我媽腦出血中風,中風後昏迷1星期後醒返,右邊身完全郁唔到,中風後經BK JM 介紹一位中醫師專係做中風針灸,未開始針灸前,我地都好擔心媽媽情況,問醫師好多問題,佢都好耐心樂意答, 做左個零月針灸後,手脚慢慢開始可以郁返,而家中風後半年,媽媽可以用拐杖行路,我啲朋友見到我媽媽既進度,都話佢康復得好好,我同阿仔唔舒服都搵佢睇內科,我覺得佢診症都幾準,阿仔冷親留鼻水,佢話啲藥食完收左鼻水就可以唔洗再食(佢開左5劑藥粉) ,食剩既藥可以留返嚟看門口,果然食左3劑藥之後,已經收哂鼻水,所以我覺得佢有料之餘,唔會拖症,仲幫我慳藥錢