自由報料 今日: 26 | 主題: 298146

積分: 513

201^#

發表於 05-8-17 23:24 |只看該作者

Re: 教做衣服

丙丙,
咁你冇事吖嘛? 暈低撞到都唔野少喎, 你都要好好休息。我都病到死死下, 自從去完旅行返來之後一路咳都未好過, 今日仲發埋燒添, 好彩albe唔駛我幫, 真係自身難保。煲湯講就易, 咩都掉晒落去, 但真係要煲時真係唔識。

babykoala
雖然今日發燒, 但瞓咗一朝之後有d精神, 趁阿仔阿女瞓咗時, 心思思做條裙比阿女, 我自己劃左紙樣架, 差不多做好, 完工比大家睇, 咁到時你喜歡的話寄個紙樣比你。

albe
之前叫你check pm, 都唔記得跟手pm個電比你, 而家立刻pm過。

Wendysoft ^_^' 做媽咪真係好辛苦!

私人傳訊

積分: 414

202^#

發表於 05-8-19 16:17 |只看該作者

Re: 教做衣服

albe

無你消息希望即係好消息

丙丙

你都係要好好休息,腰好緊要,腰有事可能令你成身無力,一定要好好保重,休息休息,同埋睇醫生check下因咩事會暈,你後生女要keep住健康,第日照顧家庭時要有好體魄,再講,依家你都有家庭要照顧

,其實我有時都係2,3日至上網,特別是週末,幾乎唔上網,我林大家都明

wendysoft

嘩!發燒都想造裙,你真係好有興趣喎,好呀,如果你造好,俾大家睇吓,紙樣再同你要,多謝你先

--------------------------------------------------------

其實我昨天都好唔開心,遇上無妄之災

,不過今日已經好好多,希望大家都過得平安開心 :-P

私人傳訊

積分: 57382

好媽媽勳章

203^#

發表於 05-8-19 18:52 |只看該作者

Re: 教做衣服

wendysoft, babykoala
多謝關心呵!
我呢幾日都無咩野, 只係條腰重疼, 平時就唔覺, 但有時"就"唔到道力就疼...哎!

babykoala
不過你唔洗擔心, 平時我都唔洗點做家務, 而且得2個人, 可以偷賴,何況平時都係男友做多...佢連洗碗都要爭, 我覺得我有時係display....哈!

wendysoft
你都病呀? 小心啲呵! 呢兩日有啲涼, 好容易"sim"親, 好番先車衫啦! 病, 會車得唔好嫁....唔好車住喇!

albe
掛住你....

私人傳訊

albe

積分: 959

204^#

發表於 05-8-21 10:44 |只看該作者

Re: 教做衣服

wendysoft:
你發燒都要造裙，你真係愛裙衫愛到發燒喎~﹗

希望你
小心身體，好返先造都唔遲啦﹗

babykoala:
多謝你關心呀，不過呢排都無時間上網，希望你地繼續加油
呀﹗

丙丙:
乜咁唔小心呀，腰骨係好重要架，你自己要小心d 去護理佢
先得呀，如果唔係第日風濕就麻煩喇﹗

估唔到你男朋友
咁好，肯做家務喎，依家好少男仔肯做家務架喇，個個都好
似大少咁，要人服侍，真係令人羨慕喇﹗ :lol:

all:
我爸爸依家雖然醒返，但係未係完全清醒，有時會話唔知點
解入院，要我地同佢拎走d 喉佢，同埋佢仲有好多未知之
數，e.g. 佢會唔會係呢個時候再次中風、佢行唔行得返、食
同講得唔得、大小二便又得唔得，所以都要睇返佢o既康復
情況先再有得諗可唔可以返屋企，如果唔得阿爸就要住老人
院架喇，因為屋企日頭只得我阿媽，佢唔夠力照顧佢架。另
外我阿媽依家都好好，心情比之前開朗咗，有一日唔見咗我
阿媽成幾個鐘，嚇到我吖，好彩佢係探阿爸唔記得講低俾我
姪仔知姐，之後我地就叫阿媽一定要用手提，放便我地搵到
佢，我都估唔到我阿媽都幾堅強。

