影視娛樂 今日: 5 | 主題: 16084

積分: 28097

201^#

發表於 15-10-8 21:59 |只看該作者

rose-mag 發表於 15-10-8 16:16
37集同38集有關夏江審問宗主的確係一場重點戲，可能有太高期望，令我第一次睇完有點失落，話唔好咩又唔係， ...

胡歌比到你一個有私心既宗主，其實亦都是一個真實既人，無人可以完全無私心噶，除左神。

胡歌犀利，佢將一隻魔，演成左神。佢做咩，觀眾都理解，都原諒，都支持。呢個有本身劇本、人物設定既原因，但是演員既表演都有好大功勞。唔使講其他，靖王都喺好討好既角色，但是喺觀眾中就比人鬧到傻。

瑯琊榜之後，我真喺唔知胡歌仲可以接咩古裝角色了，因為對佢黎講，古裝劇裡面唔挑戰性，唔超越自己以前角色既，都唔會接。胡歌既梅宗主，其他人好難超越，佢自己都好難超越吧？

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

202^#

發表於 15-10-8 22:01 |只看該作者

引用：Quote:rose-mag 發表於 15-10-8 16:59 係呀

原帖由 hugoma2015 於 15-10-08 發表
本帖最後由 hugoma2015 於 15-10-8 17:35 編輯

我一面睇都好心急，拖多陣啦，一定有人會救佢，拖到有人嚟就得，果陣夏江都未諗到宗主會係咩人，同赤焰或祈王有關係，如果宗主唔咁快提到祈王的話，或者可以冇事。佢身體咁差，好番冇耐，俾夏江虐待，身體好d果陣都辛苦，何況而家！

花旗太太生活在花旗國，留意時差，你問我未必即時答到。

私人傳訊

積分: 28097

203^#

發表於 15-10-8 22:02 |只看該作者

rose-mag 發表於 15-10-8 21:56
問題係做林殊後生呢個面型唔長，加上劉海唔係打斜，出嚟效果真係變成薯仔唔係殊帥。

...

呢種幾乎齊劉海的髮型，基本上邊個用，邊個變傻仔啦

私人傳訊

積分: 28097

204^#

發表於 15-10-8 22:11 |只看該作者

rose-mag 發表於 15-10-8 22:01
我一面睇都好心急，拖多陣啦，一定有人會救佢，拖到有人嚟就得，果陣夏江都未諗到宗主會係咩人，同赤焰或祈 ...

其實我覺得電視劇喺呢個位置既改編是一個BUG。

因為原著裡面，宗主偷偷換左藥，所以佢唔怕吃，佢要講話刺激夏江，等夏冬睇到佢師傅幾無恥。

但是呢度呢？真是毒藥喔，唔知道有無得解喔？點解仲要甘快刺激佢？我想唔通。

私人傳訊

積分: 174135

205^#

發表於 15-10-8 22:28 |只看該作者

引用：Quote:rose-mag 發表於 15-10-8 22:01 我一

原帖由 hugoma2015 於 15-10-08 發表
其實我覺得電視劇喺呢個位置既改編是一個BUG。

因為原著裡面，宗主偷偷換左藥，所以佢唔怕吃，佢要講話刺 ...

要講bug, 其實之前劫獄都有唔合理地方，明明豫津同言侯去城郊寺院見夏江夏春兩師徒，亦走在佢地走咗之後，點解又可以帶紀王去見宮羽，及時見到夏冬帶衛錚走？好趕喎。

今晚39集應會講到夏江自己俾夏冬去接應將衛錚劫走嘅江左盟團隊，但夏冬應該係喺江左盟入懸鏡司時冇出身幫，而佢係唔知衛錚真正藏身之所，但運走衛錚時佢又出現喺登甲巷，呢度有d講唔通。

另外講到38集，宗主應該唔會預知到夏江會困佢幾多日，佢似係喺衛錚平安出城後叫其他人按計劃行動，但點解行動咁慢？要去到宗主已被餵毒藥後，蒙統領至到懸鏡司帶回夏江？但之後審問夏冬再出聖旨去捉拿夏江又咁快？懸鏡司同皇宮好近？梁帝審夏冬果段都幾多嘢，唔應該好快完，時間上嘅考慮好似有d問題。

花旗太太生活在花旗國，留意時差，你問我未必即時答到。

私人傳訊

積分: 28097

206^#

發表於 15-10-8 22:51 |只看該作者

本帖最後由 hugoma2015 於 15-10-8 23:23 編輯

rose-mag 發表於 15-10-8 22:28
要講bug, 其實之前劫獄都有唔合理地方，明明豫津同言侯去城郊寺院見夏江夏春兩師徒，亦走在佢地走咗之後， ...

