興趣嗜好 今日: 1 | 主題: 124511

積分: 165753

201^#

發表於 17-7-2 22:59 |只看該作者

sailorjupiter 發表於 17-7-2 22:52
本帖最後由 sailorjupiter 於 17-7-2 22:52 編輯

我也有看衍陽法師的片，也喜歡聽她開示。

活在當下，慈悲行世，就係最好的準備。

私人傳訊回覆引用

積分: 26299

202^#

發表於 17-7-3 13:53 |只看該作者

SandyKL 發表於 17-7-1 21:15
真係因緣，平常不入呢區，因為click錯就入咗呢區，仲俾我見到

呢個帖添。

唔食肉唔係佛陀定既，而係梁武帝定既，呢樣野喺漢地大乘佛法入面應該唔會有太多人理你，好多法師，出家人，佛弟子們持素多年，已經當左係佛戒律去遵守，根深蒂固，大家就算知都唔想去改變

佛陀入滅後，迦葉尊者曾經向僧團講過，佛陀已制定既戒侓必須遵守，佛陀冇制定既戒律無須制定

私人傳訊回覆引用

積分: 165753

203^#

發表於 17-7-3 22:15 |只看該作者

MiuMiuLi 發表於 17-7-3 13:53
唔食肉唔係佛陀定既，而係梁武帝定既，呢樣野喺漢地大乘佛法入面應該唔會有太多人理你，好多法師，出家人 ...

知呀！所以我都唔遵守，寧受三皈就算，佛理就係心為重，心不為惡懷慈悲心就算。

有人提出過不殺生根本好難，我地一呼一吸一行一動都會殺死空氣中微生物，煲水時亦殺不少微生物，肉眼不見只係唔知啫，我覺得有道理。佛最包容，想持素繼續持素，不想便繼續，食素便證慈悲?不食素是作惡? 若持此想法，便是起執念，個人不隨。

私人傳訊回覆引用

積分: 26299

204^#

發表於 17-7-3 23:35 |只看該作者

SandyKL 發表於 17-7-3 22:15
知呀！所以我都唔遵守，寧受三皈就算，佛理就係心為重，心不為惡懷慈悲心就算。

有人提出過不殺生根本好 ...

有聽過佛陀住世時，有僧侶叫提婆達多，曾向佛陀建議僧團僧侶不食肉，當時佛陀係不接納

依家大多法師都有呢 D 解說，食素等如不殺，放生等如不殺，現在又太多人崇拜法師或出家人，覺得由佢地口講既一定係啱，所以就照跟照做，我自己就唔同意，不殺不是食素，不殺不是放生，不殺就是不去殺，簡單直接就得

果 D 人話呼吸飲水都殺生，呢 D 係為爭拗而爭拗，同由心生起念頭而去殺點會一樣 ?? 佛法由修心開始，調整心念，心唸惡則口作惡，心唸惡則身作惡，呢 D 就係行惡

私人傳訊回覆引用

Petman

積分: 2201

205^#

發表於 17-7-4 11:17 |只看該作者

SandyKL 發表於 17-7-1 21:15
真係因緣，平常不入呢區，因為click錯就入咗呢區，仲俾我見到

呢個帖添。

我上了志蓮淨苑的原始佛教與現代人生我覺得這課程最接近佛陀的本懷

私人傳訊回覆引用

alhy.love

積分: 3802

206^#

發表於 17-7-4 11:30 |只看該作者

本帖最後由 alhy.love 於 23-2-10 17:38 編輯

.

私人傳訊回覆引用

積分: 26299

207^#

發表於 17-7-4 11:45 |只看該作者

alhy.love 發表於 17-7-4 11:30
回覆 MiuMiuLi 的帖子

家中的蟑螂、螞蟻...很討厭會消滅牠們, 唔通這也是殺生? 定義係點呢?

心念起再做出黎就一定係殺，係行惡作惡，冇分動物昆蟲，所以講就易，做好難，我勁怕小強，會叫 c6 去打死佢，其實呢種情況喺佛陀既解釋，我既惡業比 c6 更大，佛陀話 “教他人殺，重於自殺”，教唆或者教導他人去殺，比自已親自去殺惡業更重

私人傳訊回覆引用

積分: 165753

208^#

發表於 17-7-4 12:42 |只看該作者

MiuMiuLi 發表於 17-7-3 23:35
有聽過佛陀住世時，有僧侶叫提婆達多，曾向佛陀建議僧團僧侶不食肉，當時佛陀係不接納

依家大多法師都有 ...

為人類殺畜維生者點睇?