自家出品

私人傳訊

積分: 513

205^#

發表於 05-8-21 23:03 |只看該作者

Re: 教做衣服

albe
見到你留言真係開心, 睇離而家情況都算樂觀, 祝你爸爸老人家早日康復, 你媽媽真係好堅強, 你都放心得落啦。

babykoala
你遇到咩唔開心呀? 不過嘅然而家開心返d, 咁都唔緊要啦。

all
我下星期六長衫班就開課啦, 但呢排天氣氣咁差, 塊布仲未浸水, 希望趕得切啦, 好耐冇上堂啦, 有d緊張添。

Wendysoft ^_^' 做媽咪真係好辛苦!

私人傳訊

積分: 414

206^#

發表於 05-8-22 18:21 |只看該作者

Re: 教做衣服

albe

真係見到你留言就好啦,希望你爸爸早日康復,唔駛住老人院,因為老人院都良莠不齊!

丙丙
學wendysoft話,你個男友真不錯,好仔好仔

wendysoft

你咁快買定布嗱,真係好學生,你咁乖,一定跟得上課程,係呢,你買了咩布?通常浸完布後駛唔駛燙翻?你多數係邊到買布?

all

我遇到嘅無妄之災,遲啲方便時再告訴你們,十分長篇
我嘅估計無錯,我個女已經被邀請於11月初做花女,我要積極籌備車花女裙,死啦,好緊張添,買布去邊度買好?又去返我哋初初討論嘅問題,我想買色丁布及硬身紗 :-|

私人傳訊

積分: 57382

好媽媽勳章

207^#

發表於 05-8-23 00:16 |只看該作者

Re: 教做衣服

albe
聽你講你爸既情形都替你擔心, 我爺爺九十幾歲, 行得走得, 但個個仔女都住英國, 日日o向老人院好悶, 因為佢慣咗日日去捉魚, 所以入得老人院, 入去住既又辛苦, 做仔女既又心痛,
希望你爸快啲好番啦! 你媽曉唔用手提電話呀? 記得教佢"差"電, 有時忙起上黎唔記得, 搵佢唔到就弊喇!

我親戚前兩日入咗深切治療, 佢老婆都係表現得好定, 返而我媽同我親戚個囡都哭, 我都唔知點安慰佢哋, 因為我唔曉講野. 我就算擔心都唔曉表達...哎!

我都知會長手尾, 我會小心喇! thx!
我都知風濕好痛, 因為我5歲都已經有, 不過家吓好啲, 無成日痛...我男朋友有時都幫我按吓手腳, 佢咪係得呢啲好囉!其他就....

babykoala
我男友係就好在得呢啲...等我遲啲娶佢做老婆先!

無妄之災? 得閒話我哋知...ok?
買呢啲布我會幫親棚仔正中間o個間(係肥肥哋白白淨幾後生既女人, 有男師傅個間) 老實啲, 入啲有個亞毛既就要check價先, 佢佈價貴啲. 如果普通色丁布約$8/碼, 我買過厚身既$20/碼.

wendysoft
係呀!呢排天氣氣好差, 我啲衫3日都未乾....
上堂記得帶本簿仔抄低啲野, 有時可以睇番

私人傳訊

albe

積分: 959

208^#

發表於 05-8-26 12:32 |只看該作者

Re: 教做衣服

丙丙:
呢排都係badnews 多，真係希望多返d好野，希望你個親戚
都快d好返事啦﹗我阿媽唔識得叉電架，不過我二家姐、五
哥同佢一齊住，所以應該無問題o既。嘩，你爺爺原有九十
幾喇，咁佢都算健壯喎，