第一個問題我同你一樣覺得奇怪，如果豫津先行一步返去找紀王會比較好。

第二個問題，當衛崢比人搶走，夏江仲唔馬上監禁夏冬？仲比佢出黎？

第三個問題，其實是電視劇改動上既疏忽。小說裡面，宗主訓左一晚，夏江就審佢啦。所以雖然其他野都按照計劃黎做，都是拖唔到時間啊。電視劇訓左2晚，反而覺得唔合理……連宗主個靚仔樣都變得唔合理，一個男人，住左2晚唔剃須，一D須根都無？

補充一個BUG，亦喺最搞笑既，無論靜妃定喺皇后，都自稱自己入宮20幾年。靖王31歲啦，譽王就算唔喺親生，都33歲啦，好唔好！？

我覺得小說本身幾嚴謹，無咩邏輯錯誤。不過電視劇改編既時候，反而多左BUG

私人傳訊

Kuri

伯爵府

積分: 17260

207^#

發表於 15-10-8 22:55 |只看該作者

hugoma2015 發表於 15-10-8 22:11
其實我覺得電視劇喺呢個位置既改編是一個BUG。

因為原著裡面，宗主偷偷換左藥，所以佢唔怕吃，佢要講話刺 ...

唔係喎，我見有個鏡頭特登影佢放低粒藥，夏冬話佢係師傅未咁激動時已嚟咗......

我估夏冬已幫佢換咗藥。

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

積分: 28097

208^#

發表於 15-10-8 23:03 |只看該作者

Kuri 發表於 15-10-8 22:55
唔係喎，我見有個鏡頭特登影佢放低粒藥，夏冬話佢係師傅未咁激動時已嚟咗......

我估夏冬已幫佢換咗藥。

我睇過劇透啦，真是中毒，之後會吐血，會露胸針灸

胡歌個胸幾大！

不過，劇裡面說，因為他本身帶有天下第一奇毒--火寒奇毒，所以其他毒藥都會比火寒奇毒化解，害佢唔到，吐翻D血出黎就無咩啦。

不過對於小說黨黎講，又是一個BUG！小說裡面話清除火寒奇毒最徹底既辦法就是“拔皮碎骨”，宗主揀左呢種，所以毒清曬，武功盡失，容顏全變，身體虛弱。既然清曬，又何來“本身帶有”呢？

私人傳訊

積分: 174135

209^#

發表於 15-10-8 23:30 |只看該作者

引用：Quote:rose-mag 發表於 15-10-8 22:01 我一

原帖由 hugoma2015 於 15-10-08 發表
其實我覺得電視劇喺呢個位置既改編是一個BUG。

因為原著裡面，宗主偷偷換左藥，所以佢唔怕吃，佢要講話刺 ...

好似話宗主身中嘅寒毒化解咗烏金丸毒，但當然宗主又被折騰一番，後來好似蒙統領有去逼夏江交出解藥。。。換藥好似合理d, 咗唔會覺得宗主冇咁魯莽，佢其實唔係唔可以再拖多陣，唔駛咁快出祈王同赤焰呢一招，呢個係終極招數，要等到最後至用嘛，連夏江都唔覺夏冬嚟咗，宗主係咪已經知道呢？宗主以前武功有番咁上下，知都唔出奇嘅，但當時兩人都專心鬥智，可能留意唔到都合理。

如果要打分，胡歌應有80分啦，我覺得佢了解個角色好用心，之前軟皮蛇等夏江奈佢唔何，等夏江開始急再反擊，呢場係心理戰，要慢慢打，電視劇唔可能一個場景播成集，而且為咗製造緊張感同講其他同時進行情節，左穿右插係常見電影電視分場技巧，亦可以等觀察對主角處境產生緊逼感。

