本帖最後由 rose-mag 於 17-8-10 00:28 編輯
snkkpy 發表於 17-8-9 23:23 
有冇你覺得好睇的，介紹下
我之前另一個帖有講過，不過你應該都睇咗好多：
My all time favorites係步步驚心同琅琊榜，前者四爺十三爺實在太正，吳奇隆一向都覺得佢識做戲，但多年冇睇佢嘅戲，估唔到俾佢遇到呢個角色，從此一提雍正幾乎都會想起步步。後者發現電視可以拍到咁有電影感，畫面靚，細節處處用心，胡歌劉濤加埋好多配角都演技到位，打動人心。
近期我推軍師聯盟，劇情緊湊，條理仔細分明，同琅琊榜一樣係權謀人性心計，雖然有好多人唔鍾意，話洗白司馬懿，但理據多數以三國演義做藍本，話唔對歷史（時間同細節都有改動過），不過其實三國演義都係一本演義，唔係一本歷史書，所以是真是假都係羅貫中嘅版本嚟，我反而唔介意同歷史有出入，我睇角色帶出嘅背後訊息為主，所有角色都有弱點，亦對角色嘅普遍人物定位有改寫，例如曹操唔只係一代奸雄，佢都有人性一面，佢其實愛才，亦都有遠大目光；曹丕亦非一般人認為嘅衰人，曹植亦有不為人欣賞嘅一面等等，我個人幾鍾意呢套劇，吳秀波用咗5年去寫同籌備，開鏡到殺科用咗333日，劇入面好多細節如行禮、服飾等都好考究，除咗劇情人物之外，呢套劇有好多嘢可以慢慢嘴嚼。
無心法師我都幾鍾意，主要係題材幾新，演員雖然都係新人，但個個演得好稱職，畫面靚歌好聽，估唔到網劇都可以搞到D特技咁好，反觀花千骨D特技真係笑死人。
有套舊嘅怪俠一枝梅，霍建華、劉詩詩加馬天宇，仲有廖啟智同蕭正楠，呢套戲我第一次睇霍建華，覺得佢好有型，馬天宇好靚仔，佢入面個京劇花旦粧有D哥哥影子，最最驚喜係蕭正楠，佢個角色好有發揮，可惜佢返去TBB，否則留喺國內，可能發展好過而家好多，怪俠入面佢算第二/三男主角。
霍建華迷可以睇埋天下第一、鏢門、戰長沙、金玉良緣，傾世皇妃佢做男二，但絕對搶咗男一嘅戲，而家等緊佢套如懿傳。
之前人民的名義我覺得好精彩，男一陸毅差少少，主要係角色有D誇張，陸做得太用力，變成浮誇咗少少，但劇入面男二嘅育良書記、達康書記都好出色，連祁同偉、趙東來、陳岩石、鄭西坡等角色都好有特色，我個人就鍾意做沙瑞金嘅張豐毅，而且套戲都反映咗好多大陸嘅現況，淨係官名官職權力大小等都長知識。
陸劇我比較有興趣古裝劇多D，時裝方面喜歡最美的時光，陸勵成實在係百年修得好男人，鍾漢良最好人選，冇得頂，女主張鈞甯反而麻麻，佢喺軍師聯盟入面演柏靈筠好好多。
等緊睇嘅包括如懿傳、獵場、凰權奕天下、脫身、無心法師2、錦衣夜行、斗破蒼穹等。
花旗太太生活在花旗國，留意時差，你問我未必即時答到。
發表於 
愛情+科幻最正
返回列表
