香港18區媽媽會 今日: 0 | 主題: 156994

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

201^#

發表於 07-10-13 12:56 |只看該作者

今早我去完家長會啦!! 由於 "錢老師" 仲同緊一位 mami 傾緊, 所以, 在課室門口等候時, "梁老師" 主動來找我, 同埋同我講左一陣, 話南南已經完全習慣返學了, 同時, 都可以接受其他人帶佢入課室了, 不過間中都會有些不願返學既樣子, 由其是星期一, 之後叫我自行睇下走廊內既相片及圖畫. 由於相片是黃組, 所以找不到南南在相內, 不過, 圖畫就找到南南既杰作, 有 "1" 字及 "填色"

之後, 到左入課室見 "錢老師", 錢老師都話南南返下午班時, 明顯無摟計, 同埋會坐定定, 唔走開, 同時見佢開始主動自行 "畢" 野食及飲水, 明顯係好些.

其實, 我發現老師原來都好了解每個小朋友, 佢都話南南到活動室玩時, 係玩得好放. 另外, 原來南南剛返學時, 每次一摟計喊, 錢老師就會寫白板, 寫數字及英文字比南南讀, 咁就可以分散左佢唔再喊.... 另外, 佢地都話南南體溫比較高, 好易成日一身汗 (這個問題, 褓姆以前都講過, 話佢好怕熱)

佢地大家都指出, 叫我要同南南跟進2件事: (其實, 我比南南返 N1 既原因, 都係這2個問題)
一就係語言發展真係比較慢, 而家先開始跟人口水尾講野. 如老師叫 "午安, 南南", 佢只會講 "安"

二就係自行食野方面
(不過, 返左2星期下午班, 而家開始都樣樣要自己來, 畢野食, 拿食物食及奶樽都自動波了

)

不過, 我見接見時間只係花左10分鐘左右, 因為次次放學 "亞姨" 都會問老師每天上學既情況, 所以南南在學校既情況, 我大概都知道晒. (早2天梁老師同亞姨講, 南南自己畢通粉食, 畢完食完仲大叫 "無")

私人傳訊

bb1000

積分: 835

202^#

發表於 07-10-13 23:35 |只看該作者

我都係今日晨咁早去到學校同老師會面,我都覺得廖老師係個好細心同好清楚學生情況的老師,佢話亞仔對較自我,但整體都算ok,
可能之前放左成星期假,玩得太投入,之後返學個心較散,所以於長假對小朋友都有一定影向

私人傳訊

daydaytse

積分: 927

203^#

發表於 07-10-15 19:35 |只看該作者

szeszes,
南南樣樣野都漸入佳境喇, 真係好呀, 佢會坐定定, 我諗係佢可以集中到上堂, 自理方面又有進步, 最重要係佢開始跟人講野, 佢肯講, 就會學得好快架喇.

bb1000,
我都覺得廖老師好細心呀, 有D好細緻既地方佢都留意到, 要我講都未必講得出呀, 不過聽佢講又覺得果個真係浚浚呀, 不過平時自己無著意咋, 佢地依個年紀係自我D架, 同埋老師話佢地而家係第一個反叛期, 好多時佢知你想點, 都特登唔做架, 所以而家真係開始幾勞氣架.

私人傳訊

bb1000

積分: 835

204^#

發表於 07-10-16 23:24 |只看該作者

原文章由 daydaytse 於 07-10-15 19:35 發表

bb1000,
我都覺得廖老師好細心呀, 有D好細緻既地方佢都 ...

daydaytse,
係呀....開學初期廖老師都有主動打比我講下亞仔個情況:lol:
而家亞仔仲成日拿起枝筆四處劃,真係激死亞媽搵山拜

私人傳訊

大宮松鼠

複式洋房

積分: 105

205^#

發表於 07-10-17 01:44 |只看該作者

Hi！咁多位。
今日下午，我都見埋老師嗱！你地講得無錯。廖老師佢地真係好細心，連我地平時係屋企發現到，亞女嘅問題，佢地係呢2個月都發現到。唔知係我了解得亞女少，定佢地專業呢？