胡歌掌握個節奏算唔錯，對夏江嘅反應由冷變熱，鬆至緊，王永泉呢場戲其實演得好架，雖然佢自以為佔上風，但佢對宗主都有忌憚，佢未同宗主正式交過手，但應聽聞唔少佢嘅事，對於呢個京城旋風，夏江未摸透，對佢態度唔會似對言侯一樣，佢同言侯係幾十年故人，大家有幾多斤兩，大家底細一清二楚，但對宗主佢摸唔透，低佢以為宗主係一般人，身體又弱，佢對宗主有種優越感，可以話係一早太輕敵，後來發現呢個人知好多，已經對佢做成威脅就開始急，我留意到初期王永泉面容放鬆，語氣強但唔緊逼，正正佢係未當宗主係一回事，之後提到衛錚已出城，仲要喺由佢懸鏡司嘅人運出城，佢開始唔敢掉以輕心，雖然之後佢都由得宗主拖時間，但佢自持宗主在佢手上，以為可以為所欲為，又再掉以輕心，係去到聽到佢最忌諱果幾隻字，王永泉嘅面部肌肉就開始抽搐，呢樣係演員嘅利害之處，控制肢體係一個好難嘅課題，唔只係動作，細微嘅表情，肌肉反應都不能忽視，不必要或同人物塑造冇建設性嘅小動作一律要out, 幫助人物及情節發展嘅細節要早早代入，胡歌嘅林殊同宗主都有一個習慣，思考時都會手中掐玩一d嘢，所以好早前佢已經有掐衣角，胡歌係好多場都有呢個小動作，到俾靖王發現時佢果下心虛就來得自然，因為係由小到大嘅習慣，被發現後宗主都改唔到，呢樣係將設定加俾角色，令角色更豐富。再一樣就係個暖壺，火爐暖壺披風已經係宗主嘅特式道具，胡歌拎暖壺嘅動作駕輕就熟，好似真係一個已經靠佢為生13年嘅人一樣，自然融入咗。

我認為王永泉呢場戲跌温係必須，對比言侯，呢場佢太自信太輕敵，後面發爛渣用強去餵毒果個轉折好代表到佢對宗主嘅恐懼。

胡歌呢場做得好好架啦，沙石有少少，我就唔多鍾意佢俾夏江強行餵毒時笑果兩下，同個節奏有少少抽離，不過我見佢對夏冬為佢求夏江攞解藥時表現驚訝，佢同夏冬交情不深，夏冬更應該係對佢呢種謀士冇好感，但夏冬居然出手相救，夏冬呢個女子嘅胸襟實在太令人佩服，雖然最後幫唔到宗主，宗主好感激佢，所以最後夏冬走時報以微笑，呢d位好細緻。

花旗太太生活在花旗國，留意時差，你問我未必即時答到。

私人傳訊

doll100

大宅

積分: 2668

210^#

發表於 15-10-8 23:54 |只看該作者

hugoma2015 發表於 15-10-8 23:03
我睇過劇透啦，真是中毒，之後會吐血，會露胸針灸胡歌個胸幾大！

不過，劇裡面說，因為他本身帶 ...

原來係禁，以為佢放底左粒藥個位真系有d野。有無劇照啊

其實佢雖然臉無咩肥肉，但佢個身唔係d瘦削既人，幾有骨架，同埋會有d肌肉

私人傳訊

積分: 174135

211^#

發表於 15-10-9 00:07 |只看該作者

引用：Quote:rose-mag 發表於 15-10-8 22:28 要講

原帖由 hugoma2015 於 15-10-08 發表
本帖最後由 hugoma2015 於 15-10-8 23:23 編輯

第一個我同意，睇果陣我都以為言侯差豫津自走，點知唔係，咁其實差走佢嘅意義不大，可能係要一個人交代偷馬，其實都唔駛，只要影住言侯躲於樹後，加埋夏江夏春自己發現就得，最初入寺時已影到綁馬嘅欄杆，我一早估到有人會收埋兩隻馬。

第二個有交代，夏江的確有困住夏冬，但夏春夏秋冇好刻意做，夏冬功夫了得為有經驗高級掌鏡使，佢自己走出嚟亦合理。

第三點，如果係困一晚就審會合理好多，唔明點解要改。

花旗太太生活在花旗國，留意時差，你問我未必即時答到。

私人傳訊

積分: 28097

212^#

發表於 15-10-9 00:21 |只看該作者

本帖最後由 hugoma2015 於 15-10-9 00:57 編輯

rose-mag 發表於 15-10-8 23:30
好似話宗主身中嘅寒毒化解咗烏金丸毒，但當然宗主又被折騰一番，後來好似蒙統領有去逼夏江交出解藥。。。換 ...

