大仔大女媽媽會 今日: 0 | 主題: 177861

積分: 12319

2024年龍年勳章

201^#

發表於 07-9-25 22:59 |只看該作者

fefe:

睇見你問既問題, 我就知你對 "learning" 呢樣野仲係存在好多不明白既地方, 不如等我又解釋下先 then 你就會知點解你會有既 hesitation 了:

發覺原來他們一天只有20分鐘是正式學習課本的東西....但20分鐘會否太短

==>我想先問下你: 你心目中"學野"既 definition 係乜..?? 係要學識字, 計數呀個停..?? 即使係, 你係咪即係以為 learning 係要係坐定定, 老師教, 同學聽既情況下先學到野呢...? 似乎我地睇野既觀點有d 唔同 bor, let me share my views again:

我以前響精華篇都有講過...learning 係可以 3 modes 進行: (1) lecture - 老師教導, 同學聽寫練習 (2) role modelling - 老師/父母行為表現 - 細路抄襲, 有樣學樣 (3) experiential learning - 經驗式學習, 即係試過一次跑得快跌親, 下次學識唔好跑快

基本上, 3 learning modes 之中係以 (2) + (3) 最 effective 同埋佢地係可以無時間空間限制地進行, 即係生活緊, 已經可以 use these 2 modes to learn.

幼兒園既生活之所以要成日咁長, 就係主要 rely on making use of (2) + (3) 去令小朋友學習生活, 你有留意我提倡既野就會留意到, 我見好多家長們響 focus on 灌輸知識既同時好多時都忽略左 value + attitude training, 但響 6 歲以前反而係要多灌輸生活上既規範, value building, attitude training 呢類 conceptual 既 learning, 而呢類野就正正係要靠 (2) + (3) 的.

響幼兒園既生活中, 小朋友去排洗, 食飯, 同人排隊輪流玩玩具, 自己想要識自己主動爭取, 學識同其他小朋友 build relationship, 要識 control 到自己話 zzz 就 zzz, 你認為呢d 係好容易做到的嗎...?? 呢d 先最傷神去 mould ar...佢地成日流流長就係要"學"呢d野啦...

因此, 你話佢地得 "20 分鐘" 學野, 咁係因為我同你睇"學習"既定義有所不同了, 我反而睇到佢地不知幾多野學呀, 好多"學習" 就係響生活中不知不覺地進行架喇...大人呀, 發現 8:30am 去到巴士站架巴士剛走左, 試得兩, 三次係咁, 佢都會"學"到"下次只要早幾分鐘 arrive bus stop 就會走左班車啦" - well....呢d都係 learning bor...learn to improve oneself to be more effective ar ma..right?

So 若你認同我上面講既野, 就唔會再 hesitate "學得20 分鐘咁少" 啦, right? 問題只係你睇乜先係叫"學野" 呢個 concept 了.

而那老師解釋說是因為小朋友的專注力短有關.....
==> 同意丫...唔好話小朋友啦, 大人要你坐定定聽 15 mins or 要你 read a passage 你都想 zzz 啦, 更何況係好奇心極重既小朋友呢...學習係講 "effectiveness" 既, 我俾佢地學 60 分鐘又如何 if 佢地根本有 30 mins 係唔專心的話, right? so 就係咁, 幼兒學習就係要用唔同既 mode la...

所以我在想應否比bb讀完n1后,再轉另一所幼稚園讀全日班(因為照顧關係,我都是傾向比bb讀全日)
==> If you agreed my points above, then I dun think you need to consider this again?

再者, 先提你, 幼稚園係冇全日制的, 因為佢地既 focus 就係以學術性既學習為多, 所以唔可以 too long, so even 你見到有d 話係全日既, 只係下午幫你睇仔教佢做功課而已的, 唔係教d乜新野, 反而我見過有家長係 "自製全日"就真, i.e. AM sent BB 去 A 幼稚園, PM sent BB 去 B 幼稚園個停...不過在我黎講, 我就唔認為有咁既必要喇...但當然, 人人 prefer 既野唔同, 所以 if you think this OK 咁當然冇問題啦.

所以想請教你:
1,幼稚園全日班跟幼兒園的全日班有何分別?
==> already answered you above

2,是否所有幼兒園的上課(學習)時間都是那麼短?
==> also answered you above

3,幼稚園會否教bb自理那方便?
==> not as much as 幼兒園

4,其實我都係想bb讀得開心(幼兒園一班同學仔大家起返學,一起玩,一起食,一起睡覺....一起放學o麻:-P ),你覺得那一樣會對bb好一些?
==> 呢樣我俾唔到意見你, 每個人對"開心"既定義都唔同, 有d 人認為識好多野就 = 開心, 亦有人認為一齊玩, 一齊食就係開心, so it depends on your definition la....so decide 個個係你, 唔應該係我.

