回覆 hkugradute 的帖子
爬曬你在此標題D文。
我睇到既係無分對錯。你講得準確，對於你太太來講你係唔達到佢想要既標準。
但點解唔達標呢，由於佢自己能力亦都係低於佢想要既結果。佢要求高，又睇唔到佢自己能力根本唔夠佢使用來達標，點呢，咪逼你來幫佢達標囉，但又唔識得睇下自己老公既能力都有限。
我睇到你已經盡左你所能。她需要接受你畀到既就係咁多，再揸都揸唔出乜出來。唯有她既要求降低，如果唔係，遲早逼到你情緒都唔健康。
希望你太太睇到，係雙向既，你能力唔夠佢使同時，佢能力都係好低，根本唔夠能力做職業婦女時又達到個女要求佢當媽的標準。我明白佢，因為我自己係為生計所逼而做左職業婦女，但工作上既壓力太大，大到我無法兼顧當一個媽媽，我畀到我D女既亦係唔達我D女要既標準。我唯有平心叫我D女接受佢地啊媽我係咁低能喔。佢地想有媽媽陪，但媽媽已經耗盡資源，無法陪到佢地。亦要我前夫接受 我係咁能力低過佢要既。所以達唔到佢既標準。
你打電子遊戲機，冇問題喔。係要減壓嘛。
我前夫，我先生，同佢D男友，個個都有打機啊。有D兩夫妻一齊打添。但人地既要求唔會定得佢地達唔到既。 有夫妻間有共同興趣當然好啦，但冇，各有各畀大家私人時間做減壓都好過冇吖。
我先生有大能嘛，佢可以又打機，又湊仔，連繼子女都湊埋放學，又補習，或者同D仔一齊打機。我先生咁有能力都達唔到佢前妻既標準啦，因為佢前妻既標準係要求有個做VP 既老公。當我先生話佢知佢再也不想當VP，佢前妻就即刻黑面，反曬面，同佢嘈過。我先生最唔想嘈。結果憂鬱症啦。到同我一齊先好翻。因為，我從來唔要求人地要達到我一己之標準。只要人地盡左力，平衡到自己既情緒健康，身體健康，精神健康就好。能力唔夠使，咪接受現實就住使囉。
Love is when the other person’s happiness is more important than your own ~ H. Jackson Brown
發表於 
而家唔係你嘅感覺吖～係你太太做緊嘢見你玩佢覺得不爽～既然如此咪避免咁做囉～退一步就海闊天空～點解係要挑戰佢呢
你都知佢EQ冇你咁高你咪就下佢囉
, 做咩又唔鍾意, 唔比我講喎 
根本喺佢太太嘅立場佢冇可能理性分析件事～倒不如自己讓步～佢唔中意樓主喺佢工作時打機～咁咪唔好打囉～
返回列表