不過都係一個開放答案問題，從業者不能在死後回來告訴死後如何光景。

講話呼吸行藏坐卧都殺生嘅人，此過程是對的，都係殺生現象，但是無心，當然算不了作惡，所以可能冇需要承受果報。佢講法係比較極端。

私人傳訊回覆引用

積分: 165753

209^#

發表於 17-7-4 12:53 |只看該作者

MiuMiuLi 發表於 17-7-4 11:45
心念起再做出黎就一定係殺，係行惡作惡，冇分動物昆蟲，所以講就易，做好難，我勁怕小強，會叫 c6 去打死 ...

我都係，大強入屋唔嚇死才怪，冇可能唔令佢地往生。

我99歲住護老院嘅阿婆，同佢飲飲吓茶，見在隻尾指頭細一半嘅昆蟲由身爬上頸，有腦退化嘅阿婆本能就一手握死隻昆蟲，仲成手血，此蟲吸血的。

此蟲天性吸血，並不是作惡，阿婆被咬送佢往生，亦不是作惡。我阿媽向老人院反映此事，老人院移走阿婆，再係佢房作大清潔，殺生不可免，我地都作惡嗎？

現實與戒律相違背，令我都頗困擾，幸好，我唔係好介意是否能成佛，因為通古至今，能成佛者只有釋迦牟尼，成為菩薩，談何容易。隨心啦！

私人傳訊回覆引用

積分: 165753

210^#

發表於 17-7-4 12:54 |只看該作者

Petman 發表於 17-7-4 11:17
我上了志蓮淨苑的原始佛教與現代人生我覺得這課程最接近佛陀的本懷

謝謝報料!一於去聽聽。

私人傳訊回覆引用

積分: 26299

211^#

發表於 17-7-4 13:26 |只看該作者

SandyKL 發表於 17-7-4 12:42
為人類殺畜維生者點睇?

不過都係一個開放答案問題，從業者不能在死後回來告訴死後如何光景。

佛陀講既八正道，入面有正命，解說係從事既工作，就算工作入面有作惡行惡，都會受到果報，應該就唔會因為生活或工作去作惡就可以免疫

因果業報唔係佛陀制造出黎，佢係覺悟者，知道做左咩事有可能會得到咩後果，將個法則具體化再解釋出黎比人知，再加埋個解決方法，其實佢都干涉唔到因果法則

所以拜佛諗住可以求平安求消災求得益既人，我會話佢知係行唔通既，況且求神拜佛呢 D 係鬼神法，鬼神法唔係佛法

私人傳訊回覆引用

Petman

積分: 2201

212^#

發表於 17-7-4 17:42 |只看該作者

alhy.love 發表於 17-7-4 11:30
回覆 MiuMiuLi 的帖子

家中的蟑螂、螞蟻...很討厭會消滅牠們, 唔通這也是殺生? 定義係點呢?

是呀殺生呀
佛陀教清理佛舍的比丘清掃時心中念「打掃」
人是為了打掃有責任打掃想著這樣

但我還未做到
我最大問題是蚊滋在家飛來飛去我一日打死幾隻我冇可能包住佢地唔整死佢地
第一個念頭還是.....死吧！好煩啊

私人傳訊回覆引用

積分: 26299

213^#

發表於 17-7-4 18:14 |只看該作者

Petman 發表於 17-7-4 17:42
是呀殺生呀
佛陀教清理佛舍的比丘清掃時心中念「打掃」
人是為了打掃有責任打掃想著這樣

對於有 D 昆蟲，如果不至於驚到要殺死佢，我有介紹，就係嘉頓朱古力手指

，唔係比佢地食，係要桶裝個透明膠桶，軟硬適中大細好 fit 一手揸到，加張硬卡紙，如果唔係小強，大部份昆蟲例如飛蛾甲蟲果 D，c6 會用果個膠桶 cup 住佢，sip 張卡紙喺底囚住佢再帶出屋外面放，不防試下

學佛同學們大家善䕶念

私人傳訊回覆引用

積分: 165753

214^#

發表於 17-7-4 21:00 |只看該作者

MiuMiuLi 發表於 17-7-4 13:26
佛陀講既八正道，入面有正命，解說係從事既工作，就算工作入面有作惡行惡，都會受到果報，應該就唔會因為 ...

本帖最後由 SandyKL 於 17-7-4 21:01 編輯

我又咁諗，因果循環，從事行業與工作，必有因緣，前生作事會牽引今生入咩行。有句諺語頗真：仗義每多屠狗輩；善惡我覺得可相抵。

以前狀師唔係好職業，因收錢幫人打官司，有錢人通常請得起，冤枉清白窮人，好陰質。依家都一樣，事務律師另計，但有啲大律師收錢明知當事人作壞事，用法律常識打甩官司，同樣作孽，下世可能就變屠畜輩勒，如果再做為惡屠畜輩，分分鐘來世打入畜道或鬼道。

私人傳訊回覆引用

積分: 26299

215^#

發表於 17-7-4 21:48 |只看該作者

SandyKL 發表於 17-7-4 21:00
本帖最後由 SandyKL 於 17-7-4 21:01 編輯

我又咁諗，因果循環，從事行業與工作，必有因緣，前生作事會 ...

