylam,
咁精彩的場面都比你遇到，你當時又咩反應?如果比我見到，我會笑到收唔到聲，仲會大叫"嘩!女色狼呀!"
我估你要小心的湋圖，湋圖果樣咁smart，好容易比的女色狼hahahaha~~~

珈瑋仔都有功課要做﹝喊左幾日都唔知學左咩?﹞，有一份親子勞作，做一個聖誕吊飾﹝不過要用環保野﹞，另一份係要佢地係一張有聖誕老人的圖畫上油顏色。
私人傳訊

mandymfl


男爵府

積分: 7300


2169#
發表於 05-12-9 15:43 |只看該作者

Re: 1103媽咪會-Chat Chat Room(Part 12)

sandylam,

唔通而家d女仔真係咁open, 洗唔洗教吓盈盈主動d呢, 驚佢等日嫁唔出喎!!

szesze.betty,

你就驚童童太多男朋友, 相反我就驚盈盈無人要, 哈哈哈...!
私人傳訊

sandylam


大宅

積分: 2640


2170#
發表於 05-12-9 15:49 |只看該作者

Re: 1103媽咪會-Chat Chat Room(Part 12)

szesze.betty,ivybibi,mandymfl,

我見到時笑左左出聲(唔好意思, 冇乜儀態), 老師見我笑, 先睇到. 但我係度諗, 個小女孩係邊到學識咁樣鍚, 因小朋友一搬只係鍚下面仔, 咀仔, 但係佢由額頭, 鼻, 面, 咀, 頸, 手背, 手指咁錫, 仲要錫完同個男同學四目交投(個男仔其實好驚).

湋圖果班20人, 得6-7個女仔, 邊輪到湋圖吖

湋圖一星期一份工課, 有4版, 一版填色, 一版中文,一版英文 (好簡單, 如聯線), 同一版剪貼. 有一星期做. 唔急, 當比佢油下顏色
私人傳訊

CSo


別墅

積分: 906


2171#
發表於 05-12-9 17:34 |只看該作者

Re: 1103媽咪會-Chat Chat Room(Part 12)

vvbaby,

Sorry! X'mas Party我去唔到啦~~~因撞o左時間呀!!
Welcome to Yannes's photo website ~鎧林開心生活照~
私人傳訊

ahpei


大宅

積分: 1109


2172#
發表於 05-12-9 19:27 |只看該作者

Re: 1103媽咪會-Chat Chat Room(Part 12)

Dear all,

你地有無幫BB打肺炎鏈球菌針? 有無呢方面既資料呢 ?
因好似好少地方有得打. 我有個朋友個BB因肺炎後發覺肺內有氣泡，是肺炎鏈球菌引起，要造手術，用左十幾萬，我聽到好驚，因據聞在外國一定要打呢隻針，所以想問下有關資料，thanks.

(星島日報報道)
本港約有四分之一的兒童是肺炎鏈球菌帶菌者，該菌可引致肺炎、中耳炎、敗血病，甚至腦膜炎。兒科醫生建議家長為子女注射疫苗，預防病發。國際研究指出，香港是全球肺炎鏈球菌抗藥性最高的地區，但香港兒科基金的調查卻發現，家長對使用抗生素存在不少誤解，增加了細菌出現抗藥性的風險。

　　香港兒科基金董事會主席陳作耕表示，肺炎鏈球菌在幼兒身上非常普遍，四分之一的兒童是帶菌者，當中約一成半至三成人會病發，出現肺炎病徵，輕則發燒，重則引致腦膜炎或敗血病，更有致命危險。

　　陳作耕稱，本港的生活環境擠逼，幼童接觸時容易出現交差感染，他建議家長為孩子注射肺炎鏈球菌疫苗，預防病發。現時市面上供應的疫苗適合兩歲以上小童注射，而適合兩歲以下幼童的疫苗則仍有待引進本港。

