唔好用失敗去形容自己，我差不多兩年前轉工，當時要由一個做咗十幾年嘅舒適圈中走出嚟，需要好大勇氣，亦用咗好多精力，差不多十年冇想過轉工，但疫情改變咗好多嘢，自己心態、大環境、屋企情況等都唔再一樣，計劃退休變得不再遙遠，當時想是否要有一份較為穩定嘅工，或者較有前景有升職加薪空間嘅工？
我開始留意市場上面嘅job openings，由自己公司內部開始搵，申請過超過8份工，面試機會超過一半，但公司一方面話會內部提升員工，一方面果班hiring managers有部份係水鬼升城隍，見工經驗非常差。於是同時向外搵，有兩份同行嘅工幾乎見得成，去到最後一round，點知未有下文冇耐，兩間公司都倒閉！心諗：咁算好彩定唔好彩？
我繼續搵，繼續見工，大大話話超過十次interviews，最初覺得有點氣餒，後來我老公以前做HR幾十年嘅阿姨鼓勵我，佢話見吓見吓就熟手架啦，我會覺得越來越游刃有餘，而且第一份第二份見唔啱唔緊要，難保第三份更好，結果我最後同一日有兩個offers，都係同一間公司本一個職級，只係唔同部間，而家貶下眼就做咗差不多兩年，人工仲比之前果份多咗差不多20％（因為加咗三次人工）。
舊公司喺我轉工唔夠一年後炒咗90％我以前果個職級嘅人，個個舊同事都話我醒目走得快，當中除咗真係運氣之外，我其實係唔睇好再做落去嘅前景，因為臨走之前見到公司改assessment standards,基本上除非做營銷部門，後勤係好難會有好嘅評分，永遠只會得到3級評分（得到1級2級評分嘅比例太少）即係每年未必有人工加。
花旗太太生活在花旗國，留意時差，你問我未必即時答到。
發表於 
返回列表