我諗佢同我老公都幾啱key，
因為我老公都好鍾意釣魚架，今日佢都出咗海釣魚~，如果
釣到大魚再俾大家睇睇吖~ =^.^=。
he he~ 你男朋友真係好o既姐，不過我老公都ok 架，除咗
唔煮飯洗衫，拖地拾屋同按摩都ok 架。

之但係你咁
細個就有風濕，就真係要小心d 喇﹗我以都試過跌落樓梯，
唔識得護理，所以依家成日都腰酸背痛。總之都係小心d
啦﹗

wendysoft:
加油呀，我地等住你o既作品面世架﹗除咗帶簿寫野之外，
仲要記住帶一d 色筆呀，有乜特別野都可以highlight佢吖
嘛。

babykoala:
究竟你有乜野無妄之災呀，講黎聽下吖，等我地都同你開解
下吖嘛﹗

all:
呢排d 天氣真係差到無論，不過見到你地上網同你地傾下計
又好d 喎﹗

我爸爸依家可以開始學一下行路，不過就雙眼就有一隻盲
咗，另一隻就只係見到一d 影象，希望佢唔好灰心，努力d
之後可以返屋企同我地團聚﹗另外有樣野都幾唔開心，就係
我爸爸唔想見我地(仔女)，但同d 孫傾電話就好開心，唔知
係咪我地太煩…，其實我阿爸佢真係好想見到d孫，但無法
子，因為我我仔太細唔入得病房，其他兩個細孫又係外國，
真係唔知點…。希望遲下會好d 啦﹗ :-|

自家出品

私人傳訊

積分: 414

209^#

發表於 05-8-26 22:24 |只看該作者

Re: 教做衣服

唉!我嘅無妄之災現在唔講得住,遲啲方便時一定講俾你哋聽

私人傳訊

積分: 57382

好媽媽勳章

210^#

發表於 05-8-29 03:06 |只看該作者

Re: 教做衣服

Able:

你爸好番啲就好喇! 起碼都無想像中咁多手尾, 希望佢快啲好番一家人食月餅啦!
好多時老人家都會發吓仔女脾氣嫁! 好似我爺爺從來都無講過粗口, 但有一次居然o向我面前講粗口鬧佢啲仔女, 但見到我/ 其他孫就笑笑口…..

釣魚都幾好嫁, 有時有壓力都可以比自己靜吓重可以加”食送”, 幾好! 我就無試過出海釣, 但細個好鐘意捉蜆, 好好玩!

我聽啲老人家講搽完跌打酒唔好掂水, 好易風濕...所以你都要小人啲呵!

all:

我個親戚去咗….一年無咗2個親戚好難受, 但無法..年見大, 最慘爺爺, 今年又無咗個仔, 但無人敢講佢知 (我都係前排先知), 見到佢都好難過, 唔知點面對佢

ps: 我部電腦可能中毒, 不停reset……哎! 之前打咗既又要重打…….

私人傳訊

積分: 513

211^#

發表於 05-8-30 11:00 |只看該作者

Re: 教做衣服

albe
你真係好多兄弟姐妹, 仲有冇六哥或六妹呀? 我都祝你地可以一大家人開開心心慶祝中秋節。

all
我返左長衫班啦, 我決定做一件男裝棉衲比自己。一年多冇上過堂, 有d唔係好習慣。我的感冒已經踏入第五星期, 今日d燒退返一d, 不過都仲係好辛苦, 又要返工, 又要湊仔, 我好想休息呀。

Wendysoft ^_^' 做媽咪真係好辛苦!

私人傳訊

積分: 414

212^#

發表於 05-9-1 15:36 |只看該作者

Re: 教做衣服

開學啦!我個女今日竟然無喊

遲啲希望抽到時間去買布!

wendysoft

我估你都係要好好休息至得,真係要想辦法安排安排吓

私人傳訊

積分: 57382

好媽媽勳章

213^#

發表於 05-9-1 19:56 |只看該作者

Re: 教做衣服

wendysoft
嘩! 你睇吓醫生好噃! 五星期...點掂呀? 咁辛苦!

babykoala
好叻呵! 想當年我喊到死死吓!