我不認為善行惡行能抵消，作左惡就係作左惡，所以要小心自己種落既因，我亦都唔相信消業障既儀式或者法會，不過呢 D 法事法會，喺大乘佛教上非常流行，一齊聽經既同學都好喜歡參加呢 D 法會，但要知佛不能轉定業，即係佛都唔可以將已作既善惡業改變

佛陀唔同聖經既上帝，上帝可以定人既罪，亦可以赦免人既罪，佛陀冇能力定人罪或赦免人罪，只有人自己去行惡，所以得罪上帝你衰硬，但得罪佛陀唔會衰，當然我得罪既意思唔係傷害佢，不過依家無佛住世，你想傷佢都冇機會

生活上又好，工作上又好，十善就係十善，十惡就係十惡，冇得話隻蚊咬我，所以我打死佢係佢活該，我係賣魚既，劏魚殺魚係工作一部份所以冇事，因果業報面前我唔認為有得狡辯

私人傳訊回覆引用

O.M.G

積分: 4844

216^#

發表於 17-7-4 22:05 |只看該作者

MiuMiuLi 發表於 17-7-4 21:48
我不認為善行惡行能抵消，作左惡就係作左惡，所以要小心自己種落既因，我亦都唔相信消業障既儀式或者法會 ...

咁樣計的話要先知道打蚊或劏魚的人,是在因還是在果的時候.不過都好複習,善行惡行不能抵消,但可化解,如釋出善意後苦主領情的話,
我諗可以算係了結左個因果吧?

利申:新手插咀,敬請見諒.

私人傳訊回覆引用

積分: 26299

217^#

發表於 17-7-4 22:29 |只看該作者

O.M.G 發表於 17-7-4 22:05
咁樣計的話要先知道打蚊或劏魚的人,是在因還是在果的時候.不過都好複習,善行惡行不能抵消,但可化解,如釋出 ...

唔需要知道件事發生係點解，係因定係果，現在我地無佛住世冇得問，我地又冇本事去知，無必要增加自己煩惱，當下不作惡事就夠

就算受害人原諒，我自己就唔認為會改變左個善惡業

如果我假設有個有錢人殺左個窮人，賠一大筆錢比窮人家屬，家屬好開心原諒左佢，咁有錢人有冇作過殺業呢 ??

私人傳訊回覆引用

O.M.G

積分: 4844

218^#

發表於 17-7-4 23:09 |只看該作者

MiuMiuLi 發表於 17-7-4 22:29
唔需要知道件事發生係點解，係因定係果，現在我地無佛住世冇得問，我地又冇本事去知，無必要增加自己煩惱 ...

如果殺人咁嚴重就冇辦法啦,只能夠話減刑而不能完全消除孽障,所以不同程度的事都有好大既分別,好難用同一種慨念去衡量,

之前聽過d法科師傅節目度講,話有d case係在陰間可以上返陽間拿正牌報仇,邊個都唔可以阻,
又例如打仗時敵軍殺到埋身,唔係你死就我亡,所以用殺人條數去計都好多唔同計法,好複雜,
最緊要明白佛法既意思後就開始行善,之前d孽障數都可以最大程度既減輕或化解,
致於殺害蟲的情況我傾向相信不算是殺生,除非好刻意去心存折磨或帶強烈惡意,
唯有在拍死害蟲後念句南無阿彌陀佛.

私人傳訊回覆引用

積分: 26299

219^#

發表於 17-7-5 00:08 |只看該作者

O.M.G 發表於 17-7-4 23:09
如果殺人咁嚴重就冇辦法啦,只能夠話減刑而不能完全消除孽障,所以不同程度的事都有好大既分別,好難用同一種 ...

法科師傅既說法同佛陀既彿法唔係同一樣野，果 D 師傅既說法我唔識，不過依家係好多佛家道家民間信仰混埋一齊，而我就獨孤一味，只學佛，學習佛陀既言行教法

業障可以消除可以減輕，好多佛教法師或信佛人學佛人都認為可以，如果唔係唔會有咁多呢 D 法事法會，有 D 規模都好大下，而唔信善惡業可以抵消或減輕呢樣野，可以話係極少數人，其實佛法係自渡自悟，經典人人都睇得冇秘密，大家都可以有自己解說

私人傳訊回覆引用

sailorjupiter