吃毒藥呢一幕，唔單只喺呢度算一個BUG，放喺成個故事裡面都是一個BUG，我上面既帖子有講。宗主為左解曬火寒奇毒，經歷拔皮碎骨既艱苦療程，導致武功盡失，身體虛弱，容顏盡改（越變越靚仔

）。既然清曬，又何來2種毒中和左既講法呢？所以都是按照原著合理。當然，至於點樣換，邊個換，又是一個難題。宗主唔會神機妙算到帶埋藥去換，而且帶既藥顏色大細都同果只毒藥一樣掛？呢個位，真喺幾難自圓其說。但是明知道喺毒藥，又無十足把握可以解毒，宗主都要激怒夏江，我覺得唯一講得通既原因都是夏冬黎左了。夏冬同夏江之間既裂痕就是赤焰軍。如果上次審謝玉是令夏冬對師傅產生懷疑，咁呢次就令夏冬徹底失望同死心。

第8集，宗主遇刺，佢都提前FEEL到D殺氣，然後佢閃避對方攻勢既時候後退果幾步，都相當有功架。仲有第7集，夏冬第一次穩佢，佢都第一時間感覺到有人進入佢地頭。所以我覺得佢雖然武功盡失，但是習武之人既敏銳，或者功夫的套路都保留住。例如一個人學識游水之後，佢永遠都會記得游水既動作，只不過可能老左，游唔郁。所以佢FEEL到夏冬黎左，都唔出奇。

胡歌到目前為止都令我好滿意，呢出戲之後，“逍遙哥哥”唔再喺佢的外號了，以後大家要叫佢“宗主”了！佢除左用心，我覺得佢自己的經歷（車禍果件事）都幫左佢好多。呢個對佢理解角色既心路歷程，會好有幫助。

上次太奶奶去世，胡歌吐血果場，佢青筋都標曬出黎，我都覺得幾難做，幾好演技。面部抽搐，標青筋係點做到噶？

捏玩小東西呢個喺小說設定，唔喺胡歌為呢個角色設計既。

我同你相反，我比較中意佢吃藥之後冷笑果度。夏冬同夏江講野，佢呢個人肉佈景都交足功課，夏江講林帥害死夏冬丈夫果度，他撇左一眼夏江，好鄙視。不過最後微笑果下，是跟翻原著。

4142集，有另一場重頭戲，就是衛崢講出赤焰真相果段，胡歌自己話呢一場佢演得好過癮，我地拭目以待！

私人傳訊

積分: 28097

213^#

發表於 15-10-9 00:27 |只看該作者

rose-mag 發表於 15-10-9 00:07
第一個我同意，睇果陣我都以為言侯差豫津自走，點知唔係，咁其實差走佢嘅意義不大，可能係要一個人交代偷馬 ...