　　盤尼西林本可殺滅肺炎鏈球菌，但有國際研究指，本港的肺炎鏈球菌對盤尼西林的抗藥性位居全球之首，高達七成二。陳作耕指出，導致細菌出現抗藥性的原因之一，是濫用抗生素。兒科基金六月訪問了二千多名幼童的家長，發現家長對使用抗生素的認識極度不足。

　　調查結果顯示，近八成家長誤以為抗生素可治療病毒性感染﹔兩成三認為發燒必須使用抗生素﹔近三成家長沒有讓子女完成療程便停藥﹔一成家長更曾主動要求醫生處方抗生素，「不少家長有錯誤觀念，認為不開抗生素的就不是好醫生。」陳作耕說，沒完成藥物療程，不但不能徹底殺死病菌，更會刺激其產生抗藥性，須更強力的抗生素才能將之克制，但衍生的副作用也更大，如損害兒童的肝、腎、腦等器官。他提醒家長，不要隨便要求醫生處方抗生素，若子女須服用抗生素，則必須遵照醫生指示，服完整個療程。

　　鄭太的兒子兆倫一歲時曾患上感冒，看了兩次醫生情況也沒有好轉，醫生於是建議使用抗生素，但鄭太非常抗拒，擔心兒子適應了藥物，日後即使小病也要用上抗生素。在徵詢了兒科醫生的意見，她才肯試用抗生素。鄭太笑說﹕「其實只要依足醫生的指示服藥，抗生素還是很有效的藥物。」

肺炎鏈球菌 引致嚴重疾病
．腦膜炎
．菌血症
．肺葉發炎和膿胸
．中耳炎
．鼻竇炎
．溶血尿毒症
肺炎鏈球菌高危一族
．兩歲以下幼兒
．託兒所內幼童
．已接受一種或以上抗生素之兒童
．最近曾受耳部感染至少一次之兒童
肺葉發炎造成積膿
　趙永醫生表示，早前一名九歲男童，因發燒及持續咳嗽達一星期，且有明顯的浮腫，便到醫院求診。經醫生驗尿檢查，發現尿液對肺炎鏈球菌抗原呈陽性反應。「從肺部X光片中，可見右邊有不尋常的陰影，橫隔膜上亦有水。」

　男童經服用抗生素及降血壓藥後，已經康復。「若沒有及時治療，患者可因肺葉發炎，造成胸腔積膿，需進行手術。」趙永醫生強調，家長若發現小童有患病的情況，應盡快求醫，以免延緩病情。

ahpei
阿皮日誌

衍霆豬囉檬之家
私人傳訊

11月媽媽


大宅

積分: 1510


2173#
發表於 05-12-9 23:16 |只看該作者

Re: 1103媽咪會-Chat Chat Room(Part 12)

HI大家好,好耐冇出現.
今日愷然出現"點解初期".
(1)佢訓醒午覺我入房佢第一句開口就問"點解媽咪唔見左?"
(2)見到有隻蚊飛過,佢又問"點解有蛟蛟呀?"
其實bb係幾時會開始問點解架?定係我大驚小怪呢
私人傳訊

nov03bb


大宅

積分: 4095


2174#
發表於 05-12-10 01:58 |只看該作者

Re: 1103媽咪會-Chat Chat Room(Part 12)

For your info.


[url=http://www.gc.hk/index_product_view.php?did=11668&didpath=/11879/11668&page=1&imgid=147716&HPSESSID=cc7e8daf353596cff2e1299c8aa7b174][/url]




[size=xx-small] :
私人傳訊

野兔


大宅

積分: 1511


2175#
發表於 05-12-10 03:16 |只看該作者

Re: 1103媽咪會-Chat Chat Room(Part 12)

ahpei
我打算下星期暖小小就帶楠楠打.
兩歲bb只雖打一針.
前排nov03bb提過.
私人傳訊

ivybibi


男爵府

積分: 5570


2176#
發表於 05-12-10 09:49 |只看該作者

Re: 1103媽咪會-Chat Chat Room(Part 12)