不過係走廊睇佢地D生活相，會覺得佢地返學好開心，同埋明顯進步緊。

而家亞女已經有好多好朋友同學，仲up得出佢地個名嫁！

死啦！唔知係唔係食飯時間，睇咗‵黃飛鴻′。今晚亞慇居然講咗一句粗口。

私人傳訊

winnieong

大宅

積分: 3415

好媽媽勳章

206^#

發表於 07-10-17 04:22 |只看該作者

大家好呀!!
我咁遲先上黎睇到呢度添, 我個仔都係讀迦南n1(藍組), 但係要11月先開學, 大家多多指教呀

我想問下你地小朋友第一日返學有無帶相機同佢地影相呀?因為我想影低佢第一日返學既相作為留念呢, 但唔知會唔會唔係咁好啊

私人傳訊

大宮松鼠

複式洋房

積分: 105

207^#

發表於 07-10-17 07:30 |只看該作者

原文章由 winnieong 於 07-10-17 04:22 發表
大家好呀!!
我咁遲先上黎睇到呢度添, 我個仔都係讀迦南n1(藍組), 但係要11月先開學, 大家多多指教呀我想問下你地小朋友第一日返學有無帶相機同佢地影相呀?因為我想影低佢第一日返學既相作為留念呢, 但唔知 ...

Hi！我果女頭三日，由佢老豆培上堂&返學，都有帶相機&DV影底一D上堂情况返嚟比我睇。我冧11月開學同我地8月呢班，分別唔會太大。

私人傳訊

daydaytse

積分: 927

208^#

發表於 07-10-17 14:56 |只看該作者

bb1000,
你亞仔成日拿起枝筆四處劃咁大鑊? 浚浚一拿起枝筆我就實跟實佢架喇, 因為嫲嫲屋企幅牆已經比佢劃花晒喇!

大宮松鼠,
你囡囡講野真係叻呀, 識講好多同學仔個名, 我一個都未聽浚浚講過呀, 放學時問佢識唔識依個小朋友呀? 佢都係On居居唔答我.....
乜'黃飛鴻'有講粗口咩? 浚浚以前都試過呀, 有一次搭巴士, 聽到個男人講電話, 跟住就學左個"小"字喇, 仲成日講, 我地開頭叫佢唔好講, 點知佢仲講多D, 之後佢每次講我地都無反應, 當聽唔到, 都要過左一排, 佢唔記得左先無再講咋.

winnieong,
你好呀, 我地依度又可以搵多個同學仔喇!
11月好快到喇喎, 我果時無帶相機呀, 不過有用手提影, 你可以帶定既, 睇情況囉, 應該無問題既!

私人傳訊

mimi1102

積分: 5416

209^#

發表於 07-10-17 16:04 |只看該作者

學校終於叫我幫個女訂冬季校服勒, 我叫到佢地有白襪 40蚊三對, 好似有隻雞仔响度好得意, 係唔係一定要著迦南既校襪架 ?

私人傳訊

OneTwoThree

積分: 5598

210^#

發表於 07-10-17 18:09 |只看該作者

hello 各位,

近呢兩個星期希希識講左好多野, 有時仲會講三個字既句子, 同埋覺得佢大膽左, 又會主動同小朋友玩, 睇住佢返學一日俾一日進步真係好開心, 我俾佢早d返學既決定係無錯, 係呢, 你地點解又會俾小朋友咁早返學(n1), 可唔可以分享一下呢:lol:

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

211^#

發表於 07-10-17 20:03 |只看該作者

唔一定要穿學校既 SOCKS, 只要係全白色就可以了

不過, 我仔仔返學時都係穿學校 SOCKS 既, 一來唔係太貴, 二來只鴨仔都幾 CUTE

原文章由 mimi1102 於 07-10-17 16:04 發表
學校終於叫我幫個女訂冬季校服勒, 我叫到佢地有白襪 40蚊三對, 好似有隻雞仔响度好得意, 係唔係一定要著迦南既校襪架 ?

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

212^#

發表於 07-10-17 20:36 |只看該作者

daydaytse:
係呀! 南南返學漸入佳景啦!! 而家梁老師就同亞姨講, 話南南原來食好多野.... 哈哈!! 因為次次食完佢叫 "無", 再取.

bb1000:
小朋友係咁呀!! 南南早半年前成日都係周圍畫, 而家我就教左佢一定要係紙上畫, 否則, 就沒收支筆及要佢用濕紙巾抹返畫過既地方, 你試下這個方法啦!! 不過, 就要一繼時間先 work.

