第40款：登登燈凳......五角星，遲D July 4th就最啱妹妹去紥返學啦，
不過明日哥哥畢業禮，我會同妹妹整呢個，再著條裙仔去返學。
頭髮分成5份，頭頂一份，兩邊加下面兩邊各一份，先各自束成一條辮。
然後頭頂及右邊一份分成兩小份嬪三手辮。然後右邊果份其中一條，
拉去左邊果份頭髮度用橡筋束好，變成粒星打橫果一條。
之後頭頂其中一條加埋右邊剩低果條，拉去左下方同已束成孖辮果一條辮用橡筋綁埋一條。
左上方未嬪果束頭髮，只要嬪一條三手辮，同頭頂剩下果條辮拉去右下方果條孖辮，
以橡筋綁埋一齊，整個星星就完成。
秘訣：
1）左上方果一束可以較少頭髮，因為只要束一條嬪辮，
細束D會平衡番，唔會話粒星呢條特別粗。
2）頭髮要夠長先可以嬪完條辮夠長去整粒星。
3）如果唔明點整，畫粒五角星出嚟睇住就會容易D。
花旗太太生活在花旗國，留意時差，你問我未必即時答到。
發表於 
返回列表
