剛從泰國返來，想同大家分享吓
剛從泰國返來，想同大家分享吓
第一日
午機去，到達已經七點幾，去食飯和看人妖show，睇睇吓幾乎瞓著。返到酒店已經十一點，上床瞓覺。
人妖show-我都唔中意看，而且我地去個間ｄ音響好唔得，嘈到死！但我老公話應該去see see喎，男人同女人看法不同，比我情願去行街街－我原本都係咁plan :tongue:
第二日
一早起身集合食早餐，俾導遊帶左去行程上冇嘅所謂植物園，sell你買草藥枕頭，跟住老虎仔樂園，同老虎仔合照，每張盛惠100B，跟住睇賽豬表演，5min攪掂，然後可以同不同動物合照，每次收錢。我地個到要150B一張喎！但佢比我地另外自己再用相機影（同步），要見其他動物要比入場睇唔知咩show，但我地根本無咩時間join，另外我地睇賽豬＋豬計數表演
跟住去騎大象，一片空地有十幾隻大象，坐上去行10min，有上斜有落斜，，個位冇seat belt，我堅持一個人同仔仔坐，好驚跌落去，全程捉實阿囝，我朋友俾導遊老點，一隻象要坐兩個大人，導遊叫佢一個大人加兩個6,7歲小朋友，我朋友坐中間，伸大兩隻手闌住2個小朋友，嚇死佢。我地只係平地蹺場一周喎！但其實坐得好辛苦，我一定唔會再坐，同團有位團友投訴話時間短，導遊話比我地再玩一次，我即刻話唔使，咁佢送左騎馬車比我地 我坐隻象，個泰國佬好好，見我攞v.camera，跳返地幫我哋拍video。，係，佢地真係幾好，但我部機係領隊到無得叫佢影！
跟住入pattaya，3點幾到酒店，6點半集合食飯，但係個酒店都唔知係邊，想行街又冇，想游水個所謂泳池又深（，我地個個ｏｋ喎，不過細ｄ，但有個小朋友池仔仔玩得開心嫁！），又污穢，結果瞓覺，食完飯又點我地去睇不可思議show，，大人400B，小童200B ，又話好快，40min攪掂，我哋一半人冇去睇，點我地係出面行街街，點知7:15要等到8:30至集合，又冇野行，最係俾我地搵到生果賣，一路食，一路等我地個團無帶我地去，但食完晚飯自由活動時我自己去左，個仔死都唔肯入去！反而係地下個個音樂嘖泉玩一好耐，跟住去行MIKE Shopping centre，唔好期望咁高，小朋友行，行左一個鐘佢哋已經累，又搵唔度地方俾佢地坐，係，同香港shopping mall係無得比，但佢supermarket D野都平喎！ 捱到10:30導遊至搵返我哋，仲要去食自費燕窩同魚翅，兩個椰青燕窩，一煲翅，一煲粉絲蝦，800B，抵唔抵就見仁見智。
食完都成十一點幾，小朋友頂唔住發脾氣。我地係第二日中午自費個時去左－原本我計劃去新大黑，結果因佢地調左行程去唔到:-(，我地只係order左個係１個椰青燕窩，一煲翅，一煲粉絲蟹，600B SET再加一個炒飯200B（開頭問佢地有無飯佢話無，跟住有兩位團友發老皮走左去，咁我地同導遊講無飯食我地小朋友唔得先有咋！但我知個兩位發老皮團友係去左好多次，後來佢地講返話佢地唔想成日比佢地掘，佢地咪走左去附近ｄ餐廳－又飽肚又平喎，所以將會去ｄ團友可以諗一諗:-））
第三天
一早起身去搭快艇去珊瑚島，中途停一停玩降落傘，600B玩5min，跟住去珊瑚島，水清(冇布吉咁靚)沙幼(非常幼和白)，玩左水上電單車，600B一大一小/10min，阿囝勁鍾意，然後游水，到12點幾沖身，30B/人，仲要啲水勁細。如果有小朋友都值得一去，pattaya個灘沙少,同大浪。冇咁好。
下午返酒店沖涼，又係瞓，跟住4:30去按摩，包一個鐘，導遊就話要加到2個鐘，自己俾250B再小費50B，不過有啲團友堅持1個鐘，小朋友就係度玩，非常嘈，手勢一般。我同媽咪都無去但我老公有，佢都係話一般，同團都有團友只堅持1個鐘食完飯後放我地係路口，自己行去ROYAL GARDEN PLAZA，行完自己行返酒店。我地去左食雪糕，跟住去McDonald玩滑梯，行多陣就返酒店。我地都有食雪糕不過無入McDonald ，唔知有得玩tim
第四天
一早又帶我哋去shopping，蜂蜜園、珠寶店、海味店。呢個購物時間我地係第四日先發生，由早到7:00先放我地去BIG C，結果我６:00已頂唔住唔跟佢地自己食飯自己去食雪糕火鍋再行BIG C 成1:30先到夢幻樂園，仲未食飯，導遊話要4:30集合，我哋同佢講數，5:00先集合，裏面都好多野玩，有啲要濕身(由頭到腳)，最好買件雨衣(係kfc隔離有得賣)。玩完去拜四面佛，我地冇去，去左big C，買左啲食物，豬肉鬆餅，好平29B一包，係，真係平可惜我地唔夠時間買唔到tim
我地一日都係，但導遊一早已同我地講係麻麻地，所以我地無咩期望！但我地去個間又無你講咁少野食喎！重有油面同炒飯嫁！
第五天
今日10:00出發，導遊仲想帶我地去蛇園、皮革店、燕窩店，我地話唔去，帶左我地去BOIYOKE HOTEL，84/F觀光塔看風景，看完落79/F食BUFFET，600B/adult，小童半價。食物都ok，但係600B好似貴啲。食完掉我地係對面個shopping centre，個間好係深水埗成衣批發市場加羅湖商業城，又冇地方坐，最係我地去左對面間按摩店，上樓上成層，3個大人做按摩，2个大人加5個小朋友係隔壁玩，hei左個幾鐘，出來見返導遊，捉我地上車去機場，3:50到機場，6:50機，返到屋企12:30。
呢個購物時間由早到7:00先放我地去BIG C，你地唔去都好，難為我由早悶到晚，後來都覺得自己豬應一早都佢講唔跟佢呢一日，未去媽咪自己諗一諗啦
强烈建議
1. 一定要住4星以上酒店。冇得游水(阿囝喊和遠)
2. 團體餐真係好差，有機會唔好跟佢食。
3. 導遊第二天係車上會俾試食一啲泰國手信，應酬下買兩包好，比出面貴好多，佢每包賣成150-170B，又講到佢個啲點好點好，又幾重，但係冇辨睇， 咁你個導遊真係唔係好得喎，我個個真係開左好多包比我地試嫁，我地試過真係幾好味先ORDER嫁，佢都講過話出面都有重會平少少但呢間好食ｄ喎 ORDER左第四晚先俾貨你，我地第二天係MIKE SHOPPING CENTRE已經見到好多食品，脆豬肉干，80B-90B，椰青糖50B-60B，BIG C仲平，不過好似冇豬肉干定係我搵唔度。 係強烈推介可以係個度買ｄ當手信，因去BIG C時太多野行可能買唔到，好似我咁
唔知係呢個團平至係咁，定係個個泰國團係咁，但係我建議唔好跟有STAR個間旅行社，佢地俾我既感覺係勁搵錢。你問佢野唔多理你問題。
發表於 
返回列表
