本帖最後由 rose-mag 於 15-3-5 09:58 編輯
mrsjacky 發表於 15-3-5 08:56 
其實都無不可，如果我係闊太，我會覺得執返身彩，個仔唔叻(唔係指讀書方面，而係廿歲人都唔知自己想點，學 ...
或者咁講，好多人有一個仔如珠如寶，睇好多育兒書，去上parenting課，上網讀有關親子教仔貼士，搵到一個方法用喺個仔身上幾work，其他通通唔掂，因為喺佢仔身上冇用，於是就奉此為王道，同其他人講自己個方法有幾得有幾好，踩其他對佢仔冇用嘅教仔方法。。。世界上有幾個細路？佢教過幾多個？一個咁大把囉。
就算作為老師，見過千千萬萬學生，有幾多個老師可以肯定講邊個方法係最有效？因為根本冇，個個人都係獨立個體，冇一簿通書睇到老。我自己有兩個小朋友，兩個都唔同性格，唔同教法，標準只能用一套，但方法就不能相同，當一個只有一個仔嘅姑仔教我點教對仔女和平相處相親相愛，我只係靜心聽完禮貌多謝就算，佢教一個仔根本冇sibling rivalry要處理，所有都係睇書嘅理論，我係日日有活生生例子俾我實習，再者我姑仔都唔識點同自己兄弟姊妹相親相愛，佢D理論有幾好，心照啦。
唔係幫個作者講說話，事實呢D文章有冇被刪改至出街得佢自己知，況且得幾多篇幅，而家登出嚟嘅係唔係就講出佢嘅原意無從知道。呢位作者做獵頭唔係PR，客觀對客唔代表佢可以對家事，正如好多老師個仔讀唔成書，醫生能醫不自醫一樣，好多時呢D切身嘢反而係盲點。呢個社會個個講出位，只要有人識就有機會，如果呢個Son姐唔係咁講，我地呢度都冇咁多篇幅去討論佢，更冇人會去起佢底睇下佢咩料子，我始終相信多多少少係PR策略嘢嚟，當然身邊有朋友真係咁偏激，有人話入唔到好幼稚園上唔到好小學派唔到頂級中學，呢世就玩完架啦，即係小學選錯校就一世，有冇咁誇呀？如果我唔係親耳聽到，親眼見到講果個人又識得佢，我真係唔信，但真係有咁誇。
花旗太太生活在花旗國，留意時差，你問我未必即時答到。
發表於 
返回列表