[ 本文章最後由彥彥媽咪於 07-9-26 22:01 編輯 ]

私人傳訊

積分: 12319

2024年龍年勳章

202^#

發表於 07-9-25 23:11 |只看該作者

060228:

*) 可以改善此問題嗎, 好似現在社會&學校都提倡「主動」文化
==> 要俾時間的, 你個囡好明顯係慢熱之人, 有咁既行為 (唔主動) 係好自然, 你可以試多d俾佢同d 主動性較強既小朋友去玩, 人係會被 influenced 的, so 時間耐左, 佢會有改善, 同埋要留意佢 why 唔同人主動呢, 因為有好多 case 係唔主動因為佢地唔識得點樣去開展對話 (start conversation) , so 就寧願唔出聲而已, so 你亦可以從旁教佢點同人 build relationship 呀 (e.g. 有多糖糖可以請人食就打開話題啦, etc) 咁佢試過一次得, 就會 build 到 confidence, then gradually 就會 open D 的了.

*) 這類細路適合讀什麼類學校?
==> 冇話邊間得邊間唔得既, 只要可以俾到機會佢去表達自己, 多人會 encourage people to be proactive 既學校都 OK 的.

*) 如以上答案係傳統學校既話...甘傳統既咪仲唔識表達自己?!
==> already answered above

*) 有那些(是傳統)學校,但又以開放靈活教學,並訓練主動的性格?
==> 你係問緊一個 contradicting point, 真係俾你考起, 哈哈...你即係問緊我有冇d工作係人工好高, 但又唔駛點做既呢..

有既我都想去呀...the point here is 傳統既定義就係以 lecturing 為主要既 learning mode, 當中自然係少 two way interaction 的了, 但佢有佢既優點, 相反你可以用活動教學, 咁就真係好靈活了, 但佢亦唔係 perfect, so 你係要先問自己你 buy 邊套多d啦.

*) 如讀女校是否更不恰當?!
==> 又唔可以咁講, 只係單性學校一般係出兩種極端 : (1) 好文靜, and (2) 好男仔頭....較少中間個d

*) 是否大部份直資/私學只喜主動型小朋友?
==> 唔關係 DSS/私校先既, 而係 if 你係校長的話, 你會鍾意一個成日坐響樹唔出聲既, 但好聽話, 定係有乜都問, 主動幫忙 etc 既小朋友呢...of course 後者係較易令人注意的, right?

私人傳訊

積分: 12319

2024年龍年勳章

203^#

發表於 07-9-25 23:24 |只看該作者

BB成長期:

請給一點意見, 你可提供其他nursery我ma??-(

另可否給一條龍的幼稚園>小學>中學(我知不是100%的), 我想用作參考, 最初步驟先考慮幼稚園, (因不太想讀大角咀天主教小學), 但我不要培正, 民生那些(沒有九年免費教育), 想九龍區, 因不想山長水遠, 始終對bb不好.

==> 你問既問題都好闊下 wor...

就以上兩個問題, 建議你自己先去做下功課先啦, 去 EDB 個網頁樹自己睇下邊d 係一條龍, 邊d 係私立/津貼 etc 邊d係你個區..etc..再去 study 下個間學校既野, 你有左個 shortlist 先再黎傾, 咁會易好多.

比埋條 link 你喇...

http://chsc.edb.hkedcity.net/primary/

私人傳訊

BB成長期

禁止訪問

積分: 12456

204^#

發表於 07-9-26 13:06 |只看該作者

提示: 作者被禁止或刪除內容自動屏蔽

私人傳訊

積分: 12319

2024年龍年勳章

205^#

發表於 07-9-26 21:55 |只看該作者

BB成長期:

我見到有間小學陳守仁, built up in 1999(一定沒有父母在此校畢業)而且沒有宗教, 那麼在second round時我們那些沒有背景的是否有利, 個個都是six mark??? 機會but大了?-( ?-(
==> 我睇到你呢個問題, 真係勁無奈 ~~ 真係投哂降...

我好懷疑你究竟睇左條 link d 乜野呢.....你睇唔睇到佢寫住佢係 "直資" 架..咁你又知唔知咩叫"直資"呢....?? 你話你有睇我精華篇, then you should know 咩叫"直資", 而直資係唔用計分, 亦唔係搞珠呢點你又冇理由唔知架喎...:evil: 請你可憐下我呢個老人家唔好罰我成日同一樣既野講完又講好唔好....請真係"仔細"咁去溫完書先再傾喇..好嗎...?