大宮松鼠:
你囡囡講野好叻呀!! 南南真係要加下油啦!

OneTwoThree:
南南最近都講多左野呀!! 早2天見到 bb, 就同我講: "bb 得意", 昨晚訓覺前, 佢唔乖... 我罰佢企, 佢企完就問我.... "你仲咪野呀?", 昨天放學, 亞姨要佢同老師講 : byebye 老師, 第一次佢講唔到只講 "byebye 師", 之後就叫佢講多1次, 就佢可以講到了. 好開心, 亞仔返左學一排, 就明顯叻左.

我比南南返 N1 既原因:
- 語言發展比同齡小朋友明顯慢, 想佢見其他同學講野, 而從中學習一下

- 自理能力太低, 同埋好似有些潔癖咁, 自己食 "薯條 - 咁美味既食物", 都係食一啖抹手, 之後再拿起再食..... 想佢唔好太怕 dirty, 而失去一些基本自理能力

- 學下秩序 (因為性格太急), 唔願等候, 同埋, 次次我地唔順佢意時, 就立即訓地及狂叫.... 一要佢排隊等佢就發脾四, 而家完全無問題, 次次要等候時, 就同佢講: 我地要排隊, 咁就 ok

- 想佢多些同同年齡小朋友玩, 因為我果 d 姨甥, 最細都16歲啦!! 只有一個表哥仔 (大佢3個月) 及一個表弟仔 (細佢年半), 但係一年先見幾次....... 怕佢唔識同人 sharing

私人傳訊

OneTwoThree

積分: 5598

213^#

發表於 07-10-17 23:25 |只看該作者

szesze, 有d我都好似係咁諗, 就係 :

- 希希語言發展比同齡小朋友都係較慢, 想佢同其他人講多d野, 而從中學習一下

- 對住陌生人時太被動又非常怕羞, 以前見到d佢唔識or唔想同佢玩既人撩佢, 佢會喊, 但而家肯同陌生小朋友玩, 初初錢老師話佢比較膽小, 人地搶佢玩具佢唔敢爭取攞番, 但而家佢會為左捍衛自己想玩既玩具而同同學仔對抗

- 正正因為以上兩點問題而想佢早d適應校園生活, 唔洗k1時講野唔叻唔識表達又要適應校園生活又要學abc、123, 所以而家俾佢番, 佢k1就唔洗一次過應付三個問題

p.s 近來我屋企請左個小管家, 就係希希, 佢好鍾意指揮我呢樣果樣, 同佢玩佢要話事要我坐邊度, 同佢去公園佢又唔準我跟住佢要我係另一邊等佢, 佢玩滑梯時又要我跟住佢尾一齊爬, 唔知你地小朋友會唔會咁既呢??

[ 本文章最後由 OneTwoThree 於 07-10-17 23:33 編輯 ]

私人傳訊

大宮松鼠

複式洋房

積分: 105

214^#

發表於 07-10-17 23:31 |只看該作者

其實我亞慇唔係特別叻。聽老師講完仲真係發現佢內心好自我，同埋只係生得大粒，但仲係好BB。可能佢老豆較為有心機d，一得閒就同佢傾計，乜都講吓。例如：慇慇今日coby哥哥今日有無跳舞呀？今日係學校有無做運動呀？劃劃呀？食咩茶點呀？咁攞。總之乜都講吓問吓....就會見佢答吓又行咗去，跟住又返轉頭再答下一個問題。好明顯佢都想講吓自己返學d野！同埋女仔講野好似係叻d榢。

另外由今晚開始已經再無〝奸人堅〞睇！即係小朋友食完飯都唔再會開返電視。

...........大人又少d福利喇。

私人傳訊

OneTwoThree

積分: 5598

215^#

發表於 07-10-25 11:11 |只看該作者

喂喂, 你地去哂邊呀, 成個星期都無人上嚟傾計既, 快d返嚟啦

私人傳訊