我真係覺得小說嚴謹好多，我會忽視D人戲服唔連戲之類既BUG，不過我就接受唔到呢D邏輯上既BUG。

仲有之前講既李逍遙，其實小說裡面是叫李逍，佢喺郡主比武招親果陣，比百里奇打傷，宗主送左只好難得既鐵打藥比佢，所以有淵源。

私人傳訊

積分: 174135

214^#

發表於 15-10-9 04:52 |只看該作者

引用：Quote:rose-mag 發表於 15-10-8 23:30 好似

原帖由 hugoma2015 於 15-10-09 發表
本帖最後由 hugoma2015 於 15-10-9 00:57 編輯

入到戲就可以控制肢體肌肉，以前學做戲其中好重要一環係教點控制肢體，手脚頸頭膊腹每一個部份都要學去控制，加埋用聲運氣每一樣都唔少得，要做好演員，肯俾功夫就一定得，日子有功，所以點解以前tbb或麗的時期嘅演員咁好戲，入面學好多嘢，做大戲果d更甚，唔只演技上必須嘅技巧，仲要歷史文學上嘅修養，點行點講嘢點笑點喊都有根有據，你撩番起我以前青葱歲月時嘅回憶添，果陣有d前輩教戲，表演不同程度背景嘅喜怒哀樂，戲癮大嘅時候拎住一個劇本同幾句台詞用不用背景人物嘅語氣設定去講就有不同效果，實在係好好玩。成功演員係會留意不同人嘅談吐動作表情，呢d都成為日後嘅資產，當然自身經歷對演某d角色投入有幫助，但人總不可能經歷所有嘢，好多時就要靠觀察靠幻想。分享以前一個課題：喊，點解有d演員咁易喊得出，有d要用眼藥水？無他，事前做功課，每個人都經歷過難過嘅時刻，果一刻嘅感覺好好記住，有咩嘢可以觸動自己神經，挑起淚點，要演喊戲嘅時候事前蘊釀情緒回憶難過片斷，到埋位時將自己投入角色再將情緒重疊，可能引致喊唔係本一個原因，但效果出到，成功嘅演員越做得多戲就越能收放自如。劉雪華最出名就係眼淚，聽聞佢拍所有戲都係真眼淚，佢d喊戲有層次，含淚不落，流淚不哭，淘號大哭等，每一種都好有感染力。當然講理論係唔難明，做唔做到又係一回事，我始終認為首要就係投入，當你都覺得自己係果個角色就會知道點演，長台詞點解有人可以冇ng一次ok, 有人拍幾十次都唔得，我以為係用心感受同背書嘅分別。

我唔係覺得宗主冷笑有問題，冷笑都係啱，但我覺得個笑腔同之後轉咗鏡頭位置，變得動作唔多自然，如果一直影住宗主再映夏江好d, 同埋hold多一秒好d, 我個人觀感而已。

剛睇完一次，一陣重温，今晚再cap 圖出拙評，希望有jm加入討論，呢套劇咁好睇，好似講嘅人唔係好多，有不少集中留意角色顏值，客觀講演員演技同分析情節唔見好多，有d可惜，反而國内好多微博長評講。

花旗太太生活在花旗國，留意時差，你問我未必即時答到。

私人傳訊

積分: 174135

215^#

發表於 15-10-9 05:57 |只看該作者

引用：Quote:rose-mag 發表於 15-10-9 00:07 第一

原帖由 hugoma2015 於 15-10-09 發表
我真係覺得小說嚴謹好多，我會忽視D人戲服唔連戲之類既BUG，不過我就接受唔到呢D邏輯上既BUG。

仲有之前講 ...

睇戲嚟講，影像交代劇情細節，將幻想形像化，所以我會留意埋其他bugs, 以前同班讀電影嘅同學去睇戲，班人好顛架，會留意到邊度穿崩，果度見到個收音咪，呢度見到套唔啱年代軍服，又試過一套戲入場睇四五次，佢地成班傻架。

花旗太太生活在花旗國，留意時差，你問我未必即時答到。

私人傳訊

積分: 28097

216^#

發表於 15-10-9 08:53 |只看該作者

rose-mag 發表於 15-10-9 04:52
入到戲就可以控制肢體肌肉，以前學做戲其中好重要一環係教點控制肢體，手脚頸頭膊腹每一個部份都要學去控制 ...

我好耐無咁中意過一套戲，呢套算劇本厚實，製作精良，我覺得暫時可以講喺2015年度國產片最佳，真係值得細細品味。我而家覺得我每日睇完套劇，要睇埋你既分析，先算睇曬。因為有D野，你唔講，我都MISS左。我非常期待你從第一集開始重新CAP圖討論添啊，如果你得閒又有興趣既話，哈哈

不過我唔喺專業人士，我只好以電視精同小說粉既角度同你交流了。

對於演員黎講，顏值唔可以吃一世，演技先可以吃一世。胡歌夠靚仔啦，但喺佢如果演宗主演到木口木面，或者永遠都苦大仇深咁款，咁佢一樣會比觀眾鬧，因為佢個角色都有陰暗既一面。而家觀眾企喺佢果邊，唔喺靜喺因為佢靚仔噶，喺因為佢感染到觀眾，令觀眾產生同理心。又例如劇裡面的景睿豫津，我個人認為都唔夠靚仔，不過演員演到景睿既溫厚，豫津的豁達處理，我就收貨啦！呢套戲如果按照所有演員綜合顏值，演技，情節黎評分，我覺得顏值3星半，演技4星，情節4星半。

喊戲，我覺得喺演員既一個門檻吧。喊戲是一個情緒宣洩口，如果連喊戲都感染唔到人，其他戲點感染到人？呢套戲黎講，郡主同宗主相認果場，我真喺睇幾次都眼濕濕。2個演員既表現都好有層次感，好有感染力。而家好多人都好中意郡主同宗主呢一對情侶，講真喺一套主講權謀既電視劇裡面跑出一對咁有認同感既CP，真喺幾意外。本來郡主戲份就唔多，我以為劉濤都是客串下，結果少少戲份，呢一對已經收穫好多CP粉。