轉載﹕一 廂 情 願 訓 練 兒 女 : 可能我們都是這樣？！

她 對 古 典 音 樂 的 一 腔 熱 誠 ， 香 港 政 府 不 懂 欣 賞 ， 即 使 在 家 裡 也 難 覓 知 音 。 她 有 一 對 子 女 ， 大 兒 子 今 年 十 五 歲 ， 女 兒 十 歲 ， 身 為 音 樂 家 的 她 ， 雖 然 沒 想 過 要 兒 女 繼 承 她 的 衣 ， 但 她 深 信 音 樂 可 鍛 鍊 修 養 ， 訓 練 耐 性 與 紀 律 。 曾 經 很 執 一 對 子 女 的 音 樂 訓 練 ， 由 四 歲 開 始 要 他 們 學 鋼 琴 與 小 提 琴 。

一 廂 情 願 訓 練 兒 女

「 我 唔 想 下 一 代 完 全 唔 識 我 所 識 的 音 樂 。 」 可 是 兒 子 由 小 學 開 始 經 常 被 老 師 投 訴 不 集 中 ， 上 堂 玩 手 指 ， 女 兒 一 練 琴 便 哭 ， 寧 願 去 跳 繩 。 那 時 葉 詠 詩 經 常 接 受 傳 媒 的 家 訪 。 她 發 覺 這 對 子 女 懶 練 習 卻 很 有 表 演 慾 ， 每 次 家 訪 之 後 子 女 都 特 別 亢 奮 ， 傾 談 之 下 才 知 道 子 女 覺 得 被 訪 問 是 一 件 很 威 的 事 。 為 免 助 長 他 們 的 虛 榮 ， 她 五 年 以 來 謝 絕 了 傳 媒 一 切 家 訪 。 告 訴 子 女 有 朝 一 日 他 們 自 己 幹 出 成 就 來 ， 記 者 才 會 來 採 訪 。

明 知 兒 子 的 專 注 力 不 好 懶 練 習 ， 她 沒 要 他 們 學 管 樂 ， 因 為 管 樂 經 常 有 獨 奏 機 會 ， 要 他 拉 小 提 琴 混 在 團 隊 中 ， 拉 得 不 好 也 不 易 被 發 覺 ， 只 盼 他 們 從 中 可 練 習 專 注 及 團 隊 精 神 。 為 了 要 他 們 多 接 觸 音 樂 ， 功 課 多 忙 她 也 會 要 求 一 對 子 女 像 自 己 小 時 候 一 樣 ， 帶 功 課 去 大 會 堂 聽 音 樂 會 ， 中 場 休 息 十 五 分 鐘 便 做 家 課 ， 丈 夫 卻 怪 她 逼 得 子 女 太 緊 。

「 我 先 生 是 那 種 不 太 勤 力 讀 書 又 會 升 班 的 人 ， 他 覺 得 只 要 個 仔 係 聰 明 ， 注 意 他 的 品 德 就 可 以 由 他 自 由 發 展 。

「 我 細 個 每 天 練 習 幾 小 時 ， 比 起 他 們 辛 苦 得 多 ， 我 經 常 問 點 解 對 仔 女 唔 可 以 好 似 我 一 樣 。 」

她 自 己 從 小 便 是 個 循 規 蹈 矩 的 孩 子 ， 從 不 敢 逆 父 母 意 ， 上 堂 連 發 問 也 不 敢 ， 聽 話 卻 沒 創 意 。 相 反 兒 子 好 動 反 叛 ， 卻 滿 腦 新 念 頭 ， 看 完 電 影 《 蜘 蛛 俠 》 ， 會 用 繩 在 家 結 個 蜘 蛛 網 。 她 開 始 安 慰 自 己 可 能 兒 子 的 天 分 不 在 音 樂 上 。

她 發 覺 兒 子 愛 畫 畫 ， 七 、 八 歲 已 經 可 以 自 己 畫 一 本 漫 畫 書 ， 便 建 議 帶 兒 子 去 學 畫 畫 ， 兒 子 一 口 拒 絕 。