只可得分的地方是保良局(辦學團體)??及已有兄弟姐妹在此校/畢業是ma? 想問怎入辨學團體?? 多餘問0下..?-(

==> 你只要去溫書睇下乜野叫直資你就唔會再有問題 here 的了.

另見到32網上都沒有我想要的一條龍(my bb is boy), 而小學可有聯的中學都不太理想, so沒有la.:-( , 請問你又有沒有一些資料是可知間小學是band幾呢?? 好似中學先有....

==> 又係一個冇溫書既人問既問題...唉....

呢 part 我又誠意邀請你, 每日少少地咁睇下答問篇既野啦, 我之所以整個答問篇, 就係想方便d 家長 check info 時可以容易揾番的...小學係冇 banding 呢樣野我已答過, 中學從來亦冇 formal published record of banding 我都提過, banding 係點分出黎我亦有講過, 我真係唔想再講完又講呀 - 麻煩你得閒就睇下喇..包你睇完你會識問d更貼身既問題的了.

那麼間學校通常派那些中學...(此些資料link??)

個間小學派邊間中學係要睇佢自己小學會唔會公佈佢既小六學生升中數字喇..可以上留佢自己學校網頁樹 check....但有d 學校係唔講的, 有d 就好清楚咁講, 有d 就只係公佈百分比, etc ...冇一定的, 因為阿公唔規定要公佈的.

私人傳訊

060228

男爵府

積分: 5817

206^#

發表於 07-9-27 01:16 |只看該作者

謝謝妳之前既解答, thank you very much!!!

如我指既「傳統」定義為old school, 但教法又唔太古板呢?!
哈哈哈,我知又係contradicting point,但我真係想知下~

其實我好想知(真係又唔知嘛)傳統名校有什麼好處,
令到人人都如此追棒,雖然大家都有自已既VALUE,
但我連究竟追棒D乜都唔知, 明白左可能方向會再清楚D, 謝謝!!!

Eg.LV我就唔追啦,但買股就一定追藍籌…..

原文章由 彥彥媽咪 於 07-9-25 23:11 發表
*) 有那些(是傳統)學校,但又以開放靈活教學,並訓練主動的性格?
==> 你係問緊一個 contradicting point, 真係俾你考起, 哈哈...你即係問緊我有冇d工作係人工好高, 但又唔駛點做既呢.. 有既我都想去呀...the point here is 傳統既定義就係以 lecturing 為主要既 learning mode, 當中自然係少 two way interaction 的了, 但佢有佢既優點, 相反你可以用活動教學, 咁就真係好靈活了, 但佢亦唔係 perfect, so 你係要先問自己你 buy 邊套多d啦.

執著帶來痛苦、學習放下煩惱

私人傳訊

chintaitai

積分: 3845

207^#

發表於 07-9-28 02:16 |只看該作者

彥媽
你好

去年尾(定係今年年初我都吾記得)"佐頓"茶聚一別(倫敦廣場樓上)到而家, (我稔你都吾記得邊個打邊個架勒)衝衝十個月過去, BB 已經快歲半, 若然吾係抽起條筋打電話去問d 學校 nursery 两歲班, 都吾知原來自己已經咁遲, 有間仲話上午班full 咗架喇咁話, 等我仲懶懶閒帶咗仔仔(吾叫佢bb囉)summer 去咗玩两個月添

我好稔吾通, 請你指點下迷津丫！
我有幾間私校想報, 問題係:

仔仔08年4月28滿襾歲
我稔住明天報蘇淅两歲班(炮台山)
你認為

1) 仔仔明年 08年 9 月 (2yrs. 5 months)讀 N1 好丫？定等佢早D (一足2 years)就比佢讀好呢？ 2 歲会吾会早得濟？分分鐘未介到片

, 其實我聽日去報蘇浙, 都要順便問埋佢係咪明年一到两歲可以比佢插班。

補充: 我E+ 住緊葵涌, 如果N1 係港島我落意般去香港區

2) 我明年想報培正同礼賢K1 (即係你嘅攻略, 培正吾收試禮言), 咁如果蘇淅 E+ N1 比佢係香港個邊返, 萬一明年08年報九龍心水K1收佢, 咁我又由港島般返九龍係咪好傻？

3) 還是我應該E+ 吾好報任何港島N1 , 而係揾間近而家屋企附近 (有間 Think "朗思"係美孚讀住先都OK嘅) , 等到明年08 年9月先一齊考港島同九龍 K1, 睇下考到邊間先至般屋就佢返学呢？

4) 報蘇浙係因為想仔仔K1就普通話上堂, 佢爸爸係浙江人, 都可說普通話, 但成日係大陸做野, 冇乜機会同阿仔講ptw。報Rosary Hill 係貪佢一条龍上埋中学, 同埋聽講 d 小朋友讀得幾開心咁嘅。

如果真係行 3) , 咁到時考到蘇浙 K 1 同 Rosary Hill K1 嘅机会會吾會比由佢地 nursery 升上去嘅機會細咗架呢？

綜合黎講, 我係驚两頭吾到岸；萬一培正、禮賢吾收佢K1, 蘇浙同Rosary Hill N1 E+又吾報, 到時又考吾番佢地嘅K1, 咁我咪冇揸拿？

5) 另一方面, 為了俾仔仔多 d 見到爸爸, 我 11月會去上海探路, 揾下學校, 上海近 d 爸爸工作地點, 吾駛爸爸個幾月至返到香港見得佢吾夠四、五天。同埋如果揾到afford 得起嘅國際学校, 有稔過小学之前都俾佢係上面讀, 豈碼頭六年可以靈活d, 到小学就一定係香港讀。

我老公同佢前妻個女(now 25 years old)係蘇浙小學畢業, 咁我個仔係咪幾時報佢地K1 or P1 都会硬呢？

真係吾好意思, 吾係有野問都吾上黎同你(同埋個次飲茶班mami)打個招呼, 唉, 事緣係今年年頭, 抄咗個偷錢工人, 把幾火, 一於吾再請住(有陰影), 攪到我報咗去教育学完xx大樓bb影相嘅大聚会交咗錢都去吾到見你地:cry: 我係全職mami, 一於全力自己凑番, 所以呢大半年都追吾到你 d 咁精彩嘅問答篇, 上网都少, 到今個9月終於支持吾住, 請返工人, 先至有機會上黎乍, 所以積埋積埋咁多野要問添。我会抽時間睇番你 d 資料, 不過我問嘅都係私校, 未温哂書都冇冲突嘅掛:loveliness:

你真係好有心, 百忙中仲為我地講解咁祥盡, 又咁堅持, 返屋企又要睇住 3 條king , 難得難得。

麻煩指点指点

chintaitai

私人傳訊

paulmom

洋房

積分: 84

208^#

發表於 07-9-28 02:23 |只看該作者

彥媽：

又上多一堂免費哲理課了:lol ，睇妳文章一定學到野的。:idea:

我識 D 家長開頭係比子女讀 IS 的，但讀讀下就轉咗去 D 有學卷既私營 Kinder，另外有 D 家長大既子女就讀 IS，细既又係讀學卷 Kinder，可能 $ 方面真係幾吃力，又或者佢地都揸唔定主意邊樣好（我知妳會怪我諸事八卦

），其實如果將來係要送子女去外國讀書，local 學校反而係我個人既選擇，因為我認為外國係冇中文學的，係 HK 打好中文根底反而更重要，咁 local 學校既英文都唔係太差，只係口音方面就一定差 D，但有去外國讀過大學都可能會遇過 D Professor 係 Chinese or Spanish or Indian，佢地講 D 英文有時真係听到耳都直埋，但人地係 Prof. ma，就算你係鬼佬都要坐定定係度听啦。咁 IS 既優勝之處亦好多，但 $$ 同value 係咪成正比就不得而知了。

我又見好多家長選擇 kinder 時，鐘意硏究係傳統教學，活動教學，定係 monterssori 教學咁，我又覺得個分別唔係親子書度講到影响小朋友一生咁緊要既，話到尾一日得三小時上課，反而係屋企對住父母工人就十幾小時，咁你話邊個既 impact 大勒，子女長大通常都係 follow 父母既 pattern 既，有几何 follow kinder 老師既 pattern ar，我地自己都未必記得自己以前　kinder 老師咩樣啦，其實只要知道學校和老師是用心教育小孩，無論何種教法都會培育出好學生的。

－－Paul Papa

原文章由 彥彥媽咪 於 07-9-25 00:02 發表
hihi...all..

呢幾日事務繁忙, 一上黎就幾個 message 要 respond la....趁聽日又要出埠之前先 clear 左先...

Paul papa:

咁舒服 D 係咪＝學得好 D 就真係唔知勒，
==> 咁呢點係好睇每個人 how to define what is "舒 ...

私人傳訊

fefe

別墅

積分: 901

209^#

發表於 07-9-28 19:55 |只看該作者

彥媽,

多謝你的詳細回答!!!

;-)

私人傳訊

lawlinhy

積分: 1227

210^#

發表於 07-9-28 22:34 |只看該作者

Hello 彥媽，好耐無打搞你了。今次想跟你學習一下教仔之道。
我個仔兩歲一個月，佢自理能力極低(我覺得)，他不肯自已吃飯、穿衣穿鞋、行路...等。我係打工仔，平日返工就工人凑仔，我由始至終都叫個工人唔好serve佢咁多，以免亞仔將來成廢人，但明顯個工人無跟我要求辦事，亞仔亦已慣了飯耒張口，唉！

你有3條King, 有冇類似经驗？我已開始唔准喂食，亞仔唔自已食就收擋，但未見效果，反而脾氣更差，你有冇計？

私人傳訊

積分: 12319

2024年龍年勳章

211^#

發表於 07-9-30 08:07 |只看該作者

062668:

如我指既「傳統」定義為old school, 但教法又唔太古板呢?!
哈哈哈,我知又係contradicting point,但我真係想知下~
==> 呵呵..你都真係比左個幾深既題目我 bor, 你呢個問題又 trigger 我諗起另一個比喻...即係究竟點解d人打工鍾意入大公司, 又..咁究竟係唔係大公司就好d, 佢地有乜好呢...對嗎..??

so my thoughts are: 其實係好睇你信唔信大公司係真係好d 喇...因為"大公司"既然有名你叫係"大", so 就一定都好 formalized (即係好多規矩, 乜都要 formal 申請, 填表) etc, 好難要求佢地同細公司一樣 so much flexibility, 老板話點都得, 大公司乜老板都好對上都仲有老板, so 程序就一定係多架喇...and this is somehow inevitable....但佢好就好在 resources 真係比小公司多好多, 電腦都可以新d 大d, 坐既 office 又會nice D etc, 入面既人唔多唔小都學歷整體係高dd, 同一個崗位既大公司出手又可以高dd, right? 到你再想轉去另一間大公司時, 佢地 HR 又一定要睇你以前響邊樹做過, 做開大公司既轉又會好少少, right?? 但佢地返工就一定冇咁 free, 好 formalized, 唔似細公司一家人咁, 乜都可以有商有量, 大公司只會撻哂d policy 比你睇, 你都冇佢乎....

so 講到尾, 大公司有乜好, 又細公司究竟係唔係真係咁唔好呢...???

就同 old school 就 = 較古板一樣...某程度上係有個等號響入面......至多係細程序有d 唔同, 但大方向就 always the same.

so the case 就同老名校一樣, 佢地多數都係好傳統, 就算係個 22 間傳統名校中既 La Salle, 佢d 仔人地話好反斗, 但都係一樣要坐定定聽書, 咁呢點就係同 Asians 一向較對"權力 (校方) "尊重" (power distance) 既原因之一, 而當中, 呢班人 (以以前考入去個d , 唔計搞珠個d 計), 千辛萬苦打低咁多人入得去, 所有父母 including the kids themselves 都會好有期望, 仲好多 support provided, 咁學生學習自會事半功倍, (所以就係d人成日話名校學生叻, 學生既天份努力只係 a small %, 係佢地背後既父母, supporter 先係 key) 考試成績好, 自會又吸引到叻既人想埋堆, 咁 then so many years 之後, 自會累積到一班係叻, 同鍾意讀書既細路 there, 以人係易被 influence 既情況而言, 唔多唔少做父母既都想子女群d 讀書既, 而唔係 sar sar 滾個d 喇...

因此, 新校係要花好長時間去走出呢條路架, 你睇鮮魚行小學就知喇....幾多家長話佢校長好好格, 你仲一入紙即收添, 唔駛煩計分, 搞珠, 但個個讚緊佢既同時, 好老實問一句, 咁呢d家長又係唔係會將子女擺入去呢...(先唔好計居住距離丫)

so 辦學之人一定要好有破釜沈舟既精神, 用時間去証明俾家長睇佢係得既, 而老牌名校就係已比佢地行先左 N 年, so 有優勢一d 都唔奇丫.

但我連究竟追棒D乜都唔知, 明白左可能方向會再清楚D, 謝謝!!!
==>咁既然你唔知你追乜，你又何必要追??

Eg.LV我就唔追啦,但買股就一定追藍籌…..
==> 你咁講係因為買大藍籌係因為佢有"業績"俾你睇佢得丫嘛, 即係好似名校咁囉, 咁多年, 有哂d 人辦你睇, 咁你自對佢信心大過d 創業板既新股 (即係新校, or 唔知乜校) 啦, 但 back to your own question, 你又可唔可以一口斷定呢d 創業股一定死丫?? 我就話唔會囉, 不過大圍既風險又真係比 blue chips 大啦, so 咁亦好睇 decision makers (即係你, 家長) 個心態有幾 risk taking 啦.

之不過, 教細路就唔同買股票, 股票...大口氣少少講, 錢冇左可以揾過 (as long as 你唔係大炒友) , 但細路, influence 壞左冇得揾個個, 仲係番唔到轉頭, so 我地一定唔搏就係咁解.

[ 本文章最後由彥彥媽咪於 07-9-30 08:41 編輯 ]

私人傳訊

積分: 12319

2024年龍年勳章

212^#

發表於 07-9-30 09:09 |只看該作者

chintaitai:

去年尾(定係今年年初我都吾記得)"佐頓"茶聚一別(倫敦廣場樓上)到而家, (我稔你都吾記得邊個打邊個架勒)
==> I remember you ar.....time really flies quickly ar....真係眨下眼我地d BB already 歲半喇...你 BB 依家一定好 cute, 走黎走去...呵呵~~~你近況好嗎?? 依家工人 problem settled down , 你會 more comfortable ga la...!

1) 仔仔明年 08年 9 月 (2yrs. 5 months)讀 N1 好丫？定等佢早D (一足2 years)就比佢讀好呢？ 2 歲会吾会早得濟？
==> 好睇你想唔想俾佢年尾考下第二d K1, if 你想 (好似我咁), 我就會俾佢一足兩歲就讀, 因為咁佢由 2008/4 至 2008/10 都仲叫做有 at least 6 months 既 "warm up"....好多學校係 Oct/Nov 左右就 interview for 來年既新生嘛...so somehow 我會對考得到既信心大少少咁啦....

分分鐘未介到片

==> 你放心, 一去到唔駛兩個月日片一定戒到, 老師會 train them up 的.

其實我聽日去報蘇浙, 都要順便問埋佢係咪明年一到两歲可以比佢插班。
==> 係唔一定有位架, 因為多數係收滿左架喇...so 我都係 queue 住先架咋, 真係唔得咪九月先讀囉...都唔係話真係咁唔好既...

補充: 我E+ 住緊葵涌, 如果N1 係港島我落意般去香港區
==>若你唔係真係打算係埋港島區讀小學既話, 我就 suggest 你可以考到小學先搬去小學附近啦, 因為小學既功課多好多, 課外活動亦多, 住近學校係呢d 時間上真係可以慳唔少的, 值得多d d ...

2) 我明年想報培正同礼賢K1 (即係你嘅攻略, 培正吾收試禮言), 咁如果蘇淅 E+ N1 比佢係香港個邊返, 萬一明年08年報九龍心水K1收佢, 咁我又由港島般返九龍係咪好傻？
==> already answered you above.

3) 還是我應該E+ 吾好報任何港島N1 , 而係揾間近而家屋企附近 (有間 Think "朗思"係美孚讀住先都OK嘅) , 等到明年08 年9月先一齊考港島同九龍 K1, 睇下考到邊間先至般屋就佢返学呢？
==> N class or K class 我就唔 suggest 去到咁遠喇...近近地 or just short distance travel (一程車以內) 就 OK la....唔駛咁快就去咁遠既, 除非個間真係好好好好好啦, 但蘇浙, 對我就未有咁大既吸引力啦....

4) 報蘇浙係因為想仔仔K1就普通話上堂, 佢爸爸係浙江人, 都可說普通話, 但成日係大陸做野, 冇乜機会同阿仔講ptw。
==> 你有冇溫我前面既書....?? (見你係舊 friend, 就比個 quota 你, 唔係下次又俾我 e or 的了 :mrgreen: ) ...我之前講過...language learning 唔在於上個幾個鐘堂, 係在於事後有幾多 practice, 因為 language 係 "skills", 即係學左唔用就一定報銷的, 好似學 driving 一樣, 學左有牌你唔去日日揸住佢, 咁你就一定唔記得...so lanugage 一樣, 佢阿爸係咩人都冇用, 因為唔係日日同佢講丫嘛...

即係上堂就 PTH, 返屋企, 見屋企人/朋友就係翡翠台, 咁有鬼用咩...你話佢上堂時間耐定見屋企人/朋友耐丫...???

報Rosary Hill 係貪佢一条龍上埋中学, 同埋聽講 d 小朋友讀得幾開心咁嘅。
==> Rosehill 既中學俾我去讀我都要諗下呀...

佢小學都仲勉強叫 OK, 中學我就....

真係好有保留了, 所以我唔多考慮呢間的.

如果真係行 3) , 咁到時考到蘇浙 K 1 同 Rosary Hill K1 嘅机会會吾會比由佢地 nursery 升上去嘅機會細咗架呢？
==>咁要睇你係唔係一定想佢地入蘇浙既同 Rosaryhill 既小學啦, for me, 我依家呢個階段唔會諗佢地住啦...