演員自身用心真喺好重要。例如胡歌第一次拍古裝，就穩本古詩詞定唔知古裝台詞樣板黎背，做好功課先入組。劉濤拍相認果場之前，對住小說同劇本研究好耐，佢話睇劇本唔可以完全理解角色當時既想法，一定要睇埋小說，先可以摸得準D。人地紅，真喺有人地既道理。所以話，演員紅唔紅得起，除左機遇，都喺要睇自身，無甘多所謂“滄海遺珠”既！

又例如王凱（死啦，佢變左我既反面教材了！）最近睇佢一個訪問，講佢拍瑯琊榜既事。記者問他第一次拍古裝，有無向胡歌請教啊。佢話無，我會直接問導演。我一睇就死啦！講真，呢個導演都喺第一次拍古裝！論實戰經驗，邊個夠胡歌比啊，胡歌古裝王子喔。對演員黎講，每次拍戲，都喺一個吸收經驗、學習既機會。尤其喺咁大既製作，甘多實力派演員，多D溝通，多D問，多D睇人演，呢D經驗真是好寶貴。又唔睇原著，又唔同同劇演員溝通交流，王凱比我既感覺，就是一個連學習方法都錯左既學生……唉！

私人傳訊

Kuri

伯爵府

積分: 17260

217^#

發表於 15-10-9 09:04 |只看該作者

hugoma2015 發表於 15-10-9 08:53
我好耐無咁中意過一套戲，呢套算劇本厚實，製作精良，我覺得暫時可以講喺2015年度國產片最佳，真係值得細 ...

咁你有冇睇埋《偽裝者》？導演話因為見到王凱係《琅琊榜》入面嘅表現，所以搵埋佢拍。基本係《琅琊榜》原班人馬去拍《偽裝者》，但唔知點解《偽裝者》會播先。
不過《偽裝者》入面胡歌扮二十歲又好似老咗少少。但仍然係咁靚仔

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

積分: 28097

218^#

發表於 15-10-9 09:38 |只看該作者

Kuri 發表於 15-10-9 09:04
咁你有冇睇埋《偽裝者》？導演話因為見到王凱係《琅琊榜》入面嘅表現，所以搵埋佢拍。基本係《琅琊榜》原班 ...

唉，王凱就是果個製作公司既簽約演員，導演當然要幫自己人講說話啦。呢D客套說話，我一向都唔信，偽裝者王凱表現OK吧，個角色人物設定好，唔難演啊。反而瑯琊榜靖王，因為佢開頭一路都誤會宗主，會有少少唔討好，呢個時候演員自己對角色既把握能力就好重要，佢用力過猛，觀眾就會好反感。

偽裝者，我睇過原著小說，已經覺得好差，點知改編之後，仲差！所以我睇到20集左右就放棄左。又喺一部主角刀槍不入既神劇，又喺一套國軍男主一定會愛上共黨女主，然後一定投靠共黨既神劇！呢個編劇我會記住佢個大名，以後都唔會睇佢既戲！

胡歌，唔該你以後接劇，唔好只睇10集劇本就接。睇曬先接啦！不過講真，佢演明臺演得幾好，當時製片方叫佢喺明樓同明臺之間揀，佢自己揀明臺，因為難度最大，最複雜。唔覺得佢顯老喔，我覺得只要人物既性格特征出到黎就OK拉。佢喺屋企既造型（有劉海）就好後生，好Q啊。然後佢著到好靚仔，出去殺人果陣，真喺好SHARP！但係呢D都不足以支撐我繼續睇落去。尤其個女主出現之後……

私人傳訊

Kuri

伯爵府

積分: 17260

219^#

發表於 15-10-9 10:01 |只看該作者

hugoma2015 發表於 15-10-9 09:38
唉，王凱就是果個製作公司既簽約演員，導演當然要幫自己人講說話啦。呢D客套說話，我一向都唔信，偽裝者王 ...

女主就真係好難頂，反而我鍾意于曼麗的角色。其實入面講到共產黨好勁，我都覺得好難頂，但我仍然為咗胡歌睇晒

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