這 時 她 才 明 白 ， 將 孩 子 的 興 趣 變 成 責 任 ， 孩 子 就 會 抗 拒 ， 做 父 母 的 一 廂 情 願 要 栽 培 他 們 ， 有 時 會 引 來 反 效 果 ， 唯 有 給 他 們 空 間 發 展 自 己 的 興 趣 。

從 前 葉 詠 詩 的 爸 爸 只 准 她 們 三 姐 妹 聽 Carpenter ， 其 餘 流 行 曲 都 被 列 為 禁 歌 。 本 來 她 也 很 抗 拒 兒 女 聽 流 行 音 樂 ， 後 來 也 由 得 他 們 去 聽 陳 奕 迅 、 Twins ， 她 和 兒 子 協 議 ， 在 家 裡 不 公 開 播 放 這 些 歌 ， 只 可 用 耳 筒 聽 。 有 天 她 發 現 兒 子 竟 愛 上 Eminem （ 專 門 唱 粗 口 rap 歌 的 白 人 歌 手 ） 。 商 台 有 個 蘇 絲 黃 主 持 的 節 目 ， 讓 聽 眾 致 電 去 表 演 自 己 的 特 異 功 能 ， 兒 子 瞞 她 打 電 話 去 表 演 ， 將 整 首 Eminem 的 歌 rap 出 來 ， 拿 了 冠 軍 贏 了 一 部 MP3 機 ， 才 興 高 采 烈 的 告 訴 她 。

「 他 將 rap 歌 歌 詞 看 兩 次 便 可 背 熟 ， 背 中 史 無 咁 叻 ， 證 明 有 興 趣 最 緊 要 。 」
私人傳訊

poonhui


大宅

積分: 2476


2177#
發表於 05-12-10 10:55 |只看該作者

Re: 1103媽咪會-Chat Chat Room(Part 12)

morning, 星期六無咩人返工tim, 好靜呀!

11月媽媽,
你問的愷然"點解"問題, 印象中亨亨好少問, 因一來我要返工, 對他時間唔係太多, 唔知佢識唔識問?! 不過, 愷然識問, 証明佢思維上又真係一大進步, 叻女!

Dear all,
昨日網上check了結果, 鑽石山靈糧堂收了亨亨, 下星期要交留費, 同老公仲要商量, 15 16下應該都會交埋留位費再作決定.
私人傳訊

野兔


大宅

積分: 1511


2178#
發表於 05-12-10 11:43 |只看該作者

Re: 1103媽咪會-Chat Chat Room(Part 12)

poonhui
已收到信,鑽石山靈糧堂唔收楠楠.
私人傳訊

ahpei


大宅

積分: 1109


2179#
發表於 05-12-11 09:17 |只看該作者

Re: 1103媽咪會-Chat Chat Room(Part 12)

poonhui,
恭喜亨亨 ! 你又多個choice 啦，你諗住比亨亨讀邊間 ？

我另外想問亨亨將卡通大頭相在那裡整? 我見湋圖都有，好得意，我都想幫衍霆整 ~

野兔，

Thanks. 可能我無溫書，請問楠楠個醫生打鏈球菌針幾多錢，在那裡打 ?

11月媽媽，
衍霆都仲未識問點解，但見到D野佢唔知是什麼，會問我"呢D係咩黎呀？"

ahpei
阿皮日誌

衍霆豬囉檬之家
私人傳訊

野兔


大宅

積分: 1511


2180#
發表於 05-12-11 14:54 |只看該作者

Re: 1103媽咪會-Chat Chat Room(Part 12)

ahpei
楠楠又流鼻水,所以要好番先去打針.
楠楠醫生,無得打鏈球菌,醫生話鏈球菌好易醫,
唔打又得,如身子弱,打又無妨.
朋友介紹,荃灣區,要星期一打電話問才知費用.
因為朋友個仔打針,是老友價,平d.
私人傳訊


首頁
107108109110111...167

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy