講開神棍, 我都有個經歷。大約8年前到啦, 我老豆走左, 咁我媽唔知聽邊個講, 要問一次米, 咁佢係去元朗問既, 咁我要返工, 冇同佢去, 咁佢去完返黎, 就話老豆係下面好好, 唔駛擔心咁上下。咁隔左半年到, 我伯父又走左, 佢一生人都冇結婚, 我地係佢至親黎架, 咁我媽又去問米lu 喎, 又係同一個問米婆, 今次我同我媽一齊去啦。個度係住宅黎既, 去到, 個問米婆帶左我地入一間房, 好細, 類似有個壇咁上下, d 太陽可以射入間房(一d 都唔恐怖), 個問米婆叫我地放七百蚊入個利是封度, 跟住放係枱面。佢就開始up 野啦, 一時又話下邊好亂, 好難搵, 問我地佢d 骨灰放係邊, 咁擾攘一輪之後, 就開始講野啦, 我媽問邊個黎睇你呀? 佢竟然答：老婆同個女, 哇, 個一刻我就知呢個係神棍啦, 我伯父都冇結婚, 我媽係佢細佬既老婆, 我係佢細佬個女, 不過我地冇拆穿佢, 求其問幾野就走人。
後尾我同我媽講, 跟本呢個問米婆答野就好大路, 去問親既人多數都係老婆, 老公, 仔呀, 女呀, 個d , 只要順住方向黎答一定冇錯, 我媽2次總共比人呃左千幾蚊啦!!
如果真係問米咁堅, 咁d 警察就唔駛咁煩啦, 不過我當然唔會一竹篙打一船人, 或者真係有好有料既問米婆都唔奇!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
)
發表於 
返回列表