私人傳訊

albe

積分: 959

214^#

發表於 05-9-4 10:19 |只看該作者

Re: 教做衣服

wendysoft:
我屋企有九兄弟姊妹，六個哥哥、兩個家姐，不過家中有兩
個大小不良，好麻煩。我都希望我地可以歡度中秋，希望你
地都係﹗你返咗長衫班喇，導師&同學好唔好，唔習慣都係
好正常姐，慢慢你就會適應架喇﹗你又係感冒呀，我又係
呀，唔知係咪係醫院感染到呢，不過我就無發燒同就黎好返
喇﹗你自己要小心身體，早日康復﹗

babykoala:
你個女好叻呀

，返學唔喊唔係個個得架，我記得我細個
都有喊，唔知我個仔下年返學會唔會喊到豬頭咁呢？:-(

阿女返學咪可以去買囉，不過記得去之前同細女噴定蚊怕
水喎~﹗

丙丙:
係呀釣魚又真係幾好玩，我出過四次魚排，雖然只係兩次有
爆釣現象，但都好開心﹗

我都聽過如果用跌打
酒係唔可以濕凍水架，不過嗰時好細唔識，所以家下咪搞成
咁囉~。係呀，如果一年唔見兩個親人真係好慘架，前年我
都有一個好朋友&我哥哥死咗，當時兩個都好突然，真係好
唔開心，過咗咁耐，我都係好掛住佢地﹗如果老人家可以唔
知就唔好俾佢知喇，佢都年紀咁大，俾佢開開心心咁過埋剩
低o既日子啦﹗

all:
我爸爸依家好返好多，起碼我地黎到，佢會同我地傾下計，
我講笑佢會同我一齊笑，但就百厭咗d，因為姑娘話阿爸唔
可以自己落床，一定要有醫生或者護士係到先得，但佢就唔
聽話，見到我地黎到即刻叫我地唔好嘈，佢自己落床，話極
都唔聽，仲叫我地唔好咁多事添，真係俾佢激死~

﹗
唉~ 真係禍不單行，除咗近排d 衰野之外，我無得讀高班
喇，佢話唔開喇喎~。其實我地唔係唔夠人所以唔開班，而
係當日我地可以提早報名嗰時，我地大部份人都諗住去返自
己就近o既地點黎交學費，點知正式開始報名嗰時就話full
咗，我諗住係自己黑姐，點知原來佢一公開報名就cut 咗個
課程，話無人報，我地成班同學都即刻無晒"引" 。

不過佢無咗個班，又令我想讀返書，我想讀一d 關於打針、
配藥、急救o既野，希望報得成啦，因為10月頭就開喇，如
果報到再話俾大家知吖﹗

自家出品

私人傳訊

積分: 57382

好媽媽勳章

215^#

發表於 05-9-4 19:29 |只看該作者

Re: 教做衣服

albe:
老人家有時都好似小朋友咁百厭, 有時要就吓! 好似我亞爺都會咁, 啲姑娘見佢向老人院行來行去都驚佢偷走返鄉下釣魚....有時見到啲伯伯都好慘, 佢哋好悶, 又無"細藝, 所以你要體諒吓你爸, 佢家吓就好似"坐月"咁, 又唔可以週圍去, 但又唔似得向屋但咁自在, 佢聽唔聽收音機/粵曲嫁? 不如帶架機比佢解悶啦! 有啲耳筒卡式機都係幾十蚊唔怕佢唔曉用.

你想讀急救呀? 我聽朋友話有啲有証書嫁! 不過考試時個partner好緊要, 我朋友同佢包傷口佢唔合作就肥咗佬

wendysoft:
你感冒好番未呀?

babykoala:
棚仔好似11:00先開晒(wendysoft & albe記唔記得?)
....你就吓時間買, 係就可以造裙仔囉!

all:
我14-19先去泰國...無去幾年旅行先知啲機場兌貴咗(大鄉里

) ...唔知去泰國買咩好?

私人傳訊

積分: 513

216^#

發表於 05-9-5 13:17 |只看該作者

Re: 教做衣服

咁多位:
感冒仲未好返晒, 昨晚仲發冷, 起身著長袖衫長衭冚兩張毛巾都唔夠暖, 而家d感冒真係好難斷尾呀。

我唔知棚仔幾點開, 因為我每都係星期六下午去。不過我估上晝都會有d舖頭開, 因為上一次我去幫襯時, 個店員話: 一至六朝九晚六, 我地d師奶咪起度坐來開工囉。

Wendysoft ^_^' 做媽咪真係好辛苦!

私人傳訊

積分: 57382

好媽媽勳章

217^#

發表於 05-9-5 22:50 |只看該作者

Re: 教做衣服

wendysoft
嘩!你真係好唔掂, 冚兩張毛巾都唔夠暖? 不如去睇下中醫啦!
我諗中醫好啲....好似話易斷尾啲

你去d舖頭買布時都要就吓時間, 因為佢哋好多都會食午飯時會"落閘放狗" 唔比入....

私人傳訊

積分: 414

218^#

發表於 05-9-6 16:04 |只看該作者

Re: 教做衣服

all,

大家以為我個女好叻,其實佢第2年返學啦,但久唔久就扭計,大喊十,新學期仲未喊,因為返了一日就發燒,今日先至返學

C啦,淨番2個月我個女就做花女,好担心造唔到條裙:tongue:

albe,

去學急救都好呀,有時真係可以救命,不過估唔到你哋報唔到高班,因為我以前多數係提早報名時已報,費事公開時去排隊

我今日都同我家姐傾,叫佢問吓老豆如果百年歸老,想我哋點安排,佢其實好健康,不過都過70,所以都要關心吓佢林甚麼,你爸爸好番好多就好啦,如果可以出院過節仲好呀

wendysoft

身體要緊,養好身至好,我有時都會林,如果我或者老公唔可以同啲女一齊,佢哋會好可憐,咁我同老公就會更保重身體,所以你都要啊!

丙丙

就嚟去旅行,真係好

跟團定自由行?去泰國要留意飲食及防蚊,玩得開心啲

私人傳訊

albe

積分: 959

219^#

發表於 05-9-6 20:58 |只看該作者

Re: 教做衣服

babykoala:
其實你個女間中喊下都好平常姐，如果無時無刻都係咁喊個
d 咪仲煩，我以前同99住嗰時，隔離屋有個小b 喊足90日先
肯停咪仲慘，所以你個女已經好叻架喇﹗你個好返d 未呀，
依家d 流感好勁架，要小心d 先好呀﹗

唔洗擔心，造條裙o既時間其實唔耐，最緊要係車o既時候要
小心d，如果唔係車錯咗要改就仲嘥時間，到時就慘囉﹗慢
慢黎啦，加油呀﹗如果我無記錯，棚仔開o既時間應該係11
點左右。

wendysoft:
點呀，你好返d 未呀，希望你快d 好返啦，記住傷風/感冒千
祈唔好食雞皮,補品,太寒或者太熱o既野都唔好食呀﹗如果唔
係會仲犀利架﹗有無咳呀，如果有就用蘋果雪耳粟米蜜棗加
瘦肉煲湯飲啦，大人細路都飲得架，如果你係熱咳，屋企人
又係熱底多，就將蘋果改用雪梨啦，會好好多架﹗

丙丙:
你就黎去旅行真係好喇，係咪自由行呢？有無諗住買返d 女
士用品，入下貨呢？聽講嗰邊有好多護膚品同內衣好平
架。

希望你買得開心，玩得放心啦﹗

自家出品

私人傳訊

albe