綜合黎講, 我係驚两頭吾到岸；萬一培正、禮賢吾收佢K1, 蘇浙同Rosary Hill N1 E+又吾報, 到時又考吾番佢地嘅K1, 咁我咪冇揸拿？
==> 都話幼稚園係唔驚冇得讀喇...你成日想揾一條龍都要睇下條龍值唔值得先得架, 唔係有得直升既學校就一定係好架嘛...

5) 另一方面, 為了俾仔仔多 d 見到爸爸, 我 11月會去上海探路,
==> 係? 呵呵...我都有 chance Nov 上去 for business, 夾得到的話我響 Shanghai 揾你 dinner 呀下.....我最 likey 去佢地間小南國的...仲要係紅梅路個間 only...hehe...

揾下學校, 上海近 d 爸爸工作地點, 吾駛爸爸個幾月至返到香港見得佢吾夠四、五天。同埋如果揾到afford 得起嘅國際学校, 有稔過小学之前都俾佢係上面讀, 豈碼頭六年可以靈活d, 到小学就一定係香港讀。
==> why 你要小學響 HK 讀? 其實先唔好計小朋友, 就只為你地兩夫妻, 長期要分開兩地都已經唔係咁好啦, so if 唔係有 other consideration , 我係你, 我會一早就跟埋上去, 講到尾, 老公先係陪我過世既人, 我一定會跟實佢的 (唔係唔信佢, 而係要分開既話, 又何必要結婚, 維繫一段 relationship, frequent contact + communication 係好重要的) - my sincere feedback here. 何況依家上海既學校都唔係差丫....

我老公同佢前妻個女(now 25 years old)係蘇浙小學畢業, 咁我個仔係咪幾時報佢地K1 or P1 都会硬呢？
==>又係冇溫書....

蘇浙係私校, 唔係跟阿公計分搞珠的, 係要考的.

我係全職mami, 一於全力自己凑番,
==> 既然你係 full time mom 我就更會 suggest 你可以的話, 帶埋個仔跟住老公定居啦, 你地係一家人黎架嘛...仔仔多d見到爸爸唔係仲好咩...??

所以呢大半年都追吾到你 d 咁精彩嘅問答篇, 上网都少, 到今個9月終於支持吾住, 請返工人, 先至有機會上黎乍,
==> 好..見你情有可原, 俾d time 你快快去溫書...

你真係好有心, 百忙中仲為我地講解咁祥盡, 又咁堅持, 返屋企又要睇住 3 條king , 難得難得。
==> 多謝讚賞, 彥媽永遠信: 事在人為而已, 問題係決心有幾大啦...right?

[ 本文章最後由彥彥媽咪於 07-9-30 09:10 編輯 ]

私人傳訊

積分: 12319

2024年龍年勳章

213^#

發表於 07-9-30 09:21 |只看該作者

paulpapa:

咁 local 學校既英文都唔係太差，只係口音方面就一定差 D，但有去外國讀過大學都可能會遇過 D Professor 係 Chinese or Spanish or Indian，佢地講 D 英文有時真係听到耳都直埋，
==> 其實在我黎講, 語文係用黎溝通既工具而已, 真正既 key 係個 communication skills 即係唔係話英文要叻唔叻, 係個人識唔識得去表達自己心入面諗既野先係 more important, for example, 我都 train 唔少 Indians, 佢地d 英文都真係聽到我耳都側埋, 岩岩去完 work 完 @ Singapore, 佢地d accent 一樣係都好難頂, 但我都唔覺係乜野一回事, 最重要既係 whether they can express themselves 啦, Indians 勝在多野講....(真係好鬼多咀, 呵呵

), 但起碼佢會講你知佢諗乜, 咁 problem 先可以 solve ma..唔係收收埋埋咁, otherwise 你語文幾叻都冇用喇...

況且係外國人既世界裡面, 佢地都係聽得到就 OK 的, 從來冇人會 assess 下你英文發音要有幾牛津 feel 先係好架嘛....所以好多時, 係自已先克服自己心魔先啦, 即係先要夠膽講先得架嘛...then gradually 就會 improve 到....PTH 都係一樣.

我又見好多家長選擇 kinder 時，鐘意硏究係傳統教學，活動教學，定係 monterssori 教學咁，我又覺得個分別唔係親子書度講到影响小朋友一生咁緊要既，話到尾一日得三小時上課，反而係屋企對住父母工人就十幾小時，咁你話邊個既 impact 大勒，
==> 岩丫...我同意, 個個 learning 係個 mode only, 一向黎講, reinforcement 先係 more important 的.

其實只要知道學校和老師是用心教育小孩，無論何種教法都會培育出好學生的。
==> support!

but somehow 對d 無從入手既父母 this will serve as an important guidelines to them la....只不過係唔要分清楚唔係過份倚賴某一方法, 就以為一用就實 work gum la...:D

私人傳訊

奶粉妹

積分: 3013

214^#

發表於 07-9-30 18:42 |只看該作者

彥媽：
我係之前請教過你既孖ｂ媽．
我溫過書加埋打電話去問左教育局．
佢地話我孖ｂ係一胎計，所以２個都會有５分．
咁只要其中一方入左，另一個都可以入埋．
咁條件係要選男女校（因我對係龍鳳ｂ）．
同係第２ｒｏｕｎｄ，要填埋全部一樣次序既學校．
佢話無記錄係唔會分配埋一間學校．

彥媽：
我點都會考私校／直資．
你可唔可以推介幾間好既男女校比我．（任何區分）
我對ｓｔａｎｌｅｙ聖士提反有興趣，因為中學轉左直資，可以係一條龍．你點睇？？

私人傳訊

積分: 12319

2024年龍年勳章

215^#

發表於 07-10-2 06:49 |只看該作者

奶粉妹:

我點都會考私校／直資．
你可唔可以推介幾間好既男女校比我．（任何區分）
==> 你要一條龍?? 好既男女校係唔多架喎...更何況係直資....較受歡迎既 DSS 除左 SPCC 就係得培正, 民生, 另仲有人喜歡祟真咁啦

我對ｓｔａｎｌｅｙ聖士提反有興趣，因為中學轉左直資，可以係一條龍．你點睇？？
==> 呢間係好野黎, 好多人爭, 收你就梗係諗得過喇...

[ 本文章最後由彥彥媽咪於 07-10-2 07:24 編輯 ]

私人傳訊

積分: 12319

2024年龍年勳章

216^#

發表於 07-10-2 07:23 |只看該作者

lawlinhy:

Hello...long time no chat ar....

how are you ar?

今次想跟你學習一下教仔之道。
==> 客氣客氣.....我地又一齊研究下....

我個仔兩歲一個月，佢自理能力極低(我覺得)，他不肯自已吃飯、穿衣穿鞋、行路...等。我係打工仔，平日返工就工人凑仔，我由始至終都叫個工人唔好serve佢咁多，以免亞仔將來成廢人，但明顯個工人無跟我要求辦事，亞仔亦已慣了飯耒張口，唉！
==> 野要慢慢黎, 佢之所以咁唔多唔少都係自細做成 (工人太順佢意), 但依家開始下功夫都未遲既...俾心機....

你有3條King, 有冇類似经驗？我已開始唔准喂食，亞仔唔自已食就收擋，但未見效果，反而脾氣更差，你有冇計？
==> 我二仔都有類似情況, 不過我好彩d係, 我工人係我屋企係好有 power 的, 亦係我比佢咁做, 因佢做得好好, 所以我好 support 佢的....我二仔食飯就係拉牛上樹個隻, 一碗飯可以由 6pm 食到 9pm, 隻衰豬係直情係樹"嘆飯"...激死我地個個死死下...

in your case, 你可以先睇下佢既反應係咪 consistently 都仲係咁大, 因為有d 細路你堅持迫一迫佢佢就會就範的, 佢脾氣差你唔駛理佢, 只係一味要同佢講 (眼神堅定個隻) 要食野, etc...但若佢仲係唔聽, 就要換招, 威迫利誘都要出齊架喇...e.g. 可以試下從食物方面入手, 你整d colourful d 既食物過佢 (五顏六色咁) 引佢, 放個玩具響佢前面, 同佢講, 乖乖食完就俾你玩....佢真係肯食就勁讚佢...之類...

試下咁 work or not?
:)

私人傳訊

奶粉妹

積分: 3013

217^#

發表於 07-10-2 13:18 |只看該作者

彥媽:
我想你介紹,官立&全津好既男女男女校!
咁spcc係邊間??
我想問聖士提反報考,你知唔知點樣會機會大d??

原文章由 彥彥媽咪 於 07-10-2 06:49 發表
奶粉妹:

我點都會考私校／直資．
你可唔可以推介幾間好既男女校比我．（任何區分）
==> 你要一條龍?? 好既男女校係唔多架喎...更何況係直資....較受歡迎既 DSS 除左 SPCC 就係得培正, 民生, 另仲有人喜歡祟真咁啦

我對ｓｔａｎｌｅｙ聖士 ...

私人傳訊

chintaitai